Góðan og blessaðan:)

komið kvöld og föstudagurinn langi ... margt hefur gerst undanfarið þannig að nú verður stiklað á stóru :)

ég er að læra á fullu en ekki alveg, alveg nægilega dugleg ... veðrið er of gott þannig að við Zorró höfum verið að styrkja óbyggða- og fjallaeðlið:) við erum alltaf að verða betri í þessari útivist okkar en það er samt lagt í land stundum, við vorum til að mynda næstum búin að drepa okkur á Vífilfelli í gær :/ það var auðvelt upp í móti, við gengum og gengum þangað til við komumst ekki hærra vegna klaka og harðfennis en höfðum ekki áttað okkur á að harðfenni niður í móti er erfiðara en upp í móti aðallega vegna þess að það er erfitt að komast hjá því að horfa niður á leiðinni niður og brekkan leit illa út skal ég segja ykkur ... en við komumst niður, í einu lagi og við ætlum aftur, alla leið upp um leið og snjóa leysir:)

Zorró dreymdi fjallgönguna í allt gærkvöld og mig dreymdi hana líka í alla nótt en ekki aðeins var fjallið brattara, snjórinn harðari og klakinn beittari heldur var ég með ketilbjöllur í báðum höndum, tvær 12 kílóa ketilbjöllur sem kólnuðu þegar á leið og ég gat ekki notað hanskana mína því þá náði ég engu taki á þeim ... þetta var samt ekki beint martröð því ég vissi að ég kæmist niður þó það tæki mig smá tíma og þolinmæði og viti menn þegar ég kom niður var komið sumar, bláber og krækiber (fyrir mig), kanínur (fyrir hundinn) og lítill lækur (fyrir okkur bæði) :)

ég fór á Vorfagnað Boot Camp síðustu helgi, fyrst í forpartý með hópnum mínum þar sem ég var spurð nokkrum sinnum hvort ég væri í Boot Camp og svo í hvaða hóp ég væri ... ég er greinilega ekki lík sjálfri mér þegar ég sjæna mig til:) enda ekkert skrítið, Olga klippimeistari gerði hárið á mér hrikalega fínt, svona elegant rokkara móhíkani með krullum:) svo var ég máluð og í fínum fötum og ekki sveitt og rauð og másandi:) sjálf átti ég erfitt með að þekkja fólkið í partýinu þannig að í fyrstu reyndi ég að sjá alla fyrir mér sveitta og móða þangað til ég áttaði mig á því hvað það var rangt ... næstum því pervertískt:)

hætti því snarlega og minglaði eins mikið og mögulegt var ... gekk ekki sérlega vel að vísu, mér finnst ég vera frekar vinaleg og þrátt fyrir að vera smávegis kjáni í mannlegum samskiptum stundum þá er yfirleitt alveg hægt að tala við mig, er það ekki? :)

ég þekkti engan í þessu partýi og það var mjög erfitt að spjalla jafnvel þó ég vissi fyrir víst að við þekktum sama fólkið (til dæmis þjálfarana okkar), byggjum yfir svipaðri reynslu (tveggja tíma útiæfingar til dæmis eru reynsla) og hefðum að minnsta kosti eitt sameiginlegt áhugamál (ef þú mætir á árshátíð í líkamsræktinni þinni flokkast líkamsræktin undir áhugamál er það ekki?:)) ... en konur mynda múra utanum hópana sína sem er mjög erfitt að brjóta niður án þess að vera hálfgerður hálfviti og hanga eins og hrægammur í kringum þær - ég er hvorki hrægammur né hálfviti þannig að ég talaði aðallega við strákana en fannst ég vera frekar hallærisleg týpa sem kom til að hössla ... það var alls ekki planið það er bara auðveldara að tala við stráka en stelpur ef þú þekkir engan:) stelpur talið við ókunnugar stelpur þó þið séuð með með vinkonum ykkar, sérstaklega ef ókunnuga stelpan er ég:) og strákar þó að ókunnugar stelpur tali við ykkur þá vilja þær ekki allar raðhús, gasgrill og hund í stíl við sófann - ekki ég allavegana;)

afhverju var ég ókunnuga stelpan í partýinu? mig langaði á árshátíðina og keypti mér miða full tilhlökkunnar:) um það bil viku fyrir vorfagnaðinn fattaði ég að ég þekkti í rauninni engan sem var að fara, ekki nema í sjón og tæknilega væri ég að fara ein án þess að hafa átt í samræðum við neinn um annað en hvað við værum búin að gera margar endurtekningar, að ég væri ekki að deyja þó ég væri að gelta og harðsperrur síðustu æfingu;) ég ákvað samt að fara því mig langaði til þess, ef ég biði eftir því að fá einhvern með mér í allt sem mig langar til að gera myndi ég líklega hafa gert frekar lítið af því sem ég er búin að vera að gera:) ketilbjöllur eru gleðilegasta íþrótt sem ég hef kynnst, boot camp er frábært, vorfagnaðurinn var mjög skemmtilegur ... og ég get ekki beðið eftir sumrinu og mótorhjólaferðunum sem ég er búin að skipuleggja;)

annað í fréttum? ójá ... en klukkan er orðin margt þannig að ég segi bara að útidyrahurðin mín syngur dúett í nýrri VR auglýsingu:) og bróðir minn er kominn heim frá Afganistan:) Lára og Maja eru hrikalega sætar, hæfileikaríkar og skemmtilegar stelpur sem ég hvet alla til að kynnast, samkvæmt 10 ára frænku minni hef ég gott af páskaeggi því ég er hálfgerður krakki og krakkar hafa allir gott af páskaeggjum, ég varð að hafa mig alla við til að vinna sex ára frænda minn í skák, sex ára frænka mín missti af balletsýningunni sinni því hún var með gubbupest en hún tók því af stóískri ró sem ekkert okkar hinna bjó yfir (mér finnst ennþá hrikalegt að hún skuli ekki hafa fengið að vera með í sýningunni sinni - sem við fórum öll á því henni fannst enn leiðinlegra að við skyldum missa af sýningunni en að hún gæti ekki verið með sjálf;)) og níu ára frænka mín var í þriðja sæti á Ármannsmeistaramóti :)

Fídel er búinn að fela páskaeggið mitt og þó ég hafi byrjað að leita í gær er ég engu nær - hann er mjög laumulegur þegar hann vill vera það:)

lifið heil og njótið páskanna;)

æ hvað er gott að það skuli vera til síður eins og kissthisguy.com því þegar ég les hvað aðrir geta líka heyrt vitlaust þá finnst mér ég ekki vera eins mikill kjáni ... krefst ekki meiri auglýsingar, ekki í dag:)

Takk fyrir mig

Í gær var ég of hress til að fara ekki í vinnuna en í dag er það alveg á mörkunum að ég geti réttlætt veru mína hérna ... en samt ... ég er ekki alveg nægilega veik til að fara heim ... en ég eiginlega aðeins of veik til að vera hérna ... kannski ætti ég bara að fara fyrr heim? *wink*



Lifið heil

Núna er ég búin að setja svo mikið af linkum hérna hægra megin að ég verð líklega að blogga á hverjum degi eða mikið í einu til að krækjulistinn verði ekki lengri en bloggfærslurnar :)

krækjulisti er frekar flott orð:)

en þar sem það er mánudagur og það er langalgengast að fólk byrji "nýtt líf" á mánudögum, ef það tókst ekki um áramót, ætla ég að koma með nokkrar uppástungur um hvað er hægt að gera við "nýja lífið":) Það hefur ekkert uppá sig að ætla að gera allt örðuvísi en við höfum verið að gera án þess að hafa eitthvað til að gera í staðinn:

Net-nýtt-líf:
ef þú ert að byrja "nýtt líf" í dag gæti verið góð hugmynd að koma við á Amnesty síðunni og láta gott af þér leiða, það er ekkert mál, tekur enga stund og þér finnst þú hafa áorkað einhverju :)

ef þú ert ennþá í aktífistafíling máttu líka endilega kíkja inn á Framtíðarlandið í staðinn fyrir að hanga á Barnalandi eða einkamal.is og ef þú ert sammála hvet ég þig til að skrifa undir :)

Andlegt-nýtt-líf:
ertu alltaf að fara að lesa fleiri bækur en lætur aldrei verða af því? eða á leiðinni á sýningar eða fyrirlestra en finnur aldrei tíma? taktu heyrnatól með þér í vinnuna og farðu á heimasíðu RÚV, hlustaðu á útvarpssöguna, víðsjá eða spegilinn, bara sunnudagar á rúv.is endast í nokkra daga - nema þú hefur þeim mun meiri tíma til að hlusta auðvitað ;)

Líkamlegt-nýtt-líf:
hefurðu engan tíma til að stunda líkamsrækt? horfðu þá á sjónvarpsdagskránna á öðrum fæti ... styrkir vöðva um allan líkamann, meira að segja grindarbotninn:) haltu á ryksugunni með annarri hendinni á meðan þú ryksugar, farðu lengri leiðina inn úr bílnum, meira að segja á Íslandi er oft sérdeilis prýðilegt útiveður ef þú ert ekki í fötum sem miða við síðsumar í Róm - ekki klæða þig eins og bjáni (ég er alls ekki að segja að Ítalir séu bjánar auðvitað) þá geturðu náð ágætis gönugtúr daglega með því að ganga örlítinn hring á leiðinni í bílinn og úr honum aftur :) ef þér líst ekki á það farðu þá í Smáralindina eða Kringluna og röltu milli verslanna í klukkutíma ... veldu þér fótboltalið og æstu þig almennilega þegar liðið þitt keppir, að því gefnu að þú eigir ekki við hjartavandamál að stríða:) stundaðu meira kynlíf, ef þig vantar félaga verður þú bara að leggja þig meira fram;) ef þú verður að læra heima og hefur engan tíma til að æfa þess vegna settu bókina á borðstofustól og haltu á honum á meðan þú lest eina og eina blaðsíðu standandi :)


Þess má geta að ég er ekki að byrja nýtt líf þó það sé mánudagur ... mér finnst bara gaman að skrifa prédikunarpistla á mánudögum :)


Góðar stundir

Búin að vera lasin núna í nokkra daga og búin að fá alveg meira en nóg þannig að ég ætla í vinnuna á morgun ... ég er auðvitað líka orðin hress :)

Ég er búin að skoða netið frekar mikið og breyta aðeins linknum hérna hægra megin, bæta við síðum og spjallsíðum sem ég fer inná daglega og reglulega :) líka búin að hugsa mikið um komandi sumar - hefði mátt vera duglegri við að læra heima og lesa skólabækur því ég fæ ekki að gera neitt skemmtilegt í sumar ef ég verð að taka sumarpróf!! en ég er stundum smábarn og ræð ekki við mig:(

ég ætla að taka hjólið úr geymslu um leið og ég er búin að skrifa eina ritgerð - sem ég hefði getað komist langleiðina með undanfarna daga ef ég hefði ekki verið svona upptekin við að skipuleggja sumarið ;)

og strax eftir vorpróf taka ferðalögin við, alltaf gott veður í maí þó að næturnar séu kaldar þannig að fyrstu ferðarnar verða í heimsóknir til fólk sem ég þekki hingað og þangað - má ég ekki koma í heimsókn eina nótt annars? :)

ætlaði að blogga um heilan helling skemmtilegt en ég er búin að gleyma hvað það var nákvæmlega þannig að ég geri það bara næst ... eða ekki;)

Lifið heil

Ég hélt fyrirlestur í gær um líkamsrækt, sýndi meira að segja smá takta ... síðasta miðvikudag hélt ég mótmælaræðu um næringu og næringarfasisma (hvað er annars málið með fyrirsagnir eins og "blóðsykur veldur krabbameini"??! nei! án blóðsykurs ferðu í dá ;)) en næsta miðvikudag held ég hvorki ræðu né fyrirlestur því ræðunámskeiðið er búið og ég er útskrifuð:) ... en ég fer á framhaldsnámskeiðið ef það stendur til boða, ótrúlegt hvað mér finnst ég hafa lært mikið á þessu námskeiði þó það hafi verið stutt - mæli hiklaust með ræðunámskeiðum!!

en núna tveir brandarar sem fengu mig til að hlæja smá upphátt:

A woman goes to the doctor for her yearly physical.
The nurse starts with certain basic items.
"How much do you weigh?" she asks.
"115," she says.
The nurse puts her on the scale.
It turns out her weight is 140.

The nurse asks, "Your height?"
"5 foot 8," she says.
The nurse checks and sees that she only measures 5' 5".

She then takes her blood pressure
And tells the woman it is very high.
"Of course it's high!" she screams,
"When I came in here I was tall and slender!
Now I'm short and fat!"

og svo þessi:

A man and a woman were sitting beside each other in the first class section of an airplane. The woman sneezed, took out a tissue, gently wiped her nose, then visibly shuddered for ten to fifteen seconds. Thinking nothing of it, the man went back to his reading. A few minutes later, the woman sneezed again, took a tissue, wiped her nose, then shuddered violently once more. Assuming that the woman might have a cold, the man was still curious about the shuddering. A few more minutes passed when the woman sneezed yet again. As before, she took a tissue, wiped her nose, her body shaking even more than before.

Unable to restrain his curiosity, the m an turned to the woman and said, "I couldn't help but notice that you've sneezed three times, wiped your nose and then shuddered violently. Are you okay?"

"I am sorry if I disturbed you. I have a very rare medical condition; whenever I sneeze I have an orgasm."

The man, more than a bit embarrassed, was still curious. "I have never heard of that condition before," he said. "Are you taking anything for it?"

The woman nodded. "Pepper."

Góðar stundir

Farandabloggið er núna opið þannig að krækja er komin á það hérna hægra megin, ég notaði tækifærið og uppfærði eina gamla krækju á nýja bloggið hennar Þóru Ká og bætti við blogginu hans Kolbeins Há og Heiðrúnar ... löngu kominn tími á þetta en af einhverju ástæðum finnst mér alltaf eins og svona breytingar eigi eftir að taka svo langan tíma þannig að ég geri ekkert í þeim fyrr en eftir dúk og disk:)

ræðunámskeiðið mitt gengur skínandi vel og ég á bara eftir að læra að tala hægar ... gekk ekki alveg upp í gær að tala hægt samt talaði ég næstum hálfri mínútu lengur en á æfingum - ég hlýt að hafa talað eins og byssubrandur þegar ég hélt ræðuna fyrir Fídel fyrr um daginn, hann hefur ábyggilega ekki skilið orð af því sem ég sagði eyminginn ;) nema kannski undir lokin hafi hann verið búinn að ná ræðunni allri, ég endurtók hana nefnilega nokkrum sinnum til að slípa hana til ... og æfa hraðann greinilega ;)

í kvöld fer ég svo á þjóðdansanámskeið og annað kvöld í matarboð - eftir það verður félagslífið sett á pásu þangað til eftir vorprófin og ég bið ykkur um að vera ekki fúl þegar ég afþakka boð og hittinga.

það er einfaldlega aðeins of mikið að gera hjá mér og auðvitað væri ég miklu frekar til í að gera eitthvað með fólki í staðinn fyrir að sitja heima og lesa verk löngu látinna meistara öll kvöld vikunar en eitthvað verður að láta undan og þangað til í maí verða það vinirnir því miður - þið verðið (vonandi) enn til staðar eftir vorprófin en ekki tækifærið til að læra heima og brillera á prófi :)

ég mun samt ennþá fara á æfingar og út fyrir bæinn með hundinn þannig að ef þið viljið hitta mig tékkið þá endilega göngutúra-planinu og komið með - það er að koma vor og yndislegt að komast úr svifrykinu, gott bæði fyrir líkama og sál, ég lofa ;)

Lifið heil og verið hraust!

Samband mitt við Jeff Buckley er í fyrsta lagi ímyndað en sambandi mitt við tónlistina hans er flókið, erfitt að útskýra og ég get ekki gert það upp við mig hvort ég kunni að meta hana (tónlistina) eður ei :)

þetta kemur stundum fyrir, ég veit ekki hvað mér finnst um hluti (samanber endalausa umræðu mína á þessum vettvangi um svani) ... og nýjasta dæmið, ég veit ekki hvað mér finnst um El Labertino del Fauno) sem við fórum að sjá síðasta föstudag en ég er ennþá að hugsa um hana og ég mæli með henni fyrir alla sem hafa áhuga á þjóðfræði og ævintýrum áður en Disney dýfði þeim í flórsykur og aspartam :)

en þó ég viti ekki skoðun mína á Jeff Buckley þá get ég alveg sagt að ég held mér finnist pabbi hans Tim Buckley frekar flottur :) ég er ekki alveg 100% en Goodbye and Hello er verulega góður diskur og ég er jafnvel að hugsa um að reyna að nálgast fleiri diska með honum :)

mig langaði bara til að deila þessu með lesendum og því að samkvæmt áreiðanlegum heimildum er "gleðifæð" er ekki orð ;)

Góðar stundir

Mánudagur og eins og venjulega er pósthólfið mitt fullt af fyndni, ég er ekkert skárri með að nenna ekki að einbeita mér 100% að vinnunni, les allt og skemmti mér vel:)

... en mig langar til að deila gleðinni með ykkur þannig að ég ætla að pósta nokkrum, sem fengu mig til að brosa breiðar - án þess þó að hlæja upphátt því eins og áður sagði þá er ég í vinnunni og ég er ekki í skemmtilegu verkefni núna þannig að ég reyni að hlæja ekki mikið upphátt, svona til að draga ekki athyglina að því að ég er ekki að vinna akkúrat þá stundina ;)

þegar ég segi "ekki skemmtilegu" þá er ég að meina að það er umtalsverður kátínuskortur frekar en leiðinlegt, gleðifæð frekar en óáhugavert - er "gleðifæð" orð? :)

annars er ég yfirleitt mjög einbeitt og dugleg í vinnunni en það er mánudagur ... eftir helgi ;)

A highway patrolman pulled alongside a speeding car on the freeway. Glancing at the car, he was astounded to see that the blonde behind the wheel was knitting!
Realizing that she was oblivious to his flashing lights and siren, the trooper cranked down his window, turned on his bullhorn and yelled, "PULL OVER!"
"NO!" the blonde yelled back, "IT'S A SCARF!"


Fifty-one years ago, Herman James, a North Carolina mountain man, was drafted by the Army.
On his first day in basic training, the Army issued him a comb. That afternoon the Army barber sheared off all his hair.
On his second day, the Army issued Herman a toothbrush. That afternoon the Army dentist yanked seven of his teeth.
On the third day, the Army issued him a jock strap. The Army has been looking for Herman for 51 years.


A blonde was playing Trivial Pursuit one night. It was her turn. She rolled the dice and she landed on Science & Nature. Her question was, "If you are in a vacuum and someone calls your name, can you hear it?"
She thought for a time and then asked, "Is it on or off?"


A Polish immigrant went to the DMV to apply for a driver's license. First, of course, he had to take an eye sight test. The optician showed him a card with the letters: 'C Z W I X N O S T A C Z.'
"Can you read this?" the optician asked.
"Read it?" the Polish guy replied, "I know the guy."


A girl was visiting her blonde friend, who had acquired two new dogs, and asked her what their names were. The blonde responded by saying that one was named Rolex and one was named Timex. Her friend said, "Whoever heard of someone naming dogs like that?"
"HELLLOOOOOOO......," answered the blond. "They're watch dogs!"

There's this blonde out for a walk. She comes to a river and sees another blonde on the opposite bank. "Yoo-hoo!" she shouts, "How can Iget to the other side?"
The second blonde looks up the river then down the river and shouts back, "You ARE on the other side."



og að lokum eitt ljóð sem heitir "Sometimes":

Sometimes...
when you cry
no one sees your tears.

Sometimes...
when you are in pain
no one sees your hurt.

Sometimes...
when you are worried
no one sees your stress.

Sometimes...
when you are happy
no one sees your smile .


But FART!! just ONE time...
And everybody knows!!



Lifið heil og gleðilegan mánudag

Góðan og blessaðan,

mig vantar að komast í samband við einhver sem kann færeysku, þarf ekki að geta talað hana óaðfinnanlega bara nægilega vel til að geta þýtt nokkrar setningar fyrir mig:)

það er verið leita að nöfnum á menn í fótboltaliði frá árinu 1951, þeir eru saman á ljósmynd og fólk er að segja hver er hvað en ég skil ekki hvar hver er ... til dæmis:

Mittastaræð undir liðin av dámuni:
Mikkjal Houmann (Mikkjal post)

hvar er Mikkjal post? svarið sem kemur er svo enn undarlegra:

Eg meini hatta er Heri Mortensen, fyrrv. stjóri á Atl. Airways.

ég skil þetta alveg, gleymir hann ekki bara að segja hvar Heri er á myndinni? og að lokum:

Aftasta ræð undir liðuni á dámuni er mervin Dimon

... hvað þýðir av dámuni og á dámuni?

þekkið þið færeying eða færeyskumælandi einstakling? :)

Lifið heil

Ég er ekkert hætt að blogga, alls ekki, ég er alltaf að semja blogg í kollinum á mér sem komast aldrei á skjáinn :)

... sem er synd því þetta eru ofsalega skemmtileg blogg, svo skemmtileg að ég sit á ljósum eða er uppá fjalli eða í sturtu eftir æfingu og hlæ undurlágt með sjálfri mér eða brosi eins og ég hafi fundið fimmþúsundkall í gömlum jakka - hef ég minnst á það að ég hef ekki eignast nýja vini undanfarið? :)

annars er ég farin að hafa smá áhyggjur af sjálfsmynd minni og að hún sé fáránlega skekkt, mér finnst ég nefnilega alveg vera í lagi og jafnvel frekar sæt svona in a certain angle and in certain light svo ég kvóti nú manninn sem mig langar aldrei til að hitta því ég þekki sjálfa mig, eins og fram hefur komið - en þekki ég sjálfa mig svona "utaná"? myndi ég þekkja mig ef ég sæi sjálfa mig á gangi eftir götu? mig er nefnilega farið að gruna að ég sé með anti-anorexíu!! Fólk með anorexíu finnst það alltaf vera of feitt sama hvað mælingar sýna mér finnst ég hins vegar vera alveg í lagi þó ég sé ekkert endilega grönn eða horuð en mælingarnar mínar sýna allt annað!! ég er ekkert meðalmanneskja á blaði eins og mér finnst ég vera inní mér heldur er ég of feit og á sumum töflum horfir þetta til vandræða, ég á það á hættu að verða bráð hinna ýmsu sjúkdóma fyrir utan að eiga að ræða við lækni minn áður en ég fer að stunda cardio-æfingar til að vera viss um að hjartað í mér þoli álagið ... og að þessu kemst ég daginn sem ég tek heila æfingu án eins einasta gelts, en það hefur ekki komið fyrir síðan í haust :)

ég er að hugsa um að hætta að skoða heimasíður og lesa mér til um heilsu og líkamsrækt því það sem ég er að gera núna virkar, þetta er nefnilega allt spurning um déennaið okkar (DNA) - ég held að frumurnar í mér þekki eggaldin og kúrbít ekki sem mat því pabbi minn borðaði aldrei epli nema á jólunum og afi minn smakkaði ekki kartöflu fyrr en um fermingu ... hvernig í ósköpunum eiga genin í mér að skilja að salat með fetaosti, furuhnetum og sólþurrkuðum tómötum sé matur? hvað vorum við margar milljónir ára að koma okkur uppúr sjónum, uppí tréin og niður úr þeim aftur? hversu margar kynslóðir sjómanna og bænda á eyjum norður undir heimskautsbaug lifðu ágætu lífi án þess að þekkja kosti tófú og soya? svo kem ég, langaftast í keðjunni og ætla að vera grænmetisæta ... kannski ekki skrítið að ég skuli vera með ofnæmi fyrir öllu, Pétri og Páli - en ég borða ekki súrmat, hann er ógeðslegur:)

en þetta er útúrdúr :) þið hafið eflaust engan áhuga á því hvað ég borða og hverjar mínar pælingar eru varðandi mat því þær eru ekki sérlega meinstrím - en ég þekki stelpu sem borðar ekki kjúkling og lambakjöt því hún borðar ekki huglaus dýr, hún borðar hvalkjöt, hross og nautakjöt því það eru hugrökk og hraust dýr :) alls ekki slæm pæling ef þú trúir því að þú sért það sem þú borðar :)

það sem ég ætlaði að segja er að ég ákvað að breyta til í janúar og sagði upp í vinnunni en nú hafa málin æxlast þannig að ég hætti ekki fyrr en næstu áramót, uppsagnarfresturinn lengdist aðeins umfram þessa lögbundnu þrjá mánuði en til að breyta einhverju samt þá skráði ég mig í skólann, á miðri önn og þegar ég er ekki í vinnunni, með hundinum, vinunum, á æfingu eða sofandi þá er ég að lesa upp allt sem ég hef misst af síðan í byrjun janúar þegar allt annað vitiborið og skynsamlegt fólk byrjaði :) ... svo er ég líka á ræðunámskeiði sem þarf að læra fyrir þannig að það er alveg nóg að gera og þess vegna hef ég ekki bloggað í háa herrans tíð, ég er ekki hætt:)

bíðið bara þegar kemur að ritgerðaskrifum og prófum verð ég virkari sem aldrei fyrr, það er alltaf í byrjun annar sem ég er duglegust ... minnir mig :)

Góðar stundir og notið sólgleraugu við akstur

Fór með bílinn í viðgerð á miðvikudaginn, smá vesen að keyra hann því 2. gír var týndur og bakkgírinn tröllum gefinn en það var eiginlega erfiðast að koma honum af stað því hann var frosinn við götuna :) hann er svo kraftlaus að ég varð að stinga fætinum út og losa bílinn :) það var ekki mikið mál, ég er svo sterk ... svo er bíllinn auðvitað svo mikið peð að ég get stungið honum í vasann ef ég finn ekki bílastæði, en það kemur aldrei fyrir, Ari passar alls staðar:)

ég er mjög hrifin af Ara og mér er farið að finnast það bara sætt hvað hann er lítill og kvenlegur, kannski er ég að verða gömul, mér hefur aldrei þótt bílar sætir - í mesta lagi "vinalegir til augnanna" eins og gömlu 1200 Lödurnar með kringlóttu augun:) en ég er ekki sú eina sem held uppá Ara því Þorsteinn stórmeistari og Brimborgarmilliliður fannst uppsetningin á gírkassanum og gírstönginni stórmerkileg, "það þurfti að skipta um svo margt!" - hann teiknaði meira að segja mynd fyrir mig :) svo spurði hann mig um bílinn, hvernig væri að keyra hann og hvort hann væri eitthvað að bila og þannig:) kannski er hann að hugsa um að kaupa sér einn svona sjálfur? ég mæli amk með því :)

ég fór til tannlæknis á mánudaginn og hann skipti um fyllingu í einni tönninni og varaði mig við því að ég myndi finna kul í tönninni í einhvern tíma ... ég fann kul, en orðið "kul" nær eiginlega ekki til tilfinningarinnar eftir að deyfingin fór:) mér leið eins og hefði verið kýld með grjóti og var bólgin þannig að fólk tók eftir því ... ég er ekki orðin alveg bólgulaus ennþá en ég var að taka eftir því að það er að framkallast mar á kinninni, hélt ég væri bara skítug eftir eitthvað en þetta næst ekki af :( annað skiptið á þessu ári sem stórsér á andlitinu á mér og ég lít út fyrir að hafa lent í slagsmálum:)

og meira sem er bilað á mér, ég er með harðsperrur í handarbökunum og ristunum eftir æfingu síðasta miðvikudag, það tekur nefnilega á mjög furðulega vöðva að ganga bjarnagöngu:) hlekkurinn er fyrir alla þá sem segja "ha" og biðja um sýnikennslu ... á veitingastöðum :)

... og bregðarinn minn er ennþá týndur, kona í vinnunni stakk upp á því að ég fengi mér kærasta til að hætta að vera svona hvumpin ... mér finnst það ekki góð hugmynd, síðast þegar ég gáði voru strákar almennt stríðnispúkar og þegar þeir fatta að þér kitlar þá er það nýja áhugamálið að komast að því hversu mörg kítl framkalla barsmíðar :)

... en ekki misskilja mig, mér finnst stríðni mjög vanmetin - stundum þegar samskipti mín við aðra verða ofsalega flókin, aðallega vegna þess að ég á það alltof oft til að misskilja hvað er "í gangi", þá sakna ég gömlu góðu daganna þegar strákar sýndu tilfinningar sínar með því að toga í hárið á stelpunum eða stela húfunni þeirra ...

Útiæfing í fyrramálið, býst við að ég muni gleðja mannskapinn með endalausu gelti í þessu frosti en ég ætla samt að mæta því fyrst astminn kom þá getur hann farið og mér er ráðlagt að slá ekki af ef ég get haldið áfram - innan skynsamlegra marka, auðvitað;)

... og að gefnu tilefni (hef fengið ákveðna spurningu merkilega oft undanfarið ...) og í ljósi þess ofansagða þá, nei, ég hef aldrei fundið fyrir astma við "nánar kringumstæður" (fólk á öllum aldrei les þetta blogg held ég:)) því þá ræð ég hraðanum, og taktinum, sjálf, það er enginn með flautu sem heimtar frosk eftir frosk á milli hoppa og hlaupa - allt, allt annar handleggur - og þá vitið þið það :)

Lifið heil, verið hraust og góð hvert við annað

Það er nauðsynlegt að læra eitthvað nýtt á hverjum degi, ef þið lærið ekki eitthvað nýtt er gott að rifja eitthvað upp eða komast að einhverju um ykkur sjálf - núna verður smá kennslustund:

Eitthvað nýtt: Kárahjnúkar eru skrifaðir svo fyrir norðan en Kárahnúkar fyrir sunnan, þetta á við um alla hnjúka/hnúka landsins - þeir eru með joði fyrir norðan en ekki fyrir sunnan, samanber Hvannadalshnúkur fyrir sunnan:)

Eitthvað gamalt:


rifjið upp hvernig þetta virkar allt saman, þið getið lesið um nánar um "vinnsluna" hérna

og að lokum, eitthvað sem ég er nýbúin að læra um sjálfa mig: bregðarinn í mér hefur alltaf verið frekar stuttur en hann er eiginlega horfinn núna - mér er sagt að fólki sem bregður hafi eitthvað á samviskunni, ég hef ekki hugmynd um hvað ég er að fela en kannski verður það næsta staðreynd um sjálfa mig - nema það sé of skuggalegt auðvitað:)

Góðar stundir

Jæja gott fólk, ég var að koma af Little Miss Sunshine og ég held ég verði með harðsperrur í maganum og kinnunum í fyrramálið:) hrikalega fyndin mynd sem ég mæli hiklaust með og skil vel allar tilnefningarnar:)

ég er að fara að sofa því ég hef ekki gert nóg af því undanfarið en mig langar til að lesa nýtt Faranda-blogg þannig að ég ætla að skrifa eitthvað fyrir háttinn - ég er líka ennþá að flissa eftir myndina:)

í síðustu viku lærði ég nýtt orð, gúmmígeit, það er í uppáhaldi hjá mér núna og ég bendi fólki hiklaust á allar gúmmígeiturnar sem verða á vegi mínum:) það er notað yfir léttar gröfur á dekkjum - léttar as in ekki í tveggja stafa tonnatölu (aka meira en 10 tonn:)) en ekki léttar í neinum öðrum skilningi:)

ég er búin að vera ofsalega upptekin undanfarið, merkilegt hvernig þetta kemur í bylgjum - það er ekkert svo langt síðan ég ákvað að ég hefði tíma til að púsla 4000 púsla púsluspili, kannski gerði ég mér ekki grein fyrir hvað svoleiðis tekur langan tíma en púslið liggur ennþá inní stofu og ég er ekki búin með einn fjórða:) ég hélt ég hefði tíma til að vera duglegri en hann hefur greinilega farið í annað ... tíminn sko, en ég er að hugsa um að taka það saman á morgun, þetta gengur ekki, lítur illa út að hafa það svona hálfklárað og kötturinn er farinn að hneyklast á mér - og það sem er verra, ég held að hann sé farinn að púsla sjálfur þegar ég er ekki heima og hann kann það ekki, hann lemur bara á púslin sem passa ekki og neyðir þau í plássin þannig að þau aflagast og verða ljót ... ég vil ekki hafa af honum skemmtun þannig að á morgun ætla ég að kaupa púsl fyrir hann sjálfan og taka mitt til, kannski finn ég púsl með myndum af músum? eða senjórítum? :)

bílinn minn er ennþá bilaður og í morgun hvarflaði það að mér að ég hefði kannski ekki efni á að borga fyrir viðgerðina - hafið þið einhverja hugmynd um hvað lausar gírstangir kosta eigendurna?

hvað heita skeifurnar sem hestar nota á veturna? eru þær ekki öðruvísi en sumarskeifur? afhverju finnst mér eins og snjóskeifur heiti skaflar? og afhverju er ég að velta því fyrir mér nánast um hánótt? :)

lifið heil

Ég var að keyra úr Kópavoginum í gærkvöldi, í miklum fíling með heimsfrægt sjarmatröll í spilaranum - mér finnst Magni mjög sjarmerandi maður :)


grrrrrrrrrrrr.....

Við erum sem sagt að keyra eftir Breiðholtsbrautinni og ég syng hástöfum með því að honum finnist hann vera flottur og er auðvitað sammála ... þeirri setningu amk:) þegar við erum undir brúnni hjá gamla Staldrinu sé ég ljósin á gatnamótunum við Bústaðarveg verða rauð, ég held áfram að syngja og byrja að skipta niður ... þegar ég tek Ara úr fjórða er eins og ég missi takið á gírstönginni og hún fer að synda um allt saman - ekki um allan bílinn heldur í gírkassanum:/ eins og "brautirnar" sem gírstöngin rennur í til að rata á gírana hafi allt í einu bara horfið! ekki sérstaklega þægilegt á fullri ferð í rigningu en ég er einstaklega góður og vanur og pollrólegur bílstjóri (eins og allir vita er það ekki?) og ég veit alveg hvar gírarnir eru (margra ára þjálfun), ég þarf í sjálfu sér ekki að braut til að leiðbeina mér að þeim - en ég fattaði ekki fyrr en í gær hvað er það er miklu þægilegra að hafa þær:)

ég hafði svo sambandi við verkstæðið mitt í morgun því ég hef aldrei heyrt um svona bilun áður og sá frammá að vera á Miklubrautinni einhvern háannatímann í nánustu framtíð með gírstöng í annarri, lófafylli af hári í hinni og heyrnalaus af flauti óþolinmóðra samferðamanna ... ég þoli ekki að vera bjáninn sem hringir til að lýsa bilun sem ég skil ekki sjálf:

"heyrðu, gírstöngin losnaði á bílnum mínum"
"hvað meinarðu?"
"ja, hún er svona laus en samt föst"
"nú já ..."
"sko, áður en hún losnaði var hún fest"
"... já"
"en núna er eins og hún sé í bandi ..."
"einmitt það?"
"já, hún virkar alveg eins og gírstöng en er ekki lengur gír"stöng" því hún er laus í allar áttir"
"geturðu keyrt bílinn?"
"já, já, ekkert að gírunum sjálfum, hjálparadekkin eru bara dottin úr kassanum ..."

...

"heyrðu, viltu ekki bara kíkja hingað með bílinn? ég heiti Þorsteinn"

... ójá, það er erfitt að lýsa því sem hefur aldrei gerst áður ... núna veit ég að það er líklega splitti sem vantar í festinguna en Þorsteinn vinur minn ætlar að tala við Brimborg fyrir mig - ég skipti við langbesta bílaverkstæði í Reykjavík:)

og að lokum þá reyndist ég ekkert hafa verið tvíbókuð síðasta þriðjudag, ég var þríbókuð - búin að lofa mér á þrjá staði sama kvöldið, munur að vera vinsæl og ringluð :)

Lifið heil

Mér líður eins og ég sé með andlegan njálg ...


og það er ekki gott, skiljanlega - ég er ekki með líkamlegan eða raunverulegan njálg hins vegar, svo það sé á hreinu og kristaltæru :)

ég er bara scatterbrain þessa dagana ... kann illa við það

það er mjög vont að geta ekki einbeitt sér almennilega þegar verið er að skipuleggja hittinga við fólk og tvíbóka sig - en eins og minnst var á í síðustu færslu þá á ég alveg yndislega vini þannig að það kemur ekkert að sök :) en það er líka erfitt að vera með njálg í kollinum þegar það þarf að einbeita sér að vinnunni - ég þarf að gera það á morgun, ójá, einbeiting að tölum er ekki mín sterka hlið því miður þannig að ég er að vona að ég verði skárri en í dag

... í dag einmitt fór ég með hundinn upp í Heiðmörk, við förum "út fyrir bæinn" nokkrum sinnum í viku þannig að ég villtist ekkert eða þannig, njálgur i hovedet virkar ekki þannig nefnilega ....

við fórum hring um Elliðavatnsheiðina, við förum hann stundum, um það bil 4 km og skemmtilegt að fara þetta - Crouching Tiger Hidden Dragon skógarbútur þarna sem ég mæli með, ef þið hafið séð myndina og "opnið" hugann þá hljótið þið að sjá svipinn með trjánum ... ég get ekki verið sú eina sem sé hann :) en eníhú, við höfum farið þetta saman í alls konar veðrum því ég er ekkert hrædd við veður eins og sumir sem ég bý með (nefni engin nöfn en það byrjar á F og endar á ídel) því ég kann að klæða mig - yfirleitt, í dag var ég á gallabuxum og strigaskóm, að vísu bestu strigaskóm í heimi (Asics Gel Nordic þannig að tásurnar héldust þurrar þangað til ég fór úr þeim heima og steig beint í bleytu eftir hundinn) en ekki uppháir þannig að snjórinn sem ég varð að vaða átti fremur greiða leið að öklunum á mér og gallabuxur hafa aldrei flokkast undir útivistarfatnað ... nema í Bandaríkjunum auðvitað en það er margt öðruvísi í þeim ríkjum :)



ég kann sem sagt yfirleitt að klæða mig og finn ekkert fyrir veðrinu sem varð einu sinni til þess að ég skammaðist mín ofsalega mikið eftir einn göngutúrinn, þegar við vorum næstum hálfnuð skall á ofsalega mikil og blaut og köld slydda en það var bara aðeins styttra að snúa við en að halda áfram þannig að við héldum áfram, við erum bæði svo vel "klædd" hugsaði ég, hann í pels og ég í ull, flís og goretex en þegar hundurinn sá loksins glitta í bílinn tók hann á rás og beið hlémegin við hann þangað til ég kom og opnaði fyrir honum ... hrikalegt að leggja svona á skynlausar skepnur :(

kannski gerðum við systkinin feil þegar við nefndum loðkútana okkar? ef við vildum að þau gætu tekist á við íslenska veðráttu hefðum við kannski ekki átt að skíra þau latínó nöfnum?

held ég geti alveg mælt með Children of Men ... það er henni að þakka að þið fáið færslu svona rétt undir miðnætti, en ég held ég lesi nú samt líka bókina :)



Góðar stundir

Getur verið að ég sé barasta búin að fá reddað Linkin Park og Korn og öllu hinu sem ég átti að reyna að nálgast - ég á svo frábæra vini og vinn með yndislegu fólki sem á stór og merkileg geisladiskasöfn og börn sem hafa aðgang að internetinu og vita að "það á alltaf að taka backup", enda vel uppalin :)

ég fylgist með nokkrum síðum á netinu og það gleður mig ósegjanlega að benda ykkur á síðu bræðranna sem eru að skipuleggja drauminn - getiði á hvernig hjóli þeir ætla í heimsreisuna???

jú, mikið rétt, þetta svarta hjól á myndinni er alveg eins og mitt nema bara svart ekki blátt ... þau eru bæði alveg jafngóð en blátt er samt fallegra :)

og þar sem ég er að tala um farartæki þá má ég til með að benda á síðu um öryggismál í umferðinni ;)

góðar stundir

Góðan og blessaðan:)

ég var beðin um greiða og mér gengur ágætlega að klára dæmið en það gengur ekki allt eins vel. Núna þarf ég að spyrja ykkur hvort þið getið nokkuð hjálpað mér á endasprettinum; eigið þið diska með Linkin Park og/eða Korn? :) ef þið getið lánað mér þá brot úr degi væri ég ofsalega þakklát, ég gæti jafnvel borgað greiðan með einhverju öðru ... eins og súkkulaði? :)

... svo megið þið líka alveg spyrja fólk í kringum ykkur hvort það eigi eða geti nálgast þessar hljómsveitir :)

Lifið heil

Ég fór til tannlæknis í gær og fékk gult flúor á tennurnar eins og þegar ég var krakki, engin skemmd (til allrar hamingju!) en hann ætlar að skipta út fyllingu í næsta mánuði því honum finnst hún ekki virka alveg þétt - þar hafið þið það :)

Mér finnast ketilbjöllur alveg jafnmikil snilld og síðast þegar ég bloggaði og fyrir hina fjölmörgu áhugasömu einstaklinga sem hafa leitað til mín eftir upplýsingum um ketilbjöllur og meðferð þeirra undanfarið (endilega haldið áfram að forvitnast:)) get ég bent á kettlebells.is og Mjölni og þaðan er hægt að finna krækjur á síður um allan heim á mismunandi tungumálum. Þeir sem hafa ennþá áhuga geta kíkt á vefsjónvarp ríkisútvarpsins og horft á íslendinga eins og mig sveifla þessu eða farið á youtube.com og skrifað kettlabells í leitargluggann efst hægra megin :)

Eina sem vefst fyrir mér núna er að finna viðeigandi æfingastað til að stunda þessa nýju íþrótt - bjallan mín er 12 kíló og þó ég hafi aldrei misst hana hingað til er ekkert grín að missa 12 kíló af járni á parketið inní stofu eða á svalirnar (sem eru úr timbri og á fjórðu hæð ...) eða á vegg eða húsgagn - það mun koma far ef það verður slys, far er líklega ekki rétta orðið, skemmd er ábyggilega réttara:) ætli ég geti ekki bara farið í myndastyttugarðinn hinum megin við götuna með balaclava og æft í skjóli hinnar eilífu nætur íslensks veturs? passa bara að missa ekki kúluna á einhverja styttuna;)

Eruð þið byrjuð að skipuleggja sumarið ykkar? mér finnst eitthvað fullorðinslegt við það að skipuleggja sumarfrí en eftir útlandaferðina mína í lok síðasta árs er ég svo skemmd (eða á réttri braut kannski frekar?:)) að það kemur ekki til greina að ég noti allt fríið mitt í að vinna eins og svo mörg undanfarin ár:) frí eru góóóóóóððð :)

ætli ég komist upp með að taka mér frí alla föstudag og mánudaga í júlí og ágúst og vinna bara 3 daga í viku?

Góðar stundir

Spyrjið mig um ketilbjöllur :)

vissi ekki að það væru svona margir vöðvar í hryggnum og öxlunum en þar sem ég veit af þeim núna (harðsperrur? Ójá!) er algerlega málið að virkja þá reglulega og mikið - keypti mér 12 kílóa ketilbjöllu og ætla að byrja að nota hana um leið og ég er búin að jafna mig á að hafa lært að sveifla helvítinu.

Lifið heil

Gleðilegt ár rúsínurnar mínar :)

þakka ykkur kærlega fyrir öll kommentin undanfarið og afsakið þessa bloggleti undanfarið, ég gerði mér enga grein fyrir því að ég ætti svona tryggan lesendahóp og verð að viðurkenna að ég er svolítið upp með mér - kannski ég reyni að bæta mig á nýju ári svo þið haldið áfram að lesa? :)

vegna þess að það er næstum kominn mánuður síðan ég bloggaði síðast þá þarf varla að nefna það en mjög margt hefur gerst síðan í fyrra ... en ég veit ekki hvar ég á að byrja:) ef ekki væru ásakanir um agaleysi, mótmælaspjöld, símtöl og boot camp stæl hvatningarhróp myndi ég líklega bara blogga um páskana og sleppa þessum undanfarna mánuði?

ég kem ofsalega vel undan jólunum, maturinn var góður, fríið ljúft, fólkið skemmtilegt og pakkarnir útpældir, þannig eru bestu pakkarnir:) ég fékk saltlampa og myndir af frændsystkinum og heila körfu af vellyktandi hinu-og-þessu og kósí inniskó og náttföt (í stað þeirra sem var stolið í útlöndunum;)) og fleira og fleira, meira að segja ipod nano sem er orðinn nýi besti vinur minn - þið sem haldið að þið séuð bestu vinir mínir, nú verðið þið að fara að æfa ykkur í að skynja tilfinningar mínar og syngja lögin sem ríma við sálarástand mitt á hverjum tíma - án þess að ég segi orð því ég má káfa orðlaust á ipodinum og skipta um lag sem passar við það hvernig mér líður en ég mun ekki káfa á ykkur, það gengur aldrei upp til lengdar að káfa á vinum sínum og stundum get ég ekkert tjáð það með orðum hvernig mér líður - loksins er komið "soundtrack" við líf mitt, ég hef alltaf vitað að það væri þarna einhvers staðar í bakgrunninum en ég hef orðið að humma lögin sjálf og yfirleitt man ég bara eitt í einu og sama lagið gengur ekki við öll tækifæri því sama á hverju dynur eru alltaf nokkrar tilfinningar sem fylgja hverri "uppákomu", þau eru núna komin í playlista og kannski deili ég einhverjum þeirra með ykkur einhvern daginn?:) en það sem ég var byrjuð að segja; hugsanalestursnámskeið eða þið verðið að sætta ykkur við annað sætið:)

púslið er enn í vinnslu en mér er farið að líða eins og persónu í ævintýri sem spinnur og spinnur allan daginn en þegar hún vaknar á morgnanna er allur þráðurinn orðinn að heyi aftur - ég púsla og púsla svo þegar ég kem heim á kvöldin hefur Fídel búið sér til bæli í púslinu miðju og þæft allt sem kló á festir - kannski hefði ég átt að skíra loðkútinn Rumplestiltskin en ekki Fídel?

svo margt er enn óbloggað en núna er ég orðin þreytt og ringluð og man ekkert - en ég ætlaði að minnast á eitt enn (geymi Ómar þangað til næst), klukkan tíu mínútur í fjögur, aðfaranótt jóladags fékk ég sms sem hefur væntanlega átt að fara á einhvern annan en mig (því mér dettur enginn í hug sem myndi senda svona á mig því ég þekki engan sem fílar manninn) en gladdi mig ósegjanlega mikið þegar ég rumskaði um morguninn:

Chuck Norris doesn't read books. He stares them down until he gets the information he wants. kv m

kannast einhver við að hafa sent mér þetta óvart?:) hvort sem ég þekki þessa "m" manneskju eða ekki þá fannst mér þetta mjög skemmtileg byrjun á deginum:)

núna er ég hins vegar að fara að sofa

góða nótt og lifið heil

Ég fór að sjá Casino Royale í kvöld - það var ekki verið að ýkja hönkfaktor nýja Bondsins, ég er alveg til í að sjá fleiri Bondmyndir með þessum manni:)


við reyndum að fara að sjá myndina síðasta sunnudag en þá var uppselt ... mjög margir í salnum í kvöld en sem betur fer var ekki uppselt því af einhverjum ástæðum stóð Eragon og Salur 1 á miðunum okkar, okkur hefði verið hent út ef það hefði fattast og uppselt á myndina er það ekki?:) ætli það sé gert ráð fyrir því að miðasölustelpurnar geri mistök í sölu? eða bæta þeir bara við stólum?

borðaði kvöldmat á Horninu ásamt nöfnu minni og Olgu, skemmti mér mjög vel en ég held að ég fari ekki á vikuleg hrollvekjukvöld þeirra vegna þess að ég held að annað hvort þolinmæðin eða þráðurinn höndli það ekki ... ef þið skiljið mig? ef myndirnar eru of vel gerðar ræð ég ekki við það því ég er með svo stuttan hryllingþráð en ef þær eru of illa gerðar skortir mig þolinmæði:) en ég ætla ekkert að afsaka mig, sumir eru einfaldlega gerðir eins og ég og þess vegna seljast rómantískar gamanmyndir:)

en talandi um hryllingsmyndir þá ég lét mæla hversu mikið frost Ari þyldi um daginn og komst að því að vatnið í vatnskassanum er eldrautt og þegar búið var að sprauta því í tækið sem mælir frystiþolið (hef ekki hugmynd um hvað það heitir) þá leit planið út eins og við hefðum slátrað litlu dýri ... eldrauðir pollar útum allt, alls ekki fallegt og sá sem kom á eftir mér hefur eflaust litið bensínfólkið hornauga ... fegin að vinur minn sem vann á þessari stöð er hættur, samt ekki, hefði verið gaman að deila þessu eldrauða kælivatni með einhverjum sem ekki var bláókunnugur Dagur - held útimaðurinn hafi heitið Dagur:) ... eða Bjarki? það var amk eitthvað tengt hádegi og sólskini:)

það gengur á ýmsu þessa dagana en ég er ekki orðin svo rugluð að ég hengi nærfötin mín upp til hátíðabrigða, þau eru hins vegar ekki enn fundin enda hef ég ekki verið að leita að þeim sérstaklega ... satt að segja hef ég ekki verið mikið heima undanfarið nema til að sofa og það hefur jafnvel setið á hakanum því ég er komin með kvef - nenni því alls ekki en ef ég fæ hita og má ekki fara út finn ég kannski nærfötin:)

ég held að sumt hjá mér hafi ekki breyst neitt síðan í fyrra þó ég hafi markvisst gengið fram í að breyta sumu:) ég er til dæmis ekki ennþá orðin jólabarn - bíð eftir að þetta komi hjá mér, það var svo margt sem ég gerði ekki sem barn eins og að fá ungbarnaexem, eyrnabólgur og astma ... framantalið kom allt eftir að ég varð fullorðin þannig að ég bíð og vona að kannski næstu jól verði ég orðin jólabarn og hlakki til annars en að fá þriggja daga frí úr vinnunni, kannski fáið þið öll jólakort árið 2007? kannski ekki? :)

farin að sofa því ég man ekki hvað ég ætlaði fleira að segja ;)

Lifið heil

Kominn föstudagur, vinna á morgun en samt kominn föstudagur og bróðir minn kemur heim á eftir:)

verð að fara að huga að jólunum bráðum, ég er búin að skreyta skrautinu mínu en ég er að hugsa um að setja upp ljósin aftur sem ég var með síðasta vetur ... gallinn er bara að ég setti þau á svo góðan stað að ég man ekki í svipinn hvar þau eru:) sama gildir um sokka og nærföt ... kvöldið áður en ég fór út fattaði ég að fírskattapassarinn yrði að fá pláss fyrir sín föt og allt var fullt af mínu dóti, ég tók þess vegna efstu skúffuna sem var full af sokkum og nærfötum (stór skúffa) og tæmdi hana en ég man ekki hvert ... sem betur fer er ég með 2ja vikna skammt sem ég var með úti en mjög óþægilegt að finna allt hitt úr skúffunni ekki ... ég bý ekki í svo stórri íbúð:) ... kannski hef ég sett innihald skúffunar á sama stað og ljósin mín því ég ætlaði að hengja þau upp þegar ég kæmi heim aftur:)

til að enginn verði sár þá ætla ég að upplýsa alla sem búast við jólakorti um að sendi ég engin jólakort á jólunum, ég hef aldrei gert það og ætla ekki að byrja á því núna ... hins vegar kaupi ég alltaf jólakort á hverjum jólum, yfirleitt án þess að fá þau í hendurnar samt því ég nota þau ekki og þá er hægt að endurselja þau og koma þeim á betra heimili en mitt:) hvað er eðlilegt að eyða mánaðarlega í góðgerðamál?

Lifið heil

Góðan og blessaðan:)

komin til landsins og er um það bil að lenda :)

búin að hafa nóg að gera undanfarið en mikið ofsalega var gaman að fara í frí! Mæli hiklaust með svoleiðis tímaeyðslu og ég er ansi hrædd um að ég fari að gera þetta oftar, kannski á hverju ári;) svo komst ég líka að því að mér er ofsalega vel við sól og gott veður þó það hafi verið fremur skrítið að vera í sumarveðri en samt var dagurinn bara um 11 tíma langur, engin miðnætursól ... var búin að gleyma þessu með útlönd, mjög skringilegt:)

hef samt verið að spá síðan ég kom heim hvort það stytti í alvöru veturinn að fara svona í sólina? hvort þetta sé ekki bara sambærilegt við það að pissa í skónna sína, bara á miklu stærri skala? :)

í dag er versti hárdagurinn sem ég hef upplifað lengi, hárið á mér stóð beint í allar áttir þegar ég vaknaði í morgun, eins og ég hefði sofið með höfuðið í innstungu í nótt ... eða innan í blöðru:) ég er búin að bleyta það tvisvar sinnum en ég er ennþá með kokeisíanafró ... að framan, hárið að aftan er heft með teygju í tagl sem betur fer:)

fór að sjá Skolað niður í gær með þremur litlum frænkum og skemmti mér konunglega:) margir fyndnir brandarar (samanber þegar snjóhvíta rannsóknarstofurottan fékk niðurgang; "þú ættir að sjá á mér bossann, ég er eins og japanski fáninn" :D) og ég mæli með þessari mynd fyrir bæði börn og fullorðna ... sem eru ekki alveg vaxnir upp úr klósetthúmornum, myndin heitir Skolað niður á íslensku en ætti kannski frekar að heita Sturtað niður? :)

fæ heimsókn utan af landi í kvöld og frammá miðvikudag skilst mér og hlakka barasta slatta til ... jafnvel að hugsa um að taka eitthvað til þegar ég kem heim:)

segi þetta gott núna, segi meira næst

hafið það gott og lifið heil

Fjórhjólaferdin var ofsalega skemmtileg og ég laerdi ad borda kaktusfíkjur sem er ekki audvelt thví eins og nafnid gefur til kynna thá vex hún á kaktusum og getur stungid thig í puttana :) thad var ekkert hrikalegt "off-road" í gangi eins og var auglýst thar sem vid vorum á malarvegum mest allan tímann en ég býst vid ad ef thú ert úr stórborg og thad naesta sem thú kemst náttúru heima hjá thér er chiuaháahundur nágrannans thá var thetta alveg hrikaleg ferd:) ég fékk geisladisk ad henni lokinni med myndum af mér "á baki" og á leid yfir spraenurnar sem vid fórum yfir thannig ad thad mega allir koma og kíkja thegar ég kem heim ... annars hefur heill hellingur gerst undanfarid!

hef ekki gert eins mikid og til stód í thessari ferd samt thví fyrstu vikuna var ég med kvef etc. og svo vorum vid thrjú sem kennum sundlauginni um einhvers konar pest sem vid fengum en enginn annar og vid vorum thau einu sem syntum:( thetta var einhvers konar innvortispest sem lýsti sér sem bílveiki og eins og innyflin vaeru oll steypt saman thannig ad vid vildum ekkert hreyfa okkur ef hjá thví var komist ... ég hef sem sagt ekki mikid gert til ad vinna á móti góda matnum á hótelinu og sagan af skipstjóranum er sonn og sést vaentanlega á mér thegar ég kem heim, óboj, óboj ... en ég passa enn í fotin sem ég kom med hingad og hef ekki keypt mér nýjar buxur eins og hefur heyrst ad komi fyrir;)

ég hef samt farid uppí fjollin thar sem vegirnir eru svo mjóir ad thad er alltaf flautad fyrir horn thví thú veist ekkert hvad er hinum megin vid thad, ég hef séd úlfalda, sítrónutré, limgerdi úr aloe vera, mannhaedarháar jólarósir, fornminjar, hitabeltisfiska taka framúr mér í sjónum, ég tók thátt í galdrasýningu, ég hef fengid símanúmer skrifud á mida og mér hefur verid bodid á heilan helling af deitum sem er óumdeilanlega gott fyrir sjálfstraustid ef ég hugsa ekki um thad ad ástaedan fyrir bodinu er líklega sú ad ég er kvenkyns og med púls, raudu náttfotin mín týndust (thau eru vaentanlega í thvotti med hvítu hótelrúmfotunum) og ég er ákvedin í ad taka aldrei neitt rautt med mér aftur til útlanda, thegar ég var í París var raudum naerbuxum stolid af herberginu mínu, thernur leita í rautt greinilega eda thá ad ég er svona óheppin? amk hef ég laest nýja bikiníid mitt í peningaskápnum thegar ég hef ekki verid í thví sídan náttfotin hurfu, thad er nefnilega svo langt sídan ég var í París ad ég var búin ad gleyma thessu med raud-blaetid og keypti mér glampandi rautt bikiní :)

ég var uppí fjollunum í dag og sá alvoru dýrling sem fólk heitir á og labbar á hnjánum til ad bidja í kirkjunni hennar og ádan var verid ad raesa tour-de-france-ískt hjólreidamót fyrir framan lobbíid ... nóg ad gerast og ég er ad hugsa um ad koma hingad aftur einhver daginn thví í sannleika sagt langar mig ekkert heim á thridjudaginn ef ekki vaeri fyrir ykkur oll sem ég sakna;)

thakka ykkur ollum fyrir kommentin og verum í bandi:)

Lifid heil

Var ad panta mér fjórhjólaferd á morgun ... býst vid ad ég muni endurnýja kynni mín vid thýskuna thví fararstjórinn (og ótrúlega margir hérna) talar thýsku en vona ad thad verdi ekki of mikid af hormottum med í for:)

býst vid ad thad verdi mjog gaman, laet ykkur vita hvernig fer:)

ég er ekki ordin appelsínugul en ég fékk ad heyra frá samferdarfólki mínu "thú hefur tekid lit" í morgunmatnum í morgun!! ég er formlega ekki lengur fraenka hans Kaspers og ég er ad hugsa um ad haetta ad vera vinaleg:)

lífid heldur áfram ad vera audvelt og sólin hlý, ég er ad hugsa um ad koma ekkert eftur heim fyrr en naesta sumar:)

Gódar stundir

Gódan og blessadan:)

ég er ad nota tíkallainternet hérna á hótelinu og thad virkar alls ekki, hendir mér út reglulega og setur upp auglýsingu í stadinn ... ég hef alveg prófad ad blogga en aldrei hafa faerslurnar komist alla leid á internetid:)

en ég er bjartsýnismanneskja og kannski ad thessi komist alla leid, thad er nú einu sinni kominn laugardagur:)

lífid er ljúft og thad er afskaplega gaman ad vera til hérna:) vakna, borda morgunmat, fara í gongutúr eftir strondinni, fara í sund, í sjóinn, labba meira, skoda dót, fara hingad og thangad ... ekki mikid búid ad vera ad "gerast" ad vísu enda nádi ég mér í kvef og hálsbólgu ádur en ég fór og er ad dunda mér vid ad losna vid thad:) ... svo er thetta ekki alveg ofnaemislaust land nema á strondinni:)

hótelid er fimm stjornu edalhótel og ég heyrdi af manni sem var hérna og í tvaer vikur og thyngdist um átta kíló ... og ég er sannfaerd um ad thad sé ekki lygisaga! Thvílíkt og annad eins hladbord á matmálstímum ... thad er haegt ad fá sér hvad sem er, sem daemi stendur til boda steikt mjólk í morgunmat og kanínukjot í kvoldmat :)

jaeja, ég aetla ekki ad storka orlogunum thar sem ég hef nád ad skrifa svona mikid og segja thetta gott núna:)

frétti af leiktaekjasal hérna í kortérs fjarlaegd thar sem internetid er baedi ódýrara og hendir manni ekki út:) tékka á thví á eftir en núna er ég farin í sund:)

Lifid heil:)

... á morgun!!!!!

Fyrir þá sem hafa velt því fyrir sér þá er þetta minn húmor :)

LETTER FROM A FARM KID, NOW AT SAN DIEGO MARINE CORPS RECRUIT DEPOT.

Dear Ma and Pa:


I am well. Hope you are. Tell Brother Walt and Brother Elmer the Marine Corps beats working for old man Minch by a mile. Tell them to join up quick before maybe all of the places are filled.

I was restless at first because you got to stay in bed till nearly 6 a.m., but am getting so I like to sleep late.

Tell Walt and Elmer all you do before breakfast is smooth your cot and shine some things. No hogs to slop, feed to pitch, mash to mix, wood to split, fire to lay. Practically nothing. Men got to shave but it is not so bad, there's warm water.

Breakfast is strong on trimmings like fruit juice, cereal, eggs, bacon, etc., but kind of weak on chops, potatoes, ham, steak, fried eggplant, pie and other regular food, but tell Walt and Elmer you can always sit by the two city boys that live on coffee. Their food plus yours holds you till noon when you get fed again.

It's no wonder these city boys can't walk much. We go on "route marches", which the platoon sergeant says are long walks to harden us. If he thinks so, it's not my place to tell him different. A "route march" is about as far as to our mailbox at home. Then the city guys get sore feet and we all ride back in trucks. The country is nice but awful flat.

The sergeant is like a school teacher. He nags a lot. The Capt. is like the school board. Majors and colonels just ride around and frown. They don't bother you none.

This next will kill Walt and Elmer with laughing. I keep getting medals for shooting. I don't know why. The bulls-eye is near as big as a chipmunk head and don't move, and it ain't shooting at you like the Higgett boys at home. All you got to do is lie there all comfortable and hit it. You don't even load your own cartridges. They come in boxes.

Then we have what they call hand-to hand combat training. You get to wrestle with them city boys. I have to be real careful though, they break real easy. It ain't like fighting with that ole bull at home.
I'm about the best they got in this except for that Tug Jordan from over in Silver Lake. I only beat him once. He joined up the same time as me, but I'm only 5'6" and 130 pounds, and he's 6'8" and weighs near 300 pounds dry.

Be sure to tell Walt and Elmer to hurry and join before other fellers get onto this set up and come stampeding in.

Guess I best be goin'.




Your loving daughter,


Gail.


Núna eru fjórir dagar í fríið, aðeins morgundagurinn og mánudagurinn eftir í innstimplaðri vinnu og allt að klárast sem varð að klárast ... lífið er ljúft og ég er búin að láta klippa mig ofsalega fínt því klippi- og ofurkonan hún Olga er byrjuð að klippa aftur!! :)

Núna er ég sem sagt hrikalega sæt en til að fyrirbyggja allan misskilning þá var ég ekki að klippa mig til að höstla í fríinu (algengur og útbreiddur misskilningur af einhverjum ástæðum?) heldur vegna þess að mig langaði til að finnast ég vera "viljandi":) það er frekar erfitt að útskýra afhverju mér finnst ég stundum ekki vera viljandi þannig að ég segi ykkur bara að hugsa málið og spyrja ef þið skiljið mig alls ekki:)

Góðar stundir OG lifið heil

Góðan og blessaðan:)

ég vil byrja á að þakka kærlega fyrir fjölmörg komment við síðustu færslum og afsaka það að hafa ekki svarað neinu þeirra ... ég er fegin því að vera ekki sú eina sem festist andlega á öðru tungumáli en því sem ég er að tala ... líkamlega :) rauðkál og ora grænar voru eimitt meðlætið á laugardaginn síðasta ásamt kartöflum auðvitað og því miður held ég að ég fari ekki á Jólablótið því undanfarin jól hef ég verið upptekin við annað og fagna vetrarsólhvörfum og því að daginn tekur að lengja á minn eigin hátt. Þannig að við "Leynilegi aðdáandinn" verðum bara að hittast á Sigur- eða Sumarblótinu í staðinn? ... samt grunar mig að "hann" þurfi ekkert að kynna sig fyrir mér fyrst "hann" veit af þessu bloggi? :)

Ég var að hugsa svolítið áðan og ég ætla aldrei að venja mig á það að mála mig á hverjum degi. Fyrir því eru fjölmargar ástæður, mér finnst að húðin eigi að fá að anda, ég er með eða hef fengið ofnæmi fyrir öllum snyrtivörum sem ég hef prófað, snyrtivörur eru dýrar en aðallega ætla ég ekki að venja mig á að mála mig á hverjum degi því þegar ég er orðin gömul og hárið fer að þynnast þá detta sum hárin alveg af og skallablettir myndast. Ég er eiginlega sannfærð um að ég eigi eftir að missa augabrúnirnar og vera sköllótt á enninu. Ef ég er sköllótt á enninu verð ég að teikna á mig augabrúnir og þá má ósköp lítið útaf bera til að ég verði ekki krónískt undrandi á svipinn, er það ekki?

Sex dagar í frí og mig svimar af stressi ...

Lifið heil og verið góð við alla í kringum ykkur.

Það er aftur spáð stormi ... ég er að fara í frí eftir átta daga :)

ég misskil hluti í dag, ekki í fyrsta sinn og því miður held ég að það verði ekki það síðasta ... ég er líka búin að vera stillt inn á ensku í allan morgun af einhverjum ástæðum?
Gaurinn var að vinna hérna við hliðina á mér og segir eitthvað sem ég heyri ekki alveg, fyrir utan eitt orð sem hljómaði eins og stíng eða stíg, þegar ég svara engu (enn að melta það sem hann hafði sagt) lítur hann á mig og segir "police? sting?" og ég fer að velta því fyrir mér afhverju í ósköpunum hann sé að tala um svoleiðis fyrir klukkan níu á mánudagsmorgni? hann var þá að tala um söngvara hljómsveitarinnar Police hann Sting ekki þegar lögreglan gabbar glæpamenn og kemur þeim í fangelsi - hvað er annars íslenska orðið yfir "sting"? er það til?
ég misskildi líka þegar Gaurinn var að tala um The Biggest Looser og sagði að þátturinn væri leikur, ég veit ekki afhverju en ég þýddi "leikur" sem "act" og að þátttakendur væru að leika í þáttunum, að þetta væri ekki raunveruleikasjónvarp ... gleymdi því alveg að "leikur" þýðir líka "game" og maldaði mikið í móinn áður en misskilningur minn uppgötvaðist, hann hélt bara að ég væri að vera með stæla, ekki að sleppa góðu röfli og þannig ... nei, ég var bara föst í meinloku ... ef þú lætur samloku mygla og verða eitraða verður hún þá meinloka? eru kjúklingalanglokur með salmonellu meinlokur? :)

gott að geta glatt sjálfa sig að minnsta kosti:) ... skil samt ekki afhverju ég er föst á ensku í dag? hefur þetta komið fyrir ykkur?

ég setti upp gardínufestingar í gærkvöldi, var loksins komin með rétta stærð af festingum, réttar skrúfur, búin að hlaða borvélina og finna tork skrúfjárn í réttri stærð þegar ég fatta að ég þurfti tæki sem gæti skrúfað fyrir horn til að ná efri skrúfunum beinum inn í vegginn ... nú voru góð ráð dýr en sem betur fer gat ég hringt í riddarann á hvíta hestinum (sem er í raun björgunarsveitarmaður á silfurlituðum Nissan) og hann átti svoleiðis í jeppanum sínum - það er gott að eiga góða vini, sérstaklega þegar þeir skilja spurningar á við "áttu skrúfjárn með olnboga?" :)

talandi um góða vini þá fór ég á Kótilettukvöld með mömmu og pabba og Maju síðasta laugardagskvöld:) það var ofsalega skemmtilegt og margt sem kom á óvart meðal annars það að mjög góður vinur og sessunautur hans pabba míns er fræg útvarpsstjarna sem ég hlusta á mörgum sinnum í viku:) ég hafði ekki hugmynd um að pabbi þekkti hann og mér leið hálfkjánalega allt kvöldið, hrikalegt að fatta að ég er grúppía án þess að hafa gert mér grein fyrir því ... leið líka svona þegar Tim Tangerlini var að kenna uppí skóla, lá við að ég skrópaði til að sýna að ég væri ekki grúppía:)

Lifið heil og vonandi gangið þið heilari til skógar en sumir ...

P.S. mér finnst alltaf sem stelpur séu meirihluti lesenda minna þannig að ég skrifaði fyrst: "vonandi gangið þið heilar til skógar" ... svo fór ég að flissa eins og Hómer Simpson "gangi þið heilar" tíhíhí "brain"!!

Góðar stundir

Stutt skilaboð til að fyrirbyggja misskilning og til að fólk sé áfram vinir mínir þrátt fyrir að það haldi að ég hafi hundsað það í heilan dag:

ég setti msn upp í tölvunni hans pabba fyrir langa, langa löngu og stundum tekst honum að logga sig inn sem ég ... en hann skilur ekki msn og gerir þess vegna það sem honum hefur verið sagt að gera við pop-up glugga, hann ýtir á X :) hann var að segja mér að "litli maðurinn minn á skjánum" (við höfum rætt þetta áður ...) hefði verið að tala við sig í dag og spyrja hvort hann væri ekki í vinnunni (sérlega ruglingslegt því hann er kominn á eftirlaun), hvort hann þetta væri hann og hvort hann væri þarna - síðustu tvær fannst honum mjög sérkennilegar :)

ég var ekki inná msn í dag en ég er búin að logga mig út af því hjá pabba núna og ætla heim í sturtu og fá mér að borða og fara að sofa því það er óveður og ég er þreytt og ætla á útiæfingu í fyrrmálið ... nokkuð sem mér finnst í augnablikinu vera hrein geðveiki en ef ég fer ekki fæ ég harðsperrur og samviskubit:)

aðeins 11 dagar í fríið:)

Lifið heil

Ég vinn á rannsóknarbókasafni, við rannsökum hluti - Gaurinn (sbr. fyrri færslur) lítur alveg eins út og Moby í ákveðnu ljósi og Paul Young er sláandi líkur Kónginum frá ákveðnu sjónarhorni ... í dag fékk ég svo sent bréf frá samstarfskonu minni með nýjum upplýsingum um uppruna bloggsins:



Þá vitum við það ... núna þarf ég bara að rannsaka hver hinn leynilegi aðdáandi er ... nah, mig langar ekki til að vita það:) takk bara fyrir mig:)

Lifið heil

Fann mig knúna til að skipta um mynd ... þekki ekki eitt einasta lag með Paul Young:)

... það er lágmark að kunna eitt lag er það ekki?;)

Góðar stundir

Aftur kominn mánudagur og ný vika byrjuð, núna eru bara tvær vikur í að ég fari til útlandanna!! Ég er að fara í frí!! Hrikalega verður það fínt:) Held samt að ég kunni ekkert að vera í fríi? Ég er búin að vera að hugsa um allt sem ég ætla að gera á meðan ég verð úti og mér reiknast til að ég þurfi að vera um það bil mánuð til að klára allt og hafa tíma til að sofa:) Spurning um að hætta við allt saman, fara óundirbúin fyrir allan tímann sem ég mun hafa aflögu og í almennilegt frí?

Það er hins vegar alveg nóg að gera hjá mér þangað til ég fer ... ég verð að gera íbúðina fína því það verður búið í henni á meðan ég er úti (ef innbrotsþjófar eru að lesa þetta þá verður grimmur köttur og fírs kattapassari á svæðinu:)). Íbúðin er alveg í lagi finnst mér en þegar ég lít á hana með augum einhvers sem er ekki vanur henni þá má margt betur fara og það verður að laga:)

Ég fékk bréf í dag frá fyrrverandi samstarfskonu og laumulesanda, takk kærlega fyrir það!! Ég leyfði samstarfsfólki mínu að lesa það hjá mér, enda ekki prívat beinlínis og þau unnu öll með henni líka (vona að það hafi alveg verið í lagi??). Yfirmaðurinn las það sem sagt og hann komst að því að ég er með blogg ... í tilefni af því má ég kalla hann "gaur" á síðunni minni, honum fannst "yfirmaður minn" (sbr. síðustu færslu) alltof formlegt:) ... og honum fannst myndin hérna hægra megin vera alveg eins og Paul Young ... þá er komið mál að skipta:) Þetta er alls ekki Paul Young heldur kóngurinn!!

Lifi óformlegheit, lifi frí og lifið heil!

Eftir hádegi ...

... dagurinn er ekkert minna furðulegur núna. Yfirmaður minn tilkynnti mér að ég mætti fara á námskeið sem mig langaði til að fara á í vinnunni, ég fagnaði innilega og ég er ekki frá því að ég hafi klappað nokkrum sinnum. Það kemur stundum fyrir að ég gleymi mér í gleði eins og þegar ég sá Mýrina í síðustu viku, þegar myndin kláraðist klappaði einhver í salnum og ósjálfrátt klappaði ég líka með af innlifun.

Námskeiðið virkar ofsalega spennandi og ég hlakka mikið til, það heitir Pappír: eiginleikar og umgengni
... kannski er kominn tími til að skipta um vinnu ef pappír kallar fram fagnaðarlæti?

... pappírablæti?

þetta rímar:)

Góðar stundir

Gleðilegan mánudag litlu rúsínurnar mínar:)

... þetta er búið að vera mjög furðulegur dagur og það er ekki einu sinni komið hádegi ...

Ég heyrði ekki í vekjaraklukkunni og vaknaði við að mamma hringdi í mig. Að fenginni reynslu gengur mér nefnilega ekki alltaf vel að vakna á mánudagsmorgnum og þó ég hafi farið snemma að sofa í gærkvöldi og sleppt fótboltaæfingu til að geta sofið lengur munaði minnstu að ég svæfi yfir mig. Ég þakkaði mömmu kærlega fyrir að hringja, bað hana að hringja aftur eftir fimm mínútur og skellti á hana. Mitt fyrsta verk í morgun var sem sagt að snooza mömmu mína.

Í gær fór ég með litlu frænkur mínar í Smáralindina og útvarpið var ennþá stilllt á Útvarp Latabæ í morgun. Á leiðinni í vinnuna hlustaði ég á Stumpa Disco Extended Remix Version ... lagið hljómar sem sagt eins og Diskó friskó nema þú skiptir "friskó" út fyrir orðið "strumpa", sömuleiðis öllum öðrum orðum sem ekki eru samtengingar, forsetningar eða smáorð ... svo tóku Strumparnir ekki eingöngu sönginn upp heldur líka samræðurnar um hvernig lagið skildi hljóma þegar upptökunni væri lokið. Strumpadiskó hljómar enn í höfðinu á mér og ég skil ekki afhverju ég hafði ekki rænu á að skipta um útvarpsstöð.

Stuttu eftir að ég mætti í vinnuna mætti maður sem ég hef hingað til ekki haft annað sameiginlegt með en að vinna á sama stað. Hann tilkynnti mér að við værum nú orðin tengd eftir uppgötvun hans um helgina. Systir mín er gift manni sem er sonur manns sem er systkinabarn þessa samstarfsfélaga míns og þannig er ég nú tengd ættinni hans í gegnum systur mína. Hann sannaði þessi tengsl fyrir mér með því að sýna mér myndina af systur minni í Klingenbergsættarbókinni. Ég er skyndilega tengd Klingenbergsættinni, geri aðrir betur á mánudagsmorgni í október?

Furðulegheitunum er ekki lokið, ég opna póstinn minn og sé að "Leynilegur aðdáandi" hefur skilið eftir komment á síðunni minni. Ég vil nota tækifærið og þakka þeim vini, spéfugli og mannvin sem er að þykjast vera aðdáandi minn kærlega fyrir þessa hvítu lygi. Það eykur óneitanlega á sjálfstraustið að ímynda mér að ég eigi leynilegan aðdáanda, sérstaklega í dag. Ég var svo þreytt í gærkvöldi að ég sofnaði með blautt hárið og var of þreytt í morgun til að fatta mistök mín og hárburstunarleysið fyrr en núna rétt í þessu þegar ég gekk framhjá spegli ... á leiðinni úr kaffi.

Lifið heil og verið góð við allt hitt fólkið

Ég á eina vinkonu sem er ofsalega fyndin og hress og skemmtileg:) Þegar við hittumst eða tölum saman hlæjum við yfirleitt um helming tímans og í sumum tilfellum allan tímann ... það hefur komið fyrir að ég hlæ allan tímann og hún hlær að því að ég er að hlæja:)

Þessi góða vinkona mín missti af skemmtilegasta atriði sjónvarpssögunar síðasta vor og af öllum endursýningunum, þegar ég hugsa um það fer ég að hlæja og hún hlær því ég hlæ ... en ég fann atriðið!! hvar annars staðar en á youtube.com

Þennan link tileinka ég Maju, njótið vel!



... og lifið heil:)

Ég er orðin blá:)

Ég hef alltaf verið mjög hrifin af bláum lit og mér fannst þessi appelsínuguli ekki vera "ég" ... að vísu var það template orðið svo gamalt að það hafði vissa sérstöðu, ekki margir með eins og þannig en mér finnst þessi litur miklu betri fyrir augað:)

Það datt að vísu ofsalega margt út þegar ég skipti um template þannig að endilega látið mig vita ef eitthvað sem tengist ykkur er dottið út:)

Hvernig finnst ykkur annars?

Ari og Hjólið



... er ég ekki margbúin að lofa mynd af Ara (nýja bílnum) og mótorhjólinu? Hjólið er að vísu orðið miklu vígalegra núna með aukahlutunum sem ég hef verið að kaupa á það, en ég á ekki mynd af því ennþá:)

Ari hefur greinilega ekki verið nægilega duglegur við að borða grautinn sinn:)

Jæja, rúsínurnar mínar, kominn fimmtudagur:)

Ég er ennþá lasin, lasnari ef eitthvað er. Þetta er flensa ... fór að lesa mér til um pestir á doktor.is og fann muninn á kvefi og flensu, samkvæmt öllu er ég með flensu, ég er því miður bara búin að vera með 39,5°C síðan á þriðjudaginn þannig að ég á enn eftir einn, tvo hitadaga, höfuðverkurinn er búinn að vera svo slæmur að ég er alltaf að láta hnéin snerta ennið bara til að vera viss um að ég sé ekki með heilahimnubólgu, vöðva- og liðverkir ... var að hugsa um að aflima fyrir neðan mitti í nótt:) ég ætlaði að falla á þrekprófi næsta laugardag (falla já, en sjá hvar ég stend sem er gott) en miðað við að slappleiki og þreyta geti varað í 2-3 vikur sýnist mér ég eiga eftir að falla á æfingum næsta hálfan mánuðinn og ég verð líklega með hita á laugardaginn hvort sem er ... ég var með stíflað nef og hágrét þangað til í gærkvöldi en það er batnað núna, ég hnerraði í morgun og mér er illt í hálsinum, þynglsin í brjóstkassa og hóstinn er ekkert grín, það hljómar eins og ég sé að trekkja eitthvað upp í hvert sinn sem ég anda að mér ... það var árleg bólusetning gegn flensu á þriðjudaginn í vinnunni, hjúkrunarkonan kom klukkan eitt en ég fór heim klukkan tólf ... ekki að ég hafi ætlað að fá bólusetningu, ég er með ofnæmi fyrir henni:)

ég veiktist á svipuðum tíma í fyrra ... og mér batnaði í janúar ... nenni því ekki aftur.

ofsalega margt sem ég hef ætlað að blogga um undanfarið en hef ekki haft tíma (ég á nefnilega alveg skilið að vera lasin miðað við svefnleysið, vinnuálagið og stressið undanfarið, en ég hefði kosið að fá kvef í staðinn fyrir flensu;)), þar á meðal er "fatasagan" sem ég hef sagt þó nokkuð oft síðan 28. september, Myrkvunarkvöldið, en ég er steinbúin að gleyma hverjum ég hef sagt hana? Ég fór á Akureyri síðustu helgi í fyrsta sinn á ævinni (ég fór í sund einu sinni þegar ég var 11 ára en man ekkert eftir því þannig að það telst ekki með:)) og skemmti mér konunglega, strákurinn í búðinni bauð okkur góða kvöldið á laugardagsmorguninn en það er ekki annað tímabelti á Akureyri, hann er bara vanur að vinna á kvöldin:) ég fékk að borða á Greifanum, skoðaði MA á sunnudegi, borðaði Brynjuís, fór í Jólahúsið, í Mollið, inná verkstæði SBA, horfði á hluta úr mynd með Meg Ryan sem breytti skoðun minni á saklausu ljóshærðu leikkonunni um aldur og ævi, bjargaði herðatréi, laumaði laumufarþega í kerru, keypti belti, tók myndir, hló upphátt að ölvuðum manni umkringum vinum sínum sem fannst sá ölvaði ekki eins fyndinn og ég, sá heimskasta ökumann Íslands utanvegar á leiðinni heim og skoðaði svo flottustu stofu landsins og þó víðar væri leitað ... hrikalega gaman og ég þakka samferðakonu minni og móttökunefndinni kærlega fyrir mig:) ... en þið vitið að núna á ég eftir að koma aftur?:)

það hefur tekið mig nokkra klukkutíma með hléum að skrifa þessa færslu en samt er hún samhengislaus, illa skrifuð og löðrandi í innsláttarvillum (mér er illt í fingrunum) ... ég vona heitt og innilega að mér hafi ekki tekist að smita neinn af þessum viðbjóði áður en ég veiktist??!!

Farið vel með ykkur öllsömul og verið góð við náungann, kannski viljið þið að hann komi með safa handa ykkur ef þið veikist:)

Lifið heil og hraust

Óska eftir bústýru og húsmóður.
Meistarapróf í næringar- og
heimilsfræðum skilyrði.

Virðingafyllst
hornös

Góðan og blessaðan! :)

Það er kominn þriðjudagur sem er gott því mánudagurinn gekk á hvolfi og ég er eiginlega barasta mjög fegin því að hann skuli vera búinn ... þó að veðrið hafi verið rosalega gott og að allt hafi gengið upp að lokum :)

Leifar af mánudeginum fylgdu mér inn í draumalandið í nótt og ég fékk martröð um að eigand Krambúðarinnar væri búinn að selja búðina og að það væri kominn nýr eigandi sem ætlaði að standa allar vaktirnar sjálfur!! Það gengur aldrei upp og í draumnum hrakaði búðinni og hrakaði og það var ekki lengur hægt að fá neitt nema þurrmat og kex hjá þeim en sem betur fer vaknaði ég áður en nýi eigandinn hætti að panta nýjustu vídeómyndirnar og fór að vera með leiðindi :) ég versla alls ekki mikið í Krambúðinni en ég kaupi eitthvað reglulega og ég vil endilega að hún haldi áfram að vera á sínum stað og eigendaskiptalaus takk fyrir! :)

Hafið þið sprautað banana útúm nefið á ykkur? Ég gerði það í morgun þegar ég las eftirfarandi tölvupóst frá vini mínum sem annars sendir aldrei nokkurn tímann fjölpóst frá sér, það var merkileg stund þegar ég opnaði bréfið og byrjaði að lesa.

Njótið vel rúsínurnar mínar!

Í boði Hannesar:

After every flight Qantas pilots fill out a form, called a "gripe sheet", which tells mechanics about problems with the aircraft.
The mechanics fix the problems, document their repairs on the form, and then pilots review the gripe sheets before the next flight.
Never let it be said that ground crews lack a sense of humour.
Here are some of the actual complaints submitted by Qantas pilots (marked P) and the solutions recorded (marked S) by maintenance engineers.

By the way, Qantas is the only major airline that has never had an accident.

P: Left inside main tyre almost needs replacement.
S: Almost replaced left inside main tyre.

P: Test flight OK, except auto-land very rough.
S: Auto-land not installed on this aircraft.

P: Something loose in cockpit.
S: Something tightened in cockpit.

P: Dead bugs on windshield.
S: Live bugs on back-order.

P: Autopilot in altitude-hold mode produces a 200 feet per minute descent.
S: Cannot reproduce problem on the ground.

P: Evidence of leak on right main landing gear.
S: Evidence removed.

P: DME volume unbelievably loud.
S: DME volume set to more believable level.

P: Friction locks cause throttle levers to stick.
S: That's what they're for.

P: IFF inoperative.
S: IFF always inoperative in OFF mode.

P: Suspected crack in windshield.
S: Suspect you're right.

P: Number 3 engine missing.
S: Engine found on right wing after brief search.

P: Aircraft handles funny. (I love this one)
S: Aircraft warned to straighten up, fly right, and be serious.

P: Target radar hums.
S: Reprogrammed target radar with lyrics.

P: Mouse in cockpit.
S: Cat installed.

And the best one for last.

P: Noise coming from under the instrument panel. sounds like a midget pounding on something with hammer.
S: Took hammer away from midget.

Lifið heil

Dyggir lesendum muna ef til vill eftir því að í vor var ég búin að gera samning við málarameistara um að mála húsið okkar og gera það aftur gult eins og það var þegar ég keypti. Það hefur rignt svo mikið í sumar að eymingjans málarinn er kominn langt, langt á eftir með verkin sem hann tók að sér. Ég hef ekkert verið að pressa á hann því ég veit að hann er ekkert að drolla, það er ekki hægt að mála húsveggi í grenjandi rigningu og ég þarf bara að líta út um gluggan til að sjá afhverju hann er ekki kominn:) uppúr sjö í morgun heyrði ég umgang fyrir aftan húsið mitt og rétt fyrir hálfátta þegar ég var á leiðinni í vinnuna tóku á móti mér sex gallaklæddir málarar með jafnmarga stiga og gula málingu í dollum!! húsið mitt verður væntanlega orðið gult þegar ég kem heim í kvöld!! en draumurinn um menn á pöllum umhverfis húsið mitt er orðinn að engu ef þeir ætla svo bara að nota stiga við verkið :)

Annars er ég stressuð þessa dagana og ég er farin að vera þreytt í hnjánum sem er ótvíræð vísbending um að ég verði að fara að slappa af en vegna verkefna og vinnu verður það ekki fyrr en á mánudaginn ... en ég er að sjálfsögðu strax komin með lista yfir það sem ég verð að gera á þriðjudaginn ;)

En það er margt annað gleðilegt fyrir utan að húsið mitt er orðið gult til að gleyma því að hnéin á mér eru orðin þreytt. Það er hamborgari í mötuneytinu í hádeginu, við erum komin með kennara í jógaið þannig að núna mun ég fara í jóga í vinnunni einu sinni í viku og vegna þess að ég stakk uppá þessu hefur mér verið falið að halda utan um þetta allt saman ... ég er greinilega orðin félagsmálatröll á efri árum, sem er gleðilegt held ég barasta? og það er komin helgi eftir nokkra klukkutíma :)

Lifið heil

Gullfallegt sólsetur, logn og fínt í fyrramálið væntanlega, samkvæmt sjómannahjátrú forfeðra minna að minnsta kosti;)

Ég sótti bíl bróður míns í réttingu í dag - hann klessti hann ekki sjálfur heldur var klesst á hann kyrrstæðan, tvisvar! Stundum er fólk ekki í lagi, hvernig geturðu ekki séð rauðan sjö metra langan, upphækkaðan, 38" dekk, Ford F350 pallbíl? Getur auðvitað verið að ég taki alltaf eftir þessum bílum vegna þess að ég er með pallbílablæti (fyrir þá sem eiga ekki málhreinsunarvini þá er blæti íslenska orðið yfir fetish og vegna þess að ég kann hvorki málfræði né stafsetningu þá legg ég mig fram um að nota íslensk orð og hugtök þegar ég get) og þó að ég sé farin að fíla Ara minn ágætlega þá er hann ósköp mikil píka greyið:) Ég saknaði Silveradosins míns mikið og vegna þess að það er svo mikið um sniðugar tilviljanir í heiminum sá ég einmitt Chevy Suburban á leiðinni heim með stuðaralímmiða sem á stóð:

I'd rather push a Chevy than drive a Honda!:D

... það sá heldur enginn Silveradoinn minn úr bílnum sínum þannig að hann var dældaður allan hringinn að lokum (kannski hefur klikkaði nágranninn minn gengið á hann með kylfu?) og það var endalaust verið að atast í honum, Willisinum líka en Ari litli fær að vera í friði ... hann er líka svo lítill að það tekur enginn eftir því að hann er til:) ég er að hugsa um að útbúa stuðaralímmiða á hann:

Ég verð Hummer ef ég verð duglegur að borða grautinn minn! :)

Það þýðir víst lítið að spá í það afhverju menn reyna ekki við mig og vera með pallbílablæti, það fer ekki saman ... yfirleitt keyri ég farartæki sem líta út fyrir að vera eign kærasta frekar en mín og það hjálpar ekki að ég á eingöngu föt sem hylja nærfötin mín, allir bolirnir ná alla leið upp og niður, ég hef gert samning við hárið á mér: ég bögga það ekki, það böggar mig ekki.

Gagnkvæmur skilningur er af hinu góða.

Fyrir utan það á ég það til að missa eitthvað vanhugsað útúr mér eins og í dag þegar ég var að taka mjög þrönga beygju á Þingholtunum á hinum yndislega en frekar stórvaxna Fordpallbíl bróður míns:

Svakalega er stórt undir mér, ég verð að punkta beygjuna ...

Farþegi minn pissaði í sætið.

Góðar stundir

Batnandi stelpum og köttum er best að lifa:)

Fídel drap geitung í dag og ég er ekki frá því að ég sé frekar stolt af loðkútnum mínum:) ég sá viðureignina að vísu ekki sjálf en miðað við hvað kötturinn er þreyttur þá hlýtur eitthvað að hafa gengið á ... að vísu er kúturinn orðinn níu ára og hans aðaláhugamál er svefn þannig að það er fræðilegur möguleiki að hann hafi sofið í allan dag og að geitungurinn hafi komist hingað inn rétt áður en hann varð sjálfdauður vegna árstíma en ég neita að trúa því vegna þess að hin útgáfan um hinn mikla bardaga Davíðs og Golíats (sama útkoma en við erum að tala um hreðjastærð ekki líkamlega) er svo miklu skemmtilegri :)

og mitt tilkall til titilsins "betri manneskja fyrir afrek dagsins í dag" er það að ég fór í búðina:) og ekki aðeins fór ég í búðina heldur mundi ég eftir því sem mig vantaði í alvörunni og keypti ekki eingöngu vitleysu og túnfisk eins og kemur svo oft fyrir:) ég keypti sápu og morgunmat og grænmeti og álegg og rúgbrauð því ég keypti mér risavaxna krukku af síld um daginn (flokkast undir vitleysu) en gleymi alltaf tilvist hennar þangað til rúgbrauðið er búið ... á föstudaginn til dæmis þegar ég var að búa til nesti fyrir laugardaginn þá fór ég sérferð út í búð til að kaupa ost til að hafa með öllu þessu óútskýrða rúgbrauði sem ég átti heima hjá mér ... í gær fattaði ég svo að ég átti síld og ost en ekkert brauð:)

Ég er farin að gera mér grein fyrir því að mér er ekki ætlað að vera húsmóðir en ég hef lært að spinna þar sem ég er óumflýjanlega nakin í þessu samhengi. Eitt af mínum húsmóðurráðum fyrir þá sem eru að byrja búskap er að kaupa aldrei sítrónuklósetthreinsi eða klósettstein með sítrónulykt ef þú notar sítrónuuppþvottalög í eldhúsinu því þá verður kúkalykt af uppvaskinu :)

Góðar stundir

Jæja smjattpattar,

kominn tími á blogg því það er komið haust og löglegu bloggsumarfríi hlýtur að vera lokið ... ég segi að það sé komið haust vegna þess að það rignir á gluggana hjá mér og ég var að útskýra fyrir kettinum að hann megi ekki hafa svalahurðina opna því það kemur svo kalt inn. Við ræðum þetta reglulega allan veturinn (og stundum á sumrin þegar vindáttin er óhagstæð) en hann gleymir því alltaf á milli skipta, hann hlustar heldur aldrei á mig. Ég veit ekki hversu oft ég hef beðið hann um að vaska upp á meðan ég er í vinnunni, ryksuga, búa um, taka til, etc. en það eina sem honum tekst alltaf og óumflýjanlega að gera er að strauja lítið hringlaga svæði með eigin líkamshita og skreyta það með hárum, ach, hann er svo duglegur:)

Nick Cave síðasta laugardag ... ég ætlaði að skrifa um það í gær en mig skorti orð og í dag er ég engu skárri, ég er ennþá brosandi:) Mér finnst maðurinn hreinn og klár snillingur:) að hlusta á lögin hans er eins og að lesa góða bók, þau "dýpka" við hverja hlustun:) ekki alveg öll að vísu, Rock of Gibraltar er frekar bókstaflegt til dæmis, en langflest :) svo er líka svo gaman að hlusta á tónleikaútgáfurnar því þær eru allt, allt aðrar en þær sem koma á diskum:) og tónleikarnir á laugardaginn voru engin undantekning, þvílíkt flottir!!

Mér finnst frekar merkilegt að ég skuli vera svona hrifin af tónlistarmanni þar sem ég þarf ekki alltaf að hafa tónlist í gangi. Ég er búin að skrifa þetta nokkrum sinnum og þetta kemur aldrei rétt út þannig að nánari útskýringar er þörf: mér finnst einhver vegin að fólk sem á sér uppáhaldstónlistarmenn/hljómsveitir/etc. er alltaf að hlusta á tónlist, það á ipod og fer ekki út fyrir hússins dyr án þess að vera í sambandi við hann, það kemur inn í herbergi og kveikir á útvarpinu, það kemur heim til sín og kveikir á tónlistinni áður en það gerir nokkuð annað ... stundum kveiki ég ekki á tónlist dögum, jafnvel vikum saman, það hefur aldrei truflað mig að eiga útvarpslausa bíla eða að vera viðtækjalaus nokkurs staðar en þegar von er á Nick Cave eða hann er einhvers staðar þar sem ég get hugsanlega mögulega hlustað á hann þá er ég mætt fremst í röðina eldsnemma með take-away kaffi og bros á vör ... við Gréta vorum fremstar í röðinni fyrir tónleikana 2002 og við Valgerður stóðum fremstar þegar miðasalan opnaði í sumar:)

Kannski frekar hallærislegt? En mér til málsbóta þá langar mig ekki baun til að hitta manninn! Ég þekki sjálfa mig, ef ég fengi tækifæri til að hitta hann myndi ég bara standa og roðna og blána og gapa og gleyma hvað ég heiti og að lokum kæmi eitthvað einkennilegt hljóð innan úr vélindanu og örlítill sleftaumur myndi leita niður hökuna og falla á útrétta hönd meistara Nick Cave ... og ég þyrfti að lifa með því alla ævi að hafa fengið tækifæri til að hitta manninn og vita að ég hefði slefað á hann :)

Einkennilega hljóðið innan úr vélindanu er til og ég gef það reglulega frá mér, nú síðast í dag þegar ég komst að því að þjálfararnir mínir (sem þjálfa nokkur hundruð einstaklinga) vita hvað ég heiti ... er það gott eða er það vont? Ég var í 14 manna bekk síðustu tvö árin í menntaskóla og ég er nokkuð viss um að næstum helmingur kennaranna hafi ekki vitað hvað ég hét ... það vissi það enginn fyrstu tvö árin:)

Lifið heil

"Ertu alveg hætt að blogga?"
"Nei, ég veit bara ekki hvar ég á að byrja."

... og það er alveg satt en svo fór ég að hugsa (í kjölfar þess að viðmælandi minn hló að mér) afhverju þarf ég að segja hvað hefur á daga mína drifið síðan ég bloggaði síðast? ég er alls ekki þessi persónulegi bloggari sem segi frá öllum sem er að gerast þannig að ég ætti ekki að sleppa því að blogga vegna þess að ég hef ekki sagt frá því sem er að gerast undanfarið? er það nokkuð? :)

það merkilegasta sem gerðist í dag hins vegar var að ég sendi tölvupóst á alla samstarfsmenn mína (rúmlega hundrað) og hvatti þá til stunda jóga í vetur svo við getum fengið ókeypis jógatíma, á vinnutíma, í vinnunni:) ... að vísu ekki á launum but you can't win them all:)

og það sem er helst í fréttum er að ég er að fara til Kanarí:) pantaði að vísu ferðina í maí síðastliðnum þannig að þetta eru ekkert nýjar fréttir en það er bara svo stutt þangað til ég fer núna að mig er farið að dreyma hvað ég ætla að taka með mér:) ... tveggja vikna sumarfrí í sól á fimm stjörnu hóteli við ströndina ... tvær heilar vikur:) hef ekki farið í frí frí síðan ... 1998? :/

kominn tími til! :)

Lifið heil

Það er varla hægt að segja að sumarið 2006 hafi verið bloggsumarið mikla hjá mér ... en kannski fer ég að blogga aftur núna þar sem ég er komin aftur í gömlu góðu vinnuna mína þar sem eru engir viðskiptavinir og stress þekkist ekki, í minni deild að minnsta kosti:)

Ég þoli nefnilega ekki að vera stressuð og ég er búin að vera svo leiðinleg við fólk að ég held að það komi barasta enginn í afmælið mitt:(

... sem verður haldið eftir tæpan hálfan mánuð en ég er ekki hvorki búin að ákveða hvar né hvenær ... né hvernig:) planið var alltaf að leigja mér trampólín og bjóða öllum í grillveislu í Hljómskálagarðinum en svo benti einn snillingurinn mér á að ef einhver slasar sig á trampólíninu ber ég alla ábyrgð á tjóninu (verandi leigutakinn) en þar sem ég er á almenningssvæði og trampólínið líka þá borga tryggingarnar mínar ekki krónu ... ég þekki of marga klaufa (no offense, en þið vitið hver þið eruð:)) til að taka sénsinn á því:) þá datt mér í hug að leigja hoppukastala en ég held að það væri sambærilegt við að biðja æðri vættir allra náðsamlegast um rigningu á afmælisdaginn sinn (hoppukastalar = rigning, ef indjánarnir hefðu átt plast, skæra liti og loftdælu (?) hefðu þeir aldrei þurft að búa til regndansinn)

Þannig að ég veit ekkert hvað ég á að gera, útiafmæli er ennþá planið en mynduð þið vilja koma í svoleiðis eða mun ég standa ein við hliðina á blautum hoppukastala? Ekki þannig að þið þurfið að koma til að hanga og tjitttjatta, það verður væntanlega einhver dagskrá,
klukkan eitt núll núll reipitog
klukkan eitt núll þrjú brúnku keppni
klukkan eitt þrettán krikket
klukkan eitt tuttuguogsjö grillveisla
klukkan tvö fjörtíuogfimm ropkeppni
klukkan fimmtán núll tvö brennókeppni
klukkan fimmtán sautján pakkar afhentir og allir sendir heim ...

þá geta allir mætt í það sem þeir vilja vera með í eða horfa á eða hlæja að og geta látið sig hverfa fyrir klukkan fimmtán sautján:) ... annars er ég að hugsa um að afþakka alla pakka því það sem mig langar í er allt of stórt til að passa í afmælispappír;) er þetta of "líkamleg" afmælisveisla? er ég eina sem myndi hafa gaman af þessu?:)

... á ég kannski bara að kaupa bjórkúta eins og fyrir tveim árum, bjóða öllum á fyllerí og fara sjálf heim á miðnætti?

Lifið heil

Hefði átt að blogga í gær til að halda þessu á 10 daga fresti en pabbi átti afmæli og ég var upptekin um kvöldið þannig að það varð ekkert úr því ... ekki að mér hefði dottið það í hug:) Ég er búin að hafa nóg að gera undanfarið, vinna og hjóla og vinna og æfa og vinna og hitta fólk og passa og svo framvegis:) ... svo er ég með ofsalega mikið ofnæmi þessa dagana og mjög óheppin fyrir neðan hné;) með risastórann marblett á hægri fætinum sem "lak" niður þannig að hann er með svarta rófu og á vinstri fætinum er ég með þá allra stærstu blöðru sem ég hef á ævinni fengið en hún er ekki á "venjulegum" stað heldur á ilinni sem er sigin þegar fólk er með ilsig;) ... blaðran er á stærð við fimmkall ... ég tók mynd:)

en ég ætla ekki að setja hana á netið ... ég veit ekki afhverju ég tók mynd, það er frekar sjúkt að taka mynd af sári er það ekki? en ég tók líka mynd af bílnum og hjólinu og hún kemur á netið bráðum:)

Einarinn benti mér á þessa síðu og ég er svo "illa innrætt" (?) að mér finnst hún sniðug:) en það eru kommentasíður fyrir bæði sjónarhornin, með og á móti, ef þið viljið tjá ykkur:)

Verð kannski duglegri þegar það verður meira að gera hjá mér, er það ekki alltaf þannig?

Lifið heil

úje!



... hvar er grámosinn? er sjórinn svartur af síld?

get ekki sofið en verð að sofna, ekki góð blanda;)

annars er ég ekki í neinu bloggstuði þessa dagana og hef þar af leiðandi ekki loggað mig inn lengi, lengi, lengi en ég hef samt nóg að segja come to think of it:)

þakka ykkur öllum fyrir kommentin á síðustu færslu!! ég veit ég hef ekki svarað þeim en það var ofsalega gaman að fá þau öll;)

ég á núna tvo bíla, annar er til sölu og hinn heitir Ari :) Ari er pínku ponsu jeppafóstur, hvítt að lit og eyðir ekki neinu, sá sem er til sölu er alvöru jeppi, 33" breyttur Wrangler '90, svartur, silfrað hardtop, skoðaður athugasemdalaust 07, fín dekk undir honum, mjög gott á honum lakkið og selst ódýrt gegn staðgreiðslu ... um að gera að plögga aðeins fyrst ég á þessa síðu og þannig:)

Ari er ofsalega sætur en er ekki að gera mikið fyrir kúlið ... sem er allt í lagi, ef ég vildi að fólk tæki eftir mér myndi ég bara kaupa mér þrönga boli sem ná hvorki alla leið upp né niður og hlébarðaleggings, það væri ódýrara:)

Lifið heil

Gleðilegan mánudag aftur krakkar mínir:)

alltaf eitthvað að gerast sem kemst aldrei á bloggið, ég kenni því um að núna er sumar og ég er aldrei heima til að blogga ... þegar ég hef verið heima undanfarið hef ég verið að horfa á snilldar þætti að nafni Firefly sem ég fékk lánaða hjá vini mínum í síðustu viku:) ofsalega skemmtilegir og ég mæli hiklaust með þeim:)

annars er það helst í fréttum að nú er ég hamingjusamur eigandi mótorhjóls, Yamaha XT 660R, blátt og hrikalega flott!!

þið eigið eftir að sjá mig á því á götum bæjarins í framtíðinni en þangað til getið þið skoðað þessa mynd eins oft og þið viljið:)



... og já, mig vantar líka bíl en ég hef nú megnustu óbeit á bílasölumönnum (löng saga, fyndin en fær samt að bíða betri tíma) þannig að ef þið þekkið einhvern sem er að selja bílinn sinn megiði endilega láta mig vita;)

Góðar stundir

Gleðilegan mánudag allir saman:)

ég býst við að flestir skoði blogg á mánudagsmorgnum þegar ný vinnuvika er hafin en líkaminn vildi helst vera undir sæng og heilinn er ennþá sofandi:) ... morgunn er asnalegt orð ef þið pælið of lengi í beygingu þess, sérstaklega í fleirtölu morgnar, morgna, morgnum, morgna, beygið morgun tíu sinnum hratt:)

ég hef hvorki bloggað né skoðað blogg í meira en viku en ég fer að byrja aftur þegar um hægist og ég veit um hvað ég á að skrifa:) helgin var til dæmis frábær og ég vona innilega að það verði fleiri svona helgar í sumar, langt síðan ég hef farið út úr bænum í þurru og sólskini:)

ég ákvað að vera smá pæja um daginn og keypti mér brúnkukrem, það er sko í tísku og þið sem þekki mig þá er ég dedicated follower of fashion og ég varð auðvitað að eignast einn bauk ... hvað er málið? Ég var eitthvað að stressa mig á því að vera í stuttbuxum því mér fannst ég svo hvít en það er helmingi skárra að vera eins og marmari (það er líka ofsalega klassískt eitthvað) en að vera eins og albinóa gírafi að neðan! appelsínugular rendur og hvítir flekkir ... eins og ég sagði um árið við vin minn sem var að monta sig yfir sólbrúnkunni (en hafði borið sólarvörnina misjafnlega vel á sig og brunnið í flekkjum); það er betra að vera hvítur en asnalega brúnn ... í þessu tilfelli, asnalega appelsínuröndótt - hver vill eiga brúnkusprey??

eitt próf að lokum ... any takers?? :)

You Are A Professional Girlfriend!

You are the perfect girlfriend - big surprise! Heaven knows you've had enough practice. That's why you're a total pro. If there was an Emily Post of girlfriends, it would be you. You know how to act in every situation ... to make both you and your guy happy.

What Kind of Girlfriend Are You?

... og Emily Post heimasíðan, ef þið hafið heldur ekki hugmynd um hver hún er:)


Lifið heil

Hilmar er byrjaður að blogga!!

... hann stofnaði síðuna að vísu fyrir lifandi löngu, sagði okkur frá henni og virtist svo gleyma tilvist hennar þangað til núna:) Linkur á síðuna hérna til hægri, endilega kíkið í heimsókn:)

Hellidemba og ekkert mótorhjólaveður en ég ætla samt að kaupa mér þannig ... ekki það sem ég prufukeyrði, ég ætla að kaupa svoleiðis þegar ég er orðin alveg gráhærð, verður víst ekki langt að bíða með þessu áframhaldi, en ekki í næstu viku:) Ural eru ofsalega flott og ég skríkti af kátínu þegar ég prufukeyrði það en þau eru ekki mótorhjól og ekki bílar heldur lífsstíll ... sem verður að bíða betri tíma og bílskúrs:)

Ég er ekki viss um hvað mér finnst um svani, ég er nokkuð viss um að ég hef rætt þetta hér áður þannig að ég ætla ekki að fara út í það aftur en ég er heldur ekki viss um hvað mér finnst um 17. júní, góður dagur? vondur dagur? Það er kannski ekki nauðsynlegt að vera alveg með eða á móti þessum degi frekar en að vera alveg með eða á móti svönum? Það er ekki hægt að vera alveg á móti neinu og það er ekkert frábært á alla kanta er það nokkuð? Einu sinni var ég alveg viss um að ég fílaði ekki dúfur en þegar ég kom heim frá París fyrir nokkrum árum og framkallaði myndirnar (fyrir tíma stafrænna myndavéla) voru dúfur á annarri hverri mynd:) kom mér verulega á óvart verð ég að segja, ég var greinilega ekki eins mikið á móti dúfum og ég hélt:)

17. júní 2006 verður erfiður á margan hátt en vonandi góður líka:)

Lifið heil

Ég er ekki hætt bara upptekin við annað, vinna og heimsóknir og spil og hittingar og tónleikar (Bubbi!!;)) og meiri vinna og smá aukavinna og rúntar ... og í gærkvöldi prufukeyrði ég farartæki sem ég féll algerlega, gersamlega, fullkomlega fyrir ... mig vantar farartæki og það segja allir þegar þeir sjá myndir "þetta er svo mikið þú" ... spurning um að láta vaða? lifa á nöfinni og allt það? :)

Lifið heil

Ójá!!

Ég hef skipt um skoðun varðandi racera þó það sé ögn erfitt að sitja á þeim, það hlýtur að koma með æfingunni ef mér verður boðið aftur?;)

Einarinn bauð mér á rúntinn á nýja hjólinu sínu áðan og vá, já, mótorhjól eru svooooo góð hugmynd, það ættu allir að eiga eitt svoleiðis, líka ég:)

Lifið heil