"Ertu alveg hætt að blogga?"
"Nei, ég veit bara ekki hvar ég á að byrja."

... og það er alveg satt en svo fór ég að hugsa (í kjölfar þess að viðmælandi minn hló að mér) afhverju þarf ég að segja hvað hefur á daga mína drifið síðan ég bloggaði síðast? ég er alls ekki þessi persónulegi bloggari sem segi frá öllum sem er að gerast þannig að ég ætti ekki að sleppa því að blogga vegna þess að ég hef ekki sagt frá því sem er að gerast undanfarið? er það nokkuð? :)

það merkilegasta sem gerðist í dag hins vegar var að ég sendi tölvupóst á alla samstarfsmenn mína (rúmlega hundrað) og hvatti þá til stunda jóga í vetur svo við getum fengið ókeypis jógatíma, á vinnutíma, í vinnunni:) ... að vísu ekki á launum but you can't win them all:)

og það sem er helst í fréttum er að ég er að fara til Kanarí:) pantaði að vísu ferðina í maí síðastliðnum þannig að þetta eru ekkert nýjar fréttir en það er bara svo stutt þangað til ég fer núna að mig er farið að dreyma hvað ég ætla að taka með mér:) ... tveggja vikna sumarfrí í sól á fimm stjörnu hóteli við ströndina ... tvær heilar vikur:) hef ekki farið í frí frí síðan ... 1998? :/

kominn tími til! :)

Lifið heil

Það er varla hægt að segja að sumarið 2006 hafi verið bloggsumarið mikla hjá mér ... en kannski fer ég að blogga aftur núna þar sem ég er komin aftur í gömlu góðu vinnuna mína þar sem eru engir viðskiptavinir og stress þekkist ekki, í minni deild að minnsta kosti:)

Ég þoli nefnilega ekki að vera stressuð og ég er búin að vera svo leiðinleg við fólk að ég held að það komi barasta enginn í afmælið mitt:(

... sem verður haldið eftir tæpan hálfan mánuð en ég er ekki hvorki búin að ákveða hvar né hvenær ... né hvernig:) planið var alltaf að leigja mér trampólín og bjóða öllum í grillveislu í Hljómskálagarðinum en svo benti einn snillingurinn mér á að ef einhver slasar sig á trampólíninu ber ég alla ábyrgð á tjóninu (verandi leigutakinn) en þar sem ég er á almenningssvæði og trampólínið líka þá borga tryggingarnar mínar ekki krónu ... ég þekki of marga klaufa (no offense, en þið vitið hver þið eruð:)) til að taka sénsinn á því:) þá datt mér í hug að leigja hoppukastala en ég held að það væri sambærilegt við að biðja æðri vættir allra náðsamlegast um rigningu á afmælisdaginn sinn (hoppukastalar = rigning, ef indjánarnir hefðu átt plast, skæra liti og loftdælu (?) hefðu þeir aldrei þurft að búa til regndansinn)

Þannig að ég veit ekkert hvað ég á að gera, útiafmæli er ennþá planið en mynduð þið vilja koma í svoleiðis eða mun ég standa ein við hliðina á blautum hoppukastala? Ekki þannig að þið þurfið að koma til að hanga og tjitttjatta, það verður væntanlega einhver dagskrá,
klukkan eitt núll núll reipitog
klukkan eitt núll þrjú brúnku keppni
klukkan eitt þrettán krikket
klukkan eitt tuttuguogsjö grillveisla
klukkan tvö fjörtíuogfimm ropkeppni
klukkan fimmtán núll tvö brennókeppni
klukkan fimmtán sautján pakkar afhentir og allir sendir heim ...

þá geta allir mætt í það sem þeir vilja vera með í eða horfa á eða hlæja að og geta látið sig hverfa fyrir klukkan fimmtán sautján:) ... annars er ég að hugsa um að afþakka alla pakka því það sem mig langar í er allt of stórt til að passa í afmælispappír;) er þetta of "líkamleg" afmælisveisla? er ég eina sem myndi hafa gaman af þessu?:)

... á ég kannski bara að kaupa bjórkúta eins og fyrir tveim árum, bjóða öllum á fyllerí og fara sjálf heim á miðnætti?

Lifið heil

Hefði átt að blogga í gær til að halda þessu á 10 daga fresti en pabbi átti afmæli og ég var upptekin um kvöldið þannig að það varð ekkert úr því ... ekki að mér hefði dottið það í hug:) Ég er búin að hafa nóg að gera undanfarið, vinna og hjóla og vinna og æfa og vinna og hitta fólk og passa og svo framvegis:) ... svo er ég með ofsalega mikið ofnæmi þessa dagana og mjög óheppin fyrir neðan hné;) með risastórann marblett á hægri fætinum sem "lak" niður þannig að hann er með svarta rófu og á vinstri fætinum er ég með þá allra stærstu blöðru sem ég hef á ævinni fengið en hún er ekki á "venjulegum" stað heldur á ilinni sem er sigin þegar fólk er með ilsig;) ... blaðran er á stærð við fimmkall ... ég tók mynd:)

en ég ætla ekki að setja hana á netið ... ég veit ekki afhverju ég tók mynd, það er frekar sjúkt að taka mynd af sári er það ekki? en ég tók líka mynd af bílnum og hjólinu og hún kemur á netið bráðum:)

Einarinn benti mér á þessa síðu og ég er svo "illa innrætt" (?) að mér finnst hún sniðug:) en það eru kommentasíður fyrir bæði sjónarhornin, með og á móti, ef þið viljið tjá ykkur:)

Verð kannski duglegri þegar það verður meira að gera hjá mér, er það ekki alltaf þannig?

Lifið heil

úje!



... hvar er grámosinn? er sjórinn svartur af síld?

get ekki sofið en verð að sofna, ekki góð blanda;)

annars er ég ekki í neinu bloggstuði þessa dagana og hef þar af leiðandi ekki loggað mig inn lengi, lengi, lengi en ég hef samt nóg að segja come to think of it:)

þakka ykkur öllum fyrir kommentin á síðustu færslu!! ég veit ég hef ekki svarað þeim en það var ofsalega gaman að fá þau öll;)

ég á núna tvo bíla, annar er til sölu og hinn heitir Ari :) Ari er pínku ponsu jeppafóstur, hvítt að lit og eyðir ekki neinu, sá sem er til sölu er alvöru jeppi, 33" breyttur Wrangler '90, svartur, silfrað hardtop, skoðaður athugasemdalaust 07, fín dekk undir honum, mjög gott á honum lakkið og selst ódýrt gegn staðgreiðslu ... um að gera að plögga aðeins fyrst ég á þessa síðu og þannig:)

Ari er ofsalega sætur en er ekki að gera mikið fyrir kúlið ... sem er allt í lagi, ef ég vildi að fólk tæki eftir mér myndi ég bara kaupa mér þrönga boli sem ná hvorki alla leið upp né niður og hlébarðaleggings, það væri ódýrara:)

Lifið heil

Gleðilegan mánudag aftur krakkar mínir:)

alltaf eitthvað að gerast sem kemst aldrei á bloggið, ég kenni því um að núna er sumar og ég er aldrei heima til að blogga ... þegar ég hef verið heima undanfarið hef ég verið að horfa á snilldar þætti að nafni Firefly sem ég fékk lánaða hjá vini mínum í síðustu viku:) ofsalega skemmtilegir og ég mæli hiklaust með þeim:)

annars er það helst í fréttum að nú er ég hamingjusamur eigandi mótorhjóls, Yamaha XT 660R, blátt og hrikalega flott!!

þið eigið eftir að sjá mig á því á götum bæjarins í framtíðinni en þangað til getið þið skoðað þessa mynd eins oft og þið viljið:)



... og já, mig vantar líka bíl en ég hef nú megnustu óbeit á bílasölumönnum (löng saga, fyndin en fær samt að bíða betri tíma) þannig að ef þið þekkið einhvern sem er að selja bílinn sinn megiði endilega láta mig vita;)

Góðar stundir

Gleðilegan mánudag allir saman:)

ég býst við að flestir skoði blogg á mánudagsmorgnum þegar ný vinnuvika er hafin en líkaminn vildi helst vera undir sæng og heilinn er ennþá sofandi:) ... morgunn er asnalegt orð ef þið pælið of lengi í beygingu þess, sérstaklega í fleirtölu morgnar, morgna, morgnum, morgna, beygið morgun tíu sinnum hratt:)

ég hef hvorki bloggað né skoðað blogg í meira en viku en ég fer að byrja aftur þegar um hægist og ég veit um hvað ég á að skrifa:) helgin var til dæmis frábær og ég vona innilega að það verði fleiri svona helgar í sumar, langt síðan ég hef farið út úr bænum í þurru og sólskini:)

ég ákvað að vera smá pæja um daginn og keypti mér brúnkukrem, það er sko í tísku og þið sem þekki mig þá er ég dedicated follower of fashion og ég varð auðvitað að eignast einn bauk ... hvað er málið? Ég var eitthvað að stressa mig á því að vera í stuttbuxum því mér fannst ég svo hvít en það er helmingi skárra að vera eins og marmari (það er líka ofsalega klassískt eitthvað) en að vera eins og albinóa gírafi að neðan! appelsínugular rendur og hvítir flekkir ... eins og ég sagði um árið við vin minn sem var að monta sig yfir sólbrúnkunni (en hafði borið sólarvörnina misjafnlega vel á sig og brunnið í flekkjum); það er betra að vera hvítur en asnalega brúnn ... í þessu tilfelli, asnalega appelsínuröndótt - hver vill eiga brúnkusprey??

eitt próf að lokum ... any takers?? :)

You Are A Professional Girlfriend!

You are the perfect girlfriend - big surprise! Heaven knows you've had enough practice. That's why you're a total pro. If there was an Emily Post of girlfriends, it would be you. You know how to act in every situation ... to make both you and your guy happy.

What Kind of Girlfriend Are You?

... og Emily Post heimasíðan, ef þið hafið heldur ekki hugmynd um hver hún er:)


Lifið heil

Hilmar er byrjaður að blogga!!

... hann stofnaði síðuna að vísu fyrir lifandi löngu, sagði okkur frá henni og virtist svo gleyma tilvist hennar þangað til núna:) Linkur á síðuna hérna til hægri, endilega kíkið í heimsókn:)

Hellidemba og ekkert mótorhjólaveður en ég ætla samt að kaupa mér þannig ... ekki það sem ég prufukeyrði, ég ætla að kaupa svoleiðis þegar ég er orðin alveg gráhærð, verður víst ekki langt að bíða með þessu áframhaldi, en ekki í næstu viku:) Ural eru ofsalega flott og ég skríkti af kátínu þegar ég prufukeyrði það en þau eru ekki mótorhjól og ekki bílar heldur lífsstíll ... sem verður að bíða betri tíma og bílskúrs:)

Ég er ekki viss um hvað mér finnst um svani, ég er nokkuð viss um að ég hef rætt þetta hér áður þannig að ég ætla ekki að fara út í það aftur en ég er heldur ekki viss um hvað mér finnst um 17. júní, góður dagur? vondur dagur? Það er kannski ekki nauðsynlegt að vera alveg með eða á móti þessum degi frekar en að vera alveg með eða á móti svönum? Það er ekki hægt að vera alveg á móti neinu og það er ekkert frábært á alla kanta er það nokkuð? Einu sinni var ég alveg viss um að ég fílaði ekki dúfur en þegar ég kom heim frá París fyrir nokkrum árum og framkallaði myndirnar (fyrir tíma stafrænna myndavéla) voru dúfur á annarri hverri mynd:) kom mér verulega á óvart verð ég að segja, ég var greinilega ekki eins mikið á móti dúfum og ég hélt:)

17. júní 2006 verður erfiður á margan hátt en vonandi góður líka:)

Lifið heil

Ég er ekki hætt bara upptekin við annað, vinna og heimsóknir og spil og hittingar og tónleikar (Bubbi!!;)) og meiri vinna og smá aukavinna og rúntar ... og í gærkvöldi prufukeyrði ég farartæki sem ég féll algerlega, gersamlega, fullkomlega fyrir ... mig vantar farartæki og það segja allir þegar þeir sjá myndir "þetta er svo mikið þú" ... spurning um að láta vaða? lifa á nöfinni og allt það? :)

Lifið heil

Ójá!!

Ég hef skipt um skoðun varðandi racera þó það sé ögn erfitt að sitja á þeim, það hlýtur að koma með æfingunni ef mér verður boðið aftur?;)

Einarinn bauð mér á rúntinn á nýja hjólinu sínu áðan og vá, já, mótorhjól eru svooooo góð hugmynd, það ættu allir að eiga eitt svoleiðis, líka ég:)

Lifið heil

Í fyrradag vorum við að ræða mótorhjólagalla og muninn á leðri og kevlar. Tilefnið var að Einarinn var að kaupa sér hrikalega flott hjól (til hamingju aftur með það;)) og Gunnar var í vinnunni, þeir komu báðir í heimsókn leðurklæddir og brakandi. Við stóðum úti í semigóðaveðrinu sem fólk var að nýta til gönguferða og ræddum öryggi og meðferð mótorhjólafatnaðar og hvað það sést ekkert á leðri þrátt fyrir mikla notkun. Gunnar sagði að honum þætti best að vera í leðurbuxum og Kevlar jakka. Þessu svara ég hátt á skýrt "Ég er öfug" og meinti að mér þætti leðurjakki og Kevlar buxur þægilegri samsetning, ég sagði það bara ekki;)

Um daginn skar ég mig í vinnunni, var að opna kassa, renndi litla putta innfyrir raufina og skar mig akkúrat í "liðamótafellinguna" á efstu kjúkunni, ég veit ekki ennþá hvað þetta tiltekna svæði fingursins heitir (kjúkufelling?) en þar sem ég dreg blæðandi fingurinn úr kassanum dettur mér aðeins í hug að segja: "ÁÁÁáááááII!! Ég skar mig í beygluna!!"

... stundum held ég að það sé ekkert samband á milli munnsins og málstöðva, þau eru ekki einu sinni fjarskyld þegar ég er þreytt, samanber "stjarnfræðigeimvísindarannsóknarflaugisti" sem þýðing á "rocket scientist" eitt kvöldið þegar ég var orðin frekar lúin;)

Lifið heil

Fídel er illa við MGM ljónið ... hvernig veit Fídel að hljóðið er ljónahljóð? Er hann kannski bara hræddur því það kemur skyndilega eftir þögn? Það hlýtur eiginlega að vera því ég er nokkuð viss á að hann hafi aldrei hitt ljón þrátt fyrir að vera lífsreyndur miðaldra kisa:) Ég trúi ekki að MGM ljónið hljómi eins og eitthvað frumdýr sem genin í Fídel þekkja sem óvin. Ég þori að fullyrða að íslenski ruslatunnukisinn hafi aldrei nokkrum tíma í þróunarsögu sinni þurft að óttast ljón, síðast þegar ljón og íslenskir ruslatunnukisar hittust voru þeir báðir hreistruð og eldspúandi fornaldarskrímsli ... með vængi og svöruðu annað hvort nafninu Cringer eða Battle Cat:)

Þar sem ég er að ræða fornöld og jarðsöguleg tímabil þá vil ég leiðrétt einn misskilning sem ég veit ekki hversu útbreiddur er, Krítartímabilið er ekki nefnt svo vegna þess að risaeðlubein hafi fyrst fundist á eyjunni Krít:) Loftslagið var hlýtt að vísu eins og á eyjunni en Krítartímabilið er nefnt eftir risastórum krítarlögum við Bretland og meginland Evrópu ... ótrúlegt að hlusta á vitleysinu sem fólk röflar yfir kaffibollum! Þegar “hjólað í vinnuna” átakið var í gangi sagði einn snillingurinn við annan: “þetta er alveg ótrúlega vinsælt, það eru bara allir að hjóla í vinnuna! Í morgun á leiðinni á skrifstofuna hjólaði ég eftir Miklubrautinni og allir sem voru ekki í bílum voru að hjóla eða ganga eða bíða eftir strætó!!“ stórmerkilegt! Á Miklubrautinni! Jamms, það tóku sko allir þátt í þessu átaki, nema þeir sem voru á bílum auðvitað:)

Góðar stundir

Missti af því að fara á línuskauta í gærkvöldi en planið er að kíkja í kvöld ef hann helst þurr. Ég er samt hálfpartinn að vona að það fari að rigna vegna þess að ég er heigull og ... líkamlega-sérhlífin-þegar-kemur-að-því-að-meiða-mig:) það hlýtur að vera til eitthvað orð yfir þetta á íslensku annað en lífhrædd? ég er nefnilega ekkert sérlega lífhrædd yfirleitt en púkinn inní mér sem er sér um rófubeinið (því púkar eru með rófur, ekki stelpur) telur línuskauta verkfæri djöfulsins og kiprast saman af hræðslu (eða gleði, þetta er nú púki) við tilhugsunina;) afhverju var ég að kaupa mér nýja skauta um daginn? því þeir sem ég átti eru sérhannaðir til að skella skautaranum á bossann og ég hef fengið nægilega mikla reynslu í að detta, núna langar mig til að læra að skauta því ég veit að ég get þetta og mig langar alveg ofsalega að vera línuskautafær:) ég er samt ekki að hugsa um að kaupa mér nýjan fataskáp í sportvöruverslun og sannfærast um að íþróttatoppur virki sem frambærileg hversdagsföt! Ég vil bara geta rúllað áfram án þess að horfa á tásurnar á mér og titra í hnjánum:) Einarinn er líka búinn að koma með alveg snilldarhugmynd um hvernig ég geti verið með rasshlíf án þess að vera með "rasshlíf" sem ég er að hugsa um að notafæra mér - þá verða mér allir vegir færir!!

Góðar stundir

Tölvan er komin heim

... en núna hef ég ekki tíma til að sinna henni;)

Lifið heil

Nick Cave kemur aftur!!

Þá veit ég hvað ég verð að gera 16. september næstkomandi, alltaf gaman að gera plön þrjá mánuði fram í tímann ... myndi skrifa þetta í dagbókina mína en ég held ég gleymi ekki þessum tónleikum;)

í öðrum fréttum þá er tölvan mín í viðgerð og verður það kannski fram yfir helgi (viðgerðin tekur að meðaltali 3 virka daga og í þessari viku er að sjálfsögðu einn frídagur ... ég er með fráhvarfseinkenni en tölvuleysið hefur ekki staðið nema rúman sólarhring;)

ég er nördið sem bíð eftir að vinnan mín opnast á morgnanna ... var mætt hálftíma fyrir opnun í morgun en ég gat ekki sofið lengur vegna flókinna draumfara:) ég ákvað nefnilega að eiga kassann sem ég fékk gefins um daginn, ég er búin að mála hann og er núna að ákveða hvernig lokið á að vera ... ég er eiginlega búin að ákveða að skera keltneska "hnúta" í lokið þannig að ég er búin að vera að æfa mig í útskurði undanfarið ... ég er ekkert sérlega góð í að skera út ENNÞÁ en ég er viss um að þetta komi með tímanum;) en ég er sem sagt að æfa mig og það var þess vegna sem ég gat ekki sofið í alla nótt og mætt á skynsamlegum tíma í vinnuna í morgun, mig dreymdi að hnútarnir sem ég var að skera út væru aldrei kyrrir ... þeir vildu ekki fara ofan í viðinn heldur lyftust þeir alltaf upp af honum og mér fannst ég ekki vera að skera þá út heldur var ég að reyna að negla þá á lokið ... eftir þennan draum hef ég ákveðið að sleppa öllum pælingum um drekahöfuð og stafnlíkneskjur:)

Lifið heil

Hrikalega voru Finnarnir flottir á laugardaginn! :)



Eeeeeexxxxxxxxxbbbbbbbbbbbéééééééééééééé!

Góðar stundir

Jæja, við keppum ekki á laugardaginn ... en það er í lagi því Lordi komst áfram og mér finnst þeir ótrúlega flottir!:)

Andlega uppgefin akkúrat núna ... ég er hætt að hugsa um að líkaminn þurfi meiri svefn því hann hefur verið þreyttur svo lengi ... ég held að þetta sé ofnæmislyfjunum að kenna þannig að ég get valið á milli þess að geta ekki andað og ekki náð að sofa eða ná að sofa en vera úrvinda allan daginn því mig dreymir svo mikið? ég kýs að anda auk þess eru draumarnir hin ágætasta skemmtun, í nótt dreymdi mig Gorka Morka skrípaher með kokkahúfur og á fiðruðum korsilettum a la Silvía Nótt:)

Einn brandari fær að fljóta með í lokin vegna þess að það er föstudagur:)

A crusty old Sergeant Major found himself at a gala event hosted by a local liberal arts college. There was no shortage of extremely young, idealistic ladies in attendance one of whom approached the Sergeant Major for conversation.

She said, "Excuse me, Sergeant Major, but you seem to be a very serious man. Is something bothering you?"

"Negative, ma'am," the Sergeant Major said, "Just serious by nature."

The young lady looked at his awards and decorations and said, "It looks like you have seen a lot of action."

The Sergeant Major's short reply was, "Yes, ma'am, a lot of action."

The young lady, tiring of trying to start up a conversation, said, "You know, you should lighten up a little. Relax and enjoy yourself."

The Sergeant Major just stared at her in his serious manner.

Finally the young lady said, "You know, I hope you don't take this the wrong way, but when is the last time you had sex?"

The Sergeant Major looked at her and replied, "1955."

She said, "Well, there you are. You really need to chill out and quit taking everything so seriously! I mean, no sex since 1955!" She took his hand and led him to a private room where she proceeded to "relax" him several times.

Afterwards, and panting for breath, she leaned against his bare chest and said, "Wow, you sure didn't forget much since 1955!"

The Sergeant Major, glancing at his watch, said in his matter-of-fact voice, "I hope not, it's only 2130 now."

Góðar stundir

Töframaður tekst á við draumaverkefni

Töframaðurinn fífldjarfi, David Blaine, hefur nú að mestu jafnað sig á hrakförunum í vatnskúlunni á dögunum og er nú staddur hér á landi til að takast á við það sem hann kallar stærsta 'töfrabragð allra tíma'.

Blaine segist vart hafa trúað sínum eigin eyrum þegar honum var boðið að spreyta sig á verkefninu og segir það draum allra metnaðargjarnra töframanna að fá tækifæri sem þetta.

Blaine kom til landsins snemma í morgun og hefur þegar hafið undirbúning - en hann mun, standist hann læknisskoðun, stýra kosningabaráttu framsóknarflokksins í Reykjavík á lokasprettinum.

Baggalútur klikkar aldrei;)

Góðar stundir

Gleðilegan undanúrslitadag:)

símreikningurinn minn mun hækka í kvöld en ég er ekki alveg búin að ákveða hverjum það verður að kenna (auk mín) að hann hækki ... en það verður gaman:)

ég labbaði upp á fjall í gærmorgun fyrir vinnu, get því miður ekki sagt að við höfum farið alla leiðina upp en í nótt var ég fegin því ég ekki aðeins endurtók fjallgönguna heldur datt ég niður hlíðina að henni lokinni, ef ég hefði gengið alla leið uppá topp hefði fallið verið miklu hærra og ég gæti vel hafa sofið yfir mig því gangan tók langan tíma í alvörunni en miklu lengur í draumnum - það er ekki hægt að reima skónna sína þegar augun eru lokuð og þú nærð engum fókus ... kannski datt ég því ég gat ekki reimt? man það ekki en ég man að við Fídel lentum í árekstri í nótt og hann var að keyra!! Þegar löggan kom laug ég því að ég hefði verið að keyra með Fídel í fanginu en þeir trúðu mér ekki því ég hef "alltaf verið fyrirmyndarbílstjóri" en það vita allir að kettir eru "sífellt til vandræða" ... löggan var greinilega með fordóma fyrir köttum;)

Lifið heil

Fyrst er áríðandi tilkynning frá Sjálfstæðismönnum í Tuborg (áður Árborg)

Eins og flestir ef ekki allir íbúar Tuborgar vita þá hefur eitt af stóru baráttumálum Sjálfstæðisflokksins í Tuborg fyrir bæjarstjórnarkosningarnar í ár verið áhersla á að Hellisheiðin verði full-upplýst á næsta kjörtímabili... Þetta baráttumál er ekki lengur á stefnuskrá flokksins þar sem komið hefur í ljós að ljósastaurar geta hreinlega bara verið fyrir!!

og í öðrum fréttum þá er hjólið komið í lag þannig að ég kemst hraðar á milli staða sem er fínt því ég virðist alltaf eiga að vera annars staðar nokkrum mínútum eftir að ég hætti að eiga að vera þar sem ég var ... en ég gaf blóð í gær og fékk bréf frá gömlum vini í Frakklandi, lífið er barasta mjög fínt þrátt fyrir pikkles, kaos og uppnám:)

Góðar stundir

Það hvellsprakk á hjólinu mínu á leiðinni í vinnuna í morgun! Ég vissi ekki að svoleiðis gæti komið fyrir en ég heyrði bara svona "púfffTTTT" hljóð svo "SSSSSSSSSSSSSSSsssssssssss" og dekkið varð alveg loftlaust:) stórmerkilegt alveg hreint en ég datt ekki þó það sé komið sumar og það er orðið frekar langt síðan ég datt síðast - ég er væntanlega að spara mig fyrir línuskautana;)
ég tók dekkið af og keypti bætur á leiðinni heim þannig að núna er ég með ilmandi dekk (ég finn enga lykt sjálf en kettirnir eru einstaklega áhugasamir um þetta allt saman) og pakka af bótum heima hjá mér en er bara nýbúin að uppgötva stórkostlegan feil í áætluninni, ég get ekkert fundið gat í slöngu ef ég get ekki pumpað í hana er það nokkuð?

Sprengikveðjur

Föstudagur ...

stundum vildi ég að hver færsla væri titluð eins og á sumum bloggum en "templateið" sem ég valdi mér býður ekki uppá það ... sem er fínt því þá neyðist ég ekki til að finna titil á hverja einustu færslu;) en þessi færsla er sönn, alvöru, hundrað prósent föstudagsfærsla:)

ég hef ekki getað sofið undanfarið og hef verið hálfsvefnlaus í rúmlega hálfan mánuð:( jú, ég sofna yfirleitt að lokum en þá er ég búin að snúa mér hundrað sinnum, reyna að sofna á sófanum, opna glugga, loka gluggum, opna útá svalir, loka aftur og núna um daginn flutti ég rúmið mitt úr svefnherberginu inní stofu því ég náði ekki andanum þegar ég reyndi að sofna, ég prófaði að fara út að hlaupa og ganga og hjóla til að þreyta mig almennilega líkamlega, prófaði að leysa Soduko gátur og teikna í þrívídd til að þreyta mig almennilega andlega, jú, þetta virkaði alveg, ég varð drulluþreytt en ég hef ekkert náð að hvílast:) í dag datt mér loksins í hug að taka stóran ofnæmislyfjaskammt og viti menn!! ég get andað, mér klæjar ekki í hálsinn og ekki í eyrun og mér svíður ekkert í augun:) ég á eftir að sofa eins og ungabarn í nótt sama hvar ég ákveð að sofa;) ég tók lyfin eftir að ég frétti að mælingar sýna fjórfalt magn frjókorna í Reykjavík miðað við venjulegan maí ... alltaf skemmtilegt þegar þegar vandamál leysast svona auðveldlega, verð greinilega að fylgjast betur með þessum mælingum í framtíðinni?? ég hef ábyggilega gert illt miklu, miklu verra með því að vera alltaf að reyna á mig í útiloftinu rétt fyrir háttinn ...

hvað um það ... í gær keypti ég mér nýja línuskauta:) ég held að þetta sé mynd af þeim, nema ég keypti auðvitað rauða því ég er svo mikil gella ... og svo voru þessir bláu líka búnir;) en ég er ekki alveg hundrað prósent viss því ég er ekki með skautana hérna hjá mér:) ég var sko hjólandi og keypti þá í Everest í Skeifunni þannig að Majan mín elskuleg, sem fór með mér til að auðvelda mér valið á réttu skautunum, ætlar að ná í þá á bílnum sínum á morgun:) það reyndist líka mjög góð hugmynd að skilja þá eftir í búðinni því við enduðum á því að hjóla upp í Salarhverfið í Kópavogi í heimsókn til systur Maju, mjög mikið uppá móti en næst þegar við förum verða brekkurnar ekki eins erfiðar því væntanlega munum við ekki villast á leiðinni eins og í gær;) hringurinn hefur verið 20-25 kílómetrar (ekki hægt að segja að við höfum farið "beinustu leiðina") og ég fór beint í afmæli til Hilmars eftir hjólatúrinn í gærkvöldi og ég fann það á fótunum mínum í dag að þeir hefðu alveg viljað sofa í nokkra klukkutíma í viðbót ... á leiðinni heim áðan kom ég við í Húsasmiðjunni útá Granda, Bónus á Laugavegi, kaffihúsinu (til að taka myndir ekki til að vinna;)), skilaði af mér pakka frá kollega mínum til sameiginlegs vinafólks okkar og pumpaði í dekkin á hjólinu á leiðinni heim ... mikið ofsalega var gott að setjast niður!:) ég hef varla staðið upp síðan ég kom heim en þyrfti að gera það ... þyrfti að gera eitthvað en mig langar bara til að fara að sofa;)

hvernig fer fólk að því að eiga tvö börn og gera ekki uppá milli þeirra? ég á í erfiðleikum með að gera ekki uppá milli kattanna, þegar einn malar finnst mér ég vera að vanrækja hinn en vil ekki hætta að klappa þeim sem malar til að klappa hinum því þá hættir hann að mala ... en samhæfingin mín er öll að koma til, ég er farin að geta leikið mér við tvo ketti samtímis með tveimur leikföngum og er ekki stórsködduð eftir leikinn;)

annars komst ég að svolitlu í dag sem kom mér í verulegt uppnám en það er ekkert sem ég get gert ... hafið þið einhverja skoðun á karma? haldið þið að fólk uppskeri eins og það sái í alvöru eins og orðatiltækaið segir?

þetta er vissulega föstudagsfærsla en vinnuvikan er ekki búin, ég verða að vinna á morgun og hinn og alla næstu viku og svo er ég að þjóna í veislu held ég á föstudagskvöldið eða á veitingastað, veit það ekki ennþá en vin minn bráðvantar fólk þetta kvöld og ég er að skoða eyjar í Adríahafi sem mig langar til að eyða peningum á í haust;)

Nú andar suðrið sæla vindum þýðum ... hlýtur að vera komið sumar því þessi ljóðlína suðar í kollinum á mér:)

Lifið heil

Þegar ég fór í vinnuna í morgun ... fyrir næstum því sólarhring síðan ... bjuggu fimm einstaklingar í húsinu mínu að staðaldri, þrír kvenkyns og tveir karlkyns. Aðra hvora helgi, sýnist mér, fjölgar okkur um næstum því helming því tveir krakkar, strákur og stelpa, mæta í kjallarann og kríta broskalla og parísa á hellurnar í garðinum. Núna nýkomin heim úr vinnunni heyrist mér á öllu að við séum orðnir sex íbúar í húsinu en hvort kynjahlutfallið sé ennþá okkur konunum í hag eða hvort karlarnir hafa náð okkur í fjölda veit ég ekki, það er ekki hægt að greina kyn nýfæddra barna á rödd þeirra:)

Á að gefa nágrönnum sínum sængurgjöf? væri það ekki viðeigandi? ég vona að það verði ekkert loftborað á morgun, börn þurfa ekki að vera fædd inní Vísindakirkjufjölskyldur til að verðskulda rólegheit fyrsta sólarhringinn sinn í heiminum ...

Þetta var merkileg vakt í kvöld ... vaskurinn stíflaðist, það varð að skipta um alla kútana þó við hefðum ekki selt sérstaklega mikinn bjór, ég sullaði öllum tegundum sulls á mig því ég mætti þreytt og varð þreyttari, ég braut glös, missti öskubakka, hitti ekki í ruslið, sprautaði rúðuúða framan í mig, brenndi mig á a) grillinu b) kaffivélinni c) sjóðandi heitu vatni, ég henti út tveim stykkjum af rónum, bað frænda tveggja krakka sem voru að klára samræmduprófinn í dag vinsamlegast um að yfirgefa svæðið ásamt krökkunum þegar klukkan var að verða miðnætti og krakkarnir höfðu hjálpað honum nægilega mikið með bjórinn hans (og ekki snert á kakóinu sínu) til að tilkynna mér hverju þau væru að fagna (samræmduprófalokum) og að ég væri besta vinkona þeirra "í öllum heiminum", ég rakst aftur á hel***** járnið í veggnum og fékk gat og mar á framhandlegginn (gerist að vísu fáránlega reglulega), klemmdi mig aftur á hel***** járninu þegar ég var að læsa húsinu (yfirleitt klemmi ég mig EÐA fæ marblett, ekki bæði), læsti mig úti og lyklana inni - eftir lokun, reif ruslapoka á leiðinni í ruslagáminn og var búin að hjóla heim þegar ég fattaði að ég hefði gleymt hjólahjálminum á tröppum kaffihúsins og varð að hjóla hjálmlaus aftur til baka til að ná í hann ... það var samt alveg í lagi því leiðin á kaffihúsið er öll niður á móti, leiðin heim hins vegar virtist þrisvar sinnum lengri en venjulega og var öll upp í móti ... hefði átt að skilja hjálminn eftir þarna því þá myndi ég hafa fullkomlega gilda afsökun fyrir því að kaupa mér nýjan:) þessi sem ég á er svona "alvöru" hjálmur, merktur TREK en hann er fáránlega óþægilegur og mér líður eins og skjaldböku með hann á höfðinu ... hann er straumlínulagaður til að ná meiri hraða en AFHVERJU er hann gerður straumlínulaga? ég held ég hafi aldrei farið nægilega hratt til að réttlæta lögunina samt hjóla ég á útopnu niður eina bröttustu brekku Reykjavíkur á hverjum morgni:) hjálmurinn á að passa og allar ólar eru rétt stilltar en ég hef komist að þeirri niðurstöðu að höfuðið sjálft sé ekki nægilega straumlínulagað frá náttúrunnar hendi til að þola lögun hjálmsins, ég er með ferkantaðan haus sem á að vera kyrr eða á rólegu rölti, þannig er ég hönnuð og þannig voru forfeður mínir hannaðir - hef ég minnst á það að forfeður mínir fyrir austan voru sumir hverjir með svo ferkantaðan haus að hestar báru þá ekki?

Góðar stundir

Siðmenntaðar framkvæmdir hafa enn ekki hafist og loftborinn er enn í fullum gangi en góðu fréttirnar er að þeir hafa fundið neðanjarðarstöðuvatn í kjallaranum! Það er að minnsta kosti allt á floti þarna núna ... nema þeir ætli kannski að byggja sundlaug í staðinn fyrir sólskála?

Sem betur fer hef ég ekki þurft að þola þennan hávaða í allan dag og ég hef alltaf stoppað svo stutt heima þessa vikuna á meðan þeir eru að þessu, bara rétt til að tékka á póstinum og blogginu og skipta um föt svo er ég farin aftur, en aumingjans kisurnar eru í klessu og heimavinnandi og -verandi fólk er eflaust allt orðið heyrnalaust og gráhært ... verð að athuga hvernig hárið er á nágrönnunum næst þegar ég hitti þau, kisurnar eru greinilega alveg búnar að fá nóg og þurfa mikla athygli þannig að ég ætla að sinna þeim en ekki ykkur þangað til ég þarf að mæta aftur í vinnu:)

Með loftborskvejðu úr Þingholtunum

Ég er búin að gleyma hvaða tannkrem mér finnst gott ... ég veit að þetta hljómar furðulega en ég man bara ekki fyrir mitt litla hvaða tannkrem það var sem mér fannst gott á bragðið:(

ástæðan fyrir því að ég man þetta ekki, ég veit að allir eiga að muna svona hluti um eigin smekk, en ég versla stundum í Bónus og þar eru ekki allar tannkremstegundir seldar en samt kaupi ég tannkrem þar þegar mitt er alveg að verða búið ... það er ekkert að þessum tegundum sem ég kaupi, mismunandi í hvert skipti held ég, en þær eru bara ekki eins góðar og mér finnst að tannkrem eigi að vera því ég veit að ég hef notað betra tannkrem um ævina en það sem er inná baði núna ... og betra en það sem ég keypti síðast líka ...

hvaða tannkrem notið þið? eruð þið sátt? hvar er það keypt?

Góðar stundir

Komin heim eftir fyrsta 8 til 4 vinnudaginn:) já, krakkar mínir, það kom að því að ég væri að vinna venjulegan vinnutíma en núna kem ég heim á loftborstíma ... þetta er gallinn við að búa í hverfi þar sem alltaf er verið að gera upp hús, byggja við og laga garða ... um leið og vorar fara eigendur og íbúar af stað og allar helgar og öll kvöld má heyra óm framkvæmda þar sem flestir eru í fullri vinnu við að gera eitthvað allt annað á daginn og nota svo sumarfríið sitt í að sitja á nýjum palli við nýmálað hús með nýtt dren og nýtt þaki:) "ómur framkvæmda" er hugsanlega ekki alveg rétt lýsing á þessum dómsdagshávaða sem nístir merg og bein og gerir kettina að skjálfandi taugahrúgum en það er takmarkað mikið sem loftbor dugir, það hlýtur að koma að því að loftborshluti verksins klárist og siðmenntaðri framkvæmdir hefjast ... málingarvinna finnst mér til að mynda afskaplega siðmenntuð, þar eru menn hver með sitt vasadiskó/ipod og eina sem heyrist er létt skvamp þegar pensli er dýft í fötu ... þá er ég að meina þegar búið er að reisa stillansinn og það er ekki kaffitími og þegar allir starfmennirnir eru ekki á svipuðum aldri og hlusta ekki á svipaða tónlist í gettóblaster á sterum ... vonandi verður málingarteymið sem við ætlum að fá til að mála húsið okkar í sumar allir á mismunandi aldri, af mismunandi þjóðernum og með mismunandi tónlistarsmekk þannig að þeir hlusta hver á sína tónlist og tala ekki saman:) að sjálfsögðu er ég að grínast, þeir mega allir vera á sama aldri, hlusta á sömu tónlist, þeir mega meira að segja allir vera fyrrum þátttakendur í Herra Ísland ef þeir fara úr að ofan í vinnunni:) jamms, ég vil fá hálfbera hnakka á palla í kringum húsið mitt í sumar, við ætlum að mála það gult þannig að kannski að Gilzenegger vilji vera með? ég sá hann í auglýsingu um daginn í gulum jakkafötum að auglýsa gular síður þar sem hann var að mála hús gult, tilvalinn kandídat í gulhúsamálun finnst mér:)

en talandi um jakkaföt þá veit ég hvað varð um öll hvítu jakkfötin sem Herra Hafnarfjörður var að auglýsa um daginn:) Trabant keypti lagerinn og var í þeim á Manchestertónleikunum síðasta laugardag! Ég fékk boðsmiða, takk stelpur:) og þetta voru alveg ágætir tónleikar en þegar Elbow (hljómuðu eins og blanda af Coldplay og Sting-eftir-gráa-fiðringinn) byrjaði að spila fórum við heim til að spila Catan sem mér persónulega fannst miklu skemmtilegra:)

í gærkvöldi fórum við í Matador en enginn mundi reglurnar almennilega og Íris rústaði okkur Hilmari eftir að hafa unnið 20.000 króna sveitastyrk ... en Sigga var bankastjóri þannig að kannski voru brögð í tafli? man einhver hvað það þýðir að eiga allar götur í sama lit? kann einhver reglurnar í Matador? ef svo er þá er laust pláss næst þegar Matador verður tekið fram ... sem verður um leið og við Hilmar hættum að vera bitur:)

fyrstu útileikir sumarsins leystust upp í impróveseraðan skotbolta og klifrugrindarklifr ... ég vissi ekki að ég væri með vöðva í handakrikanum, alltaf gaman að læra eitthvað nýtt um líkamann sinn:)

Lifið heil

Ég hálfskammast mín fyrir hvað ég er búin að þjálfa kettina vel ... Fídel er á sérfæði og má helst ekki borða annað en það sem dýralæknirinn leyfði, Seifur er líka á nokkurs konar sér-fæði, hann borðar allt sem hann sér:) en ég er búin að harðbanna honum að koma nálægt matnum hans Fídelar! Fídel nær aldrei að klára matinn sinn ... hann borðar eins og fugl, en ekki segja honum það;) Seifur klárar matinn sinn og reynir svo að borða það sem Fídel skildi eftir en ég stoppa hann alltaf af ... fyrst klappaði ég alltaf og tók matinn af honum, svo klappaði ég en þurfti ekki að taka af honum matinn, hann hætti bara að borða, en núna virðist ekkert þurfa að gera lengur ef ég er einhvers staðar nálægt ... á meðan ég pikka þetta hefur Seifur legið á eldhúsgólfinu og krækt sér í mylsnur af gólfinu í kringum sérfæðis-diskinn hans Fídelar ... mér finnst ekkert sérlega gott að kötturinn sé að borða af gólfinu en ég hugga mig við það að ef ég snéri mér undan án þess að fjarlægja diskinn myndi allt klárast á augnabliki, ég er búin að þjálfa kettina en þeir eru samt ekkert "þjálfaðir";)

Ég var að keyra áðan og útvarpið var stillt Kiss FM, klukkan var sex og þátturinn Sex til sjö átti að byrja. Þulurinn kynnti þáttinn en svo þagnaði útvarpið og ekkert heyrðist í hátt í mínútu svo heyrðist í útvarpsþulinum "tæknin er eitthvað að stríða þeim í Sex til sjö, það heyrist ekkert í míkrófónunum þeirra en þetta hlýtur að fara að koma, ekki hafa áhyggjur ..." ... hafið þið einhvern tímann haft áhyggjur af útsendingum og afsökuðum hléum? vissi ekki að ég ætti að hafa áhyggjur af slíku því hingað til hefur útsendingin alltaf byrjað aftur þegar tæknin hættir að vera stríðnispúki eða tæknimennirnir fatta hvaða snúra datt úr sambandi ... ég myndi kannski hafa áhyggjur ef útsending rofnaði alveg eftir að þulur hafi sagt "við rjúfum þessa beinu útsendingu frá síðustu mínútum úrslitaleiks Íslands og Brasilíu á heimsmeistaramótinu í knattspyrnu því aaaaaaaaarrrrrrrrrrrrgggggggggggggggggghhhhhhhhhhhhhhhh .... " jú, þá hefði ég áhyggjur, því ég myndi líklega aldrei horfa á beina útsendingu frá nokkrum fótboltaleik ótilneydd ...

Með ást og virðingu

Ég hef ósjaldan haldið því fram að ég sé betri skriflega en í alvörunni en kannski er það ekki rétt hjá mér, jú ég roðna aldrei þegar ég skrifa ... yfirleitt ekki og þegar ég geri það þá er enginn sem horfir á mig þannig að ég roðna ekki meira vegna roðn-meðvitundarinnar ... og það er gott að roðna ekki (annars var stelpa sem ég þekki að segja mér í kvöld að hún hafi aldrei séð mig roðna ... hún man greinilega ekki eftir því þegar við vorum að kynnast, ég held ég hafi aldrei talað við ókunnugan einstakling án þess að roðna?:)) en svo var mér sagt um daginn að þegar fólk sem ég þekki les bloggið mitt heyrir það mig tala um leið og það les, það "sér" handahreyfingarnar sem ég nota alltaf þegar ég er að segja frá hlutum og það er það sem gerir bloggið mitt skemmtilegt ...

skoðanakönnun: "sérð" þú mig tala þegar þú lest bloggið mitt?

og já, ég ákvað í dag að framvegis skyldi ég svara öllum kommentum ... þessi ákvörðun er að vísu ekki afturvirk þannig að þið verðið öll að kommenta aftur til að fá svar:)

... takk samt fyrir öll kommentin, mér finnst alltaf gaman að fá svoleiðis ... og ef þú ert með blogg og hugsar "ég ætla ekki að kommenta því hún kommentar aldrei hjá mér" þá segi ég tveir mínusar gera ekki plús (nema í stærðfræði samkvæmt Írisinni, en stærðfræði hefur aldrei verið mín sterka hlið:)) fyrir utan það að yfirleitt les ég blogg þegar ég er að mynda í vinnunni og þá get ég ekki notað lyklaborðið;)

Lifið heil

Ég vona að þetta virki því þetta er frábær leið til að byrja nýjan dag:)



Góðar stundir

Woody Allen: snillingur eða leiðindapúki?

mér finnst hann leiðindapúki ... það finnst ekki öllum hann skemmtilegur

alltof mikil rigning úti og samkvæmt Bergþóri Pálssyni verður góð spretta í sumar

ég er stelpa ... hvorki gras né tilvonandi hey

kettirnir eru komnir inn af svölunum eftir að hafa fylgst með fuglunum í trjánum í allt kvöld

ég veit ekki ennþá hvað mér finnst um svani og ég náði að sofna í nótt ... en ég er fegin að þeir sitja ekki á grein fyrir utan gluggann hjá mér og hræða kettina

Lifið heil

... hver hefur verið að bíða eftir hvítum jakkafötum? Herra Hafnarfjörður segir í auglýsingunum sínum að allir hafi verið að bíða eftir þeim en þeir hljóta að vera að ljúga því ég þekki engan sem bíður?

... bandarískt fólk er búið að fatta mæspeis því ég var að horfa á Jay Leno og þegar hann sagði orðin brutust út fagnaðarlæti meðal áhorfenda hans, en hann var að tala um mæspeis í sambandi við þingmann sem reyndi að draga "14 ára" tálbeitu bandarísku alríkislögreglunnar á tálar, er mæspeis útlenskt einkamál.is?

... ég fór að pæla í nótt, á meðan ég beið eftir því að sofna, þegar þið hellið á milli glasa þá verður alltaf eitthvað eftir í gamla glasinu/bollanum, hversu mikið verður eftir? ef ég ætlaði að hella einum desilítra "á milli" glasa/bolla en alltaf nota nýtt glas (og bolla þegar glösin klárast) hversu mörg glös þyrfti ég? ég geri ráð fyrir að það sé hægt að mæla það sem verður eftir í glasinu sem hellt er úr og að það magn ræðst af því hvers kyns vökvinn er, sýróp til dæmis skil meira eftir sig en til að mynda soðið vatn ... glasið gæti líka haft einvher áhrif, pappaglas vs. glerglas, og auðvitað skiptir "hellarinn" sjálfur máli, hvað fer mikið útfyrir? ég komst að þeirri niðurstöðu að allt klárast að lokum og ef það nennir enginn að hella neinu þá gufar vatn upp og maurar éta sýróp, ég þyrfti bara að redda maurum og svo sofnaði ég ... alltof seint:)

... ég vaknaði í morgun nokkrum mínútum eftir að ég fór að sofa og fór niður á Tjörn með litlu frænku minni og stóru systur, við vorum með fjögur heil brauð sem við fengum gefins í bakaríi:) það tekur langan tíma að rífa niður fjögur brauð og það var mikið um að vera í vatninu, tveir svanir fóru að rífast og einn þeirra elti hinn fram og aftur með bakkanum ... ég varð fyrir gusunum og það var andavatnslykt af mér í allan dag ... ég get ekki ákveðið mig hvort ég fíli svani eða ekki? kannski verður sú spurning til þess að ég verði andvaka aftur í nótt?

... ég fékk gefins trékassa um helgina sem ég veit ekki hvort ég vil eiga og ef ég vil eiga hann hvað ég eigi að gera við hann ... hann er stór og gæti litið vel út ef ég málaði hann með málingunni sem ég keypti í gær ... ómeðvitað er ég jafnvel búin að taka ákvörðun nú þegar, ég þarf ekki að mála neitt annað blátt:)

Ást og virðing

Ég þjáist af valkvíða, ég vissi ekki að þessi tegund af kvíða væri til fyrr en frekar nýlega en í dag sé ég að ég þjáist af honum:)

og mig/mér klæjar undan blöðruplástrunum sem ég setti á mig í gærkvöldi á meðan ég horfði á M.I. og bloggaði .... það sést á blogginu að ég var að einbeita mér að plástrunum og bíómyndinni sem var ekki eins skemmtileg og mig minnti og svo fór allt continuity ruglið í Prime að fara í taugarnar á mér, á þessum lista minnast þeir ekki á kleenexboxið sem var alltaf á fleygiferð um borðið við sófann og hvernig fólk lá í einu skoti en sat upprétt í því næsta án þess að hafa haft tíma til að setjast upp ... ég ætti kannski bara að gerast skripta í Hollywood? þá get ég sjálf komið í veg fyrir svona mistök ... held samt að ég sé of ... of anal? til að ráða við svoleiðis starf, ég gæti ekki aldrei sofnað ef ske kynni að eitthvað væri að færast úr stað í stúdíóinu:) og að lokum myndi ég missa vitið:)

what to do, what to do ... ég fór ekki í göngutúr í morgun til að hlífa blöðrunum mínum en mig langar út núna, veðrið er frábært og það virkar alvöru, ekki glugga en ég tími ekki að standa upp því kettirnir liggja sitthvoru megin við mig og mala, ef ég stend upp fara þeir að slást og hvæsa og svo þarf ég líka að taka til, herbergið mitt til dæmis er óþekkjanlegt ... ég er að hugsa um að gefa öll fötin mín nema nokkur pör af sokkum, nærfötum, tvennar buxur, tvo boli og kannski tvær peysur þá þyrfti ég aldrei að ákveða í hverju ég ætlaði um morguninn og það væru færri flíkur til að þvo og brjóta saman ... ég lifi í of miklum vellystingum held ég barasta og það versta er að mér finnst ég þurfa að kaupa nýja skó! ég þarf þess ekkert, mér bara finnst það, þessir sem ég er í leka ekki og eru ekki rifnir á áberandi stöðum, reimarnar eru meira að segja heilar en samt langar mig í nýja skó ... ég er kannski búin að horfa of mikið á Sex & the City? fyrst að veðrið er svona gott ætla ég að leysa þetta skó-vandamál með því að fara í sandalana mína og nota þá í nokkra daga þangað til ég-vil-kaupa-nýja-skó tilfinningin er liðin hjá:)

Með ást og virðingu

Missssjóón Impossible! Tom Cruise freimaður minnir mig ... flottar brellur? Man ég hafði gaman af henni einu sinni en man samt ekkert eftir henni:) Rugla henni saman við Bourne Identity í höfðinu á mér ... spurning um að horfa á M.I. og rugla Bourne Identity saman við hana?:)

var að koma úr bíóinu þar sem ég sá Prime og hló mikið:) Við vorum ósammála um hvernig endirinn á myndinni var en mér fannst myndin barasta slatta fyndin:) Meryl Streep var frábær og Uma Thurman barasta ágætis leikkona þannig að ég mæli alveg með myndinni sem ágætis afþreyingu, auk þess sem Bryan Greenberg var mjög flottur sem David;)

Seifur braust inn í forstofuskápinn minn, þrátt fyrir að um það bil 50 klósettrúllur hafi legið upp við skápinn til að koma í veg fyrir innbrot (ég þekki köttinn;)), hann stal öllum harðfiskinum úr efstu hillunni og át hann ... fyrir framan Fídel sem ég held að hafi ekki fengið neitt:( Seifur kann ekki á klemmur eins og þá sem ég notaði til að loka pokanum þannig að hann át sig í gegnum plastið til að komast í harðfiskinn ... kannski gef ég honum ekki nóg að borða? Nahhh, ég held að þessi köttur sé einfaldlega svangur og forvitinn að eðlisfari:)

ég fór á fyrstu Taekwondo æfinguna mína í gær og skemmti mér alveg konunglega þó að mig hafi langað svolítið til að fara heim eftir upphitunina sem fólst í því að hoppa á mismunandi hátt í ca. 10 mínútur ... ég er ekki hoppi skoppi manneskja utaná þó að ég sé það auðvitað svona inní mér:) fullt af teygjum og svo spörk og fleiri spörk og svo öðruvísi spörk og að lokum nudd:) af einhverjum óútskýrðum ástæðum setti ég hendina undir ennið á mér á meðan á nuddinu stóð og lá á hnúunum þannig að í dag líður mér eins og ég sé með marblett á enninu en sem betur fer sést hann ekki:) eini gallinn við æfinguna var að ég fékk blöðru (sem sprakk) á mótum stóru táar og tábergsins ... í morgun setti ég plástur á blöðruleifarnar til að hlífa þeim á meðan ég fór í 8 kílómetra langan göngutúr í hellidembu með kjarnakonum úr vinnunni:) eftir rúma 3 kílómetra fór ég að finna fyrir plástrinum á tánni við hliðina á stórru tánni svo fann ég meira fyrir honum og þegar ég komst á þurrt aftur og þegar ég fór úr skónum sá ég myndarlega blöðru en ósprungna sem betur fer ... mér finnst alltaf betra þegar þær eru ekki sprungnar af einhverjum ástæðum, jú, þær eru fyrirferðameiri en að minnsta kosti kemur ekki sár á meðan húðin er heil ... vitið þið eitthvað um blöðrur? ... stelpan í apótekinu vissi ekkert meira um þær en ég, hún hafði aldrei heyrt um blöðrur á tánum en seldi mér plástra sem ég átti að geta klippt en fyrsta Importantið á leiðbeiningunum er "Never cut a Compeed plaster" þannig að plástrarnir eru alltof stórir eða ég er með alltof litlar tær:)

... ég ætla aftur í Taekwondo samt og það eru allir velkomnir með mér, næsta miðvikudag klukkan 19:00:)

Mér finnst að þeir sem lesa inn á auglýsingar fyrir þætti/myndir/hluti sem heita enskum nöfnum þurfi að æfa framburðinn sinn eilítið ... ég veit að ég er að vera hrokafull því enskan er alls ekkert auðvelt tungumál frekar en nokkuð annað mál sem fólk hefur ekki alist upp við að tala en samt finnst mér að ef auglýsingin er öll á íslensku og bara nafnið er á ensku þá ætti kannski að æfa nafnið sjálft nokkrum sinnum? Ég hlusta stundum á sjónvarp án þess að horfa á það og um daginn var alltaf verið að auglýsa einhverja mynd sem hét, að ég hélt, Failure To Lunch og ég eyddi heilmiklum tíma í að velta þessu fyrir mér, um hvað gæti þessi mynd mögulega verið? fólk sem stóð sig ekki í hádeginu? fólk sem klikkaði á hádegismat? en svo sá ég auglýsinguna og gat lesið hvað myndin hét í alvörunni, Failure To Launch, sem að sjálfsögðu er allt annar tebolli:) sama kom fyrir í kvöld, ég er nokkrum sinnum búin að heyra auglýsingu fyrir nýjan þátt á Skjá einum sem ég hélt að héti One Thread og mér fannst það frekar asnalegt nafn á lögguþætti en svo kom í ljós áðan að þátturinn heitir alls ekkert One Thread heldur Wanted!! :)

en að öðru, Seifur er í heimsókn hjá okkur Fídel þessa vikuna því pabbi hans er í London:) Hann er ábyggilega helmingi stærri en hann var um jólin enda hefur hann fengið mikinn og góðan mat fyrir norðan hjá afa sínum og ömmu og núna er hann orðinn hinn myndarlegasti köttur, meira að segja loppurnar á honum eru stærri og það er lengra á milli eyrnanna á honum - heilinn hefur ábyggilega stækkað við að vera útiköttur:) Seifur kom í gærkvöldi og þeim (kisunum) hefur núna tekist að horfa á hvorn annan í heilan sólarhring, hvorugum hefur tekist að pissa í friði hingað til og þeir eru mjög meðvitaðir um hvað hinn fær að borða og hversu stóran harðfisksbita hinn fékk:)

uppþvottaburstinn minn er orðinn blár, ekki burstinn sjálfur heldur hárin og ég hef ekki minnstu hugmynd um hvað ég gerði við hann? ég á það til að gera hluti án þess að muna það seinna þannig að ég hef sjálfa mig grunaða um að hafa þrifið málningadós eða eitthvað með burstanum en ég man bara ekkert eftir því núna ... ef burstinn sjálfur væri blár myndi ég gera ráð fyrir að ég hefði keypt nýjan en þetta eru bara hárin:) ... ég henti bláhærða burstanum því ég á fleiri vegna þess að ég mundi að mig vantaði uppþvottabursta þegar ég fór í Bónus um daginn ... ég mundi bara því miður eftir því nokkrum sinnum í röð og keypti bursta í hvert skipti:)

ég fór líka í heimsókn til vinar míns í dag:) mjög skemmtileg heimsókn, ég ætlaði ekki að vera lengi en ég var það samt og ég ætla að fara aftur:) það var líka gaman að hitta eiginkonu hans sem ég er hef heyrt svo mikið um og jafnvel talað við í síma en aldrei séð, alltaf gaman þegar það er komið andlit og persónuleiki við nafn sem ég hef heyrt svo oft:)

ég bakaði súkkulaðiköku áðan fyrir staffakaffi í vinnunni á morgun en samt langar mig til að fá mér bita núna, er rangt að vígja kökur of snemma?:) ég komst líka að því að ég er orðin hálfgerður aumingi því það varð að hræra mjög mikið bæði í deiginu og kreminu og ég er með vott af blöðru á milli litlaputta og lófans ... kannski er þetta merki um að ég sé ekkert sérlega góð húsmóðir fyrst ég fæ blöðrur við að nota einfalt "heimilstæki"?:)

ég ætla að setja inn myndir á myndasíðuna mína bráðum, hún hefur verið í dvala of lengi þó ég hafi alveg verið að taka myndir, mér fannst einhver veginn eins og ég hefði ekki verið að gera neitt undanfarið en það er bara ekki alveg rétt, ég hef bara ekki verið að fara í útilegur og þannig sem er ekkert skrítið því það er vetur:) ég læt vita þegar ég er búin að setja nýjar myndir inn:)

ég kom ekki í fréttunum á EnnEffEss í kvöld þó að það hafi komið myndatökumaður í vinnuna í gær og myndað okkur að störfum, ég hef væntanlega verið klippt út því ég roðnaði meira að segja á handarbökunum þegar myndavélinni var beint að mér:)

... og það spila víst ALLIR póker í Svíþjóð! finnst ykkur ég vera kryptískur bloggari?:)

Með ást og virðingu

æ fíl prittí ó só prittí!!!

og fyrst ég er að blogga, skapar guð ekki allar kartöflur? ég er að vísu ekki kristin þannig að kannski er ég að misskilja en ef guð skapar bara sumar kartöflur hver skapar þá allar hinar?

... kannski skapaði hinn kartöflu-skaparinn þessa tvo samt gæti verið að öll dæmin að ofan tengist genum að einhverju leyti ...

Góðar stundir

Gleðilegt sumar:9

það er pása á öllu í vinnunni núna því það er verið að endurræsa allt draslið ... það var allt í lagi hjá mér og það hefur allt virkað í allan morgun en það var ekkert í gangi á "bakvið" þannig að hugsanlega mögulega er allt sem ég hef gert í morgun "ekki til" ... ég er ekki tækjamanneskja;) jú, fínt að hafa öll þessi tæki, alveg súper, auðveldar lífið, bjargar mannslífum, eykur lífsgæði en ... jamms, en:)

kannski er ég búin að lesa of mikið af ævintýrum um ævina eða þá að ég er búin að fara yfirum á ritgerðinni minni án þess að vita það? kannski er ég búin að spila of mikið Risk God Storm (sem ég er btw orðin hrikalega góð í án þess að svindla, í gær vann ég aftur:))? mig langar til að búa í heimi Tolkiens eða Terry Pratchett ... ég myndi "sætta mig við" heim Astrid Lindgren þó að þar séu hvorki dvergar né galdrakallar bara eilíft sumar, heimabakað brauð, spegilsléttar tjarnir og prakkarastrik:)

Live Long and Prosper

Hefur Vísindakirkjan svona slæm áhrif á fólk? eða er Tom Cruise bara skringilegur að eðlisfari? en það getur vel verið að þetta sé löglegt þó það sé ógeðslegt ... kannski er það löglegt vegna þess að það hefur engum dottið í hug að það þurfi að banna með lögum að fólk borði ekki fylgju og naflastreng nýfædds barns? Ég veit að dýrin gera þetta en þau eru "nær náttúrunni" en við og það er raunverulegur möguleiki á því að það komi annað dýr, finni lykt af blóðinu og éti móður og afkvæmi, lítil hætta á að þetta komi fyrir Hollywood stjörnur ... kannski ætlar Tom að borða fylgjuna til að vera viss um að hlutar hennar verði ekki boðnir upp á eBay? mér finnst það líklegra:) nýjasta fréttin er samt að núna eiga þau Tom og Katie dótturina Suri

ég er búin að lesa mikið af slúðursíðum (og blogg og fréttir etc.) í dag því ég var ein í vinnunni og myndaði í 5 tíma samfleytt ... þannig varð þessi blitz-færsla til:) ég er ekki fræg og ég er rosalega fegin því:) talaði við ókunnugan einstakling áðan og roðnaði um allt, á framhandleggjunum og líka bakvið eyrun ... ég sá það ekki en ég fann það og roðnaði aðeins meira í framan:/ væri samt ábyggilega í lagi að vera fræg því frægar konur eru alltaf með svo mikla andlistmálningu þegar þær fara út að það myndi ekki sjást þegar ég roðna:) svo þegar paparazzíið væri að taka svona candid myndir þá væri ég bara eðlileg á litinn því ég myndi ekki vita að það er verið að taka myndir af mér:) málið leyst, ok, þá get ég alveg verið fræg nema ef þetta með að borða fylgjur komist í tísku? ef það er vesen að nota stofnfrumur í rannsóknir (sem koma að mér skilst úr naflastrengnum) því þær teljast "lifandi" er þá ekki naflastrengsát mannát?

Góðar stundir

Gvöð krakkar hvað það er erfitt að vera svona fræg!! djísus!!

Hver vill vera memm í útileiki á Sumardaginn fyrsta?!!!! ... ef veður leyfir;)

... ég veit að það verður væntanlega snjókoma vegna þess að dagurinn heitir Sumardagurinn fyrsti (þið rignir til dæmis alltaf á Uppstyttingardaginn!) en það þýðir líklega gott sumar þannig að ef við komumst ekki út í leiki á fimmtudaginn sting ég uppá sunnudeginum næsta, þá verður komið sumar:)

hver vill vera memm??:)

Góðar stundir

Gleðilega páska allir saman:)

ég horfði á Four Weddings and a Funeral áðan:) ykkur finnst ég kannski vera morbid en mér finnst Funeral Blues eftir W.H. Auden eitt rómantískasta ljóð sem ég veit um:

Stop all the clocks, cut off the telephone,
Prevent the dog from barking with a juicy bone,
Silence the pianos and with muffled drum
Bring out the coffin, let the mourners come.

Let aeroplanes circle moaning overhead
Scribbling on the sky the message He Is Dead,
Put crépe bows round the white necks of the public doves,
Let the traffic policemen wear black cotton gloves.

He was my North, my South, my East and West,
My working week and my Sunday rest,
My noon, my midnight, my talk, my song;
I thought that love would last for ever: I was wrong.

The stars are not wanted now: put out every one;
Pack up the moon and dismantle the sun;
Pour away the ocean and sweep up the wood.
For nothing now can ever come to any good.

... sérstaklega seinni tvö erindin ... kannski vegna þess að ég heyrði það í fyrsta sinn í myndinni þegar John Hannah las það í jarðaförinni og John Hannah er mjög myndarlegur maður OG skoskur;) George Clooney er ekki slæmur heldur, þó hann sé ekki endilega mín týpa, en vá hvað Intolerable Cruelty er leiðinleg mynd! Jamms, ég hef verið að horfa á sjónvarpið með öðru í kvöld og núna er ég að velta fyrir mér hvort ég vilji horfa á The Human Stain? Ég las bókina þegar ég var í námskeiðinu Amerískar bókmenntir (minnir mig að það hafi heitið, frekar en bandarískar?) og við áttum að sjá myndina en ég klúðraði því, komst ekki eða eitthvað og svo var hætt að sýna hana í bíó og hún kom ekki á leigurnar fyrr en eftir að námskeiðið var búið:) mig rámar samt í að mér hafi verið boðið í heimsókn til að horfa á myndina en ég man ekki eftir að hafa séð hana? ég man eftir heimsókninni en ekki myndinni, var heimsóknin svona eftirminnileg eða myndin óeftirminnileg?:) ... bókin var fín minnir mig, kannski bara vegna þess að ég las hana alla? Stundum verða bækur betri í minningunni þegar ég hef lagt það á mig að lesa þær, fyrir skólann til dæmis:) Þetta er sálfræðilegt og ég man að ég las rannsókn um þetta þegar ég var að læra sálfræði, þegar þú hefur eytt tíma, peningum eða orku í eitthvað þá verður það betra þó það sé lélegt ... dæmi um þetta er þegar ég sagði fólki að Spawn væri fín mynd þó mér hafi sjaldan leiðst jafnmikið í kvikmyndahúsi:) tveim vikum seinna þá réttlætti ég miðaverðið og tímann sem ég eyddi í bíóinu með því að myndin hafi ekki verið svo slæm:) skil samt ekki hvernig Anthony Hopkins getur leikið Coleman Silk en ég ætla ekki að segja afhverju ég skil það ekki fyrir þá sem ætla að horfa á myndina eða lesa bókina og asnast til að lesa þessa færslu fyrst:)

í gær fór ég í pallatíma í Hreyfingu og komst að því að ef "pallar" flokkast undir íþrótt þá eru þeir ekki mín íþrótt ... fyrir utan að ná ekki sporunum auðvitað þá fannst mér þetta bara ekkert skemmtilegt:( kannski ef ég kynni öll sporin kynni ég líka að meta palla-íþróttina? en ég held ég sleppi því að læra þau:) ekki misskilja mig ég skil að fólki finnist þetta skemmtilegt en ég kann ekki að meta palla, mér fannst þrektíminn sem ég fór í á sama stað miklu skemmtilegri:) eftir leikfimina fór ég á skauta með litlu frænku minni og datt aldrei:) núna hef ég farið tvisvar á skauta með stuttu millibili án þess að detta:) kannski ég fari bara að taka línuskautana úr geymslu og hætta rófubeininu á malbikið? :)

Lifið heil og dillið rófunni, svona inní ykkur ...

Erotic Thriller

You've made your own rules in life - and sometimes that catches up with you. Winding a web of deceit comes naturally, and no one really knows the true you. Your best movie matches: Swimming Pool, Unfaithful, The Crush

If Your Life Was a Movie, What Genre Would It Be?

Erotic Thriller no less ... hef aldrei heyrt um þessar myndir sem "passa best við" mig, en til þess er imdb.com:)

Swimming Pool? neibbs ... mig langar ekki til að sjá hana ... Unfaithful? jú, jafnvel, tilnefnd til óskarsverðlauna, já, kannski bara en lifi það af að sjá hana ekki:) og The Crush? já, nei, hef séð hana á leigum í mörg, mörg ár en hef aldrei viljað sjá hana ... ég held jafnvel að það sé lítið mark á þessu prófi takandi?:) spurning um að taka annað próf?:)

... satt að segja kemur þessi niðurstaða mér ekkert á óvart ...

You Failed 8th Grade Math

Oh no, you only got 5/10 correct!

Could You Pass 8th Grade Math?

... sad but true og það versta er að ég velti fyrir mér að nota reiknivél en hafði ekki hugmynd um hvað ég átti að slá inn ... hversu gamlir eru krakkar í 8th grade?

jamms, það liggur ýmislegt betur fyrir mér en stærðfræði verður að viðurkennast en samt lifi ég tiltölulega eðlilegu lífi:)

You Were a Rabbit

You are fast thinking and tend to live by your wits. Getting over fears is important to you, as is strengthening intuition.

What Animal Were You In a Past Life?

Your Fortune Is

Woman who wear G-string is high on crack.

The Wacky Fortune Cookie Generator

góðar stundir

You Are Teal Green

You are a one of a kind, original person. There's no one even close to being like you. Expressive and creative, you have a knack for making the impossible possible. While you are a bit offbeat, you don't scare people away with your quirks. Your warm personality nicely counteracts and strange habits you may have.

What Color Green Are You?

jújú, one of a kind ... en ég velti því nú samt fyrir mér hversu margir hafi fengið alveg eins niðurstöðu? ég stórlega efa að þessi niðurstaða hafi verið ætluð mér einni:)

ofsalega er sumarlegt í dag, gullfallegt veður og glampandi sól:) veit samt ekki hvort þetta sé gluggaveður en ég er að hugsa um að koma mér út og komast að því:)

... ég á 55 og hálfa klósettrúllu ... hversu lengi endast 7x8 klósettrúllur? ég býst ekki við að þurfa að kaupa fleiri fyrr en eftir afmælið mitt:) ég myndi bjóða í heimsókn til að klára þetta fyrr, eins og ég myndi gera ef ég ætti 55 og hálfan kexpakka eða 55 og hálfa köku en ég vil helst ekki að fólk komi til að nota klósettið mitt ... jújú, þeim sem koma í heimsókn er velkomið að brúka aðstöðuna, ekki misskilja mig, en ég vil helst ekki að fólk geri sér sérstaka ferð í þeim eina tilgangi, það er bara ekki rétt:)

ég spilaði Risk God Storm á sunnudagskvöldið:) mæli hiklaust með þessu spili, alveg jafnskemmtilegt og Risk en að sumu leyti líka skemmtilegra, Miracle kortin geta verið brútal, Atlantis getur sokkið með manni og mús og musterum, það eru plágur sem geta drepið hálfa heri, fjallgarðar sem er ekki hægt að ráðast yfir, guðirnir eru með í spilinu ... og allir "kallarnir" eru rosalega flottir:) líka ofsalega fínt spil fyrir meðvirka því hermennirnir sem deyja í bardögum "deyja" ekki eiginlega heldur fara í Underworldið þar sem þeir geta haldið áfram að berjast og eiga möguleika á að fæðast aftur:) einn galli við spilið er samt að fólk gleymir íslenskunni um leið og það er búið að lesa leiðbeiningarnar:) ég vann spilið en ég býst við að ég hafi svindlað eins og í fyrsta skipti sem ég spilaði Risk þannig að ég tek þetta ekki of alvarlega, ég fer að monta mig þegar ég er búin að vinna nokkrum sinnum ... samkvæmt reglunum:)

ég get ekki sofið og þess vegna er ég að horfa á Threshold ... hef ekki séð þá í nokkrar vikur en mér sýnist þau ekkert vera að standa sig, geimverurnar eru búnar að fjölga sér og eru um allt að búa til fleiri ... það er komið heilt geimveruþorp og börn að fæðast ... mikið finnst mér Lucas myndarlegur:)

kannski get ég ekki sofið því mér finnst svo jólalegt heima hjá mér og ég fer alltaf svo seint að sofa á jólunum?:) góð vinkona mín keypti nefnilega handa mér ilmkerti eins og ég kaupi alltaf sjálf á jólunum svo ég gæti haft það notalegt og verið dugleg um páskana:) yndisleg vinkona og þetta er alveg að virka, það hefur ekki verið svona kósý heima hjá mér í eitt og hálft ár, ég keypti mér ekkert kerti síðustu jól því ég var svo lasin:)

kötturinn er að taka brjálæðiskast þannig að ég ætti að leika við hann í staðinn fyrir að blogga ... kannski ætti ég að fá mér ís og horfa á rómantíska gamanmynd? eða hita kakó og athuga hvort ég eigi til kex? kannski ætti ég bara að fara aftur upp í rúm, hætta þessari vitleysu og bíða þangað til ég sofna?

... farin að leika við köttinn, vonandi þreytumst við bæði og sofum vel og lengi:)

góðar stundir

Föstudagurinn mættur, morgunprógramminu var aflýst vegna veðurs þannig að ég svaf aðeins út - mjög ljúft!:)

Ég blitz-bloggaði ekki í gær en gleymdi samt að skrifa um fullt af hlutum sem ég ætlaði að skrifa um, svona fer þegar ég er upptekin af því að sinna klukki og klukka aðra:) Ég fór nefnilega í leikhús á miðvikudaginn og það var alveg meiriháttar! Ég held ég sé sammála Pírisi, einhver brögð hljóta að vera í tafli! Það merkilega er líka að ég var alltaf að gleyma því að ég væri í Hagaskóla, það var allt svo rosalega professional og alvöru - ég er með frekar lítið hjarta og ég var búin að gleyma hvernig sagan endaði þannig að í lokin var ég næstum farin að gráta! Ég ætla ekki að vera leiklistargagnrýnandi þegar ég er orðin stór því ég veit ekkert hvaða orð á að nota yfir svona frábæra sýningu en þegar ég er orðin stærri og þessir krakkar eru orðnir stórir ætla ég að fara á allar sýningarnar sem þau koma fram í ... og á tónleikana:)

Í gærkvöldi hitt ég ÞýðEndurnar í fagmannlega eldaðan kvöldmat heima hjá Berglindi:) Ólöf fór með gamanmál (sem ég flissa ennþá yfir:)) og við lékum eftirminnilega "leikþætti" úr Actionary, þar á meðal tvær útgáfur af humri - ég er með harðsperrur eftir allan hláturinn:) mikið ofsalega var gaman!:)
Á þriðjudaginn síðasta hitti ég loksins Eydísi á Íslandi (ég linka ekki á síðuna því hún er komin í dvala:( því miður, mjög skemmtileg:)) og Birnu og Írisi og Sigrúnu (ertu með blogg?:)). Eydís var búin að búa til flottustu djöflatertuna sem ég hef smakkað og frábæra múffinsköku, svo voru líka chilli kökur og eitthvað japanskt sem ég hætti við að smakka eftir að hafa séð gufuna koma út úr eyrunum á Sigrúnu:) Við reyndum að spila Polyglot en það gekk ekki þannig að við spiluðum leik með skyggni fyrir MR. X ... Cluedo? Man ekki hvað leikurinn hét en við náðum glæpamanninum Sigrúnu-X og spiluðum því næst Leonardo & Co. ... minnir mig að spilið heiti? Mér fannst það mjög skemmtilegt:) lærði hellings eins og hvað "verg" tala/framleiðsla/eitthvað er (þjóðarframleiðsla mínus hráefni minnir mig) og að farfuglar þefa ekki upp löndin sem þeir ætla til heldur nota pólstjörnuna og að helíum blaðra leitar til vinstri í bíl sem er á ferð á beygir til vinstri vegna þess að hún er svo létt ... það er alveg búið að eyðileggja miðflóttakraftinn fyrir mér núna, ef ég er að flytja 40 feta gám fullan af helíumblöðrum og fer of hratt í vinstri beygju get ég þá velt bílnum til vinstri???!!!! Hmmm, hvað segja lesendur mínir meiraprófsbílstjórarnir (líka þeir sem lásu Bíllinn minn ekki Umferðin og ég í ökuprófinu:))?

Góðar stundir

Ég hef stundað blizt-blogg undanfarið, ég hef líka bloggað næstum daglega ... blitz-blogg eru sem sagt fín:) en núna er búið að "klukka" mig tvisvar (oftar?) og ég hef ekkert svarað því fyrr en núna, fyrst vegna netleysis og svo vegna blitz-blogg ástundunarinnar:)

4 störf sem ég hef unnið um ævina:
Fiskistelpa í fiskbúð
Bókastelpa í bókabúð
Hótelstelpa á hóteli
Stafrænn varðveitari
(bara vinnur sem ég hef unnið samfellt í meira en ár í fullri vinnu ... skúringarnar voru að vísu nánast samfelldar í 13 ár ... hlutastöfin og sumarvinnurnar eru ekki alveg óteljandi en næstum því:) bréfberi, póstafgreiðsla, gámaflutningar, kaffihúsastelpa, þjónn, útkastari, barþjónn, byggingarvinna, sendill, ritari etc.)

4 bíómyndir sem ég gæti horft á aftur og aftur: ... bara fjórar?
Shrek og Shrek II
Meg Ryan myndir (You've Got Mail, Sleepless in Seattle ...)
Söndru Bullock myndir (Miss Congeniality, Practical Magic ...)
Nicholas Cage/Edward Norton/John Cusak myndir (Con Air/Fight Club/Grosse Point Blank)
... búin að svindla en það eru fleiri, miklu, miklu fleiri:)

4 staðir sem ég hef búið á:
Seltjarnarnes
Garðabær
Reykjavík
Lerwick - samtals:)

4 sjónvarpsþættir sem mér líkar: ... aftur bara fjórir:/
Star Trek Voyager og Enterprise
CSI Las Vegas og New York (Miami líka ef Horatio myndi gleyma að setja öryggið á byssuna sína á meðan hann væri að þrífa hana)
Survivor auðvitað:)
Family Guy og South Park

4 síður sem ég skoða daglega fyrir utan bloggið:
snopes.com
sniglar.is
google.com
urbanlegends.com

4 matarkyns sem ég held upp á:
Maturinn hennar mömmu
Maturinn hans Kristófers
Enchilladain mín:)
Súkkulaði!

4 staðir sem ég vildi heldur vera á núna:
Arúba
Lerwick
Nýja Sjálandi
Japan

4 staðir sem ég hef heimsótt í fríum:
Skotland
Frakkland
Þýskaland
Færeyjar:)

4 bloggarar sem þurfa að gera þetta líka:
Gummi
Pálína
Ella Maja
Guðrún hin

Sko! Finnst ykkur þið ekki þekkja mig miklu betur núna?? ... kannski of vel?:)

Lifið heil

Góðan og blessaðan:)

Undanfarið hef ég séð ungan mann næstum á hverjum degi. Ég þekki hann ekki neitt en ég er alltaf að mæta honum og mér finnst ég kannast við hann, eða hann minnir mig á einhvern. Ég hef aldrei komið því fyrir mig hver er svona líkur honum (eða hverjum hann er líkur) og mér finnst ég þekkja hann þó ég geri það ekki ... fyrr en núna:) Ég þekki hann ekkert betur að vísu en ég mætti þessum unga manni rétt áðan og það rann upp fyrir mér ljós, hann er alveg eins og Edward Norton ... útskýrir samt ekki afhverju mér finnst ég þekkja hann, ég þekki Edward Norton ekki neitt í alvörunni ... en það er ábyggilega sama syndrómið að verki og þegar ég heilsa þulum og fréttafólki þegar ég mæti þeim "því mér finnst ég þekkja það" :)

Lifið heil

Mogganum hrakar!!!! Aldrei hef ég heyrt um börn í "kjölþyngd" áður:) ... og mér finnst "Íranar" hljóma eins og fílahor, afhverju eru það ekki ÍranIR sem búa í Íran?

var ég búin að segja ykkur frá Skúla Óskarssyni og æsku minni? ... sem minnir mig á það ég á alltaf eftir að upplýsa boðskapinn (einn af nokkrum auðvitað) í Con Air ... geri það við betra tækifæri, heima hjá mér, núna er ég í vinnunni:) ætla líka að öpdieta mæspeisið mitt seinna, ég er komin með svoleiðis:) ... og núna verðið þið að skrá ykkur svo ég geti eignast vini, það er víst pointið:)

Lifið heil og gleðilega snjókomu

... það er pókerkvöld núna ... heima hjá mér ... og ég er að blogga því ég er búin að tapa öllum "peningunum" mínum:) ég byjrði vel en það entist bara ekki ... story of my life:) hehehehehe

nei, nei, ég er ekkert bitur ... ekkert svo ... sjaldan sem ég hef tækifæri til að blogga þegar ég er með fólk í heimsókn:) gaman að þessu;)

Góðar stundir

... búin að vera að skoða mótorhjólferðir hjá Edelweiss ... alls ekki góð hugmynd, verulega slæm í rauninni og ég mæli ekki með því að þið gerið slíkt hið sama:)

Lifið heil

hvað vitið þið um My Space? eruð þið með svoleiðis? er það vinsælt annars staðar en á Bókhlöðunni? á ég að fá mér svoleiðis? mér skilst að takmarkið með því sé að safna vinum ... ef ég skrái mig veit ég að ég verð með þrjá alvöru vini og einn vin að nafni Tom sem fylgir með þegar þú skráir þig svo þú sért ekki alger nörd og vinalaus en það er víst ekki sérlega mikið að eiga bara þrjá vini en ég þekki bara þrjá með svona My Space ... á ég að búa þetta til? hljómar svolítið eins og "klukk-heimasíða" þar sem þú safnar vinum og segir hvað þú hlustar á/horfir á/lest? ... veit ekki hvort fólk skrifi bækurnar sem það les þarna inn ... en það er hægt að nota þetta eins og msn, sem er fínt fyrir þá sem eru ekki með það í vinnunni sinni eins og ég ... en ég er samt ekki svo viss um að ég hafi tíma til að vera eitthvað að msn-ast í vinnunni þó ég væri með það ... ekki þessa dagana amk því ég er upptekin við blessaða grænlenska efnið ... sem er löng saga sem ég nenni að fara útí hérna ... og heima hjá mér á ég auðvitað að vera að gera annað en að surfa á netinu og finna brandara eins og þennan:


A bear, a lion and a chicken are sitting talking about who is the hardest.

The bear says, "when I bellow the whole forest trembles with fear."

The lion says, "when I roar the whole jungle shakes with fear."

The chicken says, "when I sneeze the whole world sh*ts itself."

... en ég var að læra, ég bara fann þetta á sama stað og ég fann þessa skemmtilegu sögu um Sókrates ... sem hefði verið mjög lélegur þjóðfræðingur!!

Keep this philosophy in mind the next time you either hear or are about to repeat a rumour.

In ancient Greece (469 - 399 BC), Socrates was widely lauded for his wisdom.

One day the great philosopher came upon an acquaintance who ran up to him excitedly and said, "Socrates, do you know what I just heard about one of your students?"

"Wait a moment," Socrates replied. "Before you tell me I'd like you to pass a little test. It's called the Triple Filter Test."

"Triple filter?" asked the acquaintance.

"That's right," Socrates continued. "Before you talk to me about my student let's take a moment to filter what you're going to say. The first filter is Truth. Have you made absolutely sure that what you are about to tell me is true?"

"No," the man said, "actually I just heard about it."

"All right," said Socrates. "So you don't really know if it's true or not. Now let's try the second filter, the filter of Goodness. Is what you are about to tell me about my student something good?"

"No, on the contrary ...".

"So," Socrates continued, "you want to tell me something bad about him, even though you're not certain it's true?".

The man shrugged, a little embarrassed. Socrates continued." You may still pass the test though, because there is a third filter - the filter of Usefulness. Is what you want to tell me about my student going to be useful to me?"

"No, not really..."

"Well," concluded Socrates, "if what you want to tell me is neither True nor Good nor even Useful, why tell it to me at all?"

The man was defeated and ashamed. This is the reason Socrates was a great philosopher and held in such high esteem. It also explains why he never found out that Plato was shagging his wife.

Verið hraust og hress

Ég er komin með netið heima hjá mér!!:) þannig að núna get ég bloggað eins og vindurinn!! og þá er bara að sjá hvort ég geri það eða ekki? það sem var að tengingunni minni var "tungumála-misskilningur" sem var ekki mér að kenna, eitthvað með að allar heimasíður heiti númerum OG nöfnum og tengingin mín leitaði bara að nöfnunum en ekki númerunum og fann þar af leiðandi ekki neitt netinu:) ... skilst mér ... annars veit ég það ekki?

það er alveg heill hellingur að gerast hjá mér þessa dagana, mars hefur liðið fáránlega hratt, alltof hratt því mánuðurinn er að vera búinn og ég er ekki búin að gera helminginn af því sem ég ætlaði að gera ... en ég er alltaf að læra eitthvað nýtt, til dæmis að suðumark blásýru er 26°C:) svo var ég að læra ný ensk orð áðan og ætla að deila þeim með ykkur:

1. AQUADEXTROUS (ak wa deks'trus) adj.
Possessing the ability to turn the bathtub tap on and off with your toes.
2. CARPERPETUATION (kar'pur pet u a shun) n.
The act, when vacuuming, of running over a string or a piece of lint at least a dozen times, reaching over and picking it up, examining it, then putting it back down to give the vacuum one more chance.
3. DISCONFECT (dis kon fekt') v.
To sterilize the piece of confection (lolly) you dropped on the floor by blowing on it, assuming this will somehow 'remove' all the germs.
4. ELBONICS (el bon'iks) n.
The actions of two people maneuvering for one armrest in a movie theater.
5. FRUST (frust) n.
The small line of debris that refuses to be swept onto the dust pan and keeps backing a person across the room until he finally decides to give up and sweep it under the rug.
6. LACTOMANGULATION (lak' to man gyu lay' shun) n.
Manhandling the "open here" spout on a milk container so badly that one has to resort to the 'illegal' side.
7. PEPPIER (peph ee ay') n.
The waiter at a fancy restaurant whose sole purpose seems to be walking around asking diners if they want fresh ground pepper.
8. PHONESIA (fo nee' zhuh) n.
The affliction of dialing a phone number and forgetting whom you were calling just as they answer.
9. PUPKUS (pup'kus) n.
The moist residue left on a window after a dog presses its nose to it.
10. TELECRASTINATION (tel e kras tin ay' shun) n.
The act of always letting the phone ring at least twice before you pick it up, even when you're only six inches away.

... svo var ég að spá, ÞýðEndur - haldiði að við séum í einhverri fuglaflensuhættu? og ÞjóðBrækur - ef við förum ekki að hittast þá gætum við kannski fengið Brókarsótt?

Lifið heil

Til þeirra er málið varðar

Þetta bloggleysi mitt hefur ekkert með það að gera að ég hafi ekki frá neinu að segja, né heldur því að ég vilji ekki tjá mig á þessari síðu heldur þeirri einföldu staðreynd að ég er netlaus heima hjá mér af óútskýrðum ástæðum (en það stendur vonandi til bóta og er allt í vinnslu) og þó ég sé opinber starfsmaður og vinn mikið á tölvur þá kann ég einfaldlega ekki við að blogga í vinnunni ... og þess vegna verður þessi færsla heldur ekki lengri:)

Med vinlig hilsen fra mit liv som ... en pige:)

Gleðilegan sólskinsdag:)

ég veit að ég hef ekki bloggað í langan tíma, ég hef verið að dunda mér við annað undanfarið, annað mikilvægara og leiðbeinandi minn er barasta ánægður með mig:) enda kannski ekki erfitt að bæta fyrri frammistöðu? ekki neitt vs. smá er munur;)

Ég fékk ljóð sent um daginn sem mér fannst svo sniðugt að ég ætla að setja það hingað inn, ykkur til ánægju og yndisauka á þessum fína degi:)

Bati

Hér áður fyrr var angist mín svo sterk
ég endaði sem flak og taugabindur
af því að ég kom aldrei neinu í verk
og ævi mín var kvöl og vítahringur.

En allt er breytt, nú uni ég mér glaður
og ekkert hamlar lengur mínum frama.
Nú er ég orðinn nýr og betri maður:
Nú kem ég engu í verk – og er skítsama.

Þórarinn Eldjárn

Lifið heil rúsínurnar mínar:)

P.S. Að gefnu tilefni þá var fólkið sem viðraði botnana sína síðustu helgi ekki að pissa ...

Ég held að vorið sé komið:) ég fór niður í bæ í gær og það voru allir á Laugaveginum brosandi í sólinni:) ... allir sem voru ekki í fangageymslum lögreglunnar eða þunnir eftir fyllerí föstudagskvöldsins:) ég var að vinna á kaffihúsinu á föstudagskvöldið, það var drukkið ótæpilega og greinilega mikil stemmning í bænum og ég var fegin inní mér að vera ekki að vinna á skemmtistað, sérstaklega fegin að vera ekki að vinna sem dyravörður miðað við "hressleika" viðskiptavinanna og þeirra sem fóru um Laugaveginn:)

ég var líka að vinna í gærkvöldi og eins og kvöldið áður var ég að labba heim um miðja nótt, þessir tveir göngutúrar styrktu mig í þeirri trú að vorið sé komið því í bæði skiptin sá ég fólk sem var að ... láta vorloftið leika um líkamshluta sem ... yfirleitt eru klæddir í gammósíur í febrúar:) einu sinni er tilviljun en ætli tvisvar sé faraldur?;) alltaf gaman að fara í göngutúr samt en ég er að hugsa um að stunda þá fyrr á kvöldin ... og horfa bara niður á gangstéttina:)

ég er að fara í frænkukaffi á eftir, einu sinni á ári hittast allar konurnar í ættinni, þær sem eru orðnar 14 ára, og borða kökur og spyrja hvernig allt gengur og spjalla og kynnast ... merkilegt hvað ég þekki frænkur mínar lítið, samt mætti ég í fyrra, kannski kynnist ég þeim betur í dag?:)

Góðar stundir

Gleðilegan mánudag alle úppa:)

Hafið hljóðið á og takið undir:)

Góðar stundir

Jæja, ég er skárri í dag, "öll að koma til" eins og mér finnst ég hafa sagt einum of oft síðan í nóvember í fyrra en núna meina ég það, eins og alltaf að vísu en í alvöru er ég miklu skárri en ég var í gær en ég fór samt ekki í vinnuna því ég er ekki það góð en mig langar til að taka til sem er ótvírætt batamerki held ég barasta:) en ég ætla ekki að taka til fyrr en ég er orðin betri, til dæmis þegar ég er hætt að "taka á" við að klæða mig í föt;) ég er meira að hugsa um að að lesa eitthvað af þessu efni sem ég verð að fara að lesa til að finna það sem ég á að vera að lesa ... mjög flókið allt saman en flækjan minnkar væntanlega þegar á hólminn er komið, er það ekki ó þið fjölmörgu vitringar sem vitið um hvað ég er að tala því þið eruð búin að þessu öllu saman?:)

Ási var að senda mér brandara sem ég ætla að deila með ykkur:

During class, a teacher trying to teach good manners asks the students, one by one -

"Michael, if you were on a date, having supper with a nice young lady, how would you tell her that you have to go to the bathroom?" she asked.
"Just a minute, I have to go p*ss."
The teacher replied, "That would be rude and impolite!"
"What about you Bill, how would you say it?"
"I am sorry, but I really need to go to the bathroom, I'll be right back."
The teacher responded, "That's better, but it's still not very nice to say the word bathroom at the table."
"And you Little Johnny, are you able to use your intelligence for once and show us your good manners?"
"I would say: Darling, may I please be excused for a moment, I have to shake hands with a very dear friend of mine, whom I hope you'll get to meet after supper."

The teacher fainted

Jújú, ég er öll að koma til og brandarar hjálpa töluvert, keep 'em coming:)

Góðar stundir

Ég er brjáluð!!! Hef ekki verið svona reið lengi, lengi, lengi:) og afhverju er ég reið spyrjið þið kannski? já, ég er lasin aftur þó ég hafi verið að gera allt rétt, sofa nóg, borða hollt, hafragrautur í morgunmat og líka eitthvað grænt á hverjum degi, æfa og taka vítamín allt sem ég á að gera til að verða ekki lasin og hvað gerðist? ég er komin með bullandi kvef og er búin að eyða síðustu tveim dögunum í að nota augun til skiptis (kvef í augunum brenglar sjónina) og sofa þegar ég loka þeim báðum, vá hvað ég nenni þessu ekki:(

þannig að ég tók próf því ég sat við tölvuna en ég hef svo litla athyglisgetu að ég þurfti bara að fylla inn afmælisdaginn minn, ég þrufti ekki að svara spurningum:)

Your Life Path Number is 5

Your purpose in life is to life freely and collect experiences. You love life - new adventures, new people, new ideas. You are very curious, and you crave novelty in all forms. You tend to make friends easily, and you enjoy the company of all types of people. In love, you are fun and even a bit intoxicating. But you won't stick around for long. You are impulsive and spontaneous - which sometimes leads you to do things you regret. Sometimes you can be overindulgent with food, sex, or drugs. You have many talents, so many that you are often scattered and unfocused.

What Is Your Life Path Number?

og takk allir sem kommentuðu á spurningarnar í síðustu færslu:) svörin glöddu mig mikið í veikindunum og til að gleðja ykkur á móti ætla ég að birta hérna brandara sem ég fékk frá Maju, ég hló upphátt:)

Sambandsbrandari í tilefni af Valentínusardeginum:)

Hennar hlið á gærkvöldinu

Hann var í furðulegu skapi í gærkvöldi. Við höfðum ákveðið að hittast á kaffihúsi yfir einum drykk eða svo. Ég hélt að það væri mér að kenna, þar sem ég var heldur sein vegna þess að ég var að versla með stelpunum og gleymdi mér aðeins. Hann minntist samt ekkert á það.
Okkur gekk ekkert að ná saman, svo ég hélt að það yrði kannski þægilegra að vera einhvers staðar þar sem við gætum verið ein, svo við fórum á mjög rómantískt veitingahús. En hann var ennþá í ferlega furðulegu skapi.
Ég reyndi að hressa hann og var farin að spá í hvort að þetta væri bara ég eða hvort eitthvað alvarlegt væri í gangi. Ég spurði hann, en hann svaraði því neitandi. En ég var ekki viss.
Allavega, á leiðinni heim, sagði ég honum hvað ég elskaði hann heitt. Hann setti hendina utan um mig, en svaraði mér ekki. Ég veit ekki hvað í fjandanum það á að þýða, því ég var nú kannski að vonast til að hann myndi segja að hann elskaði mig líka eða eitthvað.
Við komum loksins heim og ég var farin að spá í hvort hann ætlaði að dömpa mér. Ég reyndi að fá hann til að tala, en hann kveikti bara á sjónvarpinu.
Þá gafst ég upp og fór í rúmið. Mér til mikillar undrunar þá kom hann upp til mín um það bil 20 mínútum seinna. Við gerðum það, en hann virtist ennþá vera utan við sig. Eftir kynlífið dauðlangaði mig að hundskamma hann, en ég grét mig bara í svefn.
Ég veit ekki hvað ég á að gera lengur. Ég meina, í alvöru. Ég held að hann sé farinn að halda framhjá mér.








Hans hlið á gærkvöldinu

Liverpool tapaði. Ég fékk þó að ríða.

Lifið heil og hraust

Ég er ekki beint lasin en ég er samt með kvef, rosalega fegin að ég var búin að ákveða að eyða þessum degi heima hjá mér en ekki á einhverju flandri því þá verð ég að minnsta kosti ekki lasnari eða alvöru veik:) en það var rosalega gaman í gærkvöldi og ofsalega gaman að hitta allt fólkið sem ég hef ekki séð/hitt/heyrt í alltof lengi:)

ég hef tekið svona próf á síðum Brókanna undanfarið og ákvað að skella því hérna inn hjá mér líka (aðeins breyttu til að fá fleiri svör kannski?) þannig að þið getið skemmt ykkur við að svara þessu og jamms, ég vil að þið svarið öll, líka laumu-lesararnir;)

1. Hver ert þú?
2. Erum við vinir?
3. Hvenær hittumst við fyrst og hvernig?
4. Hefurðu komið í heimsókn til mín?
5. Ertu með ofnæmi fyrir Fídel?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Ætlaru að setja þetta á bloggið þitt svo ég geti skrifað um þig?

Núna býst ég við bunka af kommentum, koma svo, ég er lasin!:)

Ég spilaði Texas Hold'em í fyrsta skipti í gær og ég er alls ekki eins góð í því og í Risk, ekki einu sinni vottur af byrjurnarheppni hjá mér þó ég hafi unnið eina "gjöf", einn pott sem hélt mér því miður ekki gangandi sérlega lengi þannig að ég lék við kettlinginn sem var ofsalega sætur:) við ætum að spila aftur í næsta mánuði en þá ætla ég sko að vera búin að lesa allar reglurnar og finna síðu þar sem ég get æft mig án þess að þurfa að borga pening því ég er sátt við líf mitt fjárhagslega þessa dagana og kýs að stofna því ekki í meiri hættu en um 500 kall mánaðarlega:)

og í kvöld er ég að fara í kokkteilboð sem ég er viss um að verði mjög skemmtilegt:) og þó mér líði þannig er ég innilega að vona að ég sé ekki að verða lasin ... ég ætla að sofa út á morgun og drekka kakó og te og borða sítrónur heilar með hýði og öllu ... eða bara snúa mér á hina hliðina þegar ég vakna og sofa lengur;)

Lifið heil

Núna má þetta!!!

Til hamingju Ísland - töff, töff, töff!! ... held að við vinnum þetta í ár ef Silvía Nótt fer fyrir okkur, annars skil ég ekki afhverju við höfum aldrei unnið því þjóðin er alltaf svo sátt við lagið og tónlistarmennina sem fara sem fulltrúar okkar ... nema þegar við sendum Hægt og hljótt, ég skil að við unnum ekki þá og já þarna lagið sem Daníel Ágúst söng, Horfðu aftur eða hvað það nú hét, ég skil afhverju það vann ekki en svona yfirleitt höfum við sent "Lagið" en samt ekki unnið ... en 2006 keppnin gæti breytt þessu, jamms, ég held að okkar tími sé kominn, svona áður en við verðum óvinsæl þjóð fyrir að ljúga að heiminum gegnum auglýsingar, hreint land, fagurt land og dirty weekend dæmið ... ég man þegar ég var að vinna á hótelinu og horfði á þessa dirty weekend gaura lippast útá flugvöll á sunnudagskvöldum, tugþúsundum krónum fátækari með verstu timburmenn lífs síns án þess að hafa komist nær íslenskri stelpum en að standa við hliðina á þeim á barnum - ég umgengst kannski ekki "réttu" stelpurnar en þær sem ég þekki eru ekki mikið fyrir menn sem gera ráð fyrir að þær séu druslur, þó þeir hafi lagt land undir fót til að komast í návígi við þær ...

og svo þetta hreint land, fagurt land ... hvenær ætli það fattist að við erum það ekki? þegar Kyoto-bókunin hefur runnið sitt skeið og við erum ekki lengur háð því að standa við það sem við skrifuðum undir (með undanþágum) og förum að menga eins og grænmetisæta á hvítlauks- og baunkúr til að bæta fyrir öll "ónýtu" árin sem við gátum ekki mengað að vild? En ég skil auðvitað afstöðu þeirra sem búa á landsvæðum þar sem fólk hefur ekki nóg að gera og það fá ekki allir vinnu, auðvitað vilja allir geta unnið ... flestir að minnsta kosti ... en afhverju alltaf álver? fyrst stjórnvöld vilja endilega borga með mengandi stóriðjum afhverju ekki olíuhreinsistöðvar eða kjarnorkuver? Ég held að það væri sniðugt að vera með mismunandi tegundir mengandi stóriðja í staðinn fyrir allar af sömu tegund, svona þegar það uppgötvast að það eru til fleiri efni sem eru jafnsterk og ál en léttari eða þegar rannsóknir eru gerðar á áhrifum áls og niðurstöðurnar sýna að það veldur Alzheimer ... ég ætti að endurvinna meira en ég geri:) og ég gleymdi að kaupa ljósaperur ... ég gleymdi alveg að fara í búðina ... aftur ... en að minnsta kosti án ljósapera sé ég bara fagra íbúð þegar ég lít í kringum mig:)

Góðar stundir

ég veit ég hef ekki verið dugleg við að blogga undanfarið og ég kenni því alfarið um að núna er febrúar ... og um daginn var janúar og það er erfitt að vera rosalega afkastamikil á öllum sviðum þessa tvo mánuði ársins ... ég hef nefnilega verið afkastamikil á sumum sviðum undanfarið en ekki við að blogga eins og glöggir lesendur hafa væntanlega séð:)

íbúðin mín er myrkvuð núna, ég skrifa þetta við kertaljós, nei, það er að vísu lygi en ég held að 90% af ljósaperunum heima hjá mér séu sprungnar - gerið ráð fyrir viðeigandi skekkjumörkum vegna slakrar kunnáttu minnar í prósentureikningi sem góðviljaðir einstaklingar hafa þó margir reynt að kenna mér ... sú kennsla byrjar yfirleitt á orðunum "sko, þetta er mjög auðvelt ..." þá lokast á mér eyrun og það sem kemur á eftir hefur farið fyrir ofan garð og neðan, aldrei segja "þetta er auðvelt" við mannesku með meinloku:) en, íbúðin mín er sem sagt hrjáð af lýsingarleysi þessa dagana, ekki ljósleysi því jólaljósin heita núna skammdegisljós og eru enn í gluggunum og ekki dissa mig fyrir leti! Þetta eru hvít ljós og ég hef séð þau milljón sinnum í Innlit/Útlit og veit fyrir víst að ég er bara hipp og kúl og flott, íbúðin mín líka:) þau sem sagt gefa birtu en ekki lýsingu, síðustu þrjá, fjóra daga hef ég kveikt ljós og þau hafa horfið þegar peran springur í næstum öllum loftljósum íbúðarinnar ... ég ætla að kaupa perur næst þegar ég fer út í búð en ég hef ekki farið út í búð ennþá þannig að ég hef ekki keypt þær, en á morgun er ég að vinna 8 til 4 og stefnan er tekin á Bónus beint eftir vinnu ... kannski verður aukin lýsing til þess að bloggunum fjölgi? ... kannski verðið þið að bíða þar til vorar eftir daglegum skammti?

Lifið heil og minnið mig á að skrifa um hina djúpvitru speki sem er að finna, ótrúlegt en satt, í kvikmyndinni Con Air:)

fór út í kvöld og spilaði Risk í fyrsta skipti á ævinni:) ég rústaði vinum mínum, af einhverjum ástæðum átti þetta spil við mig:) veit ekki hvort ég verði eins góð næst (að ná að leggja undir mig Asíu og Norður Ameríku er víst ekkert auðvelt ... við vorum fimm að spila) en það kemur bara í ljós ... mér líður samt líka illa því ég varð að útrýma einum spilaranum af borðinu þannig að þó að sigurinn hafi verið ljúfur (ég er alls ekkert vön því að vinna í spilum) þá er hrikalegt að bera ábyrgð á þjóðarmorði, þjóðarútrýmingu því ég tók alla kallana hennar af borðinu ...

en mikið rosalega finnst mér annars gaman að spila:)

lifið heil