Takk kærlega fyrir Ævar:) núna eru íslenskir stafir þarna í hedernum:)

Shout outið virkaði aldrei í gær þannig að ég ælta að nota tækifærið og segja: takk kærlega fyrir Bedda:)!!! ef ég ákveð að skilja hann eftir færðu þú lykla:) finnst þér að ég ætti að skilja hann eftir.... ég fer að missa svefn útaf þessu:)

Ég var að komast að svolitlu í dag sem ég ælta að deila með þeim sem þetta les... ég þoli ekki fullorðið fólk sem er með tyggjó - sérstaklega ekki ef það tyggur það eins og ég sé tannlæknir sem vilji sjá alla jaxlanna!!! það eru líka svo lengi að hugsa að mig langar til að lemja þau!!!!

... það er líka dónaskapur að tala með fullann munninn þó að það sé rautt Extra og gott fyrir heilbrigða jaxla...

það kom einmitt ein í dag sem var fáránlega dónaleg!!! hún var að vísu ekki með tyggjó heldur Special K Bar ... ef ég er með eitthvað bíð ég venjulega eftir að ég er búin að gera það sem ég ætla að gera í búð áður en ég fæ mér það OG skil það eftir útí bíl!!! Þessi kona kom inn og opnaði pakkann, tók "barið" úr umbúðunum tók stórann bita, leit á mig og sagði: "mhhaaaddd gggoodda gggaaaddduuuuuubbblaaaa?" og benti á hillurnar.... ég er kurteis ég sagði ekki "ha" heldur "afsakið" - hún horfði á mig eins og ég væri fáviti og endurtók: "mhhaaaddd gggoodda gggaaaddduuuuuubbblaaaa?" ... hvað var kellingin að meina????? "afsakið" sagði ég aftur og glápti á hillurnar hvað/hvar var þetta mhad goda gadubla???? hún er greinilega viss um að nú hafi hún lent á heimskasta "sumarstarfsmanni" ársins, tekur sér góðan tíma í að kýla leifarnar af Special K Barinu út í kinnina með tungunni og segir svo: "hvað kosta kartöflurnar?" ... átti ég að fatta þetta?

þetta var erfiðasta afgreiðsla dagsins (samt komu inn sex konur og einn maður með tyggjó) vegna þess að í hvert sinn sem hún ætlaði að segja eitthvað tók hún fyrst bita af þessu kexi sínu og frussaði því svo framan í mig... og bað mig svo um að henda bréfinu - stillti mig um að henda því í hana samt, ég er kurteis:) en henni til afsökunar held ég að hún sé soldið heimsk, eftir að hún var búin með þessa "léttu máltíð" skildi ég hana alveg en ég var alltaf að segja henni eitthvað nýtt - "plokkfiskurinn er tilbúinn, það þarf bara að hita hann" - "nú, er þaaaað?"
"kortið þitt er útrunnið" - "nú, er þaaaað?"
"ég skal setja í poka fyrir þig" - "nú, er þaaaað?"
"himininn er blár" - "nú, er þaaaað?"
þetta kemur fyrir fólk sem keyrir drapplitaða Benz jeppa og málar sig of mikið býst ég við:)