Drullulasin og var SEND HEIM úr vinnunni... það gerist ekki nema það vanti á mann útlim.... og ég fór heim snemma í gær líka

Nýti tímann vel í að sofa og sofa og sofa og sofa.... ætla að horfa smá á vídeó og kveikti þess vegna á tölvunni verð að setja smá af löggudagbókinni inn samt:) ... get heldur ekki látið þessa síðustu færslu standa efst mikið lengur... ég er ekki fáviti:)... held ég:)

Akureyri, dagbók vikuna 30.06-04.07.2003
Á þriðjudagskvöld var tilkynnt um grunsamlegan aðila með stunguspaða í brekkunni fyrir ofan Skautahöllina. Þarna reyndist þó allt með felldu og var maðurinn að sinna samfélgasþjónustu við að planta trjám.

Laust eftir miðnætti aðfaranótt föstudagsins var tilkynnt um slagsmál í miðbænum. Reyndist þar á ferðinni maður sem vildi endilega lumbra á nokkrum “borgarbúum” eins og hann orðaði það. Ekki reyndist hér um alvarlegt mál að ræða og fóru félagar lumbrarans með hann á brott en lögreglan ók “borgarbúunum” að dvalarstað þeirra hér í bæ.

Þetta kemur í heild.... þessi skrifar verr en ég auk þess sem mér finnst að það vanta fleiri löggur á Ísafjörð, þeir leggja ofuráherslu á hjálp íbúa bæjarins....

Ísafjörður, vikan 31. júní til 7. júlí 2003
Ekki var tilkynnt um umferðaróhapp í liðinni viku, til lögreglunnar á Ísafirði. Og má segja að í stórum dráttum hafi nýliðin vika verið tíðindalítil.

Kl.13:30 þann 1. tilkynnti erlendur ferðamaður, staddur á Ísafirði, um að stafrænni myndavél hans hafi verið stolið af bekk, sem staðsettur er fyrir utan Sundhöllina á Ísafirði. Myndavélin er af gerðinni SONY DSC 505 og var í grárri myndavélatösku. Lögreglan óskar eftir upplýsingum um þennan þjófnað, búi einhver yfir þeim.

Að morgni 6. var lögreglunni tilkynnt um að brotist hafi verið inn í veitingastaðinn Tóka munk, á Þingeyri. Ekki er fullljóst hverju hafi verið stolið þaðan. Lögreglan óskar eftir upplýsingum um grunsamlegar mannaferðir í námunda við veitingastaðinn um nóttina eða morguninn.

Um kl.12:15 í gærdag, þann 6. júlí, varð það óhapp að hjólreiðamaður féll af reiðhjóli sínu í Bæjarbrekkunni, á Ísafirði. Talið er að óhappið megi rekja til þess að rauðri skutbifreið hafi verið ekið í veg fyrir hjólreiðamanninn, með fyrrgreindum afleiðingum. Lögreglan óskar eftir að hugsanleg vitni að atburðinum gefi sig fram, svo og einnig ökumaður umræddrar skutbifreiðar. Ekki er ennþá ljóst hver tegund bifreiðarinnar er. Hjólreiðamaðurinn mun hafa orðið fyrir töluverðum meiðslum við óhappið, en hann var með hjálm á höfði sem kom sér ákaflega vel í þessu tilviki.

Lögreglan hafði afskipti af fjórum ökumönnum í liðinni viku, sem reyndust hafa ekið yfir leyfilegum hámarkshraða.

Tveir ökumenn reynstu ekki vera með ökuskírteini meðferðis þegar lögreglan hafði afskipti af þeim.

Í vikunni reyndist ein bifreið vera með neglda hjólbarða í umferðinni. Í vikunni áður reyndist önnur bifreið vera með neglda hjólbarða. Sektir við þessu broti nema 5.000.- kr. á hvern hjólbarða sem er með nöglum í.

Reykjavík, Dagbók LR, helgina 4. - 7. júlí 2003
Oft hefur helgarvaktin verið erilsamari... Maður sem staddur var á Skólavörðustíg aðfaranótt sunnudags var skallaður í andlitið, fyrirvaralaus og af manni sem hann kvaðst ekki hafa séð áður. Árásarmaðurinn var handsamaður skömmu seinna og færður í fangageymslu.

Almennt

Þjófnaðirnir eiga sér flestir stað í verslunum þar sem fólk er tekið við að fara út með vörur án þess að greiða fyrir.

Á laugardaginn kom verslunareigandi á lögreglustöðina við Hverfisgötu og sagði varðstjóra að maður sem stolið hafði jakka úr verslun hans fyrir nokkrum dögum væri nú staddur á Hlemmtorgi. Lögreglumenn fóru og handtóku manninn og sem reyndist vera í umræddum jakka.

Þá var óskað aðstoðar í verslun í Kringlunni en þar væri haldið manni sem fyrr um daginn hafði komið og verslað en stungið af án þess að greiða fyrir vöruna. Nú væri hann kominn aftur og hafi ætlað að leika sama leikinn. Var maðurinn handtekinn og færður á lögreglustöð.

Á sunnudagsmorgun var tilkynnt um að bifreið hafi verið velt á toppinn við göngustíg nærri Sunnuvegi. Eins hafði vinnuskúr sem þar var verið velt á hliðina. Var ljóst að þetta hafði verið gert með einhverju tæki. Skömmu seinna kom tilkynning um að lítilli gröfu hafi verið stolið frá Sigtúni. Grafan fannst síðan í Húsdýragarðinum í Laugardal. Er talið víst að hún hafi verið notuð til að velta bílnum og vinnuskúrnum. Málið er í rannsókn.


Í vetur verður þessi síða skemmtilegri þegar ég er ekki að skrifa hana með 40°C hita eða drulluþreytt úr vinnunni.... þá verð ég námsmaður:) ekki þannig samt að ég muni verða lélegur námsmaður og hanga á netinu allan sólahringinn heldur verð ég að hugsa um eitthvað annað og mögulega uppbyggilegra en hvaða fisk ég eigi að nota í farsið, að ég þurfi að pússa glerið, skúra betur í hornin, þrífa kælinn, raða kryddunum etc.... meiri svefn núna só góða nótt

... ef þið eigið "heilbrigðis-strauma" aflögu má endilega senda mér þá!! mæti nefnilega í vinnuna á morgun þó ég verði komin með lungnabólgu...