var að koma úr Tívólíinu:) rosalega gaman en ég mæli ekki með X-TREAM tækinu (sem Hannes neyddi mig til að prófa) ef ykkur þykir vænt um magann á ykkur:/ draugahúsið var hins vegar fínt, þið verið nett nojuð meina ég, sérstaklega ef þið farið með einhverjum í það sem er sífellt að bregða ykkur - endilega bjóðið Hannesi með ykkur;) við prófuðum skotbakka líka og ég vann tuskukött sem Fídel er ekki sáttur við... miðið á byssunum er eitthvað skakkt en það er skakkt í alveg hárrétta átt fyrir mig því yfirleitt hitti ég aldrei neitt þegar ég reyni að miða á eitthvað ákveðið:)

... sá líka gókartbraut þarna hjá Smáralindinni þegar við vorum alveg efst í Parísarhjólinu:) verð að prófa hana einhvern tímann - einhver maður í keppni?:)

Jæja Valgerður, það er kominn linkur á þig:) loksins:)

í gær var hið árlega gókart mót kaffihússins og ég vann gullmedalíu:) mætti með hana í vinnuna og allt saman... en ég vann að vísu ekki með hana því hún var alltaf fyrir þegar ég var að fara með súpur á borð og dæla bjórum og þannig en ég hengdi hana upp þegar ég kom heim og hún fer rosalega vel í stofunni hjá mér:) þetta var geðveik keppni, allir að fara yfirum af keppnisanda og allir ætluðu að vinna, bílar að snúast hægri vinstri (á þurri braut), ég lenti í árekstri við Böggles sem missti stjórn í beygju sem ég var á leiðinni í og ég gat ekki neitt gert nema beygja undan og skella á honum, ein fór í dekkjavegginn og braut stýrið sitt, einn fór á ágætum hraða í beygju og dekkið flaug undan bílnum, bíllinn í dekkin og ökumaðurinn út í móa... þetta var snilld!!! ef þið hafið ekkert að gera og eigið pening (þetta er dýrt...) þá mæli ég hiklaust með gókarti í Reykjanesbæ - þið fáið galla og hjálm og allt:)

Erla og Atli kíktu í heimsókn í vinnuna mína í gær:) takk fyrir komuna! Hannes kom líka en þá var of klikkað að gera til að segja meira en hæ... það var frekar mikið að gera í gær, allt kvöldið, engin lægð á meðan fólk borðar kvöldmat eins og stundum en líklega var það vegna þess að allir voru búnir að fá útborgað?

við fengum 13 manna steggjapartý frá Englandi í heimsókn, allir í Gull - The Viking Bear og refsiskot, einn gaur fékk sér kaffi og varð að taka refsiskot, annar fór tvisvar á klósettið á einum bjór og varð að taka refsiskot... þeir voru mjög fullir:) ég held ég hafi samt aldrei séð annan eins hópþrýsting... á sama tíma vorum við með fjögurra manna afmælisveislu sem söng og hafði miklu, miklu hærra en steggjapartýið - en það var allt í lagi vegna þess að þetta voru félagar mínir úr sigurliðinu í fótboltanum um daginn:)

fyrr um kvöldið kom Augun og sat í nokkra klukkutíma á borðinu sínu... við köllum hann Augun en mamma hans kallar hann ábyggilega eitthvað annað... þetta er útlendingur sem virðist ekki tala neitt ákveðið tungumál, allt sem hann segir er blanda af ensku, þýsku, frönsku, umli (aðallega) og bendingum... sem betur fer bendir hann vegna þess að annars væri ábyggilega verulega erfitt að afgreiða hann:) hann sest alltaf á sama borðið í horninu, pantar sér mismunandi rétti (sem er fremur óeðlilegt því yfirleitt pantar "svona fólk" sér alltaf það sama, eitthvað í comfort zoneinu sínu...) og situr svo í tvo til þrjá tíma og reynir að vera ósýnilegur. Honum tekst það næstum því en við tökum alltaf eftir augunum í honum, þess vegna köllum við hann Augun... verulega furðulegur gaur og ég er fegin að fá hann ekki heim til mín í sunnudagsmat!

búin að vera vakandi í meira en tvo tíma þó ég hafi ætlað að sofa út, einhvers staðar í hverfinu er verið að grafa í gegnum granít með ósmurðri gröfu... ætla að fara að gera eitthvað núna, innivinnu því veðrið er ... ógisslegt:(

Hæ Atli

Búin að breyta linkunum og er núna að surfa og taka próf eins og ég gerði alltaf hérna í denn en hef ekki gert ... lengi, lengi:)

við hvað vinnur þú... eða nafnið þitt?
Guðrún, Your ideal job is a … who are you kidding, you work?

svo auðvitað "klassískt" persónuleikapróf:

Þú hefur hlotið 35 stig

Persónuleiki þess sem fær á milli 31-40 stig:
Annað fólk skynjar þig sem varkára, hagsýna vitsmunaveru. Þú þykir snjöll, hæfileikarík en hógvær persóna. Ekki manneskja sem eignast vini of auðveldlega en ert mjög trygg vinum þínum og ætlast til sama trygglyndis til baka. Þeir sem kynnast þér virkilega vel átta sig á því að það þarf býsna mikið til að glata trausti þínu, en ef það gerist tekur það langan tíma að gróa og gerist jafnvel aldrei.

á http://www.betra.net/ eru fjölmörg próf sem eru skemmtileg svona á sunnudögum í roki:) kvikmyndaþekking, fyrri líf, tjokkó- og gellutest etc.

nenni þessu samt ekki lengur:)

varðandi fótboltaleikinn... sko, ég vann með liðinu mínu en ekki vinnustaðnum:) hinir voru færri þannig að ég var lánuð yfir og sett í vörnina hjá þeim:) fyrri leikurinn fór 6-6 og seinni 4-1 fyrir mínu liði ... auðvitað var sigurinn því að þakka að ég var í vörninni og stoppaði vinnufélagana mína þegar þeir reyndu að skora í markið hjá okkur:) núna er planið að mæta á æfingar og æfa okkur grimt til að geta boðið í fleiri vinnustaði í götunni ... mér skilst að ég þurfi að læra að "sóla" og "tækla" og "rekja" ... persónulega held ég samt að ég þurfi að einbeita mér að því að sparka boltanum þangað sem hann á að fara en ekki í hina áttina:) ... ég á meira að segja fótbolta einhvers staðar - er einhver maður í leik í dag?

hvað um það... ég keypti barnagulrætur um daginn, svona pínkulitlar gulrætur sem þarf ekki að skræla frá Jolly Green Giant, fimm á dag eiga víst að bæta heilsuna samkvæmt pakkanum, það eru alveg margir dagar síðan ég keypti þær en ég hef ekki viljað opnað pokan ennþá vegna þess að ég held að þetta séu ekki alvöru gulrætur heldur rotvarnarstaukar sem er búið að lita appelsínugular - síðasti neysludagurinn er nefnilega í júlí ... á næsta ári!! getur grænmeti lifað af í meira en ár og verið ferskt? sem betur fer er enginn pökkunardagur á umbúðunum því mig langar helst ekki til að vita hversu gamlar þær eru nú þegar:)

ég er búin að fara í klippingu aftur, frekar stutt á mér hárið núna ... en það vex:) og tvær tegundir af strípum svona í tilefni sumarsins - ég er orðin aðeins betri í að ráða við stutt hár en ég var fyrir ári þannig að þetta er fínt en ég er samt að hugsa um að safna aðeins núna líka vegna þess að klippikonan mín er að flytja til Litáen til að reka parketverksmiðju og mun þess vegna ekki vera að klippa nein hár í nokkur ár - nema ef einhver þarna úti þekkir frábæra klippimanneskju?:) akkúrat núna væri til í að láta klippa mig sítt:)

Mánudagur í Borg óttans

svo bregðast krosstré sem önnur, í kvöld er ég, svarin og gildur limur antisportista samfélagsins, að fara að keppa í fótbolta... minn vinnustaður skoraði á vinnustaðinn hinum megin við götuna í fótboltakeppni, Egils gaf okkur bjórinn, Bónus gaf okkur treyjurnar og yfirmaðurinn minn gaf mér tvo valmöguleika, að vera með eða vera með - auðvitað eigum við eftir að vinna hitt liðið, fyrir utan það hvað ég mun vera gagnleg þá erum við með einkaþjálfara, tvær löggur, unglingalandsliðsmann í körfubolta, kúlista af guðsnáð og tjokkó í okkar liði - hitt liðið er víst aðallega "gengilbeinur" og kjötétandi kokkar:)

wish me luck:)

mig vantar:
tölvu
vídeótæki
fána og blöðru í tilefni morgundagsins

ég er í vinnunni og á í raun ekki að vera að skrifa þetta en ... þá verð ég bara rekin:) merkilegt við þessa vinnu hvað ég festist í henni, þessar fyrirsagnir síast inn og þótt ég sé ekki að lesa blöðin þá finnst mér eins og ég sé stödd 1960ogeitthvað nema að ég veit hvað á eftir að gerast, ég veit til dæmis að þeim mun takast að lenda á tunglinu (nokkuð viss að minnsta kosti:))... soldið furðulegt að vita hvað muni gerast í framtíðinni þegar verið er að lesa gömul dagblöð, til dæmis í seinni heimstyrjöldinni var ráðist á skip fyrir norðan landið, Súðin, en svo hét skipið, rétt komst í land eftir árás þýskra orrustuflugvéla og allir lifðu af nema kyndarinn ... þegar við vorum að taka myndir af árinu á undan sáum við auglýsingu: "Kyndara vantar á Súðina" ... ekki ráða þig!!!! ekki taka þessari vinnu!!! dagskrá Kennedy þegar hann ferðaðist um landið örlagaríka haustið sem hann var drepinn, ekki fara til Dallas!!! Amelia Earhart ætlar að fljúga ein yfir Kyrrahafið, ekki fara!!!!

gallinn er samt sá að núna þegar ég er að lesa Moggann eða Fréttablaðið langar mig til að vera 20 árum á undan og sjá hvað gerðist:)

Grillveisla í kvöld og 17. júní á morgun, fyrir utan að eiga ekki tölvu sem virkar er lífið bara þokkalega fínt:)

ég hef alltaf sagt að fólk er furðulegt... á laugardagskvöldið vorum við Jónas í pásu milli rétta og sátum í setustofunni á Carúsó, þar var bresk fjölskylda að velja sér mat af matseðlinum og ég fór að spjalla við þau. Ég veit ekki hvað þau voru að lesa en þau voru öll svo sátt við að geta fengið sér bjór eins og ekkert væri - einhvers staðar höfðu þau nefnilega lesið/heyrt að áfengi væri bannað á Íslandi nema þrjá daga vikunar og þau voru ekki viss um hvort áfengi væri hugsanlega bannað á laugardögum... hugsið ykkur ef það væri bannað að drekka fjóra af sjö dögum vikunar:)

... í gærkvöldi á kaffihúsinu bað einn viðskiptavinurinn um poka því hann var með eitthvað dót með sér, þegar hann var farinn sáum við að það voru sígarettustubbar á disknum hans og öskubakkinn var horfinn þannig að Celine hljóp á eftir honum út, hann var ekki kominn langt með öskubakkan okkar í pokanum sem hann bað okkur um - ég man ekkert orð yfir svona hegðun akkúrat núna, tjíkkí á ensku:) næst þegar ég sé hann, hann er eiginlega fastagestur, ætla ég að henda honum út ... henti manni út í gær líka, pís of keik því ég var enn svo reið yfir tilrauna-öskubakkastuldinum - hvað er að fólki?

Gleðilegan sjómannadag:)

Það rignir svo að Ísland verði grænna úr geimnum... það er eitthvað fáránlegt að gerast varðandi svefn og svefnþörf líkama míns, fór frekar "snemma" að sofa í morgun og var vöknuð fyrir hádegi... ætlaði að sofa út eins og á að gera þegar planið er ekki að mæta í vinnunna fyrr en klukkan sex um daginn - sérstaklega eftir svona "kvöldið áður" eins og í gærkvöldi en nei, glaðvöknuð og ekki á leiðinni í háttinn aftur (er hægt að segja í háttinn um miðjan dag?) búin að klára bók í morgun, fylgjast með nágrannanum byggja einhvers konar sólpall ofaná sólpallinn sinn (mjög merkilegt allt saman, skemmtilegt að fylgjast með þessu þróast og ég er farin að hlakka til að sjá hvað þetta á að vera), leika við köttinn, vaska upp og er núna á leið í sturtu til að hjóla út í sólskinið hrein með hárið niður en ekki upp, fór nefnilega í sturtu þegar ég kom heim í morgun og vaknaði 15 sentimetrum hærri, held að hárið á mér sé um það bil 15-20 sm langt ... jamms, varðandi svefninn, með nóttinni í nótt held ég að ég hafi sofið um það bil tíu tíma síðan á fimmtudaginn ... ef það nær því ... og ég er ekkert sérstaklega þreytt, gæti líklega ekki sofnað þó ég færi upp í rúm og rembdist...

fór út að borða á Carúsó með vinnunni í gærkvöldi (mætti að vísu aðeins of seint því ég náði ekki að losna úr hinni vinnunni fyrr en rétt áður en ég átti að mæta og verandi stelpa varð ég að gera mig sæta ... með spennum og sokkabuxum og pilsi og málingu, hef aldrei náð upp mikilli leikni við ofantalið en það á að reyna:)). Mæli hiklaust með þessum stað, Carúsó, rosalega fín setustofa og góður matur og fín þjónusta þó að kokkarnir kunni hugsanlega ekki allir íslensku? ég pantaði mér blandaðan ís með blöndðum ávöxtum í eftirrétt, ég fékk blandaða ísinn en svo fékk ég bara eitt jarðaber skorið í fernt með honum... en fjórir hlutar kalla á fleirtölu og þetta var jarðaberja-, piparmyntu og vanilluís og það má hugsanlega segja að vanilla og piparmynta sé ávöxtur ef við endurskoðum skilgreiningu ávaxta og þá erum við komin með tvær tegundir í viðbót... ég er að röfla, þetta var gott:) ef þið eruð að fara út að borða kíkið á Carúsó:)... við sátum í setustofunni framyfir miðnætti og fórum á pöbbarölt, Ölstofuna, fullt af fólki, Café List, ekkert "fólk" bara skrækjandi og rymjandi jakkafataklæddar verur í Quark's Bar lýsingu, hálfbjóst við að labba út á The Prominade þegar við komum út ... þennan fatta þeir sem horfa á réttu þættina ... fórum þaðan á Næsta bar þar sem ég hitti mann sem ég hef ekki hitt alltof lengi, gaman að sjá þig:), og lofaði honum að blogga meira... svo var það Rósenberg, Kúltúra, Jón Forseti, Viktor og... heim held ég barasta:) rosalega skemmtilegt kvöld:)

núna verð ég að fara, búin að efna loforðið um meira blogg og ætla að efna annað loforð um að kíkja í heimsókn:)

góðar stundir

Það var nákvæmlega ekki neitt opið á sunnudaginn síðasta þannig að ég fór í fáránlega langan hjólreiðatúr í sólskininu og endaði heima hjá mömmu og pabba í vöfflum og súkkulaðikexi... bjóst við að vakna aum um allan líkaman en ég fékk ekki eina einustu harðsperru, samt hef ég ekkert hjólað síðan í haust... ég er sátt:)

fór í Byko á mánudaginn hins vegar og féll fyrir rafmagnsskrúfjárni en keypti það ekki, sannfæringamáttur vitrari manna hafði betur... kannski ekki sannfæringakraftur þeirra beint? frekar flissið og glottin? keypti venjulegt stjörnuskrúfjárn mínus Lithium Ion Technology og tvo venjulega skiptilykla en þegar ég var komin heim uppgötvaði ég að a) ég verð að taka skápinn úr því hann er laus ekki panellinn við hann sitthvoru megin (eyðilegg panelfrontinn ef ég reyni að rífa hann frá), hef ekki alveg tíma til að tæma skápinn og taka hann í sundur akkúrat núna og b) get ekki sett brettin á hjólið ef ég vil get bremsað og notað gírana - bæði bremsur og gírar eru nauðsynlegir fylgihlutir þegar hjólreiðamaðurinn býr efst á holti:)...

fór út úr bænum á mánudaginn... mæli með svoleiðis þegar fólk er í fríi:) gerir frídaginn skemmtilegri, eftirminnilegri og þannig...

fiskibollur í karrýsósu í hádegismatnum í dag, fóru ekki vel í maga þó ég hafi ekki fengið mér kaffi eftir matinn... ég hef komist að þeirri niðurstöðu að ef yfirborð kaffisins er með blárri slikju þá fæ ég brjóstsviða... getur samt líka verið efni úr frauðplastinu sem hefur vond áhrif á mig, veit það ekki en tilraunastarfseminni er lokið... í bráð að minnsta kosti:) fæ mér kannski kaffi á eftir, kom seint heim og gat svo ekki sofnað... miklar pælingar í gangi;) ... stendur ekki í Hávamálum að vitur maður hefur ekki áhyggjur á nóttunni? því þá getur hann ekkert gert í neinu sem þarf hugsanlega, mögulega að laga en á daginn getur hann gert eitthvað í því sem er bögga hann... var að muna/rifja þetta upp núna, hefði ég munað þetta í nótt væri ég líklega ekki svona yfirgengilega þreytt í dag ... jú annars, ég hefði þá ábyggilega farið að lesa í staðinn :)

góðar stundir:)

Góðan og blessaðan:)

ætlaði að sofa út í dag en það gekk ekki betur en að ég er glaðvöknuð, búin að vaska upp, búa um, ryksuga og taka til... núna er ég að horfa á formúluna (Go Button!!) og skrifa email en tölvunni virðist vera eitthvað illa við email forritið mitt því allt frýs reglulega ef ég er með einhverja stæla... eins og að sverta setningu til að skrifa eitthvað annað í staðinn og byrja að skrifa án þess að ýta á delet (kemur út á það sama í flestum tölvum), bíða tilskilinn tíma þar til systemið hefur móttekið að umrædd setning verði ekki með og sætta sig við það... eins og fleiri gamalmenni sættir tölvan mín sig illa við allar breytingar, frýs og drepur á sér.... núna er planið að hjóla niður í Byko eða Húsasmiðjuna (ef þær eru opnar - tékk á því þegar ég er búin að skrifa þetta, tölvunni er líka illa við að ég sé að gera eitthvað tvennt í einu...) og kaupa mér nokkur verkfæri sem ég þarf til að auðvelda mér lífið. Ef þið eigið í einhverjum vandræðum með að finna gjafir handa mér þá langar mig í fleiri verkfæri:) ... gjafir segi ég því ég ætla að halda uppá afmælið mitt í ágúst, oft hef ég lofað því en núna verður það efnt, almennilega og með stæl - hugsanlega mögulega hef ég eitthvað þema? ef þið hafið einhverja uppástungur er öllum frjálst að nota kommentakerfið til að tjá sig um persónulegar óskir ... ég áskil mér rétt til að hlusta ekki á ykkur hins vegar:)

Talandi um þema þá fór ég í stúdentaveislu um daginn og þemað var "Gull og grænir skógar":) allt grænt og gulllitað, gulllitaðir pappadiskar og grænir plastgafflar til dæmis. Stelpan sem var að útskrifast var í hvítum og grænum kjól, grænn "upphlutur" (bodice??? hvað heitir þetta??) og hvítt pils með grænum doppum í stíl við það var grænt kokkteilkirsuber í óáfengum gulllituðum fordrykk... þau sukku öll á botninn en mitt flaut af einhverjum ástæðum... sniðugt samt því ég þekkti alltaf glasið mitt fá öllum hinum:) fyrir þá sem þekkja söguna þá var þetta sama stelpan og hélt grímuball þegar hún varð sex ára en hætti við það eftir að afmælið hófst... núna er hún í Króatíu í útskriftarferð - mig langar til Króatíu:) annars er ég að plana ferð næsta haust til útlanda, eina eða tvær vikur... veit ekki alveg hvert mig langar samt, á hverjum degi kemur ný borg til greina og þessa helgi hefur ný hugmynd verið að þróast sem hefur ekkert með borgir að gera... en ég þarf að tékka aðeins betur á því öllu saman:)

Við lokuðum eitt í nótt, það var ekkert að gerast, ekki neitt... svo lítið að við tókum hillurnar niður til að þrífa þær almennilega báðum megin... þá er það slæmt:) ég hefði líka sleppt því að fara á kaffihús í gærkvöldi ef ég hefði ekki verið að vinna, veðrið var frábært þó að það vantaði kannski smá sól ... ætli Brynja á Laugaveginum sé opin?

jamms... ekki dauð... sit inná Gaza með kaffibolla eftir matinn því ég má ekki fara með hann lengra, ekki inn þar sem ég er að vinna sem sagt þannig að ég neyðist til að drekka hann hérna:)

hvað er að frétta? í gær voru litlir strákar að labba hringinn um bókhlöðuna á syllunni, alveg upp við húsið og að passa að þeir dyttu ekki í "síkið" (þetta er EKKI síki samt... meira svona pollur...). Einn kom að glugganum mínum og brá svo þegar hann sá mig að hann datt næstum útí, þegar hann var búinn að jafna sig kallaði hann til vina sinn, "hei, strákar, komið hingað það er kona hérna!! hún sér mig!!" hnuss..... ég er ekki kona!! ef ég væri kona væri ég orðin stór og ætti heimabíó og tölvu sem héldi sér vakandi lengur en hálftíma í einu:)

það komu gaurar inn á kaffihúsið um daginn sem vildu kaupa flöskubjóra en áttu bara nóg fyrir einum þannig að við seldum þeim bjór í plasttónikflösku fyrir afganginn... þeir voru himinlifandi og lofuðu að koma aftur til okkar... hef að vísu ekki séð þá ennþá...

þegar við vorum að loka kaffihúsinu í gær koma stelpan úr næsta hús og vildi fá "sykur og gos með sykri og súkkulaði og eitthvað sætt og eitthvað að drekka" .... það var einn viðskiptavinurinn að fara í sjokk á húðflúrunarstöðinni og alltaf að líða yfir hann... hver fær sér húðflúr klukkan hálftvö um nótt á fimmtudegi?

1963... ég er að læra allt um þetta ár í dag... veit slatta um margt af því sem kom áður, Marilyn Monroe dó og það var sjokk á Íslandi, Gina Lolabrigida kyssti Juri Gagarin og hann roðnaði, "járntjaldið fellur" stóð á forsíðu Moggans 15. ágúst 1961 síðan þá hafa komið reglulega myndir af hermönnum með byssur og grátandi fólki sem fær ekki að hittast, geislavirkt ský kom yfir landið þetta sumar og mældist 7 (veit ekki hvað það þýðir að vísu...) .... eftir að hafa flett öllum þessum tölublöðum og lesið fyrirsagnir Kalda stríðsins þá er ég orðin frekar hrædd við Rússana ... fyrir nokkrum vikum var ég hrædd við Bandaríkjamenn - ég er líklega orðin veruleikafirrt af að vinna svona mikið:)

þetta er í lagi:) merkilegt... ég er búin að vera að skoða þetta nýja lúkk (sem er ábyggilega ekki nýtt fyrir neinum öðrum en mér nema það hafi verið sett upp í nótt??):) og það er bara frekar flott:)

langt síðan síðast og hvað er ég búin að vera að gera spyrjið þið kannski?? raunverulega kemur það ykkur ekki rassgat við og það sem meira er þið hafið ábyggilega engan áhuga á því:) en þá sleppið þið því bara að lesa ef ég skyldi fara að segja eitthvað um athafnir mínar undanfarið, er það ekki?

þegar ég er í prófum er ég ómöguleg! ég verð hreinlega að taka tölvuna úr sambandi til að vera ekki sífellt á netinu svo sting ég henni í samband og fæ eitthvað eitur í hana:( ekki sátt ... veit annars einhver hvað "actulice" er? tölvan virkar alveg núna en ég get ekki slökkt á þessu "modf" glugga sem kemur alltaf upp.... ég hlakka ótrúlega til þess að kaupa mér nýja tölvu!! ég ætla að kaupa mér tölvu með svo rosalegum vírusvörnum og sekjúrití að ég þarf að skrifa password til að geta ýtt á on-takkann:)

að öðru, ég er með Skjá einn í gangi og núna er myndband með Ceres 4 (einn gaur eingöngu í buxum með míkrófón og tvær stelpur í bikiníhaldara og sokkabuxum), lagið er Klofvega í því hljómar viðlagið svona:

sestu á mig klofvega,
klofvega,
sestu á mig klofvega,
alla vega klofvega,
alla vega klofvega,
alla vega klofvega....

heyrði ekki hvernig textinn sjálfur var:) ... aðallega vegna þess að viðlagið var endurtekið svo oft:)

ég er í fríi í dag og þessi frídagur kom eins og blaut tuska úr heiðskíru lofti, var ekki búin að fatta að það væri heill frídagur svona í miðri viku, hann kom án viðvörunar - ekki misskilja mig, ég er þvílíkt sátt! vaknaði að vísu fáránlega snemma þrátt fyrir allar tilraunir til að sofa lengur, það á ekki að vera hægt að vakna hálftíu á frídegi!!! ég hef samt notað tímann vel:) ég horfði á Kill Bill áðan og hún er snilld:) hugsanlega mögulega fannst mér hún svona góð vegna þess að ég bjóst ekki við miklu? en ég get ekki beðið eftir að sjá mynd númer tvö:) ... það er meira að segja verið að sýna hana í Regnboganum í kvöld, kannski ég fari í bíó?:)

oooookkkkeeeeeiiiiii .... ég veit að það er langt síðan ég var hérna síðast en vá... ég ætlaði varla að rata:) .... uhhhmmmm ég ælta að prófa að publisha áður en ég skrifa heljarinnar hellings og kemst að því að settingarnir eru vitlausir og allir íslensku stafirnir fara í hakk....

Góðan og blessaðan!! netið komið í samband hjá mér aftur sem betur fer:) ein ritgerð eftir og tölvan er í essinu sínu akkúrat núna, hef aldrei séð hana vippa sér eins hratt milli heimasíðna og í dag, það hreinlega lýsir af henni hún er svo hress ... fyrir utan hrygluhljóðið sem viftan gefur frá sér öðru hvoru, ég vona bara innilega að þetta séu ekki síðustu dauðateygjurnar sem ég er að verða vitni að? eins og ég er alltaf að lesa um í bókum og sjá í bíómyndum, fólk sem hefur verið lasið í lengri tíma en fær svo aukinn kraft í smástund rétt áður en það deyr sbr. vinurinn í Hinni feigu skepnu eftir Philip Roth sem reyndi að afklæða konu sína og koma við brjóstin á henni nokkrum mínútum áður en hann varð allur ... ég ætla að kaupa mér nýja tölvu þegar vaxtabæturnar koma í ágúst í staðinn fyrir að gera eitthvað skynsamlegt eins og borga upp eitthvað lán, það borgar sig víst líka að skulda eitthvað og ég get ekki hugsað mér að vera tölvulaus:/

jæja, um að gera að halda áfram þó það sé sól úti, bara tveir sólarhringar eftir... og ég HATA brauð með kæfu, það er enn of stutt liðið síðan ég fékk ógeð á smurostum þannig að nú lýsi ég eftir nýju áleggi sem endist eitthvað eins og kæfa og smurostur og sulta en er ekkert ofantalið:) mig vantar eitthvað nýtt sem ég get horft á og borðað án þess að vera of glorsoltin til að vera sama hvað er á brauðinu... kannski ætti ég að snúa mér að einhverju öðru alveg? borða bara snúða eða eitthvað....????

P.S. ég vildi óska að gaurinn á móti myndi fatta að hann eigi aldrei eftir að bæta sig neitt á þessum blessaða rafmagnsgítar, hann er búinn að æfa sig í að minnst kosti þrjú ár (ég hef búið hérna í þrjú ár núna) og hann er enn að æfa sömu stefin, aftur og aftur og aftur og aftur og aftur og aftur og er ekkert að fara að ná þeim - ég dáist að fólki sem gefst ekki upp en ég dáist enn meira að fólki sem veit hvað þeirra takmörk eru og finna sér nýtt áhugamál....

langt síðan ég hef bloggað, mikið að gerast þessa dagana... en tími til kominn að surfa pínkuponsu fyrst ég var vöknuð fyrir sjö í morgun, þá má alveg leyfa sér solleis er það ekki?

fílarðu Bush? mæli með því að hafa hljóðið með þegar þið skoðið síðuna:)... en lækkið svo áður en þið fáið það á heilann, mæli með því líka... hefði átt að fatta það sjálf:)

ég er ofsalega mikið fyrir lista og kvót, eins og sést hérna neðst á síðunni minni, þess vegna var ég himinlifandi þegar ég rakst á The Keepers of Lists síðuna um daginn:) þarna er hægt að finna fyrirsagnir framtíðarinnar, lista yfir vísbendingar um að foreldrar þínir eru að ofvernda þig, hvað þú átt ekki að segja í atvinnuviðtali, tilbrigði við sígarettuumbúðaáróður, hvernig er hægt að forðast skatta og hvernig er hægt að tala um sjálfsfróun án þess að nota orðið sjálfsfróun og svo framvegis og framvegis...

... ég fann Lista-geymarana þegar ég var að leita að leiðbeiningum um að gefa köttum pillur... alltaf gaman;)

þið stelpur sem voruð spenntar fyrir Elijah Wood, sorry, hann er hommi... yeah right!!! ég er ekki sannfærð:) þetta eru ekki sérlega hommalegar myndir, má ekki gera neitt til að virka hommi ... kannski er ég líka hommi?? talandi um Lord of the Rings, hafið þið prófað að slá inn Orlando Bloom í Google? þið fáið um það bil 1,280,000 niðurstöður en bara um það bil 749,000 fyrir Elijah Wood og bara um 322,000 fyrir Viggo Mortensen, ef þið sláið Lord of The Rings inn hins vegar fáið þið 6,600,000 niðurstöður:) hmmm... betra að læra en að eyða tíma í þessa vitleysu;)

góðar stundir

hmmm... er svona time-delay á blogger.com líka? eins og á beinum útsendingum eftir brjóst Janet Jackson? skrifaði færslu fyrir löngu sem er ekki enn komin á netið ... skil ekki? vildi bara bæta þessu við... en kannski birtist þetta ekki heldur fyrr en eftir hádegi eða eitthvað þegar það er orðið of seint?

Hádegisverðarfundur verður haldinn um frumvarp dómsmálaráðherra til breytinga á lögum um útlendinga í Iðnó klukkan 12:15 föstudaginn 16. apríl. Að fundinum standa Fjölmenningarráð, Samtök kvenna af erlendum uppruna, ungliðahreyfingar úr öllum stjórnmálaflokkum auk vefritanna Deiglan.com, Frelsi.is, Múrinn.is, Pólitík.is, Sellan.is og Skoðun.is. Er þetta sami hópur og hefur staðið að undirskriftasöfnun gegn frumvarpinu á vef Deiglunnar, http://www.deiglan.com/undirskrift/

Á fundinum verður fjallað um frumvarpið og þau atriði í því sem aðfinnsluverð þykja. En meðal þeirra er að frumvarpið gerir að skilyrði fyrir veitingu dvalarleyfis á grundvelli hjónabands, sambúðar eða samvistar að erlendur maki, sambúðar- eða samvistarmaki hafi náð 24 ára aldri. Þá veitir frumvarpið yfirvöldum heimildir til að taka DNA-sýni af innflytjendum, sem sækja um dvalarleyfi á grundvelli fjölskyldusameiningar, og til að gera leit á heimili eða persónu einstaklinga ­ án dómsúrskurðar - í fleiri tilvikum en verið hefur. Þetta telja aðstandendur fundarins og söfnunarinnar ganga gegn grundvallarreglum íslensks réttarkerfis. Eins og áður segir mun fundurinn hefjast klukkan 12:15 og munu framsögumenn halda stuttar tölur í u.þ.b. 30 mínútúr en að þeim loknum verða opnar umræður um málið. Fundurinn er öllum opinn.

Melkorka litla Kristófersdóttir á afmæli í dag, hún er tveggja ára - til hamingju með afmælið:)


og Björgvin Halldórsson er 53 ára í dag


nú finnst mér að Ólafur Ragnar ætti að koma upp svona heimsíðu, bara til að gleðja fólkið í landinu:)

... svo var ég að leita að litlum mynd af bangsa til að setja fyrir neðan Melkorku og fann þetta ... merkilega mikill bissness;) sjálf kann ég alveg að meta fallega bangsa en ... fyrr má nú vera;)

... eitt dæmi um hvað tölvur eru klikkaðar ... "Keyboard not present, press F1 to continue" er líka vinsælt en ég á ekki mynd af því ...

nú er orðið heillangt síðan ég bloggaði síðast, mikið að gerast og þannig:)

Hannesinn kom heim í gærkvöldi, við Íris sóttum hann á flugvöllinn, hlógum meðal annars að kærustupari sem var greinilega búið að vera of lengi saman og var farið að láta líkamstjáningu sína segja allt sem þau höfðu við hvort annað að segja, málið var bara að það sáu allir aðrir nákvæmlega hvað þau voru að segja við hvort annað:) skutlaði Hannesi heim og fékk að fara með fjölskyldunni hans að sýna honum nýja húsið sem þau eru að byggja, vá... vá... og VÁ!! verulega flott hús!!:) ég veit að ég er geðveikt nörd en ég get ekki beðið eftir að sjá rafmagnstöfluna þegar Palli er búinn með hana:) ég þekki strák sem er rafvirki/rafeindavirki/rafmagns-eitthvað-menntaður og hann er með snertiskjá uppá súlu í miðri stofunni þar sem hann getur stjórnað tónlistinni, birtunni og öllu hinu sem gengur fyrir rafmagni í íbúðinni... veit ekki hvort mér finnst þessi "miðstöð" kúl eða krípí?

ég fór til læknisins míns á þriðjudaginn vegna þess að ég er með svo slæma eyrnabólgu en hann sagði mér að vera ekki kelling, þetta liði hjá ... í hvert einasta skipti sem ég fer til hans segir hann að ég sé kelling og þetta muni líða hjá, rifinn vöðvi til dæmis tekur bara x-marga mánuði að gróa og ég verði bara að þola það og ekki væla yfir því... merkilegt, ég vil fá samúð og svona klapp á bakið (ekki þeim megin sem mér er ill í vöðvanum samt) og þoli ekki hvað hann er höstugur en samt sækist ég í að panta tíma einmitt hjá honum, get ekki hugsað mér að fara til einhvers annars læknis ... þetta er kannski einhver -ismi sem hrjáir mig og ég hef ekki gert mér grein fyrir því ennþá?

mér er batnað ... eiginlega alveg, enn með pínkuponsu kvef og þannig en ég er ekki með hita eða neitt sem er eins gott ... ég er að reyna að skrifa ritgerð... ekki alveg að ganga að vísu því mig langar ekki til að skrifa þessa ritgerð en það verður víst að gera svona til að fá einkunn fyrir námskeiðin ... það verður líka að taka próf en mig langar ekkert til að taka próf á miðvikudaginn ... en eftir prófið kemur Hannesinn heim og á þarf ekki að skila næsta verkefni fyrr en 23. apríl ... næstum því tíu daga pása - mjög sátt við það:) það munu vera góðir dagar ... svo er ég búin 28. apríl og það er gott;)

verð að fara að pæla meira í ismunum en heimildarvinnan er í tómu tjóni - ég vissi ekki neitt um þessa isma þegar ég byrjaði þannig að ég ætti að vísa í ALLT sem ég skrifa, nema nafnið mitt því það er "almenn þekking" ... að minnsta kosti meðal þeirra sem þekkja mig ... ohhhhhh... ég hata heimildir.....

EN bróðir minn keypti handa mér minidiskspilara í París, ég ætla að borga hann auðvitað en hann keypti hann handa mér!!! og svo kom hann með gjöf frá París sem ég þarf ekki að borga? væntanlega ekki því þetta er gjöf - ég er rosalega sátt við litla bróður minn og Debbý, þau eru gott fólk:)!! þrátt fyrir ritgerðir og próf er lífið einstaklega gott þessa dagana!

góðar stundir

var að fá tölvupóst með link sem ég get sett beint á síðuna mína:


þetta er linkurinn ... á að vera hægt að smella á myndina en ég er með of mikinn hita til að fatta hvað ég er að gera vitlaust;)


komin á fætur aftur, var ekkert sofandi í morgun, ég er ennþá lasin, augnlokin eru eins og lítið barn hafi föndrað þau úr trölladeigi á leikskólanum og nefið eins og nefið á Gutta eftir að hann datt af veggnum ... "Nú er Gutta nefið snúið, nú má hafa það á tröll"

góðar stundir

ég fór að sofa í gær klukkan níu vegna þess að ég var svo slöpp eitthvað, einhvers konar pest ... ég held að ég hafi ekki vaknað í dag - ég vona að minnsta kosti að ég sé ennþá sofandi og að dreyma þettta núna, það á ekki að vera hægt að vakna svona veikur eftir tólf klukkutíma svefn! jamms, ég held að ég sé ábyggilega ennþá sofandi ... trúi ekki að ég sé orðin alvöru veik, hef ekki tíma í það og langar til að gera svo margt, margt annað en að vera lasin akkúrat núna:/

en þó að ég sé sofandi vil ég vekja athygli ykkar á þessu!! þetta má ekki!!

það er búið að aflýsa upplestrarkvöldinu sem ég ætlaði á í kvöld vegna rafmagnsleysis... verð sem sagt að gera eitthvað annað í staðinn... og Judging Amy hætt;)

myndavélin komin í lag en samt ekki neitt að gera fyrir þann sem ekki er að taka myndir ... merkilegt að vinna svona hjá ríkinu....

Magnús er farinn í sveitina - eða eins og við segjum heima, he's gone to the happy hunting grounds - hann hefur verið lasinn undanfarið þannig að þetta er líklega fyrir bestu, mamma á hins vegar eftir að sakna hans mjög mikið.

Fyrir þá sem ekki þekkja til þá var Magnús froskur sem ég tók að mér fyrir nokkrum árum en þegar Fídel kom til að búa hjá mér varð ljóst að þeim myndi aldrei semja þannig að hann fór í pössun til mömmu þar sem hann hefur verið núna í næstum tvö og hálft ár. Hann var búinn að lifa svo lengi þegar ég fékk hann að allir bjuggust við að hann myndi deyja fljótlega (svona froskar eiga ekki að lifa nema eitt til tvö ár) en hann var í fullu fjöri þangað til fyrir um það bil tveim vikum þegar hann hætti að vilja borða. Nafnið Magnús er tilkomið vegna misskilnings, stelpan sem var með hann á undan mér var alltaf að tala um froskinn og Magnús í sömu setningu og á ályktaði (ranglega eins og mér einni er lagið) að froskurinn héti Magnús en þá var það fyrsti eigandinn sem hét Magnús, froskurinn hét ekki neitt. Einu sinni þegar ég fór í Fiskó til að fá hann "greindann" (það er nauðsynlegt að vita hvers konar froskur býr inná baðherberginu ... þó það skipti auðvitað ekki neinu máli í daglegri umgengni) fékk ég að heyra að einu sinni hafði Magnúsinn sem átti hann fyrst keypt annan lítinn frosk til að hafa hjá honum svo hann yrði ekki einmanna - Magnús hins vegar tók sig til og át litla vin sinn nokkrum klukkutímum eftir að hann var settur í búrið til hans. Það var frekar óþægilegt að vera með froskætufrosk í höndunum í búð fullri af litlum börnum sem horfðu á hann - og mig! og ég sem hef aldrei borðað nema lappir af froskum, aldrei í heilu lagi og lifandi - eins og eitthvað óargadýr. Þegar ég kom heim sagði ég mömmu og pabba frá vinar-áts-tilfellinu og pabbi fyrirgaf Magnúsi aldrei, þeir urðu aldrei sérstakir vinir, aðallega vegna þess að Magnús borðaði bara lifandi mat sem varð að rækta (orma, maðka, lirfur) og pabbi þolir engin skorkvikindi... en samt kom ég nokkrum sinnum að pabba þar sem hann stóð grafkyrr yfir búrinu og horfði á Magnús gera ekki neitt, hvernig er "morbid fascination" þýtt á íslensku?:)
Ég held að við munum öll sakna Magnúsar, meira að segja pabbi, þannig að ef þið þekkið einhver dýr sem þarfnast góðs heimilis í styttri eða lengri tíma - heimili foreldra minna hefur í gegnum tíðina verið athvarf og síðasti áfangastaður fjölda gæludýra en það er löng saga sem ég ætla ekki að byrja á núna - má endilega hringja í mig, sérstaklega ef þetta er froskur eða eitthvað furðudýr því frændsystkinum mínum fannst sérlega gaman að koma til ömmu sinnar, að heimsækja froskinn ... og matinn hans;)

góðar stundir

var að koma heim úr vinnunni og er hreint út sagt alveg búin, alveg, alveg:) ætlaði að sofa í dag áður en ég færi í vinnuna en gat það ekki ... svaf heldur ekki út... en á morgun, á morgun mun ég sofa þangað til ég þarf að mæta í skólann klukkan þrjú:) búin í einum tíma sem ég var alltaf í á mánudögum klukkan eitt þannig að núna fæ ég tvo auka klukkutíma:) ... sem er gott, ég er of upptjúnuð til að fara að sofa núna ... er samt að hugsa um að fara upp í rúm og vonast eftir kraftaverki:)

takk fyrir komuna í kvöld stelpur:)!!! alltaf svo gaman þegar fólk kemur í heimsókn til mín:) og Bryndís, þú verður eiginlega að fara að blogga til að vera eins og við hinar - þetta er hópþrýstingur núna:) ég er alltaf að hugsa um hvað nefið á Carmeninni þinni er flott:) ekki segja Fídel:)

Gunnar og Debbý hringdu í mig í morgun þar sem þau sátu á útikaffihúsi á hlýrabolum við Bastilluna í París - sumt fólk þoli ég ekki;) þau ætluðu að senda mér myndir en enn hefur ekkert borist emailleiðis... talandi um það þá verð ég að fara að skipta um addressu... þessi gengur ekki lengur:/ kannski ætti ég bara að nota þrjá fyrstu stafina aon@simnet.is ... hljómar soldið eins og einhvers konar stuðningshópur er það ekki? ... pæli í þessu:)

rosalega mikið af brosköllum hérna hjá mér í kvöld:) ... ætli ég sé ekki í svona góðu skapi? alveg ágætis vakt líka, enginn Jägermeister hetja og soldið margir "einn kaffi .... aðra ábót?" en ég er að verða vön þeim ... rukka samt fimmtíu kall fyrir fleiri en þrjár:) það sat að vísu fólk inni til að verða hálftvö sem ég þoli yfirleitt ekki en þetta voru sjö Færeyingar, rosalega kurteisir og keyptu fyrir ca. 10.000.- kall og ég fíla Færeyinga þannig að ég varð ekki einu sinni pirruð á þeim:) that's a first:) ef Didda og vinir hennar hefðu verið þarna hefði ég ábyggilega verið að því komin að lemja þau öll í hausinn en þau eru heldur ekki kurteis auk þess sem ég held að þau séu öll blind? allir stólar á borðunum og eini óskúraði gólfflöturinn er í kringum þau: "eruð þið ekki BARA að ganga frá?" ... eeeeehhhhh .... .jú!!!! fólk er svo furðulegt:)

er að fara í afmæli næsta föstudag, Föstudaginn langa, þá dó Jesú fyrir þá sem ekki vita það:) ... jamms, "rosalega sniðugt að eiga afmæli svona á Föstudeginum langa!! allir í fríi og svoleiðis" ... einmitt... það rignir líka alltaf á Uppstyttingardaginn:) svona er fólk, alltaf að koma mér á óvart:)

góðar stundir

þessi færsla á undan framkallaðist tvisvar af einhverjum ástæðum...? þess vegna er ég að skrifa þetta, edit og delete til að vera ekki með tvær eins færslur í röð:)

heyrði frábæran brandara um daginn:

Tveir Gyðingar löbbuðu inn á bar og keyptu hann

góðar stundir:)

9.-13. júní

Reykjavík.

3. norræna þingið um lækningahúmor, öllum opið. Nánari upplýsingar og skráning á slóðinni http://kmh.mirrorz.com og ennfremur hjá helga@icelandtravel.is

... fann þetta á síðu Læknablaðsins, hljómar áhugavert frá þjóðfræðilegu sjónarhorni en þessi ráðstefna kostar 30.000.- kall þannig að hugsanlega mögulega er ég ekki að fara þangað þó að þingið sé öllum opið:) ... nema auðvitað að ég fái að komast inn frítt sem rannsakandi? læknar sem tilraunadýr? hljómar vel:)

anívei, var að vinna í gærkvöldi - var líka boðin vinna sem dyravörður en varð að hafna því, NÆST má samt alveg hringja í mig ... og hina fimmtán líka:) það kom inn gaur sem fékk sér þrjú Jägermeisterskot í röð, aðdáunarvert ... svo kom hann aftur stuttu seinna og fékk sér þrjú í viðbót, enn aðdáunarverðara ... en svo kom hann í þriðja skiptið og spurði hvort hann fengi magnaflátt! ef hann borgaði fyrir tíu skot hvað fengi hann mörg? í djóki sögðum við tólf og héldum að hann væri að grínast, nei, honum var fúlasta alvara, tók sex strax og kom klukkutíma seinna til að taka næstu sex - þetta hætti að vera aðdáunarvert og fór að verða verulega krípí því það sást ekkert á honum samt sagðist hann vera að drekka annars staðar en að það væri ekkert að virka á hann;) ótrúlegt! ég hefði verið dauð eftir fyrstu þrjú skotin ... ég hefði líka bara keypt flöskuna af okkur og sparað peninginn en kannski var hann að leita að athyglinni sem fékkst með því að standa á barnum og taka skot eftir skot eftir skot og labba út óstuddur...

það komu líka tveir menn frá Hvolsvelli inn og fengu sér Grand Mariner kaffi, töluðu hátt, rosalega hátt en þeir voru frekar skemmtilegir:) ætluðu að hitta dóttur annars á Hverfisbarnum og báðu mig um að teikna kort fyrir sig með þekktum kennileitum... þekkt kennileiti á Laugarveginum? sem gaurar sem hafa ekki verið ölvaðir í Reykjavík í áratugi muna eftir? vona að þeir hafi ratað en þeir virtust ekki vera týpurnar sem þorðu ekki að spyrja til vegar ... ég fékk símanúmerið hjá öðrum þeirra ef ég ætti leið um Hvolfsvöll og vantaði koss:)

alltaf gaman að vinna á kaffihúsi;)

þessi átti ekki að vera hérna þannig að nú hefur henni verið delítað!

komið föstudagskvöld ... var að koma heim frá foreldrum mínum þar sem við vorum að borða pizzu:) hef komist frekar nálægt því að óverdósa af pizzu þessa vikuna en ... nei, ég er soldið frá því ennþá:) kannski þegar ég verð búin að borða afganga kvöldsins í kvöld í morgun-, hádegis- og kvöldmat á morgun? kannski ekki?:)

búið að vera alveg einstaklega skemmtileg vika:) náði að skila verkefnamöppu á réttum tíma, held að ég hafi loksins náð að "vertera" mér milli skora í skólanum eftir margar, margar tilraunir, spilaði heilan helling, fór á verðlaunaafhendingu í gærkvöldi og það varð barasta rosalega skemmtilegt kvöld... svo er Practical Magic í sjónvarpinu núna - jamms, Sandra Bullock nú verður poppað og glápt... ég veit, ég veit, ég er lúði en veðrið er ógeðslegt;)

það var húsfundur í húsinu mínu í kvöld því við erum að fara að gera smávegis við húsið bráðum - næsta sumar, eftir ár, ætlum við að mála húsið gult aftur því við viljum öll segjast búa í "gula húsinu" ekki "kremaða húsinu":) fundurinn var stuttur og skemmtilegur því nágrannar mínir eru einstaklega fínt fólk en ég labbaði hins vegar upp með Möppuna ég er nefnilega orðin formaður, ritari og gjaldkeri húsfélagsins ... hef ég ekki nóg að gera? ... ég var of sein í að stinga upp á einhverjum í þetta hlutverk og það var stungið uppá mér fyrst, fattaði sem sagt of seint að þetta var svona pant-leikur eins og í leikskóla:) of langt síðan ég var í leikskóla greinilega ... ég er samt ekkert að barma mér yfir þessu hlutskipti, starfið felst aðallega í því að opna umslög, gata þau og setja í græna möppu ... ég verð að vísu líka eitthvað að sjá um samningaviðræður við iðnaðarmenn og verktaka, jamms .... ætli ég geti ekki sett þetta á CV-ið mitt?

fagnaði stöðuveitingunni áðan með því að panta mér pizzu, klukkan var orðin of margt til að hringja í fólkið sem ég ætlaði að borða pizzu með í vikunni en það er nóg eftir af henni, vikunni sem sagt... pizzunni líka ef einhver vill afganga? og hingað til hef ég aldrei fengið of mikið af pizzu - efa að það sé hægt að borða yfir sig af pizzu ... væri samt alveg til í að prófa það einhvern daginn:)

... ég VAR blessunarlega laus við að hafa séð myndband með Leoncie en myndbandið við Wrestler er í sjónvarpinu núna ... ég held að ég sé orðin blind ... og heyrnalaus;)

góðar stundir

hef farið að sofa fyrir miðnætti tvö kvöld í röð:) og það á barasta alveg ágætlega við mig ... kannski er ég ekki eins mikil B manneskja og ég hélt? jú ég er það ábyggilega því ég er ekki að vakna neitt sérlega snemma og ég held að ég hafi kannski þurft á meiri svefni að halda en ég hef leyft mér að fá undanfarið, til dæmis á föstudaginn var ég vöknuð um sjö til að vesenast allan daginn og fór ekki að sofa fyrr en ... um miðja nótt:) í lok síðustu viku var ég sem sagt orðin of þreytt til að virka almennilega en núna er ég alveg tilbúin til að takast á við nýja viku, en ég ætla ekki að lofa sjálfri mér að fara snemma að sofa í vikunni vegna þess að ég veit af fenginni reynslu að ég svík alltaf þannig loforð:) ... betra er ólofað en illa efnt og allt það;)

Þreif bílinn hennar mömmu á föstudagsmorguninn og leið eins og hálfvita þegar allir nágrannarnir voru að taka aukahring til að horfa á stelpuna sápa bílinn í snjókomu - ég fékk samt ekki drep í hendurnar við vegna kuldans eins og ég bjóst:) ætlaði að þrífa bílinn alla síðustu viku í góða veðrinu en vegna alls konar uppákoma endaði ég á því að gera það á seinustu stundu... á seinustu stundu vegna þess að þegar vél lendir 13:10 mun hún lenda tíu mínútur yfir eitt en ekki tíu mínútur yfir þrjú - einhvern daginn ætla ég að læra á klukku:)

Ég er að verða stór vegna þess að ég er komin með ársplan:) ekki fimmára plan eins og nokkrir sem ég þekki, en eitt ár frammí tímann er alveg rosalega fínn árangur finnst mér:) að minnsta kosti hjá byrjanda:) núna er ég ekki bara að pæla í því sem ég er að fara að gera í kvöld eða mesta lagi á morgun:) núna get ég farið að skipuleggja heimsreisuna mína líka:)

Það má ekki henda fólki úr leigubíl á ferð og Skólavörðuholtið er ekki óvirk eldstöð, allt hraunið hérna er aðflutt - held að þetta holt hafi ekki verið virkt jarðhitasvæði síðan fyrir ísöld:) á föstudaginn var ég þreytt og fannst ég rosalega fyndin eftir nokkra:) hefndist fyrir á laugardaginn þegar konan í Máli og menningu snappaði á mig, "viltu ekki bara gera þetta sjálf!!" - "nei, nei, þetta er fínt ef þú vandar þig svolítið" og ég gleymdi kaffinu mínu í Blómaval, kaffi er gott veganesti í langferð, daginn eftir, en það komst ekki með mér út fyrir bæjarmörkin...

Golsótt kind sem á lamb í mars og er búið að girða af er ekki veik heldur brún í framan - það er búið að girða hana af svo aðrar kindur stígi ekki á lambið - nægilega slæmt víst að mamman (sem ég veit ekki hvað heitir) stígi á lambið sitt sjálf ... hef aldrei borið mikla virðingu fyrir kindum síðan ég var neydd, einu sinni, til að fara í réttir með leikskólanum. Þann dag kom ég grátandi heim eftir að hafa verið að kafna úr fýlu og staðið í augnhæð við blautar kindur sem pissuðu og kúkuðu á mig í grenjandi rigningu heilan dag og fékk mömmu til að lofa að senda mig þangað aldrei aftur, hef aldrei farið í réttir síðan ... kannski vegna þess að botnlanginn var fjarlægður úr mér sumarið sem ég varð sex ára (og þar með miðstöð ónæmiskerfis míns fram að fermingaraldri samkvæmt nýjustu rannsóknum) og fyrsta mánuðinn í skólanum, að minnsta kosti, var ég alltaf veik af einhverju sem var að ganga og hef misst af öllum frekari réttarferðum ... en ég kýs að þakka mömmu fyrir að hafa hlíft mér við því að umgangast kindur, mamma verandi einstaklega góð manneskja:) ... á laugardaginn sá ég eina sem var að kúka, bakkaði á aðra og hélt áfram að kúka á bakið á henni - þetta er pempían í mér engan vegin að höndla! Pempíuskapur minn kom samferðastelpum mínum mikið á óvart, "vannst þú ekki í fiskbúð í allan þennan tíma! hvernig geturðu verið svona mikil pempía??!!" - þeir sem þekktu mig þegar ég byrjaði í fiskbúðinni geta staðfesta að það var veðmál í gangi um hversu lengi ég myndi endast, daginn? vikuna? og ég viðurkenni að ég var að vonast eftir því að fá vinnuna á hjólaverkstæðinu en ekki innan um blóð og slím og lík af fiskum með innyfli sem varð að skera úr og augu sem fylgdust með mér hvar sem ég var í vinnslusalnum eins og einhver krípi mynd af Winston Churchill sem er hægt að kaupa í Tiger ... - sem minnir mig á það: hver hélt utan um sjóðinn? ég vann ykkur öll!!!:) en ég viðurkenni fúslega að ég er pempía að sumu leyti, pempía sem fílar Söndru Bullock og hefur horft of oft á Sleepless in Seattle og Pretty Woman til að hollt geti talist en skítur sem er ekki svona "lífrænn" truflar mig ekki neitt sérlega mikið, hef til að mynda ekkert á móti því að verða skítug af bíladrullu og ég get unnið garðavinnu - ef það eru ekki pöddur sem hreyfa sig hratt í téðum garði:)

Afmælisveislan var í Félagsheimilinu Skildi hjá Stykkishólmi, kona sem spilaði einstaklega vel á harmónikku sá um tónlistina og tók við óskalögum þannig að við þjóðfræðinemarnir tókum nokkra þjóðdansa fyrir gestina - eins og fólk gerir í afmælisveislum með harmonikkutónlist:) þetta var rosalega skemmtileg veisla og við hlógum svo mikið að við vorum farnar að vekja lukku löngu áður en við fórum að dansa:) núna langar mig svolítið að fara á réttarball (mér var sagt að allir sætu strákarnir komi þangað en komust ekki í veisluna vegna annarra skuldbindinga) en ég ætla ekki að láta sjá mig fyrr en allar kindurnar eru farnar heim að sofa ... talandi um kindur, ég held að Silence of the Lambs hefði ekki virkað ef hún héti Silence of the Sheep, þó að það stuðli, lömbin eru saklaus af því að kúka á bakið á öðrum því þau eru ekki nægilega há í loftinu, öll dýr eru með asnalegar lappir þegar þau fæðast (kindur eru með ansalegar labbir líka...), mér er ekki sérlega illa við lömb ... þau hafa heldur ekki fullkomnað þetta starandi augnaráð sem einkennir hinar fullorðnu kindur, þær minna mig á stóra, loðna, bláeygða ránfugla ... en ullin er samt nauðsynleg býst ég við ... endilega skrollið niður

ætla að halda áfram að vinna verkefnamöppuna mína ... eða lesa The Human Stain eftir Philip Roth, er alveg að fíla þessa bók, vel skrifuð og fullt af orðum (ég er mikið fyrir "orð" í bókum ... duhhh ... erfitt að útskýra það, The Street of Crocodiles og And The Ass Saw the Angel eru til að mynda bækur sem ég fíla útaf orðunum:)) svo eru líka svo skemmtilegar pælingar í þessari bók "I know that every mistake that a man can make usually has a sexual accelerator"

góðar stundir

sorrí ... ætlaði að blogga því þessi undanfarni sólarhringur hefur verið meiriháttar viðburðaríkur en Silence Of The Lambs er á Skjá einum og mig langar til að sjá hana - sá hana í bíó og minnir að hún hafi verið góð? kemur í ljós:)

brosverkir og illt í maganum af hlátri... ;)

við erum búin að eyðileggja myndavélina í vinnnunni með ákafa og afköstum ... erum að borga fyrir það núna með því að hafa ekki rassgat að gera nema spila asnalega orðaleiki meðan annað okkar tekur myndir á antik myndavél en hitt borar í nefið - ekki alslæmt að vísu:
End of DayS - Something About MarY - YallayallA (sænskir þættir??? ok:)) - AI - I, RoboT - Thin Red LinE - Eye of the Beholder - Ronja ræningjadóttiR - Rex - Xena Warrior Prinsess - Saving Private RyaN - Nonni og MannI - In the Name of the FatheR - Return of the KinG - the Good, the Bad the UglY - Young Indiana JoneS - Stealing BeautY - (ég hata y ....) Young Einstein - Natural Born KillerS - SeabiscuiT - Titan AE - Everybody Loves RaymonD - Dude, Where's My CaR - Raiders of the Lost ArC - CandimaN - Name of the RosE - Enchanted MansioN - NortH - HamleT - To Kill a MockingbirD - Death of a SalesmaN - Nothing to LosE - Emperor of the SuN - NikitA - Apocalypse NoW - What Women WanT - TerminatoR - RosswelL - Life of David GaylE - EnterprisE - Eyes Wide ShuT - TrainspottinG - Groundhog DaY - Young BlooD - Dances With WolveS - Seven SamuraI - Intolerable CrueltY - You've Got MaiL - Long Kiss GoodnighT - Twin PeakS - SWAT - Twilight ZonE - El MariachI - IshtaR - River Runs Through IT - Tank GirL - Love ActuallY ... etc.:)
frh. YentilL - Leaving Las VegaS - Shawsank RedemptioN - Notting HilL - Lost In SpacE - ExcalibuR - RoxannE - ErnesT - Time To KilL - Lost In TranslatioN - Nobody's FooL - Lock, Stock and Two Smoking BarrelS - Starship TrooperS - Something's Gotta GivE - EldoradO - OrlandO - Oceans EleveN - NeighbourS - jamms ... fer að verða komið gott ...

góðar stundir ...

Hlaut að koma að því...

soldið langt síðan ég uppgötvaði eitthvað nýtt varðandi tölvuna mína þannig að ég er að prófa núna ... þið eigið að geta séð leynitexta ef þið farið með bendilinn á linkinn hér að ofan og hann á að opnast í nýjum glugga líka ... veit samt ekki hvort það eigi eftir að virka? annars er ég að skrifa ritgerð núna þannig að ég ætla ekki að surfa neitt ... eða breyta blogginu þó það fari að koma að því, orðin leið á útlitinu og litunum:)

nei, klukkan er ekkert að klikka hérna neðst, ég er vöknuð og að blogga fyrir klukkan átta um morgun;) og ekki bara það þá er ég búin að vera vakandi í nokkra klukkutíma! ... eða síðan rétt fyrir sex ... en það er samt mjög langur tími:) var að skutla foreldrunum á flugvöllinn í morgun, fæ að hafa geimskipið hans pabba í viku;) þetta er þvílíkt glampandi sniðugur bíll, ég get startað honum inní stofu, labbað út og þá er hann farinn að verða hlýr! snilld ... ætli ég geti fengið mér svona system í Chevýinn ... ábyggilega ekki, hann er '89 módelið - ábyggilega meiri líkur á að ég fengi dverg til að búa í honum til að hafa hann tilbúinn á morgnanna;) rafmagnið er ekki uppá marga fiska ... kviknaði í honum síðasta sumar og þannig:)

meirihluta leiðarinnar heim var ég að hlusta á Rás eitt í útvarpinu, stöðin hans pabba og lærði ýmislegt, sólin kemur upp í Reykjavík 7:29, er í hádegisstað 13:35 og sest 19:42 ... ég tékkaði ekki á þessu þannig að hugsanlega mögulega eru þetta ekki réttar tímasetningar en ég er svona 99% viss að ég hafi ekki ruglað þeim ... merkilegt, þetta man ég en ekki símanúmer á milli þess sem 118 segir það og ég reyni að stimpla það inn - mjög sérhæfð fötlun það;) en núna eru þeir komnir með þjónustu þar sem þeir tengja þig beint við númerið sem þú biður um ... sem hefur að vísu orðið til þess að ég veit ekki einu sinni á hvaða tölum sum símanúmer byrja á;) eftir að hafa hlustað á Rás eitt um stund kom lag með Karlakórnum Kátum þröstum ... fullmikið af hinu góða þannig að ég ýtti á einhverja takka og lenti á Létt 96,7 ... þarf ekki eitthvað próf til að vinna á útvarpsstöðvum? konan var að segja manninum frá því að hún hafi tekið viðtal við konu "sem er með svona ... svona ofbeldis ... markaðssókn" ... ofbeldis markaðsókn? er hún að hvetja til þess þá? svo sagði hún líka frá manni sem "framdi bankarán í desembermánuði ... í desember ... í fyrra ... í desember 2001" jamms, hún var kannski bara illa vöknuð? eðal morgunþáttur ábyggilega ... leiðinlegt að missa alltaf af honum - eða ekki auðvitað;)

verð að vinna á báðum stöðum í kvöld þannig að ég er að hugsa um að leggja mig einhvern tímann í dag ... núna eða seinna? ef ég bíð með það gleymi ég því ábyggilega þangað til það er orðið of seint og verð orðin verulega mygluð eftir miðnætti en hins vegar ef ég sofna núna er ekkert víst að ég nái að vakna fyrr en einhvern tímann eftir hádegi og þá næ ég ekki að gera neitt í dag .... synd að þetta skuli vera vinnuhelgi og að ég skuli þurfa að skrifa ritgerð annars gæti ég farið út úr bænum, góð veðurspá á Fagurhólsmýri ... skv. veðurspá Rásar eitt;)

... og það er flöskudagur ... passið ykkur í kvöld stákar:)

ég labbaði framhjá Tjörninni í dag og það var par að stíga út úr bílnum sínum til að gefa öndunum brauð, glampandi rómantískt allt saman:) þau voru með sitthvor pokann af nýju brauði, sem er mjög sniðugt vegna þess að ef brauðið er myglað gæti það að sjálfsögðu skemmt rómantíska fílinginn... endurnar voru glorhungraðar greinilega því þær þyrptust að bakkanum og ábyggilega 15 svanir komu fljúgandi frá hinum enda Tjarnarinnar, Iðnó-megin, lentu og byrjuðu að háma í sig ... stelpan var viðeigandi ánægð með fyrirhöfn þeirra, flissaði og skríkti og hékk í olnboga kærastans ... en svanirnir yfirgnæfðu hana - þvílíkur hávaði! fór að pæla, svanir eru soldið eins og danskir strákar, afskaplega myndarlegir, tignarlegir, stórir, vöðvastæltir, gaman að horfa á þá, hugsar: gaman að taka einn svona heim með sér en svo opnar hann munninn og allur áhugi hverfur eins og dögg fyrir sólu ....

EKKI byrja á þessum leik!!!!

... ef þið gerið það samt ... skemmtið ykkur vel og ég get hjálpað ykkur þegar þið eruð pikkföst einhvers staðar;)

var að klára gagnrýnina mína fyrir bókmenntaritgerðir, eins og sönnum gagnrýnanda sæmir hrósaði ég sýningunni og benti á ýmislegt sem var ekki eins gott.... hrósaði sýningunni samt aðallega;) sá þennan prófessor á batman.is og hann minnti mig á sýninguna, alltaf allir að skipta um búninga:)


hlakka til að komast út í góða veðrið núna þó ég sé að fara í skólann;) ... ekki eins slæmt og ef ég væri að fara niðrí Lýsi til að vinna á færibandi við að líma lýsisperlur saman;)

hvað er list og hvað er það ekki? stundum hef ég verið að pæla í þessu en í dag sá ég mjög sniðuga heimasíðu... myndir af stelpum úr tyggigúmmíi:) ... sumt er mjög vel gert:



svo stendur þetta um gerð listaverkanna:
Each Gum Blonde is 100% chewed bubblegum on a plywood backing. No paint or dye is used. The colour is inherent to the gum - the mixing of colours takes place inside the mouth during chewing using an endless variety of flavours made by an endless variety of companies. Kronenwald (listamaðurinn) has a dedicated team of chewers and prefers the texture of Trident. However, he does not chew gum himself unless he must.

þessi gaur er sem sagt með tyggjó sweat-camp einhvers staðar í Kanada;) ég er kannski eitthvað pjöttuð en ef ég væri að vinna eitthvað með tyggjó þá er ég eiginlega á því að mig myndi langa til að tyggja það sjálf í staðinn fyrir að vera að kreista annarra manna munnvatn úr því:/ uuugghghhh fæ bara hroll við tilhugsunina!!:)

ég er á netinu vegna þess að ég er að leita að bókum og greinum... sem hafa ekkert með tyggjó að gera, þetta var bara smá hliðarspor:)... ég ætla að stíga eitt annað ... ég neita að trúa að það sé til svona fólk, hvernig er hægt að efast um þróunarkenninguna? ... hún er hugsanlega ekki alveg 100% rétt en kommon!
Imagine your son or daughter coming home from school and presenting you with his or her term paper. Jenny is so excited – she got an “A+,” and did it all by herself! As you glance down at the report, the smile on your face quickly fades away. The title of her paper creates intense pressure inside your chest: “Evolution and Religion: A Peaceful Coexistence.”

... alltaf .... eeeerrrr ... upplýsandi að lesa kristnar heimasíður;)

hvað er málið með háskólapóstinn? hvenær verður hann kominn í lag?

hrjóta kettir almennt eða er þetta eitthvað einkennandi fyrir köttinn minn? hann hefur alltaf hrotið, alveg síðan hann var kettlingur ... þetta er ekkert nýtt sem sagt, hann liggur bara í kjöltunni minni núna og hefur hátt;)

anívei, háskólakynningin í dag ... skemmti mér mjög vel, rölti um svæðið með dimmisjónbúningi (Birna í apabúningi) og þjóðbúningi (Kristín einstaklega glæsileg) og skoðaði allt sem stóð til boða:) komst að því að ég var markaðshópur hjá Háskólanum á Bifröst í nýja mastersnámið þeirra, Menningar- og menntastjórnun:) hljómar vel en ... 888.000.- kall er frekar mikill peningur... en ég sá líka einstaklega áhugavert mastersnám í þýðingum:) kannski ég geri það þegar ég er orðin stór, einbeiti mér að því að koma íslenskum bókum út á ensku? það vantar víst góða þýðendur í þá áttina... og hina ef marka má suma texta sem fylgja enskum bíómyndum;)

ekkert að surfa í kvöld en ég verð að deila þessari síðu með ykkur, eru börn fávitar? þessi köttur er verulega pirrandi!!! en hérna getið þið lært hvernig á að vera alvöru ninja - amk um höfuðið:) og samkvæmt þessu er ninja nafnið mitt Expert Ingrate ekki slæmt;)

því minni sem ábyrgðin er því meiri líkur eru að að klúðra málunum... háskólakynningin í dag og þar sem ég þufti ekki að skipuleggja neitt í sambandi við hana, ekki hverjir áttu að koma eða hvernig "básinn" okkar átti að líta út eða koma með bækur... þá var ég næstum búin að gleyma henni:/ átti bara að mæta en er svo léleg að ég komst ekki að því hvenær ég átti að koma fyrr en rétt í þessu - nývöknuð og á deginum sjálfum ... en þetta er þvílíkt glampandi góður dagur!!! ef mér fannst vera komið sumar í gærmorgun þá er ég að hugsa um að draga fram sumarfötin í dag ... og vekja lukku:)

rosalega gaman í gærkvöldi:) takk fyrir komuna stelpur:)

mér leið eins og það væri komið sumar í morgun:) fór ekki að sofa fyrr en að verða fimm síðustu nótt en reif mig á fætur níu í morgun og í sturtu... það var bjart og líkamlega vont að fara á fætur vegna þeytu - ég veit að í hugum margra eru þetta ekki mjög sumarlegar aðstæður - fyrir utan birtuna - en einkennandi fyrir sumrin mín greinilega:)

fór með guðsyni mínum að gefa öndunum brauð, skoða bátana við gömlu höfnina, spjalla við sjómenn og að lokum heim til mín í piparmyntukex og Shrek. Sóttum mömmu í hádeginu og fórum heim til að búa til "strákasteik" þegar þau voru að steikjast komu systir mín, maðurinn hennar og stelpurnar þannig að mamma vippaði upp nokkrum "pæjubrauðum" um leið... til útskýringar þá er strákasteik og pæjubrauð kölluð "french toast" á öðrum heimilum en verður mun girnilegra þegar það heitir eitthvað annað, meira peer-specific:) ... allur matur heima hjá mömmu kallast eitthvað annað en heima hjá öðrum mömmum, við borðuðum til dæmis alltaf Róbinsó-Krúsó-mat þegar mamma var að taka til í ísskápnum:)

fullt af merkilegum hlutum að gerast annars, vissuð þið að ef þið hringið í heimasímann minn þá svarar Vegagerðin á Sauðárkróki stundum símanum, sömuleiðis ef þú ert að reyna að ná í Vegagerðina á Sauðárkróki eldsnemma á morgnanna til að fá einhverjar upplýsingar eru allar líkur á því að þú náir sambandi við mig, vekir mig og fáir einhverja drauma-þvælu-vitleysisupplýsingar þangað til ég skelli á þig fyrir að vera tillitslaust fíbl sem leyfir heiðarlegu vegagerðar-sambandslausum stelpum ekki að sofa út:)

fór á Meistarann og margarítuna í Hafnarfjarðarleikhúsinu í gær - mæli hiklaust með þessari sýningu:) kveið rosalega fyrir að fara því ég er ekki leikhúsmanneskja almennt og vissi ekki hvort ég þyldi að sitja gegnum 3 klukkutíma langa sýningu en það var skyldumæting hjá skólanum (verð að skrifa gagnrýni um verkið) og ég sé ekkert eftir því:) húmor, nekt og ofbeldi, flott sýning í alla staði og ég skemmti mér glampandi vel:) komst líka að því að Sólveig Guðmunds., sem var með mér í bekk meirihluta skólagöngu minnar, lék stórt hlutverk í sýningunni og stóð sig einstaklega vel:)

3/11... og ég hélt að Madrid myndi vera tiltölulega örugg borg? ég þekki konu sem er búin að vera sjúklega hrædd við töluna 11 í mörg ár.... mörg, mörg ár:) hún flýgur aldrei til útlanda 11. einhvers mánaðar, heldur ekki 4. júlí og ekki 7. apríl vegna þess að 4+7 eru 11, situr aldrei í sæti númer 11, tekur aldrei ákvarðanir 11. og 22. hvers mánaðar því það yrði óhappa ákvörðun, þessi listi er endalaus, ellefu og allar samlagningar þeirrar tölu eru óhappa á einhvern hátt - þess ber að geta að konan er endurskoðandi og á auðvelt með að leggja saman tölur og vinna með þær almennt... stundum er erfitt að ímynda sér að hún þori út úr húsi því hún er svo hjátrúafull:) eftir þessar árásir held ég að hún loki sig bara inni? verð að hringja í hana á morgun og athuga hvernig hún hefur það;) þó hún sé slæm getur verið að pabbi sé verri? hann og talan 23... kannski er talnafóbía alvöru sjúkdómur?:)

þvílíkur vindur í dag! í dag skil ég tilganginn með asnalegu hvítu plastkaffilokunum:) einu sinni sat ég með Hannesinum á Café París eldsnemma um morgun, við vorum að hugsa upp einhver kúl slagorð á túristaboli... ég ítreka eldsnemma um morgun og við vorum frekar súr:) ég efast um að nokkurt þeirra verði notað en samt datt mér eitt þeirra í hug í dag þegar ég labbaði út með kaffibollann, út í rokið... "Icelandic Climate: Where Storms In Teacups Are A Possibility" ... sullaði yfir höndina á mér hálfum kaffibollanum... eða ég sullaði ekki, vindurinn gerði það:) kannski er þetta eitthvað karma? þetta með að vökva sjálfa mig daglega:)

annað sem við vorum að pæla í vinnunni - verulega skemmtilegar samræður í vinnunni - ef nokkur pör væru send á tunglið til að setjast þar að, búa til samfélag, eignast krakka og þannig... allir eru hraustir og ekki með kvef þegar þau leggja af stað verður til kveflaust samfélag? hvaðan kemur kvefið? ef það er ekki fólk til að smita þig færðu þá aldrei aftur kvef? .... en nokkrum kynslóðum seinna? ef það kemur kvef drepast þá nýlendan? hugsanlega er kvef af hinu góða?:)

hélt ég hefði ferðast alveg ágætlega mikið en ég hef bara farið til 17% Evrópu ... kannski er ég að klikka á því að heimsækja mismunandi staði innan sama landsins en ekki að ferðast til mismunandi landa? ... ég fer heldur ekki alltaf til mismunandi landa þegar ég fer út:)


create your personalized map of europe
or write about it on the open travel guide
hmmm... þegar ég verð orðin stór förum við Drekinn bara um borð í Norrænu og reddum þessu:)

... í dag var gert við gluggann í stigaganginum:) rétt rúm ein og hálf vika ... sem betur fer hefur veðrið aðallega verið vont hinum megin í húsinu:)

þegar tölvurnar klikka - þær enda allar á því að gera það - þá gæti þessi "leikur" minnkað pirringinn:) virtúal leið til að lemja tölvuna í klessu:) ... vantar mynd af laptop samt:)

búin að raða öllum linkunum eftir stærð (datt ekkert betra í hug:)) og búin að fækka þeim um meira en helming þó ég hafi bætt nokkrum við líka:) hitti tvo vitleysinga uppí skóla í dag og fékk samþykki fyrir linkun á þá, hitti Grétu og Emil stuttu seinna og fékk samþykkir þeirra líka:) ... allir með blogg greinilega:) Gunnar og Debbý, hvenær ætlið þið að byrja?

leiðinlegt veður, komin með leið á því:) í hvert einasta skipti sem ég steig út í dag kom skýfall og ég rennblotnaði... mamma kom í hádegismat og þegar ég fór út í búð kom skýfall, hún keyrði mig í skólann (ofdekruð, ég veit:)) þannig að ég lenti ekki í rigningu þá en þegar ég hljóp út í Bóksölu milli tíma kom rigning, á leiðinni í vinnuna, þegar ég stökk útí sjoppu, á leiðinni heim... ég gat farið úr blautu fötnum þegar ég kom heim áðan og þurfti ekki að vera í þeim á meðan ég þornaði - kannski var vatnskannan í gær fyrirboði fyrir daginn í dag?:)

komst á 32 level í sprengja bílinn leiknum á meðan ég var í símanum ... og er búin að fá leið á honum:) núna verð ég að finna nýja síma-leik?... þessi lofar góðu?

farin að surfa aftur... og ætla að leyfa fleirum að njóta vitleysunnar sem ég finn - hreint ótrúlegt hvað er á alnetinu! ég held að það sé hægt að finna hvað sem er hérna inni.... alveg sama hvað vitleysu ég set í leitarforritsgluggann þá koma heimasíður upp með linkum á aðrar... endalaust:)

þessi síða er rosaleg en áður en þið farið að dissa mig fyrir að sýna ykkur svona (þó að það sé ykkur auðvitað í sjálfval sett hvort þið notið linkinn eða ekki) þá lifði hann af!!!! ... ótrúlegt en satt, hann er labbandi um einhvers staðar í Bandaríkjunum en það kemur ekki fram fyrr en alveg síðast á blaðsíðunni og sumir myndu líklega ekki lesa svo langt niður:)

ok... þetta er spúkí!!! fyrst þá var svarið vitlaust og mér fannst það geðveikt fyndið að hún skyldi giska á rangt tákn, glampandi að einhver skuli hafa eytt miklum tíma í að hanna þetta bara til að gefa eitthvað svar ... þannig að ég prófaði aftur og aftur og aftur... og alltaf rétt!!!! þvílíkt merkilegt!!! en þið þurfið raunverulega að einbeita ykkur, ég gerði það ekki þegar ég prófaði fyrstu töluna.... spúkí er eina sem mér dettur í hug:) ... og geðveikt fyndið líka að sjálfsögðu:)

ég fann hugsanalesarann þegar ég var að leita að myndum af geimnum (ég er að verða alheims-nörd ... errr ... as in ég er farin að hafa rosalegan áhuga á geimnum og öllu í honum - raunverulega ekki bara það sem ég sé í Star Trek:)) og fann þennan pírómaníak ... langaði bara til að deila síðunni hans með ykkur, hann er gaurinn lengst til hægri með yfirvaraskeggið... hann tekur það fram sko undir myndinni... en ég sé ekki betur en að hann standi þarna með þrem konum?:)

ég er hugsanlega mögulega eitthvað rugluð? en ég hló geðveikt að þessu!!! ef þú ert á annað borð að gata geirvörturnar þínar áttu auðvitað að gata ALLAR er það ekki????:) ... og að hugsa sér, fólk gerir þetta ekki bara heldur eru myndir á netinu!!!

þetta er ein leið til að vekja athygli á vanda heimilislausra... vonandi er ég ekki að móðga neinn? eru ekki allir búnir að sjá Idioterne annars? ... talandi um nekt ... þetta er verulega flott síða en engar myndir af strákum?

heyrði brot af þessari frétt í útvarpinu í dag... þvílíkur auli:) ... hægt að finna ýmislegt á fréttavefum:)

ok... fyrst þegar ég sá fór inná þessa síðu hélt ég að þetta væri fólk sem væri að mála ketti as in það væri að mála myndir af köttum eins og það eru til myndir af hundum að spila billjard og þannig en nei... hló mig máttlausa þegar ég fattaði að fólkið er í alvörunni að mála kettina:) þetta er einhver bók og bara nokkrar myndir, aðallega bréf frá fólki sem er ýmist sammála eða ósammála... skiptir ekki máli, þvílíkt fyndið:)


gagnrýnin hugsun er það sem ég á að vera að læra í háskólanum... en hvort sem þetta er satt eða logið er mér sama, hundur eða áll? hvað heldur þú? þegar ég reyndi að tékka á þessu með að slá inn "dog eel" í Google kom tonn af kynlífssíðum og nokkrar ... sem ég skil ekki baun í, til að mynda þessi eitthvað powerpoint dæmi:) hérna er aftur á móti ágætis síða til að æfa þig í að greina hluti, eru þetta konur eða "shemale" ... gekk alveg þokkalega vel sjálfri, aðeins tvær vitleysur af sextán:) ... ef ég væri strákur væri ég í góðum málum:)

það er löngu þekkt að nota konur til að auglýsa heimilistæki en þetta er nýtt... ég hef að minnsta kosti aldrei séð svona auglýsingu... sé í anda fjaðrafokið sem hún myndi valda ef hún væri tekin til sýningar á Íslandi:) - bendi á að það fylgja fullt af upplýsingum um tækin með ... það á sem sagt ekki að einblína á konurnar???

idiot-tölvuleikjafíkillinn í mér hreifst af þessum leik, málið er að hrúga sprengjunum undir bílinn, á góðan stað, sprengja bílinn í tætlur og taka eins marga kolkrabba-rækjur með þér og þú getur:) hours of fun:)

farin að sofa, búin að hugsa um rúmið mitt síðan ég fór á fætur í morgun og það er fáránlegt að hanga á netinu heilu næturnar með bakið í rúmið:)

skil ekki hvað ég hef verið að gera en núna þarf alltaf að ýta á F11 til að fá alla síðuna mína upp... það er eins og hún sé bara hálf.... er þetta búið að vera svona lengi? hef ekki pælt í þessu fyrr en núna þegar ég var að tékka á því hve margir hefðu komið í heimsókn í dag:) athuga það frekar sjaldan nefnilega... nenni ekki að velta þessu full-screen dæmi fyrir mér í kvöld, á morgun kemur nýr dagur og allt það... fyrir utan að á morgun segir sá lati:) og þar sem það þykir fullsannað að ég sé löt ætla ég ekki að hafa áhyggjur af þessu fyrr en á föstudaginn kannski? þá er ég að fara að mála:) komin með málningu og pensla og terpentínu og málningarteip núna þarf ég bara að byrja:)

fór á Svarta kaffið sem gestur áðan með Birni... ég hef aldrei sullað neinu þegar ég hef verið að vinna en í kvöld tókst mér að velta um koll fullri vatnskönnu af barnum... allt útum allt:/ á borðið, yfir blokkina sem við skrifum pantanirnar á, niður á gólf í stóran poll, yfir skónna mína en aðallega framan á mig, bolinn og buxurnar ... labbaði út rennandi blaut og skömmustuleg:) rosalega fegin líka að ég hafi ekki verið að vinna... að fenginni reynslu veit ég að það er ömurlegt að vinna í blautum fötum:) þetta með að hafa aldrei sullað yfir sjálfa mig á Svarta kemur aðeins til að því að ég drekkti sjálfri mér reglulega þegar ég var að vinna í fiskbúðinni, reynsla er alltaf góð... ef fólk lærir af mistökunum sem ég geri... stundum:)

núna er það piparmyntukex og Survivor... glampandi gott:)

var að koma heim úr vinnunni... og fattaði skyndilega hvað ég er hryllilega vanaföst... veit ekki hvort það er gott eða slæmt? ég fer alltaf úr skónum, labba inn, klappa kettinum, gef honum harðfisk, geng inní eldhús, tékka á matnum hans og vatninu hvort það sé ekki nóg af báðu, sný við, opna tölvuna á borðinu, kveiki á henni og klæði mig úr jakkanum á meðan hún er að ræsa sig... nema núna virkaði on-takkinn ekki!!! endaði á því að ég gleymdi að fara úr jakkanum og var með húfuna á höfðinu allan tímann á meðan ég var að tékka öllum vírunum og innstungunum og batteríinu og drifinu etc. virkaði í fimmtu tilraun en ég fattaði ekki hvað ég var vel klædd fyrr en ég var búin að vera heima í svona kortér og var farið að vera ískyggilega heitt.... stundum held ég að það sé ekki í lagi með mig:)

ég bjóst ekki við að verða svona vanaföst fyrr en ég væri orðin verulega fullorðin... kannski er ég bara utan við mig? það kemur fyrir að ég fatta ekki hluti sem eru yfirmáta eðlilegir - einu sinni pantaði ég tíma hjá lækni, hann spurði hvernig ég væri að vinna einn tiltekinn miðvikudag, ég var að vinna frá ellefu til sjö þannig að hann sagði mér að koma klukkan hálftíu... án þess að blikka fór ég í vinnuna klukkan ellefu um morguninn, kom heim um hálfátta, fór í sturtu, klæddi mig og var mætt á stofuna klukkan hálftíu um kvöldið... enginn við? hmmm, mér fannst þetta mjög skrítið, var búin að skrifa skírum stöfum 9:30 hjá mér en læknirinn ekki við... ég hringdi í hann, skildi eftir skilaboð í talhólfinu hans og fattaði ekki fyrr en daginn eftir að ég hafði auðvitað átt að mæta klukkan hálftíu um morguninn og var 12 klukkutímum of sein:) læknirinn hló að mér:)

síðasta sumar fékk ég sms frá ókunnugu númeri, boð í afmæli og stelpan sem var að bjóða mér kvittaði undir.... málið er að ég þekki að minnsta kosti tvær stelpur með sama nafni (var ekki með símanúmerið hjá neinni þeirra í minninu í símanum mínum) og þar sem bróðir minn hafði minnst á eina stelpuna með þessu nafni fyrr um daginn, að hún hafi reynt að hringja í hann en hann hafi ekki heyrt í símanum, dró ég þá ályktun að hún væri að bjóða mér í afmælið sitt... tveim mánuðum of seint en ég hef verið seinni þannig að mér fannst þetta ekkert furðulegt:) ég sendi skilaboð á móti að ég myndi auðvitað mæta og eyddi skilaboðunum hennar og símanúmerinu... fór og keypti afmælisgjöf og smá pakka handa nokkurra mánaða gamalli dóttur hennar í tilefni dagsins en þegar ég hringdi í bróður minn til að athuga hvort við ættum að vera samferða hafði bíllinn hennar bilað og hún hringdi bara í hann til því hana vantaði einhvern til að redda sér... upphófst æðisgengin leit að afmælisbarninu á síðustu stundu:) þið getið ekki ímyndað ykkur hvað það er erfitt að hringja í fólk og veiða uppúr því hvort það eigi afmæli eða ekki - fyrir utan hvað það er asnalegt að hringja án þess að hafa nokkuð erindi annað en að vilja heyra í viðkomandi:) eftir þetta eyði ég aldrei skilaboðum sem koma frá ókunnugum númerum nema ég hafi fullvissað mig um frá hverjum það er:)... sérstaklega ef einhver er að bjóða mér í afmæli:)

voru þetta ekki skemmtilegar sögur?:)

auðvitað gerði ég innsláttarvillu þarna áðan enda var ég að flýta mér mjög mikið... átti að hafa verið tilbúin löngu áður en ég varð tilbúin, þetta er eitthvað karma en undanfarið er ég hætt að hafa áhyggjur af þessu:) bæti mínúturnar alltaf upp á einhvern hátt, ég mætti til að mynda hálftíma of snemma í vinnunna í kvöld:)... hlýtur að koma að koma út á sléttu og í næsta lífi verð ég alltaf á mínútunni, hvorki of snemma né of sein??:) ... annað hvort það eða ég verð kakkalakki sem verður fínt ef það kemur til kjarnorkustyrjaldar:)

jamms.. innsláttarvillan, ég ætlaði að skrifa Roseanne Barr ekki Rosean Barr... en þegar ég tékkaði á því er þessi innsláttarvilla ekki einsdæmi í heiminum samanber þessa síðu (fjórða komment að ofan... næ ekki að linka nær því en þetta:)) ... hérna er fólk eitthvað að ræða brjóstið á Janet Jackson... ætla ekki að ræða það hérna samt... frekar sammála þessu kommenti sjálf - kannski er ég búin að finna mér sálufélaga? sama skoðun, sama innsláttarvilla?:)

og til að gleðja fólk eru hérna linkar á ýmislegt....

þetta er ógeðslegt!!!! ... það er mynd en ég sé hreinlega ekki puttann sem á að vera í salatinu... þó að það sé einhver ferhyrningur á myndinni efa ég stórlega að þetta sé raunveruleg mynd af salatinu þar sem í fréttinni kemur fram að konan hafi verið næstum búin með salatið þegar hún fékk puttann uppí sig... og hélt að þetta væri eitthvað sem átti að vera í því... geri ráð fyrir að hún hafi reynt að tyggja munnbitann sinn... jamms... þetta verður bara ógeðslegra og ógeðslegra:/

svo er það málið með konur í löggunni... þær eiga fullan rétt á sér og stelpur sem ég þekki í löggunni eru margar meiri töffarar en strákar sem vinna sama starf en vá....... þetta hlýtur að vera rosalega erfitt!!! að vera lögga og fara í kynskiptiaðgerð, láta breyta sér í konu og vera ekki einu sinni sérlega .... myndarleg??;)

heitir það ekki að vera metrosexual? þegar menn nota rakakrem og þannig? þessi síða er fyrir alla stráka sem vilja verða meira Beckham-eitthvað:)... og hérna getið þið athugað hvernig þið "standið" samanborið við aðra (bandaríska?) menn:)


og svo að þið haldið ekki að ég sé algert airhead og leiti bara að vitleysu á netinu þá er hérna linkur á eina síðu sem ég leitaði viljandi að til að sjá hversu lítil við erum raunverulega miðað við ALLLT:) við vorum að tala um þetta í vinnunni um daginn... samstarfsfélagi minn er rosalega klár og við vorum að tala um alheiminn... eins og hann leggur sig:) ekki slæmt umræðuefni á föstudagskvöldi:) hvort að maður myndi sjá sjálfan sig ef maður væri í geimskipi á ljóshraða og snéri sér hratt við... ? fyrsta lagi gætirðu ekki snúið þér hratt við ef þú værir á ljóshraða því þú yrðir óendanlega þungur.... hverfandi líkur á því að þú værir ennþá til á ljóshraða sem sagt:) ef þið hafið einhvern áhuga á svona þá lærði ég margt á því að surfa hérna:)

núna ætla ég að fara að sofa:)

alls ekkert gott veður í dag... nenni ekki fyrir mitt litla út... fór á árshátíð hjá bókmenntafræðinemum á föstudaginn og skemmti mér alveg konunglega:) ballið var í Þjóðleikhúskjallaranum og þegar þeir kveiktu ljósin (tónlistin enn í gangi og allt á full swing....) fórum við á Grand Rokk þar sem mér var tjáð að nýja klippingin mín væri alveg eins og Prins Valíant... and I was going for the cool, sexy chick look.... búin að blása og nota kemísk efni og vesen en það er auðvitað alltaf gott að líkjast einhverjum frægum er það ekki?:) svo lengi sem sú fræga persóna er ekki Rosean Barr:)

verð að fara að skoða sófa núna.... don't ask....

finn hvergi þess síðu sem ég var á í gær með teiknimyndinni... historíið er ekki nægilega nákvæmt ... eða ég leitaði ekki nægilega vandlega? neeee, ábyggilega tölvan sem er að klikka:)

var að koma heim úr vinnunni.... leiðinda viðskiptavinir í kvöld:( merkilegt hvernig heilu hóparnir ákveða að skríða undan steinunum sínum og rölta til byggða sama kvöldið og fara allir á sama staðinn.... ætla ekki að hafa þetta langt í kvöld því ég verð að vakna snemma á morgun og taka til!!! jibbííííí!!!! er að fá heimsókn frá tryggingarfélaginu mínu á föstudaginn, tékka á niðurföllum og pípulögnum og raflögnum og þannig svo ég komist í Stofn - allt í einu finnst mér ég vera að verða rosalega fullorðin eitthvað:) ef ég er í Stofni og er tjónlaus áfram, 7-9-13, þá fæ ég endurgreiðslu á næsta febráur og miðað við hvað ég borga mikið í tryggingar á ári ætti ég að fá nægilega mikið endurgreitt til að komast til útlanda!!!.... halda áfram að hugsa svona annars nenni ég aldrei að rífa mig á fætur og gera eitthvað hérna inni til að "virka" að minnsta kosti frambærileg og fullorðin þegar gaurinn með klippbordið kemur að skoða:)... ætti kannski að fela alla sjálflýsandi froskana mína?

ég hreinlega veit það ekki krakkar mínir.... eru þetta syngjandi og fljúgandi mannar? ... eða er ég að misskilja japönskuna???

... og ein mynd til skemmtunar:)

... þessi lokasprettur gekk ekkert alltof vel... tölvan ekki alveg að höndla netið, krassaði og eipaði og vesen ... vonandi næ ég samt? ... ætla ekkert að gefa netinu lengri pásu, tölvan krassaði þegar ég var á netinu en eftir að ég hætti að logga mig reglulega inn er hún orðin verri!! Það er eins og hún verði virkari við að rembast soldið við síðurnar alveg eins og heilasellurnar í okkur verða virkari því meira sem við notum þær:)

margt að gerast... eitt af þessum "krasshhh" - "HELVÍTIS!!!"/"for fucks sake!!!" um daginn var ekki eldhúsdót heldur glugginn í stigaganginum:/ þau misstu rúmið sagði gaurinn þegar hann bankaði hjá mér í gærmorgun og bað um nafnið á tryggingarfélaginu mínu????? ok... ef ég hefði brotið glugga í sameiginlegum stigagangi hefði ég labbað á fólkið til að biðjast afsökunar eftir að hafa reddað viðgerðarmanni sem ég myndi borga úr eigin vasa - þegar ég bjallaði í tryggingarfélagið mitt í morgun til að tékka á því hvernig svona gengi fyrir sig var tjónagaurinn alveg sammála mér ... sagði svo að hinar íbúðirnar voru ekki tryggðast hjá þeim og meirihluti ræður í svona tilfellum, tryggingarfyrirtækið sem er með flestar íbúðirnar í húsinu borgar víst skaða í sameignum, alltaf gott að vita það ef eitthvað skyldi fjúka inn í þessu viðbjóðslega veðri sem geisar núna:(

fyrir utan að ætla sér ekki að borga gluggann gerðu þau ekkert í þessu... glerbrot í garðinum og tveir krakkar innan við tíu ára í kjallaranum... þau settu að vísu smá límband til að halda stærstu glerbrotunum í gluggakarminum en ekkert til að loka gatinu??? setti pappa sjálf í gatið í gær til bráðabirgða og var að setja þykkara karton yfir það núna áðan útaf veðrinu, sem betur fer er þessi hlið hússins undan vindi:)

heilsaði líka upp á gaurana sem voru að flytja inn:) fannst ég vera ósegjanlega hugrökk að banka uppá og kynna mig - ég er ekki beint þessi geðveikt kammó týpa nefnilega:) af einhverjum ástæðum segi ég alltaf einhverja geðveika vitleysu þegar ég verð óörugg, það er stundum eins og ég sé ekki í sambandi við heilann á mér þegar ég er að tala við fólk, missi uppúr mér eitthvað rugl, klára setningu sem ég byrjaði ekki upphátt og þannig:) nýju íbúarnir eru feðgar, pabbi stráksins sem á íbúðina og litli gróðir hans sem bjó hérna þegar ég flutti inn, held ég? kannast að minnsta kosti aðeins við hann... en þá var ég auðvitað ekki þessi hugrakka, heilsteypta og glampandi frábæra týpa sem ég er í dag og bankaði ekki uppá hjá einum eða neinum... hjálpaði að sjálfsögðu ekki að ég eyddi öllu fyrsta sumrinu í að vinna myrkranna á milli - og já, það er mikil vinna þegar sólin sest aldrei þannig að það má eiginlega segja að ég hafi unnið frá apríl fram í september með stuttum svefnpásum inná milli;)

núna er ég að hugsa um að hita mér te eða eitthvað og leggjast upp í sófa með The Assistant... verð að lesa hana fyrir skólann, ekki bók sem ég myndi velja mér sjálf þó að ég sé oft hrifin af Gyðingabókmenntum - höfundurinn Bernard Malamud er frekar þunglyndislegur víst, hann þekkti Philip Roth í 25 ár en sagði bara tvo brandara á þeim tíma... alger stuðbolti greinilega!! allar persónurnar í þessari bók eru þreyttar og gamlar og skítugar og vonlausar og kaldar og svangar og þunglyndar og ekki á leiðinni neitt nema í gröfina... með viðkomu í fangelsi sýnist mér??? kemur í ljós:)

Fór í mjög skemmtilega útskriftarveislu í gær, takk kærlega fyrir mig Edda, Bryndís og Júlla;) dansinn var frábær hugmynd:) og hlaðborðið ykkar glampandi gott!!!

málhreinsunarátak í gangi hjá mér, ég ætla að sleppa því að segja að allt sé "snilld" og í staðinn fyrir "brillíant" þá verður allt glampandi:) ... ég ofnota ósjaldan orð sem mér líkar þannig að ég býst fastlega við því að ALLT verði glampandi hitt og þetta núna... sama merking og hljómar frekar vel að hlutir séu glampandi góðir er það ekki?

lokaspretturinn í heimaprófinu... gerði þau mistök áðan að fara á netið til að tékka á svolitlu... er ennþá á netinu;) ... og núna langar mig til að fara í göngutúr, veðrið er svo gott og ég er algerlega að klikkast á fólkinu á hæðinni fyrir neðan... þau eru að flytja út í dag sem er flott því þau eru einstaklega "merkilegir" nágrannar, býst ekki við að ég eigi eftir að sakna þeirra;) en afhverju þurfa þau endilega að flytja út í dag?... og flytja svona "klaufalega"? voru greinilega að pakka eldhúsinu saman áðan og ég taldi þrjú "krasshhh" - "HELVÍTIS!!!"/"for fucks sake!!!" hún er íslensk hann er enskur....

ætla aðeins út að labba, fá blóðið til að flæða annað en upp í höfuðið og fram í fingurgómana, verð miklu hressari á eftir... eða þreyttari?

til útskýringar þá birtust ekki íslensku stafirnir í löngu linkafærslunni:)

krrrappppp!!! breytir engu að vera með réttar stillingar.... kannski er það lengdin sem skiptir máli? ætla að prófa eitt....

til að deila með ykkur því sem ég er að finna....

mæli með því að þið lesið "plottið" neðst á þessari blaðsíðu og skoðið myndirnar ? leiðinni niður... er hægt að vera með risakonu fetish? þessi síða er svolítið skyld hinum ...

þó að LÍN sé ekki endilega alltaf sniðug hugmynd þá fær svona síða mig til að velta því fyrir mér hvort að við höfum það ekki betra en fólk í Englandi sem er að ljúka námi?

þetta er svolítið flott en ég yrði klikkuð ef ég væri alltaf með þennan hala á eftir músinni minni ... prófið samt að hafa hana kyrra í smástund og leyfið stöfunum að ná saman:)

HÓLÍ KRAP!!! það eina sem hægt er að segja held ég barasta....

... og fólk eyðir tíma sínum í þetta:) veit hreinlega ekki hvort mér finnist þetta flott eða ekki.... "aðdáunarvert" er kannski rétta orðið? sama gildir um þetta... þetta er samt svolítið flottara:)

fullkomin jólagjöf fyrir alla pimpana sem þið þekki?:)

íþróttir eru alltaf merkilegar:) lesið endilega niður að "skilgreiningunni" í fjórðu efnisgreininni:)

ef þessi leið hvetur menn til að læra skil ég ekki vandamálið:)

snjókarl í sjálfsvígshugleiðingum með eigin heimasíðu... ok:)

myllur eru skemmtilegar og þessi er meiriháttar... mundu að þú þarft FIMM í röð til að vinna:)... ég hef alltaf tapað:)... passið ykkur bara á að gleyma ekki hvað tímanum líður:) ég gerði það nefnilega þannig að ég ætla að segja þetta gott í kvöld:)

en að lokum:

gerði nú ekkert sérlega mikið... aðskildi þjóðfræðingana frá restinni... en verða að gera meira:)

haldiði að Rupert verið nokkuð rekinn næst? búin að vera að velta þessu fyrir mér og miðað við hvað hann er kúl gaur þá var þessi bjálkakofi algert krapp... nema ef honum dettur í hug að byggja ofan á hann:) þá held ég að þeirra skýli verði flottasta skýlið á svæðinu:)

Sælt veri fólkið... ég er ekki dauð eða hætt eða búin að gleyma passwordinu mínu:)... ég hef bara verið að gera annað undanfarið en að surfa... hef ekki hugmynd um hvað er að gerast í netheimum þessa dagana þannig að ég er að hugsa um að skoða mig aðeins um en ákvað að blogga smá fyrst... bara svona til að það komi ný færsla inn og breyta aðeins linkunum mínum:)

Snilldar Þorrablót Þjóðfræðinema í gærkvöldi:) takk fyrir mig:)

er að fara í vinnuna (surprise surprise...) þannig að ég ætla að blogga um blótið seinna en þar sem það er laugardagskvöld ætla ég að koma með smá klippu ur Lord Of The Rings Dating Manual:)

When you're trying to catch the cute guy's eye is the exact moment the dwarf will pick to approach you;
Eating raw fish is no longer a sign of a sophisticated date. (That said, you have to admit the Atkins plan is working for Gollum.)
If you're the only girl among 100 guys you'll still fall for the only one who has a girlfriend;
When overused, terms of endearment such as "precious" lose their meaning;
All couples fight, but battles shouldn't last so long that one of you has to get up and stretch your legs or use the bathroom;
It doesn't matter if you look like Liv Tyler; your pining and whining will still get on people's nerves;
Don't blame your friends just because they can see right through your creepy little partner;
If you can get along on a road trip, the relationship will probably last;
There will come a point when it seems like the relationship should be over. Don't drag it out. Just end it there.

And finally, the mother of all dating wisdom:
Some people will go to any lengths to get a ring; others, having had one for awhile, will go to any lengths to chuck it into a volcano.

Góðar stundir:)

Góðan og blessaðan:)

ég nenni ekki að pæla í þessari færslu sem fór í klessu þarna um daginn og það gekk ekki að breyta stillingunum og re-publisha... býst við að ég verði að breyta henni manúalt og ég nenni því ekki....

annars er ég að fara í vinnuna eftir nokkrar mínútur... þessa vikuna er ég að vinna í FATABÚÐ!!!! rétta um hendur sem hefði aldrei dottið í hug að ég færi að gera svoleiðis!!! þetta er samt engan vegin til langframa, bara þessa vikuna og svo ekki meira, það kom bara upp svona smá problem þannig að við mamma erum að redda því verandi snillingar og vesen... mamma mín er heldur ekki fatabúðatýpan.... samt hún er meiri pæja og passar betur inn:) mesta snilldin er samt að bróðir minn kemur alltaf í hádeginu með súpu í brauði handa mér vegna þess að kaffihúsið og fatabúðin eru næstum hlið við hlið:) á þriðjudaginn fékk ég sjávaréttasúpu og hvítvínsglas:) frábært:)

ég var að enda við að tala við Eddu og hún sagði bless við mig þannig að ég gæti notað tímann fyrir vinnu til að blogga í staðinn fyrir að tala við hana vegna þess að hana vantar efni til að lesa.... hmmm .... hún var líka að blogga sjálf í gær (talandi um að sjá flísina í augum nágrannans en ekki borðfótinn í sínu - Edda, hversu reglulega bloggar þú???:)hehehehe) og er búin að setja mynd af okkur Þjóðbrókum inná síðuna sína:) þarna er meira að segja mynd af mér síðan við héldum grímuball, Helga í Grease gallanum, Pálína er Mexikaninn og ég fór sem "Þjóðhátíð í Eyjum" með landaflöskuna bundna um hálsinn, pollabuxum með "stuðhatt":) rosalega skemmtilegt grímuball:)... svo seinna á síðunni er hún að bera mig saman við Rúpert:)!!!.... ég sé ekki alveg svipinn sjálf en mér leiðist ekki samlíkingin:) Rúpert er örugglega sá skemmtilegasti Survivor sem nokkru sinni hefur tekið þátt í leiknum:)... hann og Rudy:
Susan: I drank the water
Jeff: Rudy, ex-Navy Seal, is it a good idea to drink the water without boiling it?
Rudy: Yes
Jeff: is it a good idea because she's on the other tribe?
Rudy: Yes

fíla þennan mann í ræmur:) vonandi kemst hann og Rupert sem allra, allra lengst í þessari seríu:) ... það sem mér finnst leiðinlegast er að ég er alltaf að vinna á mánudagskvöldum og ég sakna þess að hafa einhvern til að horfa á þættina með... síðasta sería var góð en hefði verið miklu betri ef ég hefði verið í miðnæturklúbbi á þriðjudagskvöldum;) annars byrja þættirnir núna alltaf klukkan níu á mánudögum en ekki klukkan átta og ég er einmitt búin klukkan níu þannig að ég missi bara af fyrstu mínútunum eftir því hversu fljót ég er að koma mér heim... og bíða eftir að sjónvarpið "hitni" eða hvað sem það er að gera á meðan ég sé bara snjó nema ef ég held stillingar takkanum inni ... en þá heyri ég ekki neitt:/ sumir myndu segja mér að það sé kominn tími á nýtt sjónvarp... nei, mig langar í ferðageislaspilara!:) og rafrænan mjólkurpísk til að geta búið til gott latte eða kapútsjínó hérna heima hjá mér... og svo er eitthvað annað sem ég var búin að sjá að mig langaði frekar í en nýtt sjónvarp en ég man ekki hvað það er núna... auk þess virkar sjónvarpið alveg fínt þegar það er komið í gang... fyrir utan það að off-takkinn er dauður og ég verð alltaf að taka það úr sambandi við vegginn:) en það er auðvitað bara skynsamlegt þegar litið er til að flestir heimiliseldsvoðar eru vegna þess að það kviknar í sjónvörpum ... og þvottavélum... búin með helminginn þar.... ætli líkurnar á að það kvikni í sjónvarpinu þínu minnki ef það hefur nú þegar kviknað í þvottavélinni þinni?

núna verð ég að fara að selja föt.... kræst!! þetta á svo innilega ekki við mig:)
"hvernig fer þetta mér að aftan?"
"ehhhh.... við hverju eru að búast? þú ert með risastóran rass....."