mánudagur, desember 01, 2008

Gleðilegan mánudag :)


A man who just died is delivered to a local mortuary wearing an expensive, expertly tailored black suit.

The female blonde mortician asks the deceased's wife how she would like the body dressed. She points out that the man does look good in the black suit he is already wearing.

The widow, however, says that she always thought her husband looked his best in blue, and that she wants him in a blue suit. She gives the blonde mortician a blank check and says, 'I don't care what it costs, but please have my husband in a blue suit for the viewing.'

The woman returns the next day for the wake. To her delight, she finds her husband dressed in a gorgeous blue suit with a subtle chalk stripe; the suit fits him perfectly ...

She says to the mortician, 'Whatever this cost, I'm very satisfied. You did an excellent job and I'm very grateful. How much did you spend?' To her astonishment, the blonde mortician presents her with the blank check.

'There's no charge,' she says.

'No, really, I must compensate you for the cost of that exquisite blue suit!' she says.

'Honestly, ma'am,' the blonde says, 'it cost nothing. You see, a deceased gentleman of about your husband's size was brought in shortly after you left yesterday, and he was wearing an attractive blue suit. I asked his wife if she minded him going to his grave wearing a black suit instead, and she said it made no difference as long as he looked nice.'




'So I just switched the heads.'



Takk fyrir þennan Anton ;)

fimmtudagur, nóvember 27, 2008

Ferð að líða að jólaprófum og ég er að lesa fyrir þau ... ég þoli ekki próf. Hef ég ekki einhvern tímann minnst á það hérna? eins og til dæmis í gær eða fyrradag? :)

ég bakaði köku fyrir vinnufélagana í nótt, auðvitað af einskærri, óeigingjarnri, hreinni og klárri góðmennsku en mig langaði líka í skúffuköku þannig að það var kjörið að slá þessu tvennu saman ;) það er nefnilega galli að þegar ég bý eitthvað til bý ég alltaf til nægilega mikið magn fyrir hungraðan heim líka og þó það sé hægt að frysta alls konar í hentugum pakkninum þá virkar ekki að frysta skúffukökur ;)

... annars er klukkan hálfsjö um morgun og ég er farin að glósa glósur - spurning um að segja þetta gott í nótt? ;)

Lifið heil

miðvikudagur, nóvember 26, 2008

To my friends who enjoy a glass of wine....and those who don't.


As Ben Franklin said: 'In wine there is wisdom, in beer there is freedom, in water there is bacteria.'

In a number of carefully controlled trials, scientists have demonstrated that if we drink 1 liter of water each day, at the end of the year we would have absorbed more than 1 kilo of Escherichia coli, (E. coli) - bacteria found in feces.

In other words, we are consuming 1 kilo of poo.

However, we do NOT run that risk when drinking wine & beer (or tequila, rum, whiskey or other liquor) because alcohol has to go through a purification process of boiling, filtering and/or fermenting.


Remember:

Water = Poo

Wine = Health


Therefore, it's better to drink wine and talk stupid, than to drink water and be full of shit.

There is no need to thank me for this valuable information: I'm doing it as a public service.

Happy thoughts

þriðjudagur, nóvember 25, 2008

Hvernig er ekki hægt að fíla Denny Crane? :)


Denny Crane & Guns from Alex Hall on Vimeo.

Lifið heil
Blitzblogg af næturvaktinni :)

ég er að velta jólunum fyrir mér, hvað ég eigi að gera varðandi jólagjafir og svoleiðis - allir krakkarnir í fjölskyldunni fá keypta pakka frá mér en ég hugsa að rest fái bara heimatilbúið? Einhver mótmæli? ég skal búa til eitthvað hrikalega fínt :)

hvað ætlið þið að gera? kannski ég sendi jólakort í fyrsta sinn síðan í barnaskóla? voru póstkassar í skólastofunni ykkar þegar þið voruð lítil? minn var rautt hús með bómul á þakinu fyrir snjó og að mig minnir fánastöng fyrir utan en fánastöngin var aðeins brotin því systur mínar áttu húsið á undan mér og svona papppadót lifir ekki allt af. Til að komast í jólakortin var hægt að lyfta þakinu og ég fékk alltaf fleiri kort en ég sendi ... mig minnir að þeir sem voru í seinni hluta stafrófsins hafi aldrei fengið kort frá mér því ég var svo lengi að búa til kortin að mér vannst aldrei tími til að klára allan nafnalistann sem Brynhildur kennari lét okkur fá til að halda utan um hverjum við vorum búin að senda og áttum eftir :)

jújú, kannski sendi ég ekki jólakort sem fullorðin vegna þess að ég skammst mín fyrir að allir sem heita nafni sem byrja á staf í seinni hluta stafrófsins fengu yfirleitt ekki jólakort þegar ég var lítil? já eða kannski er ég bara ekki týpan sem sendi jólakort og það kom strax í ljós þegar ég var lítil? :)

en áður en það koma jól þá verð ég að klára jólaprófin og ég kvíði þeim afskaplega mikið. Ég þoli ekki próf og vildi óska að það væri hægt að klára allt nám án þess að taka próf ... og það er eflaust hægt einhvers staðar?

vantar einhvern mótorhjólagalla og hjálm? glænýtt og bara notað einu sinni? stelpan sem á hann er um 170 sm á hæð og nett, með venjulega stóran haus þannig að ef þú ert svipuð og vantar galla vertu í bandi - líka ef þú átt netta kærustu með venjulega stóran haus og vilt gefa henni galla í jólagjöf kannski? koma henni á bragðið? gæti verið besta jólagjöf ársins :)

Góðar stundir

föstudagur, nóvember 14, 2008

Ég er í vinnu sem er yfirleitt ekki sérlega hættuleg ... en í dag bjargaði ég mannslífi!

Já, það var bara venjulegur morgun fram að hádegi. Ágætlega margir í geymslunni en það sváfu flestir út og við gátum leyft stórum hluta að fara fyrir hádegi þannig að það voru bara þrír í hádegismat. Ég fór upp og borðaði, ýsu með rækju og blaðlaukssósu og kartöflur, barasta mjög gott. Svo náði ég í þrjá matarbakka og litla mjólkurfernu með hverjum þeirra. Ég fann til plasthnífapör og fór að dreifa matnum til viðeigandi manna.

Ég var nýbúin að láta síðasta manninn fá bakkann sinn þegar hann hringdi bjöllunni. Ég hugsaði með mér að hann gæti ekki hafa haft tíma til að gera nokkuð annað en að skoða matinn og var nokkuð viss um að hann myndi biðja um að fá að reykja þar sem hann væri "búinn að fá matinn" ... stundum þarf að passa afskaplega vel uppá hvert einasta orð því sumir eru sleipari en álar í að endurtaka nákvæmlega það sem ég sagði en skilja ekki það sem ég meinti - fín æfing í að tala skýrt að vísu :)

Ég fer sem sagt aftur að klefanum og opna lúguna, þá stendur eymingjans maðurinn með peysuna fyrir munninum og tárin í augunum, hann var með bráðaofnæmi fyrir rækjum og sósan var yfir allt saman!! :/

Ég opnaði auðvitað um leið, tók af honum bakkann og bjargaði honum þar með frá bráðum bana!

Svo náði ég í samloku handa honum með kalkún ... núna ætla ég að fara að spyrja hvort menn séu með ofnæmi líka, ég spyr nú þegar hvort þeir séu grænmetisætur - merkilega algengt þó þið trúið því ekki :)



Stórhættuleg kvikindi!


Góðar stundir

þriðjudagur, nóvember 11, 2008

Blitzblogg í tilefni kreppunnar og skammdegisins :)

hversu víðtæk þarf kreppan að vera til að teljast til heimskreppu? er heimurinn Vesturlönd í þessu sambandi líka eins og sumu öðru? var bara að spá ... annars er ég ekki svo mikið að hugsa um kreppuna þessa dagana, alveg hætt því nema að því leyti að ég er ennþá að safna kreppupósti ef þið eigið svoleiðis í fórum ykkar ;) og talandi um það þá fékk ég hlekk á þessa færslu senda áðan, takk Edda :)

bara nokkrir dagar eftir af skólanum og það er skerí stöff framundan ... langt skriflegt próf (ein spurning, en val um tvær) og munnlegt próf (ein spurning, en val um tvær) og hvað ... fimm þúsund blaðsíður? ... kannski ekki svo mikið en efnið er á við nokkrar símaskrár bara ekki eins þunnur pappír :)

svo er ég líka alltaf að vinna bara og vinna en internetið virkar ekkert sérstaklega vel í vinnunni þannig að ég nenni eiginlega ekki að nota það þar ... ég er sem sagt heima núna og er að baka - jú, ég geri það orðið reglulega því ég er að hætta að borða brauð, ekkert fanatískt hætt bara að hætta svona hægt og rólega ... eins og maður gerir, ekkert cold turkey bara hætt að kaupa það og þannig :)

jújú, Bjarni bara búinn að segja af sér - synd og skömm, hann var alvöru ... og þess vegna sagði hann auðvitað af sér, heiðursmannaafsögn. Afhverju axla menn eiginlega aldrei ábyrgð? hvað varð um fyrirmyndirnar? hverjar eru fyrirmyndir komandi kynslóða? til hverra geta börn litið upp til í dag? ... ekki beysið úrval að mínu mati - hvaða opinberu aðilar teljið þið að séu þess verð að flokkast sem fyrirmyndir ungu kynslóðarinnar??

kommentið endilega og verið góð við hvert annað

þriðjudagur, október 28, 2008

Hvernig gengur lífið hjá ykkur?



Voruð þið búin að heyra þennan?

5 vísbendingar um það að Ísland sé að sigla aftur inn í áttunda áratug 20. aldar

1. Óðaverðbólga
2. Gjaldeyrisskömmtun
3. Stríð við breta
4. Vinsælasta tónlistin er ABBA og Vilhjálmur Vilhjálmsson
5. Forsætisráðherrann heitir Geir og er sjálfstæðismaður



... já, ég er ennþá að safna kreppupósti, myndum, bröndurum, sögum og öllum sem þið heyrið, sjáið, lesið, segið um kreppuna ;)

Lifið heil og verið í bandi :)

fimmtudagur, október 23, 2008

Jæja, ég er ekki horfin ... ekki alveg að minnsta kosti :)

voruð þið búin að fá póstinn með skilgreiningum á ólíkum hagkerfum heimsins? ef ekki ætla ég að leyfa ykkur að njóta þeirra, ég hló stundum upphátt:

SÓSÍALISMI
Þú átt 2 kýr.
Þú gefur nágranna þínum aðra þeirra.

KOMMÚNISMI
Þú átt 2 kýr.
Ríkið tekur þær báðar og gefur þér mjólk.

FASISMI
Þú átt 2 kýr.
Ríkið tekur þær báðar og selur þér mjólk.

NASISMI
Þú átt 2 kýr.
Ríkið tekur þær báðar...og skýtur þig svo.

SKRIFRÆÐI
Þú átt 2 kýr.
Ríkið tekur þær báðar, skýtur aðra þeirra, mjólkar hina og hellir svo allri mjólkinni.

HEFÐBUNDINN KAPITALISMI
Þú átt 2 kýr.
Þú selur aðra þeirra og kaupir naut. Þú stofnar kúabú og hagnast vel. Þú hagnast vel, selur kúabúið og sest í helgan stein

SÚRREALISMI
Þú átt 2 gíraffa.
Ríkið krefst þess að þú farir í harmonikkunám.

BANDARÍSKA FYRIRTÆKI
Þú átt 2 kýr.
Þú selur aðra þeirra og þvingar hina til að gefa af sér mjólk á við fjórar kýr. Þú ræður svo sérfræðing til að komast að því hvers vegna hún datt niður dauð.

ÁHÆTTUFJÁRFESTINGAR
Þú átt 2 kýr.
Þú selur 3 þeirra til fyrirtækis á opnum markaði með veði í gervifyrirtæki mágs þíns, gengur svo frá yfirtöku með vísan í skráningu á markaði þannig að þú færð allar 4 kýrnar tilbaka og skattaívilnanir vegna einnar til viðbótar. Afurðarétturinn af kúnum 6 er færður yfir á fyrirtæki í Karíbahafinu, en leynilegur meirihlutaeigandi þess selur þér aftur réttinn að öllum 7 kúnum. Samkvæmt ársskýrslu á fyrirtækið nú 8 kýr, með eigendarétti að einni til viðbótar. Þú selur eina kú til þess að þóknast ónefndum stjórnmálamanni og átt þá níu kýr. Rétturinn að nautinu er seldur almenningi í hlutafjárútboði.

FRANSKT FYRIRTÆKI
Þú átt 2 kýr.
Þú ferð í verkfall, skipuleggur mótmæli og tefur umferð...vegna þess að þú vilt eiga þrjár kýr.

JAPANSKT FYRIRTÆKI
Þú átt 2 kýr.
Þú endurhannar þær þannig að þær verða tíu sinnum minni, en framleiða tuttugu sinnum meiri mjólk. Þú markaðssetur svo nýja teiknimyndahetju,"Kúmann", sem nær miklum vinsældum um allan heim.

ÞÝSKT FYRIRTÆKI
Þú átt 2 kýr.
Þú endurhannar þær þannig að þær lifa í 100 ár, éta einu sinni í mánuði og mjólka sig sjálfar.


ÍTALSKT FYRIRTÆKI
Þú átt 2 kýr.
Þú veist ekki hvar þær eru niðurkomnar. Þú ákveður að fá þér að borða.

RÚSSNESKT FYRIRTÆKI
Þú átt 2 kýr.
Þú telur þær og kemst að því að þú átt 5 kýr.
Þú telur þær aftur og kemst að því að þú átt 42 kýr.
Þú telur þær enn og aftur og kemst að því að þú átt 2 kýr.
Þú hættir að telja og opnar aðra vodkaflösku.

SVISSNESKT FYRIRTÆKI
Þú átt 5000 kýr. Engin þeirra tilheyrir þér í raun.
Þú rukkar eigendurna fyrir geymsluna.

KÍNVERSKT FYRIRTÆKI
Þú átt 2 kýr.
Þú ræður 300 manns til að mjólka þær. Þú segir atvinnuleysi í lágmarki og blómstrandi landbúnað. Þú handtekur fréttmanninn sem sagði frá stöðunni eins og hún er í raun og veru.

INDVERSKT FYRIRTÆKI
Þú átt tvær kýr.
Þú tilbiður þær.

BRESKT FYRIRTÆKI
Þú átt tvær kýr.
Báðar eru með gin-og klaufaveiki

ÍRASKT FYRIRTÆKI
Allir virðast eiga fjölda kúa.
Þú segir öllum að þú eigir enga. Enginn trúir þér svo þeir sprengja þig í tætlur og ráðast inn í landið. Þú átt enn engar kýr, en þú býrð þó amk í lýðræðisríki núna...

ÁSTRALSKT FYRIRTÆKI
Þú átt 2 kýr.
Bissnessinn gengur vel. Þú lokar skrifstofunni og færð þér nokkra kalda til að halda upp á það.

NÝ-SJÁLENSKT FYRIRTÆKI
Þú átt tvær kýr.
Sú til vinstri er asskoti löguleg.



Verið góð við hvert annað og lifið heil

fimmtudagur, október 09, 2008

Skelfilegt ástandi í þjóðfélaginu og á jafnvel eftir að versna ... ég gref mig bara í skólabækurnar og kíki inná Facebook í staðinn fyrir mbl því þar er lífið fallegt - þar fær forsetinn ekki hjartaáfall og menn vilja ekki láta reka annað fólk og þar missa gamalmenni ekki aleiguna og hundruðir þurfa að byrja uppá nýtt, fólk sem er jafnvel í útlöndum með alla búslóðina og unga fjölskyldu en fær ekki laun í lok mánaðarins því bankinn sem það vann hjá er farinn á hausinn ... kannski er svona fjarstýring eins og í Click málið fyrir sumar fjölskyldur núna? :)

en ég fékk mynd senda í pósti áðan og hló upphátt, þess vegna langar mig að deila henni með ykkur - fá ykkur til að brosa;)



Lifið heil og andið með nefninu

fimmtudagur, september 25, 2008

Tvífarar næturinnar:

Wallace úr Wallace og Gromit:


og

Matt Lucas úr Little Britain:


Ótrúlegur svipur með þeim:)

í öðrum fréttum var ég að vinna 2000 króna afslátt af andlitslyftingu í Núinu ... nú spyr sú sem ekkert veit, er 2000 króna afsláttur af svoleiðis aðgerð ekki bara dropi í hafið? eru þær nægilega algengar aðgerðir til að Núið-fólkið geti réttlætt þær sem "vinninga" þar sem þú getur líka unnið 2fyrir1 á vídeóleigum? ... hvað sem því líður, ég mun að öllum líkindum ekki nýta mér þennan afslátt þannig að ef eitthvert ykkar er að spá í svona aðgerð þá megið þið endilega fá hjá mér afsláttarmiðann:)


Góðar stundir

mánudagur, september 22, 2008

Heilræði dagsins:


Handle every stressful situation like a dog.

If you can't eat it or play with it,

Just pee on it and walk away.




og brandari í tilefni mánudagsins:


A male patient is lying in bed in the hospital, wearing an oxygen mask over his mouth and nose, still heavily sedated from a difficult four hour, surgical procedure.

A young student nurse appears to give him a partial sponge bath.

Nurse", he mumbles, from behind the mask "Are my testicles black?"

Embarrassed, the young nurse replies, "I don't know Sir, I'm only here to wash your upper body and feet."

He struggles to ask again, "Nurse, are my testicles black?"

Concerned that he may elevate his vitals from worry about his testicles, she overcomes her embarrassment and sheepishly pulls back the covers. She raises his gown, holds his penis in one and and his testicles in the other, lifting and moving them around. Then, she takes a close look and says,

"There's nothing wrong with them, Sir !!"

The man pulls off his oxygen mask, smiles at her and says very slowly,
"Thank you very much. That was wonderful, but listen very, very closely.....


"A r e - m y - t e s t - r e s u l t s - b a c k ? "


Þessi bloggfærsla var í boði Ásdísar :)

Lifið heil

sunnudagur, september 21, 2008

Mótorhjólaferðinni var svo aflýst vegna veðurs þannig að ég var ekki að missa af neinu:) samt hefur mér ekki tekist að vera alveg eins dugleg um helgina og til stóð, alveg ágætlega duglega en bara ekki alveg eins og ég var búin að "sjá fyrir mér" :)

en talandi um mótorhjólaferðir þá var Edelweiss bæklingurinn að koma í hús í síðust viku ... ef ég ynni milljón í happadrætti væri mjög erfitt fyrir mig að ákveða hvort ég færi í leyseraðgerð á augunum eða í mótorhjólferð til Nýja Sjálands eða Kína eða Suður Ameríku eða ..., þetta er bæði alveg jafnmikilvægt:) þannig að það er kannski eins gott að ég vinni yfirleitt ekki neitt í svona happadrættum ... happadráttum?

haldiði að leyseraðgerðir séu ekki orðnar skrambi öruggar þessa dagana? það væri náttúrulega ekki nægilega gott ef ég færi í aðgerð sem klúðraðist algerlega ... vitiði hverjar líkurnar eru á klúðri? ætti ég að fara að safna eða bíða kannski fimm eða tíu ár í viðbót eftir enn meiri tækni? :)

Góðar stundir

föstudagur, september 19, 2008

Það er ekkert smá sem ætlar að blása þetta haustið - cocoondagurinn um daginn var síðasti dagurinn sem ég var á hjólinu því persónulega finnst mér ekkert gaman að vera á mótorhjóli í hávaðaroki, ég er ekki svo mikill andrenalínjunkie;) ... satt að segja held ég að ég sé mjög lítill adrenalínjunkie svona almennt séð, ég er meira fyrir að lenda í flugvélum heldur en að hoppa úr þeim til dæmis þó ég væri alveg til í að prófa fallhlífarstökk svona einhvern daginn við tækifæri:) en bara prófa, ekki gera það að lífsstíl og sækjast eftir því í frítímanum að vera í frjálsu falli ... þó ætla ég ekki að segja til um það fyrr en eftir að ég prófa það;)

ég er líka hætt við að fara í mótorhjólaferð upp að Landmannnalaugum í kvöld, getur líka verið að henni verði aflýst? en ég er hætt við vegna þess að ég er skynsöm, ekki vegna veðurs:) ég þarf að vera skynsöm því tíminn er afskaplega dýrmætur þessa dagana:) ég þarf að skila ritgerð á hverjum mánudegi í vetur, bara stutt ritgerð, þrjár til fimm síður, en hún er ekki heimildaritgerð heldur "hugleiðing" um efni vikunnar, ekki gagnrýni eða endursögn heldur eigum við að takast á við efnið og ræða það:)

allt í lagi þá:)

þetta hefur gengið hjá mér hingað til en ég þarf að vera hrikalega fersk og vakandi á meðan ég les því það er skelfilegt að vera búin að lesa í einhvern tíma og hafa svo ekki hugmynd um hvað stóð á blaðsíðunum á undan en ætla mér samt að "takast á við" hugmyndirnar sem komu fram skriflega:)

svo þarf ég líka að skila verkefnum á hverjum fimmtudegi í vetur:) þetta er samt alveg hrikalega, hrikalega skemmtilegt:)

Fídel biður að heilsa og lifið heil

þriðjudagur, september 16, 2008

Ég hef ekki verið afkastamikil hérna á blogginu undanfarið en fyrir því eru margar ástæður ... sem ég var byrjuð að fara útí í rosalega stórum smáatriðum en er hætt við:)
Þetta var ekki skemmtileg upptalning fyrir nokkurn mann nema mig þannig að ég hlífi ykkur við henni:)

En ég áttaði mig á svolitlu í morgun sem mig langar til að deila með ykkur. Ég er ekki lengur neitt sérstaklega mikið á móti rigningunni:) ég hef aldrei verið mikið fyrir rigningu og það hefur stundum kostað mikla andlega áreynslu að láta hana framhjá mér fara en í morgun þegar ég var á leiðinni í vinnuna fannst mér hún alveg frábær:)


það var alveg ofsalega notalegt að fara frammúr í myrkrinu, klæða mig í mótorhjólagallann og hjálminn og fara svo út í hellidembuna með eins konar hlífðarskikkju yfir mér, ég fann ekki fyrir neinum kulda eða bleytu bara hlýju og kósíheitum nánast eins og ég væri ennþá uppí rúmi, cocoon inní gallanum:)
þetta var náttúrulega stutt leið sem ég varð að fara þannig að gallinn hélt rigningunni og það er líklega það sem gerði morguninn svona góðann, ég hef lent svo oft í að vera blaut uppá bak á hjólinu í sumar að þessir skottúrar innanbæjar í cocooninu eru alveg yndislegir þrátt fyrir hitabeltisrigningu;)

Lifið heil

miðvikudagur, ágúst 27, 2008



Ég á afmæli í dag:)
Mér finnst afskaplega gaman að eiga afmæli:)

Þakka þér kærlega fyrir afmæliskveðjuna -hvaff, þér er boðið í afmælið mitt þegar það verður þó að þú sért ósammála því að halda uppá annað en tugafmæli - þér er líka boðið Heimir Há:)

Ég var að frétta að þeir ætla að halda aðra sing-along-sýningu á Mamma Mia á fimmtudag/föstudag ... hver er maður? :)

Lifið heil

þriðjudagur, ágúst 19, 2008



Oh, ég sá Wall-E í gær .... awwwww :)

Mér fannst hún æðisleg og henni verður bætt við safnið um leið og hún kemur á DVD, ég er ennþá brosandi;)

Ég fór líka og sótti litla bróður minn á flugvöllinn seint, seint í gærkvöldi. Hann var að koma frá Króatíu þar sem hann var búinn að vera í um viku með kærustunni sinni og dóttur. Hann fór til Afganistan í júní en var kallaður fyrr heim en stóð til því núna vilja þeir senda hann til Líberíu. Líbería er í Afríku, vestan við Fílabeinsströndina ef þið eruð ekki viss á því hvar þetta land er ... ég varð að fletta því upp:) sumsé, hann er kominn heim en stoppar stutt því hann fer líklega út aftur á fimmtudagsmorguninn, geðveikt spennandi allt saman:)

Í kvöld er ég að fara í félagi við fullt af skemmtilegum stelpum í innflutningspizzupartý og ég hlakka barasta hellings til! :)

Góðar stundir

mánudagur, ágúst 18, 2008

Ég var að lesa síðustu færslu og gat rétt stautaði mig frammúr henni ... ég er ekki að segja að ég geti unnið verðlaun fyrir samfelldan texta ef ég einbeiti mér, ég geri mér grein fyrir að ég tala og skrifa frekar lélega íslensku en maður lifandi, ég verð að hætta að blogga í vinnunni!!

Þegar ég er að vinna skrifa ég eina og eina setningu á milli þess sem ég athuga hvort menn andi, á afskaplega misgáfulegar samræður við fólk í alls konar ástandi, annarlegu og öðruvísi, og fylgist með því sem er að gerast allt í kringum mig - það er greinilega of mikið að gerast í hérna á sunnudagsmorgunum til að ég geti komið frá mér vitrænum texta.

Ég þekkti sumsé strákana vel í sundur, það var miklu meiri stærðarmunur á þeim en á hestunum, Grímur er að verða níu ára og Elvar Örn að verða sjö og bræðurnir eru með mismunandi háralit, ekki hestarnir. Svo gleymdi ég að minnast á smurða nestið í ferðinni sem Hrafnhildur kona Einars kom með fyrir okkur og vöfflurnar sem hún var að baka þegar við komum heim:)

Annað hvort verð ég að hætta að skrifa í vinnunni eða skrifa í stuttum setningum. Sem segja frá öllu sem er sagnavert. Njálustíll. Eða bara listar, upptalningar og staðreyndir eins og tímasetningar, dagar, félagar, fjarlægðir eknar og gengnar? En eru þannig blogg ekki skelfilega leiðinleg aflestrar?

Blitzblogg er eflaust málið. Engar málalengingar eða smáatriði, nema auðvitað að blitzbloggið sé um eitthvert smáatriðið, en þau eru yfirleitt svo smávægileg að þau eiga sér engin smáatriði sjálf, nema hjá sumu fólki. Við sjáum lífið ekki öll eins, sem betur fer kannski?

Lifið heil

laugardagur, ágúst 16, 2008

Vika í Menningarnótt og svo á ég afmæli :) Síðasti frídagur mánaðarins var síðasta þriðjudag (næsti frídagur er líklega ekki fyrr en 8. september) en ég notaði hann ofsalega vel:) ég sló grasið (ég er hætt að tala um gras"flötina" og tala héðan í frá bara um grasið, það er ekki mikið flatt nefnilega, aðallega upp og niður) og svo fór ég á hestbak með Maju uppí Borgarfirði:) við vorum tvo, þrjá tíma á leið úr Norðurárdalnum yfir í Þverársíðuna og við skemmtum okkur konunglega - ferðalagið endaði að vísu ekki sérstaklega vel hjá Maju en við vissum það ekki þarna um kvöldið þannig að þá var þetta alveg afskaplega gaman:)

Ég fékk hest sem heitir Mósi (því hann er mósóttur eða móálóttur) og við vorum mjög ólíkir persónuleikar. Hann vildi alltaf vera fremstur en ekki ég (aðallega því ég vissi ekki hvert ég var að fara) og svo var hann alltaf að prumpa, nema einu sinni þegar það kom með'í beint fyrir framan Maju og Yl ... jamms, við vorum mjög ólík við Mósi en þetta gekk alveg bærilega hjá okkur :) Það voru fimm hestar ferðinni, Mósi, Þytur, Helmingur (heitir Darri en er svo lítill að hann er kallaður Helmingur, ekki sérlega fallegt en fyndið, soldið eins og að hlæja að öryrkjabrandara), Ylur og Flicka og við vorum þrjú fullorðin (Einar bóndinn sem á hestana, Maja og ég sjálf) og tveir litlir strákar (synir Einars) sem skiptust á að vera á Þyt/Helming - þekkti þá tvo ekki í sundur því þeir eru alveg eins á litinn en ég hef ekki hugmynd hvað sá litur heitir því ekki getur verið að þeir séu bara dökkbrúnir?:)

Þegar við vorum hálfnuð tilbaka fékk ég hest til að teyma líka, hún hét Flicka og er rauðblesótt, sokkótt og glófext - minnir mig, dýralitir hafa aldrei verið mín sterkasta hlið ;) ég teymdi hana alveg upp fjall og hálfa leið niður gil hinum megin, alveg þangað til við komum að á, pínkulítil spræna, við vorum margbúin að fara yfir Norðuránna - eða svona "afleggjara" af henni - og þá var ekkert vesen, sýndist mér á Maju sem hélt í hana þá, þannig að ég bjóst ekki við neinu ... Við Mósi fórum yfir ánna en Flicka snarstoppaði á árbakkanum þannig að ég kipptist næstum afturábak af hnakknum og ég missti takið á taumnum. Einar reddaði þessu, hann var á Þyt með Helming í taumi, hann rétti mér tauminn og fór yfir ánna til að ná í Flicku og saman komust þau yfir í svona annarri, þriðju tilraun:)

Eftir ánna fórum við meira niður gilið og á einum stað var svo bratt að ég varð að halla mér aftur, niður brattann, stóð í ístöðunum, með hest í taumi og allt í einu kom svona "vúhúúúú" útum munninn á mér (já, lúði af guðs náð elskurnar mínar) þegar Maja og Einar litu við til að sjá hvort það væri ekki í lagi með mig fann ég mig knúna til að útskýra kallið með því að hrópa, alltof hátt:

Mér líður alveg eins og kúreka!!

Ójá. Sem betur fer var farið að skyggja og það sá mig enginn roðna:)

Og ef einhver er að spá í hvernig minn húmor er þá fór ég að flissa eins og fáviti (og ætlaði ekki að geta hætt, það komu tár) þegar við vorum komin tilbaka því ég fattaði að ég hefði verið með hest, misst hann og fengið Helming tilbaka;)

Góðar stundir

fimmtudagur, ágúst 07, 2008

Gjörgæslan drap blómið mitt endanlega ... ég setti það inní eldhús eftir vinnu á mánudagskvöldið en þegar ég kom heim úr vinnunni á þriðjudagskvöldið leit það út eins og blár aukaleikari í The Mummy:/ greinilega of heitt inni fyrir blómið sem gefur til kynna að það sé í raun útiblóm en hafi bara drepist því það var svo heitt úti á svölunum mínum, ótrúlegt en satt:)

ég er samt ekki búin að henda því, ég setti það aftur útá svalir í kuldan og rigninguna og svo kemur í ljós hvort það lifni nú kannski barasta við þar sem veðrið er ekki alveg eins gott og undanfarið;)

Og -hvaff, það kemur ekki til greina að ég hætti að halda uppá afmælið mitt! Ekki séns:) ef fólk vill ekki koma því ég á ekki tugafmæli þá þarf það ekkert að koma, ég mun halda uppá það samt og ég er klár á því að fullt af fólki mætir því ég er svo hrikalega skemmtileg og baka svo fína súkkulaðiköku að um hana ganga sögur til næsta bæjar;) ... svo er ég svo léleg í að gera eitthvað skipulagt og skemmtilegt þannig að afmælið er kjörin afsökun fyrir veislu/partý/skemmtiferð;)

Vantar einhverjum svefnsófa? Hann er soldið kominn til ára sinna en er víst í alveg þolanlegu ásigkomulagi, fæst gefins á gott heimili:)

Góðar stundir

mánudagur, ágúst 04, 2008

Kom heim frá Húsafelli í gær:) fór þangað á fimmtudaginn síðasta í góðum hóp og hafði það sérlega gott í mikilli sól og blíðu, kannski aðeins of mikilli sól á köflum því á laugardaginn vorum við farin að leita uppi skugga til að kæla okkur í;)

Alltaf gaman að fara í útilegur og ég er ákveðin í að þessi verði ekki sú síðasta þetta sumarið - ef veður leyfir:) annars var ég að spá í það að halda uppá afmælið mitt með því að afþakka alla pakka og safna liði með mér í Adrenalíngarðinn - hvernig líst fólki á það? endilega bjallið ef þið viljið koma með eða kommentið eða sendið póst ... verið í bandi ef ykkur langar með:)

Annars held ég að ég hafi verið plötuð, aftur.

Ég held að útiblómið mitt sé ekkert útiblóm. Ég held að sölukonan hafi verið að ruglast á blómum, ekki séð blómið sem ég var að kaupa og verið að meina blómið við hliðina. Það var líka blátt, held ég.
Ég held að útiblóm geti ekki óskað sér betra útiveðurs en hefur verið undanfarna viku. Sól og hlýtt á daginn og svo rigning líka í hæfilegum skömmtum - blautum já, en hæfilegum held ég, ef þú ert blóm? Inniblóm hefðu meira að segja verið nokkuð sátt og eflaust lifað af að vera úti yfir nótt og vera úti í rigningunni. Veðrið hefur verið milt og blómvænt í Reykjavíkinni. Fídel hefur meira að segja látið það í friði. Kannski hefði ég átt að taka eftir því betur, Fídel hefur kannski verið að forðast nályktina?

Blómið er sumsé ekki neitt að dafna, það er að blómstra en laufblöðin eru öll að krymplast og deyja:( það á ekki að vera svoleiðis þannig að það er komið inn í gjörgæslu - sjáum hvort blessað blómið hafi það ekki af þegar það fær að standa inni í sólinni, læt ykkur vita:)

Lifið heil

mánudagur, júlí 28, 2008

Jújú, eðli vinnunar samkvæmt þá er ég ekki sérlega vinsæl meðal kúnnanna. Viðskiptavinirnir telja mig almennt fremur harðbrjósta og kalda þegar ég sé ekki aumur á þeim og leyfi keðjureykingar ... utandyra ... og eftirlitslaust :)

En ég er alls ekki harðbrjósta, bara hreint ekki neitt þó ég segi sjálf frá. Ég er meira að segja allt, allt of lin og það er fáránlega stutt húsmóðurina í Vesturbænum stundum. Sko, fyrstu viðbrögð við fréttum og atburðum eru einum of oft viðbrögð þessarar tegundar húsmóður en þau vara yfirleitt aðeins jafnlengi og kollurinn er að taka við sér og taka stjórnina. Sem betur fer. Þegar ísbjarnynjan (? er þetta orð íslenskugúrúarnir ykkar ?) lagðist á beit í æðarvarpinu fyrr í sumar fékk ég alveg sting í mig þegar ég hugsaði um alla litlu saklausu, loðnu ungana og ósjálfbjarga ungamömmurnar sem ... þið vitið hvað ég er að fara?

Hvert er Syneta eiginlega að fara? Um hvað er hún að tala?

Jú, þannig er nefnilega mál með vexti að ég er búin að vera í hálfgerðu rusli í alla nótt því ég gleymdi nýja blóminu mínu útá svölum í gærkvöldi. Þetta er að vísu útiblóm og það er ekki alveg rétt að hafi "gleymt" því úti, ég tók ákvörðun um að skilja nýja blómið mitt eftir úti þegar ég fór í vinnuna því veðrið var svo gott, spáð þurrki og það verður að leyfa útiblómum að vera úti er það ekki? Það má ekki ræna plöntur eðlinu bara vegna þess að þær geta ekki gert sig skiljanlegar. Það væri rangt og hvað sem kaldlyndinu og miskunnarleysinu kann að líða þá er ég ekki óréttlát ...

Stuttu eftir að ég var mætt í vinnuna byrjaði hins vegar að rigna og svo fór að hellidemba og það hefur ringt nálega í alla nótt. Ég vökvaði blómið í gær þannig að núna er það kannski drukknað? Eða öll bláu blómin rignd í tætlur?

Það kemur í ljós eftir nokkrar mínútur,

lifið heil

laugardagur, júlí 26, 2008



Jæja, now that I've got your attention :)

geri ekki ráð fyrir að þetta verði sérlega langt blogg því milli fimm og sjö á morgnanna þjáist ég gjarnan af athyglisbrest og hérna í geymslunni aðfaranótt laugardags er ég ekki ein um að þjást af einhvers konar röskun :)

síðan ég bloggaði síðast hef ég:

farið á mótorhjóli um Vestfirðina
farið á tvær bæjarhátíðir á jafnmörgum dögum
hitt frábært fólk
séð Mamma Mia
séð Batman The Dark Knight
horft á fjölda Golden Girls þátta
lamið hendinni svo fast í girðingu að ég hélt ég væri brotin og fór á slysó - reyndist sem betur fer bara illa marin :)
sótt fjölskylduvin á flugvöllinn
keyrt á Jökulsárlón og tilbaka
skoðað nýju hverina í Hveragerði, borðaði í Rauða húsinu á Eyrabakka og fór á Draugasafnið á Stokkseyri
næstum því farið í daglegar gönguferðir með hundinn - og stundum með börn líka
farið í fjöruferðir og farið í fótabað í sjónum, einu sinni með hundinn með mér - næst ætlum við að synda (ég er ekki búin að segja honum frá því ennþá)
ég fékk gefins útiblóm sem stendur í svalahurðinni minni - fer inn og út eftir veðri, eins og kötturinn, nema ég stjórna blóminu ... man því miður ekki hvaða tegund blessaða plantan er en blómin eru blá :)
farið í ísbíltúr
farið í lautarferð
farið í verslunarferð í Kringluna!
farið í matarboð
farið í afmælisveislur

... hmmm, held þetta sé það sem ég hef haft fyrir stafni undanfarið? og líka auðvitað mætt í vinnuna, ég er þar til dæmis núna og var að fá skammir fyrir að vera "klikkað ópersónuleg" - ég tók það ekki inná mig;)

sko mig, mánuðurinn ekki liðinn en ég búin að blogga - sjáum til hvort mér takist að blogga aftur áður en hann er alveg úti;)

Lifið heil og verið góð við hvert annað

sunnudagur, júlí 06, 2008

laugardagur, júlí 05, 2008

Það er ekki hægt að saka mig um að hafa verið dugleg að blogga undanfarið en mér til varnar þá er sumarið of stutt til að eyða frítímanum fyrir framan tölvuna ... ekki að ég hafi átt ofgnógt frítíma undanfarið en núna er ég komin í vinnuna aftur og ætti að geta hripað niður eins og svona einu bloggi á 13 tíma vakt:)

... það eru að vísu fimm tímar búnir af vaktinni nú þegar (er ekki örugglega laugardagseftirmiðdagur??) og ég er ekki búin að afkasta sérlega miklu, nema vinnu auðvitað:) ég er farin að hallast að því að eina fólkið eftir í Reykjavík þessa helgi sé annað hvort fólk sem fékk ekki frí og verður að vinna (eins og ég og vinnufélagarnir) eða snarvitlausir rugludallar sem fara allir á stjá í hópum og gera allt vitlaust:)

Þessi hitabylgja sem var spáð núna um helgina er sóllaus en mikið rosalega er heitt? kannski finnst mér bara svona heitt því það er afskaplega erfitt að stilla hitastigið í vinnunni (það var til dæmis skelfilega kalt hérna í allan vetur) og svo þegar ég fer út klæði ég mig upp eins og ég sé á leiðinni á fjöll um vetur - ætli ég myndi sleppa öllum þessum mótorhjólahlífðarbúnaði ef ég byggi í Aþenu? þar var fólk á mótorhjólum í stuttbuxum einum fata ... jú, og með hjálm en sumir létu sér nægja að halda á honum, kannski segja lögin að fólk verði að bera hjálm við akstur en ekki að hafa hann á höfðinu?

... og kannski virkar þessi orðaleikur ekki á grísku? :)

Við fórum í morgunmat niður í bæ í morgun, á Tíu dropa:) ég fer yfirleitt þangað þegar ég fer á kaffihús því það er svo góður staður og hefur ekkert með það að gera að ég þekki eigendurna, nema bara til að byrja með - þá er ég að meina að vinátta og kunnugleiki við eigendur staðarins kom mér á bragðið og nú er ég húkkt:) en Gunni Palli kokkur (sem ég hef ekki hugmynd um hver er) er alveg sammála mér með að Tíu dropar er heimsóknarinnar virði:) Kíkið endilega sjálf - ég mæli með öllu sem ég hef smakkað þar hingað til;)

Annars fer ég ekki nógu oft á kaffihús þessa dagana ... ég held ég hafi farið síðast á kaffihús í apríl, á Tíu dropa einmitt ... kannski ég fari að stunda þau meira þegar líður að hausti og í vetur?:)

Jú, ég held ég geri það barasta - eruði ekki memm?:)

Lifið heil og ekki vera rugludallar

fimmtudagur, júní 26, 2008

Ég er að horfa á So I Married an Axe Murderer og mér finnst afskaplega erfitt að venjast þeirri tilfinningu að Shrek sé að "tala fyrir" Mike Myers:)

... kannski er það vísbending um að ég hafi horft of oft á Shrek myndirnar?:)

nah, ekki möguleiki að horfa of oft á svona háklassa bíómyndir, er það nokkuð?;)



ég er í vinnunni núna og klukkan er að slefa í fimm, tíminn milli fimm og sjö líður stundum afturábak hérna í geymslunni - þá er ég yfirleitt orðin þreytt, allt dottið í dúnalogn, fólk sofnað og lítið að gerast - síðustu nótt var hins vegar mikið stuð á viðskiptavinunum og allt annað en rólegt nema bara rétt undir klukkan sjö. Það var einn kúnninn sem kunni sérlega illa við innilokunina (það kann að sjálfsögðu enginn vel við hana en fólk bregst afskaplega mismunandi við orðnum hlut, vægast sagt).

Þessi barði hurðina stöðugt og án hlés í nokkra klukkutíma. Hurðin er úr stáli og höggin eiga það til að síast inn í undirmeðvitundina mína og líkamann þannig að ég spennist öll upp án þess að vita almennilega af því. Það er yfirleitt ekki fyrr en ég er komin heim sem ég fatta að ég er öll stíf í öxlunum og þreytt í bakinu eftir hávaðann. Ekkert sem heit sturta fyrir svefinn lagar ekki, en það var ekki svo auðvelt í morgun. Í gærdag voru nefnilega settir upp pallar beggja vegna við húsið við hliðina á mér. Tilgangur pallanna er allsherjar yfirhalning á húsinu, steypuviðgerðir, málun og að mér sýnist glugga- og þakskipting. Þessum framkvæmdum fylgja högg og ég var nýsofnuð þegar mennirnir byrjuðu að vinna og berja húsið að utan ... til að gera langa sögu stutta þá svaf ég afskaplega laust í allan dag því mig dreymdi í sífellu að ég væri í vinnunni (því höggin voru sambærileg við hávaðann sem einkenndi síðustu nótt) og ekki að sinna henni heldur lægi sofandi á vaktinni, hálfgerð martröð í allan dag - ég er greinilega samviskusöm í svefni líka:)

Góðar stundir

þriðjudagur, júní 17, 2008

Gleðilega þjóðhátíð rúsínurnar mínar!!



Skjaldarmerkið er fengið af síðu forsetans, textinn undir myndinni er merkilega óskiljanlegur, ég varð lesa hann tvisvar (rólega í seinna skiptið) til að skilja hver var hvað, samt vissi ég það - kannski ætti einhver að gera forsetavefinn aðeins skiljanlegri? og þá er ég ekki að tala um að breyta stílnum, þessi stíll er að sjálfsögðu viðeigandi á vef forsetans en myndatextinn er bara rugl;)

og talandi um texta, ætli þessi frétt á mbl.is sé þýdd?:
Manson fékk fjögur úr fjölskyldunni, Atkins, sem var 22 ára, Charles „Tex" Watson, sem var 25 ára, Patriciu Krenwinkel, 22 ára og and Lindu Kasabian, 20 ára, til að myrða Tate og vini hennar.
[feitletrun mín]

Hvað um það:)

Pálína og Hákon eru að fara að gifta sig í dag:)
ég fer í brúðkaupið beint eftir vinnu og það er ekki laust við að ég hlakki til, ef ég er spennt (og stend algerlega utan við þetta allt saman nema sem venjulegur gestur) get ég ekki ímyndað mér hvernig sjálfum brúðhjónunum líður:) og ég held að sé ekki hægt að panta betra brúðkaupsveður;)

Jamms, ég er farin að hallast að því að 17. júní sé bara allt í lagi dagur - þrátt fyrir vangaveltur fyrri ára eru margir góðir 17. júníar þarna í fortíðinni og mér finnst einhvern vegin eins og það hafi alltaf verið sól þennan dag?

... og núna er ég farin út í hana:)

Lifið heil og skemmtið ykkur vel í dag

laugardagur, júní 14, 2008

Jæja, haldiði að ég hafi ekki verið að vinna 1500 króna afslátt af brazilísku vaxi! Gaman að því en held að ég eigi ekki eftir að nota það þannig að ég er að hugsa um að bjóða það í skiptum - ég má sko gefa alla vinningana sem ég fæ á Núinu ef ég held að ég muni ekki nota þá sjálf:)

Nú stendur afsláttur af brazilísku vaxi til boða fyrir hvern þann sem getur hjálpað mér að finna gott "öryggisafrit" af heimildarþáttaseríunum The Long Way Down og The Long Way Round!!? Ég á líka 2 fyrir 1 bæði á James bönd og Grensásvídeói ef viðkomandi vill það heldur? Fyrir utan vaxið og vídeóspólurnar mun ég vera mjög þakklát og hver vill ekki að ég skuldi þeim greiða?

Önnur öryggiseintök væru einnig vel þegin, bíómyndir/þættir sem þið hafið gaman af og haldið að ég myndi fíla ... og allt matsjó auðvitað, bróðir minn er nefnilega að fara til Afganistans eftir nokkra daga og ég á bara ekki neitt (aldrei þessu vant) til að senda með honum:/

Hugsið málið og skoðið hörðu diskana ykkar, eigiði eitthvað handa mér rúsínurnar mínar?

Lifið heil, góðar stundir og verið í bandi!

þriðjudagur, júní 10, 2008

Ég man ekki hvenær ég skipti síðast um ljósaperu, ég hef óljósar minningar um að standa á stiga inná baði og skrúfa krónuna úr til að skipta um peru en ég man ekki fyrir mitt litla hvenær það var ... og það er svo langt síðan að ég keypti ljósaperu að ég veit ekki einu sinni hvar þær fást? er hægt að kaupa venjulegar perur í stórmörkuðum?

ég var einmitt í stórmarkaði áðan, þar hitti ég Deezu og hjásvæfuna, gaman að hitta þau, aldrei hitt hann og hef ekki hitt hana lengi, lengi ... samt er styttra síðan ég hitti hana en síðan ég skipti um peru ... eða finnst mér það kannski bara vegna þess að ég les blogg og er meðlimur á Facebook?

skapa blogg og Facebook gervinánd? kannski finnst mér ég bara lifa fínu félagslífi vegna þess að ég á svo marga vini á Facebook og fylgist með svo mörgum bloggum? kannski? nei, varla, það að ég man ekki hvenær ég skipti síðast um peru hlýtur að sýna hvað ég er lítið heima er það ekki? alltaf útá lífinu krakkar, endalaust;)

jamms, eða heima í myrkri? ;)

Lifið heil



ofnhanski

laugardagur, júní 07, 2008

Hurðu, svo bara komst ég ekkert í að blogga:)

Ég var að vinna sko, mjög skiljanlegt að ég skuli ekki hafa haft tíma til að sitja og sinna einkaerindum í tölvunni og allt það:) en svolítið skeflilegt kom fyrir á leiðinni heim!

Ég var að keyra í mesta sakleysi - ég var á bílnum, ekki hjólinu því allt draslið sem fylgir hjólinu var í þurrki eftir svaðilfarir fimmtudagskvöldsins ... sem ég mun segja frá við betra tækifæri - þegar ég á ekki að vera að fara að sofa til dæmis:)

Hvað um það, er að keyra heim og vitiði hvaða lag kom í útvarpinu???!!

Dansi, dansi dúkkan mín!!

Reynið að sofna við það á rípít í höfðinu:D

Góðar stundir

föstudagur, júní 06, 2008

Ég ætla að blogga á eftir en ekki fyrr en á eftir, núna ætla ég að herma eftir Frekjunni, hún er alltaf með afskaplega skemmtileg föstudagsmyndbönd, hérna er mitt:



Góðar stundir

þriðjudagur, júní 03, 2008

Hurðu, ég fór ekki í leikhús á laugardaginn - kvöldið endaði á pizzu, poppi, kúr og Karate Kid:) afskaplega ljúft og Karate Kid svíkur aldrei, ég keypti allar fjórar myndirnar úti og ég er afskaplega ánægð með þau kaup:)... ég veit, ég á að vera vaxin uppúr svona en, en ... þetta er svona box-sett, allar fjórar (I, II, II og Next Karated Kid með Hillary Swank) og var á tilboði ... Die Hard I-IV voru líka á tilboði;)

ég keypti nokkrar DVD úti;)

vissuð þið að það er fyrirtæki í Reykjavík sem er með afskaplega líkt lógó og það sem frú Miyagi saumaði út og var lógóið hans Daniel LaRusso á mótinu fræga?
Fyrirtækið heitir Sólgarðar og lógóið þeirra er tré fyrir framan gula sól:


Karate Kid merkið er merkilega svipað, bara ekki alveg eins, tréið er minna en sólin og bonsailegra ... ég fann ekki mynd á netinu þannig að ykkur verður að nægja þessi paint mynd sem ég gerð sjálf (enda mikill listamaður) þangað til þið horfið sjálf á myndina aftur;)


þið getið jafnvel haft samband og beðið afskaplega fallega og það er aldrei að vita;)

fríið er annars ekki alveg eins og ég ætlaði mér en samt afskaplega ljúft, ég keypti dekk undir hjólið í dag, T63 dekk frá Michellin þannig að núna eru mér bókstaflega allir vegir færir;)

út að borða og svo fundur í Grindavík annað kvöld, never a dull moment;)

Lifið heil

laugardagur, maí 31, 2008

Þá er síðasta vaktin í törninni langt komin - og ég er að hugsa um að fara í leikhús í kvöld, laugardagskvöld ... mig langar til að sjá Dauðasyndirnar því ég þekki aðstoðarleikstjórann, mig langar líka til að sjá Mr Skallagrímsson og Brák og þessi sagnakeppni þeirra er rosalega spennandi:) ætla að sjá til hvernig ég vakna hvað ég geri, er einhver maður í leikhús?

ég þarf líka að taka til heima ... hef eiginlega ekkert verið heima síðan ég kom til landsins og er ekki einu sinni búin að ganga frá ferðatöskunni ennþá:) en Fídeli er sama eins lengi og ég eyði þeim litla tíma sem ég er heima með honum;)

gallinn við næturvaktir er að vaktafríið er svo stutt (samt lengra en helgarfrí þannig að ég er alls ekki neitt að kvarta, alls ekki neitt) en á milli dagvakta og næturvakta eru næstum því alveg fimm dagar:) ég hef verið að hugsa um það undanfarið hvort ég hafi gert vitleysu með að hafna klikkháum launum fyrir að vera á ekki-svo-háum launum og meira í fríi - ég er nokkuð viss um að ég hafi valið rétt en ég verð sannfærð um það ef mér tekst að nota þessi vaktafríi í sumar:) ef ég geri það ekki vel ég launin næst þegar ég spái í vinnu;)

Lifið heil

föstudagur, maí 30, 2008

Jarðskjálftinn maður!

Ég vaknaði við hann og vissi ekki alveg hvað gekk á, nógu ringluð er ég yfirleitt þegar ég vakna svona um miðjan dag eftir næturvaktir til að ekki bætist við að vera vakin við jarðskjálfta. Rúmið lék á reiðiskjálfi, ég lyfti höfðinu frá koddanum og horfði beint í augun á Fídel sem virtist vera alveg jafnruglaður á þessari truflun og ég. Eiga dýr ekki að vera hrædd við jarðskjálfta? Hann geispaði og teygði úr sér þannig að ég lagðist bara aftur á koddann og ætlaði að sofa aðeins lengur þegar meðvitundin fattaði að þetta hlyti að hafa verið jarðskjálfti ... þannig að ég gerði það eina í stöðunni, stóð upp og kíkti útum gluggan, jú, hjólið stóð ennþá þannig að ég fór bara aftur uppí rúm:) gat að vísu ekki sofnað aftur því ég var víst alveg búin að sofa í að verða átta tíma þannig að ég fór á fætur og maður lifandi hvað ég var með miklar harðsperrur!

ég fór nefnilega á hestbak með Frekjunni á miðvikudagskvöldið og skemmti mér konunglega:) það eru komin nokkur ár síðan ég fór á bak síðast en ég er að hugsa um að láta ekki eins langan tíma líða áður en ég fer næst ... og ekki bara útaf harðsperrunum;) en mér skilst að "seasonið" sé að verða búið sem er synd því ég hefði haldið að það væri skemmtilegast að stunda hestasportið á sumrin? vera að moka skít og frjósa í hel allan veturinn og senda svo alla hestana í sveit um leið og veðrið fer að vera gott:) skringilegt sport, en ábyggilega rosalega gefandi;)

en eitt sem böggar mig alltaf reglulega, rakvélar! Hvað er málið með að vera alltaf að breyta rakvélum sem virka bara fínt, takk fyrir, og setja nýjar og nýjar rakvélar á markaðinn og hætta að selja rakblöðin í þessar gömlu?? Ég var mjög sátt við mína rakvél en svo hættu þeir að selja þær og loks var ekki hægt að fá blöð í hana lengur - ég komst þó upp með að nota hana lengur en flestar býst ég við því það var enn verið að selja blöðin í hana í Ungverjalandi þannig að ég keypti tvo pakka:)
þó kom að því að ég kláraði blöðin og varð að kaupa mér nýja vél um daginn og ég er ekki sátt! Þetta er glæný vél en rakvélablöðin eru handónýt (jafnvel þegar þau eru splunkunýkomin úr umbúðunum) þannig að ég geri ekki ráð fyrir að þessi vél verði lengi á markaðinum - hún virkar bara alls ekki - sem þýðir að ég verð að kaupa mér nýja vél aftur ... kannski er ódýrara að kaupa bara einnota? hvað gerið þið?

Lifið heil

fimmtudagur, maí 29, 2008

Afskaplega er Facebook skemmtilegt:) ef ekki væri vegna þess myndi ég eflaust ekki vita af því að vinir mínir hafa ... voted on your strengths and weaknesses:

STRENGTHS:
best companion on a desert island
most artistic
merriest

WEAKNESSES:
best dancer
most organized


ekki slæmt að fólk vilji fara með mér á eyðieyju, ég er meira að segja fremur upp með mér en kommon!! þið getið ekki sagt að ég sé slæmur dansari, óskipulögð já, kannski er það rétt, en þið sem eruð að kjósa um danshæfileika mína getið ekki hafa séð mig dansa! ég er "on fire" þegar ég kemst í návígi við dansgólf! ég er að segja ykkur það:)

jamms, klukkan er að verða þrjú um nótt og ég er að skipuleggja sumarið - er á leiðinni í Húsafell eftir nokkra daga, stefni á að kíkja á Akureyri seinna í sumar til að hitta nokkrar stelpur og hvolp, fer væntanlega hringinn með tveim heiðurskonum og ... :)

sem minnir mig á það, hefur þig alltaf langað til að læra á línuskauta? ert þú línuskautari "inní" þér en vantar að læra að tjá það? keyptirðu línuskauta fyrir löngu en notarðu þá aldrei? ertu laus 5. júní klukkan 18:00? vertu í bandi, það er verið að safna liði til að fá námskeiðið ódýrar og auðvitað, the more the merrier:)

Góðar stundir

miðvikudagur, maí 28, 2008

Jújú, það hefur sést til mín í Reykjavík undanfarna viku - suma hef ég meira að segja farið að hitta viljandi þannig að ég get víst ekki lengur farið huldu höfði og haldið út þessa bloggþögn mikið lengur:)

Ferðin var afskaplega góð, bæði Miðjarðarhafið og tíminn sem ég var í London. Ég lærði margt og gerði fleira og veit ekki alveg á hverju ég á að byrja ...

- Titanic brandarar eru ekki sérstaklega vinsælir um borð í skemmtiferðaskipum
- aldrei spyrja Tyrkja hvort eitthvað matarkyns sé sterkt eða ekki
- mamma og pabbi eru ofsalega skemmtilegt og gott fólk sem á fullt af skemmtilegum og góðum vinum (þetta vissi ég þó en fékk enn og aftur staðfest í ferðinni)
- ég man ennþá danssporin við Macarena og Saturday Night og kann ennþá textann við Black and White með Michael Jackson, rappið líka:)
- ég dansaði við lög sem ég fílaði fyrir fimmtán árum og skemmti mér konunglega í marga, marga klukkutíma
- úr Strombolini eldfjallinu koma víst einhvers konar "volcanic bombs" samkvæmt skipstjóranum okkar
- Norðmenn geta líka verið fyndnir, skipstjórinn okkar var Norðmaður og endaði stundum skipstjóraávörpin sín með brandara á borð við: A man walked into the doctors office with a carrot in one ear and a banana in the other. He said: Doctor, I think I'm loosing my hearing. The doctor said: my dear Sir, your problem is not your hearing it's that you are not eating properly! Geri aðrir betur:)
- Góa er alvöru borg á Indlandi ekki bara nammitegund
- það er hægt að búa til smjör-líkan af öllu, ég tók myndir
- það er til ódýr búð við Oxford Street
- stórstjörnur ganga um Londonborg, ég mætti Antony Hopkins á Piccadilly:)

... og svo framvegis:)

núna er ég komin aftur í vinnuna, á næturvaktir og farin að eiga afskaplega misgáfulegar samræður við viðskiptavinina:

"nei, þú færð ekki að reykja núna, það er mið nótt og þú ert í opinberri byggingu"
"samkvæmt Mannréttindasáttmálanum á ég að fá að reykja á klukkutíma fresti eftir tvo tíma" (held það þýði að hann eigi að fá að reykja á klukkutíma fresti þegar hann er búinn að sitja inni í tvo tíma? ekki að það skipti máli, það eru engin ákvæði í Mannréttindasáttmálanum um reykingar manna í skammtímavistun, já, ég er 100% viss)
"nei, það er ekki rétt"
"heyrðu, veistu hver ég er? ég heiti Gísli Eiríkur Helgason (hann sagði nafnið sitt en ég ætla að sjálfsögðu ekki að hafa það eftir) og er Nóbelsverðlaunahafi, ertu eitthvað rugluð??!!"

hverju er hægt að svara svona spurningu?:)

Annars er ég komin aftur og mun væntanlega blogga fljótlega:)

Lifið heil

fimmtudagur, maí 15, 2008

Sæl verið þið öll og blessuð:)

ég er enn á lífi þó ég sé ekki enn komin til landsins - bara í netsamband hérna í Londoninni þar sem ég verð þangað til í næstu viku:)

siglingin var skínandi snilld og ég mæli hiklaust með svona ferðum fyrir alla sem hafa áhuga á lúxus, ég er að vísu svolítið skemmd eftir þetta allt saman - fer ekki vel með fólk að gista á fimm stjörnu hóteli í tvær vikur og koma svo aftur í raunheiminn eftir að hafa vanist því;) enginn til að draga út stólinn þegar ég ætla að setjast/standa upp, enginn sem hellir í glasið mitt, býr um rúmið á morgnanna og gerir það tilbúið á kvöldin, tæmir ruslið (ÞRISVAR á dag!) etc. etc.:)

ég fékk samt smá dempara á lúxusinn þannig að ég er ekki eins ónýt og ég væri ef ég hefði getað notið allra þægindanna allan tímann, ég fékk nefnilega kvef eins og mér er einni lagið og eyddi nokkrum dögum í rúminu áður en ég fór á fúkkalyf til að redda því sem eftir var af siglingunni;)

núna er ég hins vegar á leiðinni á pöbb quiz sem ég stefni að sjálfsögðu á að vinna:)

Lifið heil

þriðjudagur, apríl 29, 2008

Mér líður eins og það séu að koma jól:)

Ég er nánast algerlega ósofin, er af þeim sökum frekar óglatt og sljó í höfðinu en það er alveg í lagi því ég hlakka svo mikið til morgundagsins og daganna sem á eftir koma:) ég get líka fengið að sofa næstu nætur því ég verð í fríi í vinnunni og væntanlega í algerri afslöppun - væntanlega vegna þess að síðustu nótt í vinnunni var bíómyndin Poseidon á Stöð 2 (Rated PG-13 for intense prolonged sequences of disaster and peril) ... hún er eflaust ekki besta andlega fóðrið fyrir siglingu á skemmtiferðaskipi en ég er með sterk bein og þykkan skráp, jújú:)

Ég næ ekki að klára allt sem stóð til að klára áður en ég færi en mér finnst ég samt hafa komið miklu meira í verk undanfarna daga en ég hefði komið í verk ef ég hefði ekki verið að vinna á næturnar - fyrir utan svefn, þegar ég vinn á daginn geri ég meira af því að sofa en þegar ég er svona á næturvöktum;) það er erfiðara að segja sér að fara að sofa og hvíla sig þegar það er glampandi sólskin og allir vakandi, nánast eins og ég sé að svíkjast um:)

Það stóð til að þrífa almennilega heima hjá mér svo Fídel og passarinn/arnir væru í hreinni íbúð á meðan ég væri úti en það gekk ekki eins vel og til stóð - þá vonandi verður ekki haldið partý heima hjá mér á meðan, ekkert gaman að halda partý í draslaralegri íbúð er það? ... mér finnist samt ekki alltaf vera samhengi á milli þess sem mér finnst um ástandið heima og hvað öðrum finnst, nema náttúrulega að ég þekki bara svona kurteist fólk?:) fólk sem kann ekki við að samsinna mér þegar mér finnst allt líta út eins og eftir sprengjuárás:)

hvað segiði? eruð þið kurteis? eða komið þið aldrei í heimsókn? :)

Góðar stundir

sunnudagur, apríl 27, 2008

Ég held að til að langtíma sambönd gangi upp þurfa þau að samanstanda af tveim einstaklingum (ekki fleirum ef um ræðir ástarsamband á líkamlegu nótunum og ef við erum að tala um aðeins einn einstakling erum við ekki beint að tala um samband í eiginlegum skilningi þess orðs) sem eru eins en ólíkir. Jú, þetta kann að virðast mótsagnarkennt en ég það sem ég er að meina er:

báðir einstaklingarnir borða konfekt/Makkintoss/Appolló lakkrís en annar aðilinn borðar alla góðu molana, hinn alla þá vondu - þá klárast allt að lokum og það verður engin samkeppni um sömu molana

hvorugur einstaklingurinn vill hafa pöddur inni í húsinu sínu en aðeins annar aðilinn drepur þær, hinn hleypur gargandi í burtu og fær hroll uppá hvirfilinn - þá verður húsið pöddulaust en ekki blóðugur bardagi uppá hvor sambandsaðilinn nái að drepa pödduna fyrst

skiljiði hvað ég er að meina?

auðvitað eru fleiri hlutir sem þurfa að ganga upp til að sambönd gangi upp en ég man þá ekki í svipinn ... bæti þeim á listann við tækifæri:)


Góðar stundir

fimmtudagur, apríl 24, 2008

Gleðilegt sumar:)

Vonandi verður sumarið gott hjá okkur öllum:)

Lifið heil

miðvikudagur, apríl 23, 2008

Það er ekki langt síðan ég keypti mér dýrt sjampó fyrir dökkhært fólk, ekkert bónussjampó á hundrað kall líterinn heldur alvöru Brilliant Brunette sjampó frá John Frieda - til að vera extra sæt á næstunni.

Það var líka alveg að virka þangað til í gær - í gær eyddi ég meiri pening en fór í sjampóið og litaði hárið á mér ljóst ... er einhver dökkhærð þarna úti sem vill vera sæt á næstunni?

Afsakið blondínur, þið þurfið ekkert svona sjampó til að vera sætar, við erum það nú þegar og sorrý strákar, þetta er stelpusjampó:)

Góðar stundir

laugardagur, apríl 19, 2008

Kominn laugardagur aftur, merkilegt hvað þetta vor ætlar að líða hratt:) yfirleitt þegar eitthvað tilhlökkunarefni er framundan líður tíminn ekki neitt en núna er ég orðin hrædd um að ég nái ekki að gera allt sem ég þarf að gera áður en ég fer út:)

Þrekmeistarinn er í dag og Farandi er að keppa:) ég geri ráð fyrir að Choco Bomburnar rúlli þessu upp og standi sig með prýði, allir að hugsa armbeygjur og uppstig milli eitt og tvö í dag og senda straumana norður á Akureyri:)

Fór í svona dinner'n a show í gærkvöldi, frumsýningu kvöldið áður, út að borða með hinum fangavörðunum á miðvikudaginn, námskeið á þriðjudaginn, fékk Frekjuna í mat á mánudaginn og var í bústað síðustu helgi ... vikan á undan var ekki alveg eins fjölbreytt því ég var að vinna rúmlega 13 tíma vaktir alla vikuna en hún var langt frá því að vera viðburðasnauð ... þegar svo margt hefur gerst og svo margt hægt að segja veit ég ekki á hverju ég á að byrja:)

... hafið þið séð Duel? fyrsta myndin sem Steven Spielberg leikstýrði alveg sjálfur, er það ekki? verð að spyrja Jónas að þessu næst þegar ég hitti hann:) anívei, hún er svona frekar spúkí, maður vs. trukkur og mikið um trukkalúðursblástur og óhuggulegheit. Þegar ég var að labba í vinnuna um daginn, daginn sem trukkabílstjórarnir umkringdu lögreglustöðina, kom einn svona stór vörubíll löturhægt á eftir mér þegar ég var að ganga Snorrabrautina. Trukkurinn var risastór og grár og það sást ekki í ökumanninn en hann lét vita af sér með því að þeyta flautuna sífellt. Ég fór strax að hugsa um Duel og ég fylltist miklum óhug, alveg eins og þegar ég horfði á myndina:) ég var meira að segja farin að hlaupa aðeins við fót til að losna frá honum fyrr - gæsahúð á hnakkanum og allur pakkinn, verð að viðurkenna að ég var barasta slatti hrædd :)

Var þetta ekki skemmtileg saga? ;)

Lifið heil

föstudagur, apríl 11, 2008

Það er tölvuvesen á mér þessa dagana þannig að ég bið fólk vinsamlegast um að sýna biðlund ... þessu verður væntanlega öllu kippt í liðinn um helgina og þá mun ég blogga eins og vindurinn kæru lesendur!

Það eru líka önnur vesen í gangi en engin sem ekki leysast með tímanum og fjúka útí buskann, ég endurtek, eins og vindurinn:)

Lifið heil

sunnudagur, apríl 06, 2008

Þegar ég fór heim úr vinnunni um fimmleytið í morgun var farið að birta - ég hugsa að sumarið sé rétt ókomið:)

og innilega til hamingju Heimir með fréttirnar, þú átt pottþétt eftir að vera mjög góður pabbi:)


Góðar stundir

miðvikudagur, apríl 02, 2008

Ég vil byrja á að óska Bryndísi innilega til hamingju með daginn:

Innilega til hamingju með afmælið Bryndís mín:)

og strax ætla ég að segja ykkur frá svolitlu öðru, Fídel er svolítill furðufugl. Ég veit þið hugsið, hvurnig getur köttur verið fugl? Hann er auðvitað ekki fiðraður og ég býst ekki við að hann geti flogið, en furðulegur er hann. Það er vatn handa honum um alla íbúðina því hann getur ekki drukkið hvað sem er hvar sem er ... á tímabili síðasta vetur neitaði hann að drekka úr öðru en baðherbergisvaskinum sem var smá vesen. Hann er hættur því núna en það kostaði mikinn grát og gnístan tanna að venja hann af því - minna tanna, hann grét bara - og ég veit ekki einu sinni hvernig hann komst upp á lagið með að fá mig til að setja vatn í vaskinn fyrir hann?

Hérna er hann að drekka úr kertastjökum sem ég var einu sinni með inná baði

Svona kertastjakar virka ekki heima hjá mér því veiðihár eru fara að loga áður en sumir fatta að það er kveikt á kertinu ... en ég lofaði að ræða það ekkert við ókunnuga;)

Núna er Fídel sem sagt með glas hjá matnum sínum, annað við eldhúsvaskinn og eitt við baðherbergisvaskinn. Hann drekkur samt bara í baðherberginu og þá helst úr sturtunni. Ég fór í sturtu i morgun og það var svo kalt að ég opnaði bara rifu til að ná í handklæðið. Ég var að þurrka mér inní sturtuklefanum og hef greinilega verið að slóra of mikið því allt í einu kemur hávært mjálm og loppa innum rifun til að opna hurðina betur:) Þegar ég kem úr sundi situr hann á sturtugólfinu og sleikir upp sundlaugavatnsdropana sem falla af bolnum, ef það liggur eitthvað "í bleyti" í vasknum (eins og þegar eitthvað er fast í potti eftir kærulausa eldamennsku) er það vatn miklu, miklu betra en nokkuð sem var að renna í glasið ... ég veit að ég á ekki að gefa kettinum neitt að drekka sem ég myndi ekki vilja drekka sjálf, en hvað ef hann sækir í það sjálfur? má ég búast við kæru frá Kattavinafélaginu fyrir að vera óvinveitt köttum?

... mér til varnar þá hefur Fídel verið svona alla ævi og ég hef alltaf verið að skamma hann fyrir að haga sér svona en það er ekki hægt að skamma óvita fyrir það sem er í genunum. Ég hef líka ákveðnar skoðanir á því hvernig hlutirnir eigi að vera. Mér finnst til dæmis alls ekkert gott að borða heitt og kalt saman, salat og heitt kjöt til dæmis er bara alls ekkert gott! Pabbi minn er líka frekar sérstakur á stundum, en ofsalega elskulegur:) Hann heyrði til dæmis í fréttunum á mánudaginn að maður hefði verið handtekinn og sæti nú í fangageymslum lögreglunnar. Um kvöldið lét pabbi lét mig vita sérstaklega að það væri glæpamaður í vinnunni minni ... jamms, við fangaverðir hittum stundum glæpamenn í vinnunni okkar;)

Pabbi keyrir smartbíl , hann var að spá í að fara í gær og mótmæla hækkandi olíuverði, smartbíllinn er jú díselbíll. Hann hætti hins vegar við að fara, nokkrar ástæður lágu að baki því. Í fyrsta lagi þá nennti hann ekki út í umferðina, auk þess borgar hann ekkert svo mikið í olíu, bíllinn tekur bara 10 lítra og það endist í rúman mánuð, og besta ástæðan að mínu mati var sú að bíllinn hans lítur út eins og björgunarbátur út frá einhverjum jeppanum:)

Góðar stundir

mánudagur, mars 31, 2008

Já, ég hef ekki verið dugleg hérna undanfarið og helgast það aðallega af því að ég hef verið svo upptekin við að undirbúa
1. aprílsgrikkina mína!! :)

alltaf gaman að geta gabbað fólk almennilega og gert það "löglega" :) þetta er skemmtileg hefð, þið getið lesið allt um hana á Wikipedia og ég mæli sérstaklega með listanum yfir gömul göbb fjölmiðlanna:) ég sá aldrei fréttina um spagettí-uppskeruna á Ítalíu en ég sé hana fyrir mér og ég held að þetta gabb sé eitt hið besta í sögunni:)

... hundreds phoned in the following day to question the authenticity of the story, or ask for more information about spaghetti cultivation and how they could grow their own spaghetti trees. The BBC reportedly told them to "place a sprig of spaghetti in a tin of tomato sauce and hope for the best".

ég veit ekki með ykkur, hvort þið verðið fyrir barðinu á mótmælum dagsins eða ekki, en ég held með vörubílstjórunum og er mjög hlynnt og samþykk því að loksins, loksins gera Íslendingar eitthvað "á móti"!

Góðar stundir og andið með nefinu ef þið þurfið að bíða til að komast á milli staða í dag á bílunum ykkar - fólk sem vinnur við að keyra getur það ekki þegar olían er komin í tæpann tvöhundruð kall líterinn, það gengur ekki að borga með akstrinum ef þú ætlar að lifa á honum;)

föstudagur, mars 28, 2008

Svefnverður er orð er það ekki? :)

Góða nótt
Jæja, kominn föstudagur en mér finnst samt vera fimmtudagur því ég er á næturvaktinni ... aftur:) það er farið að birta en ég hlakka óskaplega til að komast heim í bólið, svaf nefnilega bara til hádegis í gær því ég varð að koma svo miklu í verk fyrir fjögur og náði svo bara að leggja mig í tæpan klukkutíma milli sex og sjö í gærkvöldi þannig að ég er nánast ósofin ... ég er mjög góð í að sofna á öðrum tímum en "hefðbundnum" svefntímum þannig að þessar vaktir fara ekkert illa í mig, ég get vakað á hvaða tíma sólarhringsins sem er ef ég fæ svefn á milli:)

við vorum að ræða þetta hér áðan, þegar aldurinn færist yfir breytist sumt fólk úr B fólki í A fólk en allir virðast vera sammála um að svefn er ekki lengur "obtional":) einu sinni gat ég verið vakandi á hvaða tíma sólarhringsins sem er og það skipti bara sæmilega miklu máli að fá einhvern svefn á milli:)

ef þið googlið hufsa er ein skilgreiningin:
1. hufsa; An overly paranoid, hobbit-like creature who easily becomes spellbound by the colour red; noun.

passiði ykkur á að sýna mér ekki neitt rautt krakkar mínir:)

Lifið heil

miðvikudagur, mars 26, 2008

Góðan og blessaðan:)

allir búnir að skila skattaskýrslunni sinni?? :)

ég er búin með mína:) vinkona mín kom í hábít til mín (hábítur er íslenska orðið yfir brunch víst ... veit ekki alveg hvað mér finnst um það ennþá:)) á mánudagsmorguninn og hún reddaði þessu fyrir okkur Gunnar - tók hana bara nokkrar mínútur enda sérfræðingur í svona efnum. Núna er hún ráðin for life því ég hef komist að því að sumt í lífinu er þess virði að borga fyrir, að þurfa ekki að hafa áhyggjur af skattaskýrslunni er eitt þeirra:)

Ég hef aldrei haldið því fram að ég væri sérlega sleip í skandinavísku en ég vona núna að ég sé verri en ég tel mig vera. Ég er að vona að ég hafi misskilið spurningarnar í þessari könnun hér að neðan.




logo
Hvem er du i Mummidalen?

Mitt resultat:
Hufsa
Du er Hufsa! Du er skummel og nesten alle er redd deg. Bakken fryser til is der du går, men egentlig vil du ikke skremme noen du vil bare ikke være alene.
Ta denne quizen på Start.no


Jækks!!! ég er einhvurt skrímli!!


Góðar stundir

sunnudagur, mars 23, 2008

Gleðilega páska (súkkulaði)rúsínurnar mínar:)




Góðar stundir

föstudagur, mars 21, 2008

Föstudagurinn langi - bjartur og fagur sýnist mér útum gluggann, er gluggaveður?

Vinsamlegast segið já því ég kemst ekki út til að tékka á því sjálf:)


Skringilegt nafn á bíómynd, The Long Good Friday, mér finnst frekar þunnt að skíra mynd þessu nafni þó hún gerist um páska:) ... en hún er víst fræg ... en þó að ég viti að hún hafi verið gerð, að menn hafi verið hengdir upp á hvolf í henni og ég þekki Harry Potter þá skil ég ekki þennan brandara? Merkilegt þegar brandarar eru bara ekkert fyndnir, einhverjum hlýtur að finnast þeir það góðir að það er þess virði að teikna þá, lita og setja á netið en ég bara næ þeim ekki alltaf:) skiljanlegt með skrítlur sem tengjast pólitík og atburðum í ákveðnum borgum og samfélögum, eins og Sigmundinn okkar sem þykir eflaust ekki fyndinn nema á Íslandi, en þegar er verið að vísa í bíómyndir/persónur/mat/tæki sem við þekkjum ættum við að minnsta kosti að brosa, er það ekki?

Annars dauðvorkenndi ég Zorró í fyrrakvöld. Hann var heima hjá mömmu og pabba allan tímann sem bróðir minn var úti og eftir hverja einustu máltíð þá tékkaði hann undir borðinu fullur óbilandi bjartsýni um að við hefðum misst eitthvað af diskunum okkar sem hann mætti eiga. Eigandi hans (jú, hún á hann) er nefnilega ekki alveg orðin þriggja og missir stundum niður þegar hún er að borða. Hann er góður vanur heiman frá sér en aldrei nokkurn tímann misstum við neitt niður - nema mamma missti einu sinni pínkulítið brokkólí á gólfið (honum fannst það ekkert gott en át það samt, það er allt hey í harðindum). Eftir kvöldmat á miðvikudaginn var ég að ganga frá eftir matinn hjá mömmu og pabbi. Það var ný tómatsósuflaska á borðinu og þegar ég tók hana upp gerðist kraftaverkið sem Zorró er alltaf að bíða eftir. Ég missti takið á flöskunni þannig að hún rann úr lófanum á mér og þegar ég greip fastar til að missa hana ekki slitnaði flipinn af tappanum, hún datt í gólfið og skoppaði tvisvar áður en hún lenti opin á hliðinni ... það sást ekkert á gólfinu nema nokkrir dropar við hliðina á flöskunni en um leið og ég beygði mig niður og kíkti undir borðið var umhorfs eins og miðlungslitlu dýri hefði verið slátrað án vottunar frá heilbrigðiseftirlitinu. Ég veit ekki hvort okkar hefði verið sáttara við þetta slys, ég yfir að þurfa ekki að þrífa og nudda og þrífa og skúra eða Zorró yfir að loksins, loksins hefði orðið kraftaverk:)

Ég kveð ykkur á Föstudaginn langa með mynd af hundi sem virðist hafa gefist upp fyrir gulu höndinni:)



Góðar stundir

miðvikudagur, mars 19, 2008

Booya!!



Sælir eru þeir sem eiga sýnishorn :)

þriðjudagur, mars 18, 2008

Ég fattaði allt í einu áðan að gærdagurinn var ekkert sérstaklega góður þrátt fyrir að ég hafi haldið það í allan gærdag ... þessi fuglasöngur og bjarti himinn um morguninn villti um fyrir mér þannig að ég gerði mér ekki grein fyrir öllu sem gekk á, á meðan á því gekk:)

Dagurinn byrjaði sumsé ágætlega en vinnan var "fjölbreytt" fram að hádegi. Ég þreif klefa, vel og vandlega og í samræmi við það sem hafði gerst í þeim, ég þreif líka klósettin og smá slys sem hafði orðið á einu þeirra. Ég aðstoðaði mann við að setja á sig belti þó það hafi virst nokkuð vonlaust til að byrja með. Beltið náði nefnilega ekki allan hringinn en allt er hægt þegar viljinn er fyrir hendi og með samstilltu átaki tókst þetta hjá okkur ... og ég kýs að tjá mig ekkert frekar um það.

Það var allt tómt um hádegi þannig að ég þreif alla ganga vel og vandlega og sjálfa mig svolítið í leiðinni. Ég er ekkert sérlega fær í beitingu vatnsslangna þannig að ég endaði fremur vot upp að hnjám en allt glampandi hreint og fínt. Eftir hádegi slóraði ég svolítið. Lét það eftir mér að fara í kaffi með bróður mínum og mágkonu því mér fannst ég hafa verið dugleg við þrifin (mig minnir að ég hafi einhvern tímann varpað þessari spurningu fram hér: hvað gerir fangavörður þegar fangana vantar? núna eftir meiri reynslu í starfinu veit ég að fangaverðir þrífa þegar þá vantar og svo mega þeir fara í kaffi:)). Ég fór semsagt í kaffi og fór svo og hitti lögguhundinn Aron. Ég var að klappa Aroni með annarri hendinni og hélt á kaffibolla í hinni.

Aron gelti.

Ég var sem sagt þurr á bakinu þegar ég fór heim í gær en það stóð stutt. Ég fór á æfingu klukkan sex og það er stundum þema, yfirleitt hendur eða fætur. Í gær var takmarkið hins vegar sviti sýndist mér. Þegar kom að síðustu æfingunum var varla hægt að standa því gólfið var orðið rennandi sleipt af svitableytu. Sætt.

En ég fór snemma að sofa og vaknaði fersk í morgun algerlega ómeðvituð um að dagurinn í gær hafi verið nokkuð annað en góður. Þangað til ég fór að hugsa um hann. Það er greinilega ekkert gott að hugsa um liðna daga;)

Lifið heil og í núinu núna:)

mánudagur, mars 17, 2008

Ég fór í sund í gær eftir vinnu, borðaði svo klikkgóðan kvöldmat hjá Frekjunni minni og sofnaði nánast yfir vídeói. Gærdagurinn var góður dagur:) Daginn áður fór ég í strigaskó-leiðangur en endaði á því að kaupa peysur á frænkur mínar í staðinn, ég fór líka í kaffiboð til einnar vinkonu minnar með aðra vinkonu mína því sú fyrrnefnda vildi fá álit sérfræðings sem seinni vinkonan er - gaman að þessu:) ég passaði líka um kvöldið og á föstudaginn var ég vængkona sigurvegara! Jamms, Frekjan vann keppnina:) ... en ég get ekkert linkað því ég finn ekkert um úrslit keppninnar bara auglýsingar um hana, hér og hér:)

Jamms, klikkgóður er nýtt orð og meðan ég man, býgerð, Berglind mín, er danskt fílófax sem byggist á "busy little bee" hugmyndafræðinni. Verkefnum, stefnumótum og skiladögum er skipað í hólf sambærilegum þeim sem finnast í býflugnabúi, þetta bætir skipulag, eykur afköst, vellíðan, framleiðni og seratónínmagn heilans margfaldast. Fæst í Söstrene Grene.

Þegar ég fór út í morgun söng einn fugl nokkrar nótur og það var farið að birta þó klukkan væri ekki nema um hálfsjö. Vorið er að koma krakkar mínir og núna verður bíllinn þveginn hvort sem honum líkar betur eða verr. Það hefur reyndar staðið til aðeins of lengi og ég hef ekkert mér til málsbóta annað en að ég hef látið aðra hluti ganga fyrir. Mér þykir samt óskaplega vænt um Ara litla :)

Hérna er maður sem hefur sett allar Moggagreinarnar um strand Synetu á síðuna sína, alltaf gaman að svoleiðis framtakssemi:)

Góðar stundir

laugardagur, mars 15, 2008

Við lásum þetta ljóð í menntaskóla hjá Steinunni enskukennara ... hét hún ekki örugglega Steinunn? Ég man það ennþá (og við þurftum ekki einu sinni að læra það utanað) þannig að það hlýtur að teljast til uppáhaldsljóða er það ekki?

THE SECOND COMING


Turning and turning in the widening gyre
The falcon cannot hear the falconer;
Things fall apart; the centre cannot hold;
Mere anarchy is loosed upon the world,
The blood-dimmed tide is loosed, and everywhere
The ceremony of innocence is drowned;
The best lack all conviction, while the worst
Are full of passionate intensity.

Surely some revelation is at hand;
Surely the Second Coming is at hand.
The Second Coming! Hardly are those words out
When a vast image out of Spiritus Mundi
Troubles my sight: a waste of desert sand;
A shape with lion body and the head of a man,
A gaze blank and pitiless as the sun,
Is moving its slow thighs, while all about it
Wind shadows of the indignant desert birds.
The darkness drops again but now I know
That twenty centuries of stony sleep
Were vexed to nightmare by a rocking cradle,
And what rough beast, its hour come round at last,
Slouches towards Bethlehem to be born?


William Butler Yeats (1865-1939)

Góðar stundir

föstudagur, mars 14, 2008



Ég ætla að hætta að kaupa salat til að hafa í salöt - ég verð alltaf fyrir vonbrigðum og mér finnst það heldur ekkert gott. Það besta við salat er paprikan og gúrkan, ólífur, vínber og allt sem er ekki salat-salat, ég ætla héreftir að setja meira af salatmeðlætinu og sleppa salatinu sjálfu.

Þá er það ákveðið.

þriðjudagur, mars 11, 2008

Úúúúúúú 7of9 er lögga í einhverjum þáttum á Stöð 2, þeir heita Shark samkvæmt textavarpinu ... ég er í vinnunni þannig að ég missti af öllum þættinum, en ég geri ráð fyrir að þeir séu ágætir fyrst Geri Ryan og James Woods eru í aðalhlutverki:)



Á morgun fer ég að hlusta á sögur - oh hvað ég hlakka til:) það verður líka ljúft að vera í fríi þó dagurinn sé þéttskipaður af verkefnum og stefnumótum, þau verða að minnsta kosti öll á mínum vegum og eftir mínu höfði:)

Lifið heil

mánudagur, mars 10, 2008

Jújú, ég er alltaf að læra eitthvað nýtt - núna áðan var ég til dæmis að fá sendar skýringamyndir af táknmáli sérsveitarmanna. Ég er sko alveg í rétta starfinu til að fá svoleiðis upplýsingar og mig langar til að deila þessu táknmáli með ykkur - þó ég megi það ef til vill ekki vegna trúnaðar-hvað-sem-það-nú-heitir-loforðsins sem ég skrifaði undir. Það kemur í ljós:



... kannski fæ ég bara áminningu? ;)


Takk fyrir lestur og söng

sunnudagur, mars 09, 2008

Vitið þið eitthvað um Túrkmenistan? Stundum langar mig til að vera einræðisherra eins og Saparmurat Niyazov en ég held ég þurfi ögn meira egó til að komast upp með það ... vera sannfærandi ef þið skiljið mig? ég er til dæmis ekki með nægilega stórt egó til að láta alla lækna landsins sverja mér eið í staðinn fyrir að sverja Hippókratesareiðinn:)

In November 2005 physicians were ordered to swear an oath to the President, replacing the Hippocratic Oath.- sjáið allt sem hann lögfesti fyrir miðri síðu undir Presidential decrees.

svo er ég heldur ekki haldin nægilega miklum ranghugmyndum um umhverfið mitt til að segja hluti eins og:

I admit it, there are too many portraits, pictures and monuments. I don't find any pleasure in it, but the people demand it because of their mentality.

annars er ég farin að vera frekar hrifin af "ranghugmyndum um eigið umhverfi" þegar þær birtast hjá öðrum, aðallega vegna þess að útgáfurnar koma mér endalaust á óvart og staðfesta fyrir mér hin ægilega fjölbreytileika mannsandans:)



Lifið heil

föstudagur, mars 07, 2008

Föstudagskvöld í Borg óttans og ég er á kvöld-næturvakt - hér mun vera stuð:)

Vikan fór öll í vinnu, frídagarnir fóru í vinnu á öðrum stað vegna veikinda þar þannig að ný vaktatörn byrjaði í gær án frídags ... væri alveg í lagi ef ég hefði ekki ætlað mér annað með frítímann þessa vikuna en svo gabbaðist ég í þessa vitleysu alla. Ég kann alveg að segja nei, ég segi það bara aldrei á réttum tíma og yfirleitt ekki við rétta fólkið heldur;)

nei, nei, nei, nei, nei ... ertu viss? ha? nei ... og þá er ég búin að skjóta mig í fótinn:)

annars er margt skemmtilegt á döfinni á næstunni, ég verð að vinna alla þessa helgi en bróðir minn kemur heim í lok næstu viku, á föstudaginn mun ég vera vængkona og fer út að borða á laugardaginn, helgina eftir það eru páskarnir og þá mun vera spilað líka:) svo er sumarbústaðaferð og þannig líka í býgerð þannig að ég er spennt yfir komandi félagslífi - ég verð bara að vera duglegri í eiginlífinu til að geta notið alls þessa held ég barasta, gengur ekki að vera með samviskubit allan liðlangan daginn er það nokkuð?;)

Góðar stundir

mánudagur, mars 03, 2008

Ég hef áhyggjur þessa dagana af húmornum mínum, hann er að breytast.

Ég hef líka áhyggjur af því að skoðanir mínar séu að breytast ... að sumu leyti.

Sumt er ekki að breytast samt, ég er enn hrifin af skemmtilegum sjónvarpsþáttum. Núna var einn nýr að bætast í hóp útvalins efnis sem höfðar til míns fínstillta og fágaða smekks ... við verðum öll að hafa álit á okkur sjálfum því ef við höfum það ekki, hver hefur það þá?

Eruð þið að fylgjast með Life?




Góðar stundir

föstudagur, febrúar 29, 2008

Þetta er ekki Íþróttafélag lögreglumann sem er að leita að tækjum, en það félag er samt til og lifir á styrkjum og flöskusöfnun eins og önnur íþróttafélög:) þetta er annar vinnustaður sem er að koma sér upp æfingaraðstöðunni og endilega látið mig vita ef þið viljið losna við tæki sem taka pláss hjá ykkur! :)

Talandi um tæki sem taka pláss. Mér finnst að það ætti að sekta fólk sem leggur í tvö stæði. Það hlýtur að falla undir lög um tillitsemi við náungann að leggja í eitt stæði, sérstaklega í þeim hverfum þar sem stæðin eru færri en bílarnir.

Mér finnst "stöðug" tónlist leiðinleg. Nei, ég get ekki nefnt dæmi máli mínu til stuðnings því ég ef ekki þolinmæði í tónlist sem "nuðar" í eyrunum á manni. Frekjan vinkona mín getur sagt ykkur hvað ég á við, hún neyðist stundum til að skipta um lag þegar við erum að hlusta á tónlist saman.

En ég er alveg sammála henni varðandi sumt, mér finnst til dæmis asnalegt að vinna afslátt af dóti sem ég ætlaði mér aldrei að kaupa.

og hrikalega er þetta sæt mynd!


Alveg eins og Fídel ef hann væri albínói ... og nennti að baka:)

Góðar stundir

miðvikudagur, febrúar 27, 2008

Sæl og blessuð:)

núna er ég rétt að slefa í viku síðan síðasta blogg en ég næ að blogga innan vikunnar með þessari færslu:) planið er nefnilega núna að láta aldrei meira en viku líða;)

ég vil byrja á að þakka kærlega fyrir öll kommentin sem síðasta færsla fékk og gaman að heyra að ykkur fannst hún skemmtileg, það er að sjálfsögðu tilgangurinn með sögunum mínum úr eiginlífinu:)

Það mætti enginn með kaðal á þorrablótið en það var ofsalega gaman þrátt fyrir að allir hafi notað lyftuna upp og niður á þriðju hæðina - þar sem partýið var haldið. Skordýraeitrið var "til vonar og vara" ef óværan skyldi láta á sér kræla aftur, mér skildist sem hún hafi fylgt kettinum því ástandið var ólíkt betra í rúminu eftir að honum var fargað. Kattaflær kannski? ... ég spurði manninn ekki út í það og hann fór heldur ekki frekar í þá sálma, blessunarlega ... og hann hefði eflaust boðið mér á deit eða til að skoða bitin ... eða staðinn þar sem kötturinn var farinn að fela sig kannski? ef hann hefði ekki séð hárið á mér koma undan húfunni? ég held nefnilega að það hafi bjargað mér - ekki viss samt þannig að ég mun halda áfram að greiða mér og geyma húfuna á höfðinu á almannafæri í framtíðinni:)

hafið þið einhvern tímann keypt bumbubana eða lóð eða þrekhjól eða hlaupabretti eða einhvers konar líkamsræktartæki sem tekur pláss í geymslunni ykkar og ykkur langar til að losna við? ég þekki nefnilega hóp manna sem eru að koma sér upp smá æfingaraðstöðu í vinnunni sinni en vantar svona tæki og dót til að gera þetta flottara:) ... óskast helst gefins en þeir eru líka tilbúnir að borga fyrir þetta og væru jafnvel tilkippilegir til að "geyma" dótið þannig að ef þið viljið skammtímavistun fyrir einhvers konar líkamsræktardót, til að fá pláss í geymslunni eða gestaherberginu, þá endilega hafa samband:)

Góðar stundir

miðvikudagur, febrúar 20, 2008

Jú, varðandi 23. febrúar ... honum hefur verið seinkað:)

Ekki deginum sjálfum, ég geri ráð fyrir að hann renni upp bjartur og fagur á milli 22. og 24. febrúar, en ég er upptekin núna 23. febrúar - það er þorrablót í vinnunni og skipulagningin á hinu var ekki komin sérstaklega langt ... en það kemur önnur helgi eftir þessa og ég skal láta ykkur vita með jafnmiklum fyrirvara að taka daginn frá:)

dagurinn í gær var afskaplega góður allan daginn nema í svona tvo tíma inná milli þar sem mér tókst að:
skrækja eins og smástelpa
blóðga hundinn - að vísu var það annar hundur sem sá um það að gera sárið og ég gekk á milli eins og hetja til að stöðva slaginn en ég var með hundinn í göngutúr og bar þar af leiðandi ábyrgð á að hann kæmi óskaddaður heim. Hann er í sjálfu sér alveg óskaddaður því þetta var bara smá sár á augabrúninni en samt, það kom blóð á minni vakt:(
kaupa vitleysu í búðinni - ég á ekki að versla. Ég kann ekki að versla og þrátt fyrir að hafa stundað verslunarferðir í mörg ár er ég ekki enn búin að ná tökum á þessu og er jafnvel að hugsa um að sleppa því framvegis að fara út í búð. Fyrir utan hvað kerrurnar í ónefndnri búð eru asnalega stórar (nei, það eru ekki til körfur í þessari verslun) þá eru þær alltof gagnsæjar þannig að það sést greinilega hvað ég er að kaupa. Í gær var kerran sérlega vandræðaleg. Kisusandur, mýs fyrir kisur (ég hef sagt það áður, þrátt fyrir að vera ekki sérlega mikil kattarkona þá er ég hættulega nálægt því að vera skilgreind sem crazy-cat-lady), gæludýraharðfiskur, klósettpappír 12-í pakka (alltof mikið fyrir mig og endist endalaust en ég hata að kaupa klósettpappír og geri það eins sjaldan og ég mögulega get), ein frosin Ömmupizza og tyggjópakki (því ég hafði farið á kassann áður en ég mundi eftir því að mig vantaði stíflueyði) ... sorgleg, sorgleg innkaupakarfa ...
sýna almenningi þúfnahöfuð eins og ekki hefur sést áður meðal manna - hárið á mér verður eins og þúfa við minnsta hnjask ef það er á einhvern hátt "hamlað", eins og til dæmis með teygju eða spennu eða þvíumlíkum tækjum. Með orðinu hnjask á ég við flestar hreyfiathafnir eins og til dæmis að anda.
Hnjask gærdagsins var sumsé teygja í taglinu, tvær spennur, húfa ofaná allt saman, göngutúr með hundinn, hundaslagsmál og hundaþurrkun með handklæði og nokkur hundaknús, í búðinni klæjaði mig líka aðeins fyrir ofan eyrað og ég klóraði mér í gegnum þykku flíshúfuna sem ég bar á höfðinu ... ég sá mig ekki í spegli þegar ég álpaðist til að lyfta húfunni af mér en miðað við allt sem gekk á áður en mér varð skyndilega heitt á höfðinu (þegar ég varð fyrir næsta atriði) og tók af mér húfuna get ég rétt ímyndað mér hvernig ég leit út. Eftirá að hyggja hefur þessi húfuaftaka ekki verið alslæm (sjá atriði á eftir því næsta til að lesa um hið slæma sem hún hafði í för með sér) því kannski væri ég enn að hlusta á manninn?
fengið að heyra sögu bláókunnugs manns - ekki kúnna úr vinnunni heldur manns sem var að versla í sama stórmarkaði og ég. Sagan innihélt að minnsta kosti tvö dauðsföll (eða nokkur þúsund ef skordýr teljast með), eiginkonan sem dó úr krabbameini í haust og kötturinn sem var fargað í síðustu viku vegna óværu á heimilinu undanfarna mánuði ... afhverju fæ ég svona oft að heyra ævisögur ókunnugra? Ef þú værir í sakleysi þínu að leita að stíflueyði og svo færi maðurinn við hliðina allt í einu að ræða skordýraeitur og endaði á því að fallega fjórlita læðan hans var svæfð (eða fargað eins og hann orðaði það), hvað myndirðu gera? Ef fólk talar svona við ókunnuga í stórmarkaði getur vel verið að enginn sé til staðar til að hlusta þannig að auðvitað hlustaði ég, ég er með tvö eyru. En mér varð heitt á höfðinu. Ég lyfti af mér húfunni og ...
dauðskammaðist mín í 100asta skiptið á ævinni frammi fyrir sama manninum - þetta er merkileg staðreynd en flestir gera sig að fífli fyrir framan sama einstaklingunum. Einn vinur minn til dæmis var mjög fínn strákur en ef hann var að gera eitthvað heimskulegt var eiginlega hægt að bóka það að pabbi kæmi að honum. Ég er búin að þekkja einn strák síðan ég var krakki og það er eiginlega hægt að gera ráð fyrir því að ég hitti hann aldrei nema ég sé að gera einhverja gloríu eða segja eitthvað fáránlegt ... ég roðna bara til tilhugsunina um allt sem hann hefur orðið vitni af í fari mínu um ævina:) ég tók sem sagt húfuna af mér, lít upp og sé hann koma inn ganginn, brosandi við hlið kærustunnar (sem er módel by the way), með fulla kerru af heimilslegum vörum, ég brosi á móti og finn hvernig hárið á mér stendur upp og niður í skrúfum og úfi, eldroðna, skelli húfunni aftur á höfuðið á mér, lít niður í crazy-cat-lady-kerruna mína og í því sem hann gengur framhjá segir ekkillinn með dauða köttinn:

... og ég er allur rauður og stífur eftir svefnlausar nætur ...

og þegar æskuvinur minn er farinn framhjá bætir hann við

... þess vegna er ég að leita að almennilegu skordýraeitri.


Takk fyrir lestur og söng, amen.

þriðjudagur, febrúar 19, 2008

Ég steingleymdi auðvitað að taka vítamín í gær þegar ég kom heim og vaknaði aftur í nótt svo stífluð að ég náði ekki andanum ... ef þetta er ofnæmi fyrir hverju í ósköpunum ætti það að vera? 8 tíma straight svefni? þetta er merkilegt ástand en ég hef ekki áhyggjur af því:)

fyrsta ástæðan fyrir því að ég hef ekki áhyggur er sú að það er að koma sumar:) jú, göturnar eru auðar og snjórinn allur farinn (þangað til næst, ég veit það en ég lifi í núinu, krakkar mínir, munið eftir andartakinu!) og það er fluga heima hjá mér! Hún barasta flaug inn um svalahurðina á laugardaginn og hefur ekki farið út aftur:) Fídel hefur að vísu ekki litið við henni en það hafa gestir séð hana og heyrt í henni þannig að ég veit að hún er til og ekki bara óskhyggja hjá mér ... sem væri fáránlegt, ef ég væri að óska eftir skilaboðum um að sumarið væri komið þá færi ég (vonandi!!) að sjá grænt í öllum grasflötum - ekki feita húsflugu í gluggakistunni:)

önnur ástæðan fyrir áhyggjuleysinu er auðvitað að ég næ alveg alltaf andanum og það er bara smá óþægilegt að vakna svona ekkert meira en það. Ég er meira að segja farin að vona að þetta verið nýja leiðin sem ég fæ kvef, bara í svona hálftíma á nóttunni og lífið gengur sinn vanagang hina 23 og hálfan tíma:)

Góðar stundir og njótið augnabliksins