laugardagur, desember 31, 2005

Your results:
You are Spider-Man
Spider-Man
90%
Superman
85%
Robin
77%
Green Lantern
65%
Batman
65%
Catwoman
65%
Iron Man
60%
Supergirl
55%
The Flash
55%
Hulk
55%
Wonder Woman
45%
You are intelligent, witty,
a bit geeky and have great
power and responsibility.
Click here to take the Superhero Personality Test


ég er 90% Spiderman ... enda vaknaði ég í morgun við að detta fram úr rúminu alveg eins og Spiderman gerði eftir að hann var bitinn af kóngulónni ... eða vaknaði hann á gólfinu? Man það ekki alveg en hann var á gólfinu og sá skýrt, alveg nákvæmlega eins og ég!!! ég var á gólfinu og sá skýrt!! en ... ég var ekki bitin af kónguló í gær heldur fór ég í leikhús, fallið úr rúminu var ekki sérlega tignarlegt heldur meira "ó ... djö ... nei ... dunk ... ái!!" og ástæðan fyrir því að ég sá skýrt var sú að ég var með gleraugun á nefinu, afhverju var ég sofandi með gleraugun? ... hver veit?

við fórum í leikhús í gær, á Woyzeck sem var valin ein af 9 bestu sýningum ársins í London samkvæmt Time Out - mig langaði til að fara því Nick Cave og Warren Ellis sömdu tónlistina og hún var frábær:) og svo var rosalega mikið vatn á sviðinu:) svona renna sem fólk gat synt í og ég er að hugsa um að fá mér svoleiðis! ... eða gat í gólfið sem ég get hoppað niður í eða brunasúlu til að renna mér niður af svölunum kannski frekar:) ... ég er ekki nægilega vel að mér í leikhúsfræðum til að segja neitt upplýst um verkið sjálft að vatninu og tónlistinni undanskilinni ... það var fyndið:) Ólafur Darri söng Nick Cave lög í Elvis-galla, það voru smá loftfimleikar og karlakórinn var geðveikt flottur:) en orðin? "það sjá allir ef þeir hafa tvö augu og ef það er sólskin og ef þeir eru ekki blindir" ... well, duh! mér fannst orðin ekki passa:) ... eins og það væri að reyna of mikið að sýna kafkaeska angst þrátt fyrir grasið og blómin ... ég veit alveg að grasið og blómin eiga ábyggilega að vera andstæðan við verksmiðjufílinginn sem hinn hluti sviðsmyndarinnar sýndi en ... dýpri merkingin var of djúp fyrir mig, eða ekki of djúp? eða ég er ekki nægilega djúp og horfi of mikið á bíómyndir en tónlistin var góð og vatnið sniðugt:) "leikhúsfólk" fílar þessa sýningu ábyggilega í ræmur:)

Ég er búin að setja fyrir alla glugga heima hjá mér fyrir kvöldið, svo Fídel lifi önnur áramót af án þess að verða alveg sköllóttur og ég er að hugsa um að setja Star Trek þætti á rípít á tölvuna (alla Borg-þættina og timetravel-þættina því það er svo mikill hávaði í þeim) og System of A Down á rípít í græjurnar, spila bæði á hæsta þannig að hann heyri ekki heldur í sprengjunum ... en miðað við hamaganginn á Skólavörðuholtinu undanfarin ár þá efast ég um að þessar varnir verði nægar frekar en fyrri ár ... aumingja gæludýrin okkar:) Zorró hans Gunnars trompaðist um daginn þegar flugeldasýningin var í Perlunni og ætlaði "í 'ana" ... Gunnar verður heima með honum í kvöld en mig grunar að á næsta ári verði þeir í sumarbústað, það verður ekkert grín að halda 40+ kg hundi rólegum þegar fer að nálgast miðnættið:)

vonandi fara áramótin vel fram hjá ykkur öllum og hafið það sem allra, allra best og megi öll ykkar áramótaheit standast - ég er 100% á því að það strengi allir áramótaheit meðvitað eða ómeðvitað, opinberlega eða með sjálfum sér, það vilja allir breyta einhverju eða bæta eitthvað hjá sjálfum sér:)

Lifið heil

fimmtudagur, desember 29, 2005

Gleðilega hátíð öll!!

ég vil nota tækifærið og þakka öllum sem sendu mér jólakort kærlega fyrir kortin!! Ég er alltaf svo ánægð með að fá kort á jólunum en sendi aldrei nein sjálf ... ég ætlaði að gera það núna því engin eru jólaprófin en því miður var ég ekki í neinu ástandi til að skrifa þau á jólakortatímanum ... ég er að hugsa um að skrifa kortin í ágúst á næsta ári til að vera viss um að koma þeim öllum út:)

vona að þið hafið öll haft það gott um jólin og ég vona að þið farið varlega með eld og skemmtanir á laugardaginn og ég vona svo sannarlega að það fari allir út í kraftgalla og ullarnærfötum til að horfa á flugeldana til að koma í veg fyrir að verða lasnir ... það er þvílíkt leiðinlegt að vera lasin:( ég tala af reynslu því miður ...

ég er samt búin að lesa smá og horfa á slatta af bíómyndum sem ég hef ætlað að sjá lengi en hef ekki séð, The Village til dæmis og Bourne myndirnar (Identity og Supremacy) ... jamms, líf mitt er hrikalega spennandi:) annars var ég að taka nokkur próf á netinu, það er alltaf gaman en þau eru mismunandi nákvæm auðvitað:)







Your darkest secret is:
You actually couldn't find Waldo



Take this quiz at QuizGalaxy.com






Take this quiz at QuizGalaxy.com



How Guðrún should improve for 2006:


QuizGalaxy.com!


Pretend you have a voice in your head so people are afraid of you


Take this quiz at QuizGalaxy.com


Lifið heil og takið vítamín:)

þriðjudagur, desember 20, 2005

Ég er búin að vera að lesa nokkur blogg í morgun um Miss World keppnina meðal annars ... ég er ekki sérlega hlynnt svona keppnum sjálf en auðvitað getur það verið vegna þess að ég hef aldrei komið nálægt fegurðarsamkeppnum í nokkurri mynd, blessaður Fídel hefur ekki einu sinni farið á kattarsýningu, hvorki sem keppandi né áhorfandi:)

Ef ég væri tengdari fegurðarsamkeppnum væri mín milda óbeit ef til vill ekki til staðar? Ég spila til dæmis ekki golf og skil ekki hvernig fólk nennir að eyða heilum og hálfum dögum á vellinum í leit að lítilli kúlu til þess eins að lemja hana aftur með kylfu og hefja leitina að nýju, ég stunda ekki ísklifur og á bágt með að skilja sport sem er ískalt og lífshættulegt, þar sem íþróttamaðurinn veit að ef hann klifrar ekki alveg 100% rétt getur hann lent í sjálfheldu og/eða gríðarlegum vandræðum ... ég er ekki í pólitík og ég sé sjálfa mig ekki fyrir mér á mannamóti við að verja einhvern frambjóðandann með kjafti og klóm því hann er "frambjóðandinn minn!!". En fólk sem er pólitískt veit, sumt, fátt betra.
Ef þú eyðir miklum tíma og orku í eitthvað áhugamál, ef þínar frístundir fara að mestum hluta til í einhvers konar "sport" (saman hvaða nafni þú kýst að nefna það, golf, ísklifur, pólitík, útlit og líkami) verður það óumflýjanlega hluti af þér. Útlit og líkami er auðvitað hluti af þér fræðilega séð en mjög margir nútímamenn eru eins og Hr. Duffyinn hans James Joyce í The Dubliners: "Mr. Duffy lived a short distance from his body" - ekki illa meint en taka ekki flestir panodil við höfuðverk í stað þess að forðast það sem olli höfuðverknum? En þetta er útúrdúr. Þegar einhver skammast eða lítur niður á það sem þú gerir tekurðu því persónulega því það er verið að dissa þig beint.

Rökrétt allt saman, ef þú ert í fegurðarsamkeppni geturðu talað fallega um fegurðarsamkeppnir, ef þú ert í golfi geturðu talað fallega um golf, ef þú ert í eða hefur verið í fegurðarsamkeppni hefurðu eytt nánast öllum þínum frítíma einhvern hluta ævinnar í að undirbúa þig fyrir keppni þannig að ef einhver vogar sér að segja "fegurðarsamkeppnir eru fyrir heimsk bimbó" tekurðu því persónulega og svarar því líklega til að sá sem það segi sé sjálf/ur heimskt bimbó (jamms, karlmenn geta líka verið bimbó) sem er rétt því mælandinn hefur væntanlega aldrei tekið þátt og hefur engar raunverulega forsendur til að dæma alla keppendur heimsk bimbó og keppnina fáránlega - það myndi enginn æfa stöðugt og einbeita sér í 6 mánuði að brosi, göngu, "persónulegu viðhaldi", líkamsrækt etc. án þess að geta sagt eitthvað fallegt um þetta tímabil ... að því gefnu auðvitað að umræddur keppandi komi tiltölulega heill frá keppni?

Ég las pistilinn eftir Gillz á kallarnir.is, hann hefur óverdósað á vítamíni að mínu mati, orðinn of "healthy", reichkinder eiginlega ... alls ekkert að því en ef við myndum festast í lyftu myndum við eiga það eitt sameiginlegt og þyftum líklega að kveikja eld til að hafa eitthvað til að tala um ... 162 komment á færslunni hjá honum,bæði með og á móti, sum kommentin eru slatta fyndin, :

"ég verð nu bara að segja að þetta er hreynasta snild :´D ég þoli þessa helvítis rauðsokka ekki .. ég er nu samt stelpa og á víst að vera sammála en ég meina okei vill þetta fólk frekar að það sé keft um feitasta og ljotasta manneskja í heimi eða ? =/
Inga ! | 17.12.05 - 9:36 pm | #
"

en þetta komment er samt umhugsunarvert ... það er keppt um innri fegurð í Miss World, þessi "innri fegurð" sem JúBí ("My name is Unnur Birna but you can call me JúBí") var að tala um að væri dæmt eftir, afhverju þarftu að vera í sundbol til að sýna hana? Hvernig fólk ber sig, hagar sér og er innan um aðra er allt "mælanlegt" án þess að sundbolir komi við sögu er það ekki? Hefði JúBí ekki verið alveg jafngóð Miss World án þess að koma fram á sundbol? Hvar verður hún að safna peningum á sundbol einum fata? En það er ekki bara sundbolurinn sem pirrar mig við Miss World heldur líka keppnin sjálf:) Hún snýst um að velja árlega fallegustu stelpuna til að safna peningum til góðgerðamála, Beauty for a Purpose er slagorð keppninnar en hvað kostar að halda hana? Væri ekki betra að halda aðeins minni keppni og nota peningana sem fara í húllumhæið til góðgerðamála? Afhverju "Beauty for a Purpose"? Afhverju ekki "Jojo for a Purpose" og jójóarar ferðast um heiminn til að safna til góðgerðamála, það kunna auðvitað allir að meta fegurð en ég held að á heildina litið kunni fleiri að meta góða jójóara en sæta stelpu sem kemur vel fyrir, þó hún komi vel fyrir á sundbol einum fata ... ég hef aldrei skilið fegurðarsamkeppnir ég viðurkenni það, ég hef heldur aldrei skilið golfmót og framboðstilfæringar en eru nægilega margir í heiminum tilbúnir til að láta pening í staðinn fyrir að sjá eða hitta Miss World? Borgar þessi keppni sig? Er hún aðallega sjónvarpsefni? Lifir keppnin á auglýsingunum sem hún framkallar? Stæði hún undir sér án þess að vera risavaxið húllumhæ? Afhverju sætasta stelpan í sundbol? Afhverju ekki sterkasta stelpan? Síðhærðasta stelpan? Stelpan með lengstu neglurnar? Sem allar koma vel fyrir, gáfaðar stelpur, klárar, góðar í samskiptum, skemmtilegar, allt sem Miss World leitar að en með eitthvað annað til brunns að bera en að líta vel út í sundbol ... golf, ísklifur, jójó, pólitík ... til að verða góð/ur í þessu verður fólk að æfa sig, hafa einhvern hæfileika, einbeitingu, innri styrk, þrautseigju ... til að komast á ólympíuleikana eða á þing þarf að æfa sig og þjálfa í mörg, mörg, mörg ár ... ætli ég sé á móti fegurðarsamkeppnum því það er ekki hægt að æfa sig í að vera sæt/ur? Það geta ekki allir verið með sama hvað þeir æfa sig mikið?

mánudagur, desember 19, 2005

Góðan og blessaðan allir saman

ég er búin að vera fáránlega mikið veik undanfarið, mæli engan veginn með því að hálskirtlalaust fólk verði sér út um streftókokkasýkingu því þá eiga streftókokkarnir það til að hreiðra um sig í eitlunum og slímhúðinni:( allt annað en yndislegt verð ég að segja en núna er ég nokkurn vegin alveg komin til meðvitundar þó mig svíði í augun eftir að hafa verið vakandi í nokkra klukkutíma í einu og verð að leggja mig:) samt gott að ég er lasin núna því ég er ekki í prófum, ég verð ekki lasin um jólin (7, 9, 13) því ég er á voðalega sterkum lyfjum sem virka bara fínt á allt nema magann:) og svo kom það mér merkilega á óvart að ég kemst í kjólinn fyrir jólin þó ég hafi ekki beint stefnt að því nema í djóki:)

lifið heil og verðið aldrei lasin í líffærum sem er búið að fjarlægja

miðvikudagur, desember 07, 2005



ég hef rosalega gaman að lesa veggjakrot:) þessi mynd tók Einar á Kárahnjúkum um daginn, einhver hefur greinilega vaknað of oft við að hurðinni væri skellt:)

Góðar stundir

þriðjudagur, desember 06, 2005

Ég er að reyna að brenna diska því mér tókst að fylla tölvuna mína:) ... innst inni hélt ég að það væri ekki hægt en mér tókst það nú samt ... og ég kann ekki að brenna diska af einhverjum ástæðum, ég er búin að missa töluna á því hvað ég hef búið til marga diska sem ekki var hægt að spila á nokkru einasta apparati og enduðu sem folfar:)

á morgun er ég að fara að jólaföndrast eftir vinnu með fólki úr vinnunni ... ef ég næ að klára allt hitt sem ég verð að gera á morgun og skiptir líka máli ... þannig að ég er að hugsa um að fara að sofa bráðum, jamms, alveg rétt strax:)

ég var að æfa mig í að búa til fasta fléttu í sjálfa mig áðan, gekk ágætlega held ég barasta ... lítur vel út að framan að minnsta kosti, hef ekki hugmynd um hvernig þetta er að aftan en hún helst uppi þannig að samkvæmt skilgreiningu er hún föst flétta - flétta er afstæð, það eru til brauðfléttur og fléttulistar í pólitík og blómfléttur og flétta í bókmenntum og flétta eitthvað saman eins og nám og vinnu ... afstæð, eins og ég segi, og ef það sem ég er með á höfðinu helst uppi er auðveldlega hægt að kalla það "fasta fléttu" er það ekki? kettirnir hjálpuðu mér auðvitað eins og með allt annað, hvað myndi ég gera án þeirra hjálpar? Fídel rændi teygjunni og lenti í rosalegum slagsmálum við hana undir eldhúsborðinu, hann var að vera viss um að hún væri almennilega dauð þegar ég setti hana í hárið á mér, Fídel er varðköttur:) Seifur náði greiðunni upp eftir nokkrar tilraunir og faldi hana undir mottu, hann var að bæta liðsmanni í einkaher sinn - allt sem er ekki skrúfað fast fær inngöngu, Seifur er stríðsköttur:) ... þeir eru samt greinilega innikettir, Fídel ræðst á skugga, ég hef aldrei hitt hættulegan skugga og Seifur hættir aldrei að reyna að fela vatnið úr vatnsdallinum undir mottunni með einkahernum, vatn er mjög lélegur hermaður nema gegn parketi auðvitað ... kannski eru þeir ekki svo heimskir?

Lifið heil

mánudagur, desember 05, 2005

Góðan og blessaðan:)

kominn 5. desember ... frekar langt síðan ég hef bloggað en mér til varnar þá hef ég verið að gera margt annað skemmtilegt:) það eina sem ég hef gert undanfarið sem var ekki sérlega skemmtilegt var að vera veik í síðustu viku, það var ekkert gaman:( samt merkilega hress orðin, stelpurnar sem ég er að vinna með hafa tvær verið lasnar í margar vikur, með kvef og hálsbólgu sem virðist aldrei ætla að fara þannig að þær mæta í vinnuna á hverjum degi en eru hrikalega slappar, það er verra en það sem ég fékk! miklu, miklu verra!! ég fékk bara einhvers konar ógleðis-, hita- og beinverkja flensu með smá hálsbólgu í lokin sem var eins og ótengd öllu saman:) frekar erfitt að lýsa því en hálsbólgan kom bara svona bæ ðe vei ekki svona OG hálsbólga:)

ég hef verið að misnota ftp-server hjá vini mínum undanfarið líka, þakka þér, þakka þér:) og er búin að horfa á Leon, Hannibal, Manhunter, Green Street Hooligans, What the Bleep Do We Know?, Silence of the Lambs og fleiri myndir bíða sem ég á eftir að horfa á en eru komnar í tölvuna, Red Dragon, Requiem For a Dream og ... man ekki alveg en ég hef verið ofsalega dugleg að ýta á Download undanfarið:)

mamma kom heim á föstudaginn og hún kom með sól handa mér:) risastórt strandhandklæði með risastórri sól:) handklæðið er himinblátt með skærgulri sól og næstum því jafnstórt og ég, á hæðina, ekki breiddina, það er miklu breiðara en ég;) verð að fara að koma mér á strönd við Miðjarðarhafið til að nota það eftir að ég hef fengið mér sundsprett:)

Lifið heil

fimmtudagur, nóvember 24, 2005

Mágur minn hann Ási er alltaf að senda mér sniðuga tölvupósta:) ég var að fá eitt frá honum sem mér finnst mjög fyndið þannig að ég læt það flakka hingað í staðinn fyrir að senda það á alla því ég næ aldrei að senda á ALLA;) ... sumt hafið þið eflaust séð áður en ekki allt:)

Af hverju ætli maður þurfi alltaf að gá hvort veggur sé nýmálaður, þegar maður sér viðvörun um það?
Af hverju er Alcoholics Anonymus (AA) (ísl. "Ónafngreindir Alkoholistar" nefndir svo, þegar það fyrsta sem þeir gera á fundum er að standa upp og segja eitthvað á þessa leið: "Ég heiti Halldór og ég er alkoholisti"?
Skyldi "franskur koss" bara kallast "koss" í Frakklandi?
Hver ætli hafi verið sá fyrsti sem horfði á kú og sagði: "Ég held ég kreisti þetta dinglumdangl neðan á henni og drekki það sem út kemur"?
Af hverju límist ekki límtúpan saman?
Af hverju sér maður aldrei fyrirsögnina: "Skyggn manneskja vinnur í lottó"?
Af hverju er orðið "skammstöfun" svona langt orð?
Af hverju er hnefaleikahringurinn ferhyrndur?
Af hverju er appelsínusafi framleiddur úr gerviefnum og uppþvottalögur búinn til úr ekta sítrónum?
Af hverju er það kallað "rush-hour" einmitt þegar umferðin gengur sem hægast?
Af hverju er orðið orðabók í orðabókum?
Af hverju er ekki til kattamatur með músabragði?
Af hverju eru flugvélar ekki framleiddar úr sama efni og "svarti kassinn" sem er óbrjótandi og erfitt að eyðileggja?
Af hverju eru allar brauðristar með stillingu sem brenna brauðsneiðar í kolamola sem enginn vill borða?
Ef maður á jarðarskika, á maður hana þá alveg niður að kjarna Jarðarinnar?
Af hverju geta konur ekki sett á sig maskara án þess að hafa opinn munninn?
Af hverju klæjar mann alltaf í nefið þegar maður er búinn að óhreinka hendurnar?
Af hverju er mínútan miklu lengur að líða fyrir utan klósetthurðina en innan?
Ef ástin er blind, af hverju eru sexý undirföt þá svona vinsæl?
Hvers vegna vantar okkur alltaf eitthvað af draslinu sem við geymdum uppi á lofti í 3 ár, 3 dögum eftir að við hentum því loksins?
Ef það er satt að við séum hér til að hjálpa öðrum, hvað eru þá hinir að gera hér?
Ef ólívuolía er búin til úr ólívum, hvaðan kemur þá barnaolían?


Lifið heil

þriðjudagur, nóvember 22, 2005

kettirnir eru að borða og ég verð að fylgjast með þeim því þeir eru að borða sitthvorn matinn, Fídel er á sérfæði sem Seifi finn frábært og Seifur er að borða gamla góða kisumatinn sem Fídeli finnst frábær ... ég verð að fela matinn þegar ég er ekki heima og horfa á þá þegar þeir eru að borða til að vera viss um að þeir laumist ekki í matinn hjá hinum:) þeir eru að læra þetta og ég þarf ekki að skipta mér mikið af, bara segja "nei" ákveðið þegar einn leggst á magann og heldur að hann geti laumað sér milli diska án þess að ég sjái hann:)

ég var að skoða á amazon, eins og fólk gerir og fann lista yfir gjafir sem á ekki að gefa tveggja ára börnum ... hjúkket, nú get ég strokað þessar hugmyndir af listanum yfir "hugmyndir að gjöfum fyrir frændsystkini":) ... en kannski ég ætti að kaupa svona Action Man (klikkið á örvarnar "to learn more";)? alltaf að læra eitthvað nýtt:) nah, held ég finni eitthvað betra:)

en ég sá líka þessa frétt, að drepa fugl í útrýmingarhættu, tut, tut, tut, þeir ættu að skammast sín ... en ég held samt að það lífgi fuglinn ekki við að skrifa nafnið sitt á minngarvefsíðu?:)

Góðar stundir

miðvikudagur, nóvember 16, 2005

Það er gott að hitastigið er ekki hærra en það er, þó að það er ofsalega kalt er það alveg í lagi því við eigum öll vetrarföt sem við notum aldrei og svo kemur kuldinn í veg fyrir að jöklarnir bráðna, þá hækkar yfirborð sjávars ekki og við þurfum ekki að búa til ný landakort, þeim fylgir svo mikill kostnaður - það er gott að eiga vini sem sjá lífið og veðurfarið frá öðru sjónarhorni en aðrir:)

Góðar stundir

þriðjudagur, nóvember 15, 2005

Which Fantasy/SciFi Character Are You?

Galadriel
Possessing a rare combination of wisdom and humility, while serenely dominating your environment you selflessly use your powers to care for others.

Even the smallest person can change the course of the future.

Galadriel is a character in the Middle-Earth universe. You can read more about her at the Galadriel Worshippers Army.
Fídel er aftur kominn á spítlann og íbúðin er mjög tómleg og stór bara fyrir okkur Seif ... hann var lagður inn í gær og við Seifur dunduðum okkur við að hengja upp ljósaseríur í gærkvöldi, ég festi þær á gluggana og Seifur hékk í endanum sem átti eftir að festa upp:) hann er svo duglegur að hjálpa til þessi köttur:)
en við söknum Fídelar ... hann fer líklega í aðgerð í dag, það verður læknafundur eftir hádegið til að meta hann og ástandið og svo ákveða þeir hvað verður að gera ... en helgin var mjög ljúf:) mikið kúrt og lesið og malað og kúrt meira en ég held að Fídel haldi að ég sé eitthvað skrítin því alltaf þegar hann stóð upp elti ég hann, ég átti að fylgjast með honum en hann er vanari að elta mig;)

ég er farin að hlakka svolítið til jólanna, þau hafa yfirleitt bara verið komin án þess að ég hafi áttað mig á hvað tímanum liði en þetta árið "sé" ég þau koma og ég er farin að hlakka svolítið til:) líka vegna þess að ég býst ekki við botnlausri vinnu eins og svo oft áður og ég veit nokkurn veginn hvað fólk fær í jólagjafir frá mér:) man ekki hvenær ég hlakkað beint til jólanna síðast? kannski er ég að verða jólabarn? betra seint en aldrei;)

Lifið heil

föstudagur, nóvember 11, 2005

Ég fékk mér að borða í mötuneytinu hérna í vinnunni áðan, fínn matur alveg, en ég kann ekki alveg að meta hann:( sem mér finnst afskaplega leiðinlegt ... ég fékk mér indverska kartöflusúpu en hún var of sterk fyrir minn smekk ... fólki fannst hún að vísu almennt mjög sterk, held ég, en mér leið eins og hálskirtlarnir væru að vaxa aftur innan í hálsinn á mér og að ég væri að fá hár á bringuna:)

Fídel er búinn að vera á spítala síðan á miðvikudaginn en ég fæ að sækja hann á eftir:) hann er ekki alveg orðinn hress þannig að ég þarf að gefa honum meðal, fylgjast óskaplega vel með honum næstu daga og fara með hann strax á spítalann ef það kemur eitthvað uppá en ég hlakka mikið til að fá hann heim ... mjög mikið, ég hef saknað hans óskaplega... ég fór og heimsótti hann í gær, klappaði honum og talaði við hann heillengi en hann var samt ennþá mjög veikur og skíthræddur þegar ég fór - aumingjans litli kisinn:(

þegar hann kemur heim verður hann dekraðasti kötturinn í Reykjavík ... Seifur fær samt líka knús og dekur fyrir að hafa haldið mér félagsskap þessa Fídel-lausu-daga:) ... Seifur er samt orðinn dekraður, hann fékk meira að segja harðfisk í gærkvöldi að ástæðulausu, bara fyrir að vera til eiginlega ... sem er slatti góð ástæða þegar ég pæli í því;)

Lifið heil

þriðjudagur, nóvember 08, 2005

ég vil bara leiðrétta svolítið sem snöggvast, ég KANN að brúna kartöflur, þetta hlýtur bara að hafa verið byrjenda-óheppni þarna á sunnudaginn því ég fékk mér afgang af steikinni í gærkvöldi og mér tókst að brúna kartöflur í fyrstu tilraun og þær voru alveg eins og þær áttu að vera og nei, ég freistaðist ekki til að nota brúnan sósulit:)

æfingin skapar meistarann en innst inni er ég frekar fegin að þurfa ekki að hafa brúnar kartöflur með öllum mat eins og planið var áður en ég fattaði að ég kunni þetta barasta ... spagettí, sósa og brúnar kartöflur; chicken fajitas með brúnum kartöflum; kjúklingaréttir með hrísgrjónum og brúnum kartöflum ... hafragrautur og brúnar kartöflur? ekki sérlega girnilegt?;)


ég var rosalega þyrst í nótt, á meðan ég var sofandi sem sagt, og ég vaknaði þrisvar við vaskinn, bæði í eldhúsinu og inná baði ... ég var svo þyrst að ég gekk (að minnsta kosti?) þrisvar í svefni til að ná mér í eitthvað að drekka ... veit ekki með ykkur en mér finnst það frekar merkilegt:)

Lifið heil

mánudagur, nóvember 07, 2005

Kíttisspurningu minni, þeirri sem varðar umfram-efnið-eftir-verkið, hefur verið svarað af mér kíttisfróðari manni ... ég gleymdi að ýta á "losunar-hnappinn" til að taka þrýstinginn af gorminum og þar með sílikontúbunni, auðvitað!! :) skil ekki hvernig ég gat gleymt því vegna þess að framleiðslulandið sem virðist á sumum heimilum skipta höfuðmáli en einmitt skrifað á þennan "losunar-hnapp" ... framleiðslulandið skiptir því greinilega máli þó að mikilvægi þess er annað en ég hélt:) hefði ég ýtt á "Tævan" hefði ekkert sílikon haldið áfram að flæða:)

annað sem ég hef séð fólk gera nokkur hundruð sinnum er að brúna kartöflur og en enn og aftur sannast að það er alls ekki það sama að sjá og að gera ... við prófuðum að elda "jólamat" í gærkvöldi, hamborgarahrygg, salat, rauðkál, gular baunir, sósa the works og ætluðum að hafa brúnar kartöflur með ... gekk ekki:) nokkrar uppskriftir og nokkur símtöl og nokkrar tilraunir sem enduðu í mismunandi tegundum af karmellu:) karmellan var mjög góð en ekki alveg það sem við vorum að reyna að búa til:) núna verða brúnar kartöflur með öllum mat þangað til þær bragðast eins og brúnar kartöflur og eru brúnar eins og hjá mömmu:) hefði kannski átt að nota brúnan matarlit eins og forfeður mínir hafa gert til að ná tilætluðum áhrifum? geri það kannski á jólunum ef ég verð ekki búin að læra galdurinn?:)

annars fór ég í afmæli á laugardaginn síðasta og skemmti mér alveg konunglega!:) ef þú lest bloggið mitt Berglind þá þakka ég kærlega fyrir mig!! skemmtilegasta afmæli sem ég hef farið í lengi lengi:) flottur matur og nóg að drekka og alvöru hljómsveit, skemmtilegt fólk og fyndnar skreytingar og svo fengu allir barmmerki:) enduðum tvær kvöldið á Hótel Sögu þar sem árshátíð Landvara (félag truckdrivera Íslands) var í fullum gangi, hitti þar mág systur minnar og var kynnt fyrir lange-baner af bílstjórum héðan og þaðan af landinu ... ég lagði eina gátu fyrir mann frá Húsavík, að vísu meira til að búa til samræður en að virka dularfull;) ... "hvaða gata í 101 er lengri en Hverfisgatan, með hringtorgi og umferðaljósum, liggur undir brú, upp brekku, gegnum mýri og samsíða flugbraut?" hann hélt ég væri að búa þessa götu til en hún er raunveruleg ... ætli hann sé enn að velta þessu fyrir sér? :)

Góðar stundir

sunnudagur, nóvember 06, 2005

Your Birthdate: August 27

You are a spiritual soul - a person who tries to find meaning in everything.
You spend a good amount of time meditating, trying to figure out life.
Helping others is also important to you. You enjoy social activities with that goal.
You are very generous and giving. Yet you expect very little in return.

Your strength: Getting along with anyone and everyone

Your weakness: Needing a good amount of downtime to recharge

Your power color: Cobalt blue

Your power symbol: Dove

Your power month: September


You Should Get a MFA (Masters of Fine Arts)

You're a blooming artistic talent, even if you aren't quite convinced.
You'd make an incredible artist, photographer, or film maker.


Your Superhero Profile

Your Superhero Name is The Lieutenant Bug
Your Superpower is Shape Shifter
Your Weakness is Sunlight
Your Weapon is Your Star Rifle
Your Mode of Transportation is Helicopter


Your Haloween Costume Should Be

Catwoman


You Are Somewhat Machiavellian

You're not going to mow over everyone to get ahead...
But you're also powerful enough to make things happen for yourself.
You understand how the world works, even when it's an ugly place.
You just don't get ugly yourself - unless you have to!




Lifið heil

föstudagur, nóvember 04, 2005

Góðan og blessaðan:)

fullt að frétta ... hvar á ég að byrja? ég var að eignast eldhúsbekk:) ... ekki endilega til að setja í eldhúsið en ég mér finnst að svona húsgang eigi að heita eldhúsbekkur sama hvar hann stendur:) hann er rosalega flottur, mjög sænsk-grískur einhvern veginn og þó ég kunni ekki almennilega að lýsa honum þá langaði mig í hann um leið og ég sá hann ... síðasta miðvikudag:) akkúat minn stíll ... en þið verðið barasta að kíkja í heimsókn og sjá hann til að skilja mig held ég:) frekar erfitt að koma honum upp stigann hérna að vísu en alveg þess virði, meira að segja kettirnir eru hrifnir:)

þetta er búið að vera löng vika en samt leið hún á núll-einni, ég var "yfirheyrð" í vinnunni í dag af "æðri máttarvöldum" og samkvæmt samstarfsmanni mínum stóð ég mig slatta vel þó að spurningarnar hafi aðallega snúist um tölur og magn en þeir sem þekkja mig vita ef til vill að tölur og magn (og rúmmál samkvæmt Kristófer) eru ekki mín sterkasta hlið ... miðað við frammistöðu í þeim efnum um ævina efast ég reyndar um að það sé hægt að segja að ég hafi "hlið" ... meira svona "ullarveggur-með-lykkjuföllum" ... svona myndrænt séð:)

sílikonið í sturtunni minni var farið að þynnast og ég var sannfærð um að það væri komið gat á einum stað (miniskjúl að vísu, en samt gat) þannig að ég rölti mér í Byko og keypti glært sílikon til að gera við þetta. Ég var ekki viss hvar í búðinni svona kítti væri þannig að ég spurði stelpuna og hún leiddi mig að vegg með alls konar túbum og rétti mér sílikon til að líma saman fiskabúr :/ sturtan þarf ekki alveg að vera svo þétt þannig að ég fann sjálf réttu vöruna enda komin á réttan stað í búðinni:) ég fékk "kíttis-byssu" lánaða hjá pabba - eina frá Tævan og eina frá Englandi (sem ég á að skila) en við hentum þessari frá Kína sem leit nákvæmlega eins og út og þessi tævanska en virkaði ekki neitt ... mig grunar samt að framleiðsluland verkfæra skipti ekki höfuðmáli á meðan að þau virka þannig að ég notaði byssuna frá Tævan svo ég gæti nú örugglega skilað þeirri frá Englandi í sama ástandi og ég fékk hana lánaða:) svo fór ég að kítta ... ég er löngu búin að missa töluna á því hversu oft ég hef séð fólk nota kítti og mér var meira að segja kennt það einu sinni, hreyfa byssuna hægt og rólega eftir rákinni/veggnum etc., halda þrýstingnum jöfnum ... og kíttunin sjálf gekk ljómandi vel EN ... ég hef greinilega hætt að fylgjast með þegar fólk hætti að kítta því staukurinn í byssunni hélt áfram að sprauta sílikoninu löngu eftir að ég var hætt að "hreyfa byssuna hægt og rólega, halda þrýstingnum jöfnum" þetta umfram-efni-eftir-verkið var ekki í leiðbeiningunum sem ég fékk og ég var búin að gleyma hversu ógeðslegt sílikon er þegar þú færð það á þig:/ allt endaði þó vel, sturtan er sem ný, vaskurinn glansar og þó að fólk í borgi fyrir að fá sílikon Í sig get ég alls ekki mælt með því að fá sílikon Á sig:)

núna er mál að elda kvöldmat og prófa brauðuppskriftartilbrigði sem mér datt í hug í dag en hef ekki hugmynd um hvort virki í raunveruleikanum þegar takmarkið er að geta borðað afraksturinn ... sjáum til:)

Lifið heil

föstudagur, október 28, 2005

Þetta er búið að vera mjög fínn dagur þrátt fyrir asnalega mikinn vetur svona allt í einu ... ég fór með nýju skónna mína til skósmiðs því þeir voru ekki ... eins og ég vildi hafa þá ... í laginu? hélt kannski að þeir væru gallaðir en það er ekki neitt að þeim nema að þeir eru nýjir:) þessi yndislegi skósmiður sem ég held að heiti Þráinn? (er með verkstæði sitt á Grettisgötunni, bakvið Spron?) gerði sér lítið fyrir og nuddaði skónna mína frá toppi til táar, brakaði, hnykkti og nuddaði, hægri, vinstri og núna eru skórnir miklu mýkri og meira eins og ég vil hafa þá í laginu:) og þetta kostaði ekki krónu en "ef það er einhvern tímann eitthvað að skónum þínum kemurðu bara með þá hingað" ... þetta kalla ég þjónustulund! það er nefnilega alls ekki sama hvernig þú segir fólki að það sé heimskt:)

... fór og kíkti á Hannes í vinnuna eftir að skó-nuddið, þaðan í Byko sem sendi mig í Brynju sem sendi mig í Litir og föndur til að kaupa ný blöð í hnífinn minn ... Litir og föndur hættuleg búð ... stórhættuleg:( ég fór líka í Leikbæ á Laugaveginum (hélt að Leikbær væri bara í Skeifunni, Mjódd og Firði Hafnarfirði en hann er líka á Laugaveginum!!) og keypti það sem mig vantaði í fimm ára afmælisgjöf á morgun:) þar sem ég þurfti ekki að fara í úthverfi og austur fyrir Rauðará sparaði ég svo mikinn tíma og bensín að ég ákvað að skella mér á kaffihús:) Tíu dropar, rosalega fínt og kósý og gott kaffi og hlýlegt og þægilegt og sjarmerandi og góð þjónusta og einstaklega skemmtilegir eigendur:) amk einn þeirra en hún var ekki að vinna ... ég verð greinilega að fara aftur ... og aftur og aftur;)

annars lenti ég í svolitlu merkilegu í gær. Ég var að labba eftir götu og allt í einu kom veggur af laufblöðum á móti mér. Ég veit ekki hvert þau voru að fara en þau voru á mikilli ferð, vel skipulögð, í þéttum hóp og alveg örugglega orðin of sein. Þar sem ég stóð þarna á miðri gangstéttinnu með hendurnar fyrir augunum, umvafin laufblöðum eins og býflugnabóndi með hunang í vösunum, leið mér skyndilega eins og ég væri í low budget fellibyljabíómynd (fellibyla eða fellibylja? Maja?) það eina sem vantaði voru mennirnir með laufblaðapokana, vindvélar, ljós og myndavélar ... og auðvitað bikiníið, gengur alls ekki að vera skynsamlega klædd eftir veðri í B-myndum ... og ég þyrfti að vera ljóshærðari ... og bikiníið helst rifið ... rosalega er gaman að þykjast vera kvikmyndastjarna þó það sé bara í augnablik og inní sér:)

Lifið heil

miðvikudagur, október 26, 2005

Það er komið meira en vika síðan ég bloggaði síðast og það var ekki sérlega merkilegt blogg, þannig að spurning um að skirfa eitthvað hérna ... hvað hefur gerst síðastliðna viku? ég fékk aðgang til að dánlóda Desperate Housewifes og á núna alla fyrstu seríuna á tölvunni minni og þeir eru ekkert smá skemmtilegir:) ég fór með fólk í versta tilbrigði sögunnar við Gullna hringinn á laugardaginn; nokkrir Íslendingar búnir að bjóða heilum haug af útlenskum bissnessmönnum til landsins í von um að þeir myndu kaupa kerfi/tæki/vöru-eitthvað sem þeir eru búnir að sitja sveittir við að forrita/búa til/hanna í marga mánuði. Á föstudaginn var einhver mikil kynning á dæminu, matur og svo áfengi .... þegar útlensku bissnessmennirnir voru komnir í glas tilkynntu þeir Íslendingunum að dótið þeirra væri einfaldlega ekki þess virði að borga fyrir, það var ekki "fullklárað", það vantaði að fínpússa of mörg atriði, þessi kynning virtist alveg óundirbúin og þeim datt ekki í hug að kaupa það "en takk kærlega fyrir að bjóða okkur til Íslands" .... mórallinn var vægast sagt ömurlegur á laugardeginum, þynnka og fýla ... en ég vissi ekki hvað var að fyrr en seint, seint um kvöldið, þegar við vorum búin að keyra í um það bil níu tíma og ég var eiginlega búin að lýsa frati í aftursætisbílstjórana (sem voru ósáttir við hvorn annan og gátu ekki valið leiðina sem ég átti að keyra og sama hvaða leið ég fór var einhver ósáttur) og hópinn þeirra og ákvað að njóta þess bara að vera að rúnta um Ísland á svona gullfallegum degi, blankalogn, Þingvallavatn eins og spegill, sólskin, heiðskírt, gufan á Nesjavöllum steig beint upp í lóðrétt ský ... bara ótrúlega fallegur dagur og ég ákvað að njóta hans og gleyma því að ég var með fullan bíl af fýlupokum:) seinasta stopp var á Geysi, hálftími í kaffi en nei ... tveim tímum seinna kemur hópurinn af barnum! og situr á trúnó alla leiðina í bæinn:) þá fyrst frétti hvað hafði komið uppá og gert alla svona fúla, eins og einn Íslendinganna sagði svo eftirminnilega, þvoglumæltur af drykkju með handlegginn um axlir viðmælandans:

"I am very hurt and dishappy, we didn't plan to have you here yesterday, we have been working very hard for months"

... en ég hélt bílnum á veginum:)

ég er búin að vera að pæla í jólagjöfum líka undanfarið og allir fullorðnir fá heimatilbúnar gjafir frá mér þetta árið, fyrir því eru tvær ástæður, fjárhagslegar og tími, ég er bara í einni 100% vinnu og tveim aukavinnum sem eru ekki reglulegar heldur þegar þörf er á mér sem er alls ekki alltaf. Ég hef sem sagt tíma til að sitja heima hjá mér á kvöldin og um helgar og dunda mér og það er vægast sagt frábært:) ... og ég hef einmitt verið að dunda mér mikið undanfarið:) ... svo fór ég að sjá Edit Piaf og vá!! mæli með því:) ótrúlega góð söngkona og verulega merkilegt að hlusta á lögin hennar á íslensku:) ... held að mér finnist bara frekar gaman að fara í leikhús:) núna er ég að hugsa um að fara á Koddamanninn ... ef þeir eru ennþá að sýna hann?

en eitt það merkilegasta sem ég hef gert undanfarið er að á mánudaginn fór ég til meistara í austrænum læknavísindum:) læknirinn minn jók alltaf verkjalyfjaskammtinn og síðast þegar ég fór sagði hann mér að taka 600 mg af íbufeni þrisvar á dag en mér dettur það bara ekki í hug! þannig að ef ykkur vantar Ibufen þá á ég ennþá lyfseðilinn;) í staðinn pantaði ég tíma hjá meistaranum sem ég hafði heyrt svo góða hluti um því ég er tilbúin til að gera ýmislegt til að koma í veg fyrir að eyðileggja líffæri etc. með því að bryðja verkjalyf ... ég bjóst svo sem við að ég myndi finna eitthvað því gaurinn stakk nálum í mig alla en vá ... þegar tíminn var búinn leið mér eins og ég hefði sofið 12 tíma og væri alveg úthvíld (nema hvað ég sofnaði ekkert hjá honum) og var svo vönkuð að hann varð að minna mig á að borga:/ blóðroðnaði að sjálfsögðu;) svo gekk ég út í sólskinið og leið eins og ég hefði verið vafin inn í mjúkt og hlýtt ský ... ég flissaði í tvo klukkutíma, sólheimaglottið er ennþá til staðar:) ég fer aftur næsta mánudag og ég er með steina í eyrunum sem ég á að nudda nokkrum sinnum á dag, heimavinnan mín:) og ég ætla að vinna hana ... bara um leið og ég get komið við eyrun á mér:)

ætla að koma mér í vinnuna, ég hlakka til, fíllinn er loksins búinn, hann klárðaist í síðustu viku;)

góðar stundir

þriðjudagur, október 18, 2005

Bloggdeyfð í mér þessa dagana, var of lengi netlaus og er ekki búin að fatta að ég er það ekki ... nema á laugardaginn þegar ég ætlaði að blogga en allar síðurnar voru "á tali" ... skil það ekki sjálf þannig að ég ætla ekki að velta því fyrir mér, sérstaklega því það er allt í himnalagi núna:) ... en þar sem ég er í vinnunni og á ekki að vera að blogga þá ætla ég bara að láta enn einn Bush-brandarann fljóta, þó að flestir hafi ábyggilega lesið hann nú þegar:)

Þú ert í Texas. Í Houston nánar tiltekið.
Það ríkir í kringum þig mikið öngþveiti, því á hefur skollið mikill fellibylur og orsakað hræðileg flóð.
Þú ert ljósmyndari, þú vinnur hjá stóru dagblaði og ert í miðju þessarar hryllilegu hringiðu.

Staðan er svo að segja vonlaus.

Þú ert að reyna að taka bestu myndir ferils þíns.
Það er brak úr húsum og fólk allt í kringum þig, fljótandi í vatninu.
Sumir dragast undir og koma ekki aftur upp. Náttúran sleppir lausum eyðileggjandi krafti sínum.

Allt í einu sérðu mann berjast um í vatninu nálægt þér. Hann berst fyrir lífi sínu og reynir á örvæntingarfullan hátt að halda höfðinu upp úr vatninu.
Þegar hann flýtur nær þér finnst þér að þú eigir að kannast við hann.
Það rennur allt í einu upp fyrir þér hver hann er.
Þetta er George W. Bush!
Á sama tíma sérðu að ólgandi vatnið er um það bil að færa hann í kaf... að eilífu.

Þú hefur tvo valmöguleika:
Þú getur bjargað lífi G.W.Bush,
Eða þú getur tekið myndir sem myndu án efa vinna þér inn Pulitzer verðlaun. Myndir, sem sýna dauða valdamesta manns í heiminum í dag.

Svo hér kemur spurningin, og mundu að þú verður að svara henni í fyllstu hreinskilni:


Hvort myndirðu velja hágæða litafilmu
eða klassískan einfaldleikann sem svarthvítar filmur bjóða upp á?


Góðar stundir

fimmtudagur, október 13, 2005

Ég hef SVO gaman af Bush-bröndurum!!:) hérna kemur einn sem ég var að fá sendan í tölvupósti og hló upphátt:)

Donald Rumsfeld is giving the president his daily briefing. He concludes by saying: "Yesterday, 3 Brazilian soldiers were killed."

"OH NO!" the President yells. "That's terrible!"

His staff sits stunned at this display of emotion, nervously watching as the President sits, head in hands.

Finally, the President looks up and asks, "Exactly how many is a brazillion?"


Góðar stundir

þriðjudagur, október 11, 2005

... og hvað haldiði? ég er barasta komin með netið heima ... aftur:) þetta reyndist vera bilun hjá Símanum greinilega því þetta virkar núna því Einarinn talaði við þá í gærkvöldi, aftur:)

Kristófer í Gallerý fisk á afmæli í dag þannig að ég kíkti í kaffi - alltaf gaman að fara í heimsókn og í þetta skiptið var ekkert brotið gler eða neitt kaos þannig að ég drakk bara kaffið og gerði ekkert annað:) svo er ég búin að lofa að mæta aftur 19. desember, 2/11. mars og 29. apríl þegar hinir eiga afmæli:) ... Guðfinna sagðist eiga afmæli 2. mars en fattaði svo að hún ætti afmæli þann 11. :) þetta er greinilega ekki bara ég sem er utan við mig, fólk eins og ég flykkjumst greinilega í fiskbúðina - aumingja þeir:)
Kíkti líka á Svarta kaffi ... pælingar í gangi þessa dagana þannig að hugsanlega mögulega mun ég geta linkað á síðuna þeirra í framtíðinni? ef þau ákveða að þau vilji hafa heimasíðu ... mér finnst það góð hugmynd enda er ég alltaf á netinu og leita að öllu þar fyrst ... hvað gera það margir? smá skoðanakönnun í kommentakerfið, finnst ykkur að kaffihús eigi að vera með heimasíðu? mynduð þið fara á kaffihúsaheimasíðu til að athuga opnunartíma, matseðil, myndir frá staðnum og þannig? bara að tékka á því hvort fleiri hugsa eins og ég ... frekar ósanngjarnt samt að spyrja að þessu á netinu því þeir sem lesa þetta eru væntanlega "net-fólk/verjar":)

aníhú, ég er byrjuð að æfa aftur, gafst upp á því að finna eitthvað "skemmtilegt" í nágrenni við mig þannig að ég fór bara í háskólaræktina aftur, ekkert að því og það er hægt að fara í fullt af "tímum" líka, ekki bara í tækin, vissi það ekki fyrr en ég var búin að kaupa kortið þannig að ég er þokkalega sátt:)

en núna ætla ég að koma mér í vinnuna:)

Lifið heil

föstudagur, október 07, 2005

Góðan og blessaðan:)

ég er enn netlaus heima hjá mér en það er víst ekkert að ... farin að halda að ég sé að ímynda mér netleysið? ... annars fínt að vera netlaus núna, ég sakna þess ekkert sérstaklega lengur:) vissi að þetta væri bara spurning um tíma þangað til ég væri búin að afvenja mig daglegu surfi:) en það er frekar svekkjandi að tala við mismunandi fólk og stofnanir og fá alltaf að heyra að það sé ekkert að ... eins og að fara til læknis með verk í hendinni og fá að heyra að ég sé ekki með hendi eða að það sé ekkert að henni eða að hún hafi aldrei verið til staðar ...

en ég var að fá brandara með tölvupósti sem ég held að sumir sem lesa þetta hafa gaman af?

Gamall maður bjó einn í Þykkvabænum. Hann langaði til þess að stinga upp kartöflugarðinn en það var of mikil erfiðisvinna fyrir hann. Sonur hans, Bubbi, var sá sem hjálpaði honum venjulega en Bubbi sat á Hrauninu.

Gamli sendi honum tölvupóst og sagði honum frá vandræðum sínum:
"Elsku Bubbi minn. Mér líður hálf-illa því það lítur út fyrir að ég geti ekki sett neinar kartöflur niður í garðinn þetta árið. Ég er að verða of gamall til þess að stinga upp beðin. Ef þú værir hérna ætti ég ekki í neinum vandræðum því ég veit að þú mundir stinga upp beðin fyrir mig.
Áttu von á helgarleyfi bráðlega?
Kær kveðja elsku sonur, pabbi."

Eftir örfáa daga, fékk hann svar frá syni sínum:

"Elsku Pabbi Í GUÐANNA BÆNUM EKKI STINGA UPP GARÐINN!
Ég gróf dópið og byssurnar þar!
Þinn Bubbi."

Í birtingu morguninn eftir komu hópar lögregluþjóna frá embætti Ríkislögreglustjóra og Selfosslögreglunni og stungu upp öll beðin, en fundu hvorki dóp né byssur. Þeir báðu gamla manninn afsökunar og hurfu á braut. Sama daginn fékk hann annan tölvupóst frá syninum:

"Elsku pabbi. Við núverandi aðstæður gat ég ekki gert betur.
Þinn elskandi sonur Bubbi."



Lifið heil og góða helgi

þriðjudagur, október 04, 2005

Ég var að vinna alla síðustu helgi og ég er ennþá netlaus heima hjá mér þrátt fyrir að hafa reynt allt sem mér dettur í hug til að tengjast ... það vantar tilfinnanlega tæknigenið í mig:)

Í gær ákvað ég að skipta um kattasandstegund. Ég var með svona sand sem var alveg eins og sandur en samt úr einhvers konar efni sem klessist saman í köggla þegar það blotnar, fræðilega rosalega góð hugmynd en þegar kattasandskassinn er inná baðherbergi er það ekki sérlega góð hugmynd ... sturtan er þarna líka og það subbast alltaf einhver sandur útfyrir kassann ... hvað um það, þetta var bara ekki að virka fyrir mig þannig að ég ákvað að nota gömlu góðu tegundina mína aftur. Þegar ég var búinn að tæma allan sandinn út kassanum fannst mér botninn ekki vera nægilega hreinn (??!!) auðvitað er hann ekki hreinn hreinn því hann er alltaf fullur af sandi og nýlega fullur af sandi sem “bráðnar” þegar hann blotnar ... en mér fannst þetta ekkert ganga að botninn væri ekki hreinn þannig að ég ákvað að þrífa kassann nú almennilega að innan ... eins og fólk gerir? kannski ekki? ... ég var búin að vera að þrífa í nokkrar mínútur þegar ég fattaði að nýr kattasandskassi kostar skít á priki og ég var að skrúbba hann að innan ... kannski gerir fólk ekki þannig? En það var orðið of seint því ég var eiginlega búin ... þegar mér fannst kassinn orðin nægilega hreinn þurrkaði ég hann, setti hann á sinn stað og fyllti hann af sandi... þannig að núna sést botninn ekki frekar en áður

Kettirnir kunnu samt að meta þrifin, þeir fylgdust báðir með því sem ég var að gera af mikilli athygli og þegar kassinn var aftur fullur af sandi skiptust þeir á að prófa nýja sandinn og nota hann eins og á að gera... jamms, hreini kassinn er ekki lengur svo hreinn ... ég er eiginlega fegin því að hafa ekki keypt mér nýjan kassa

Lifið heil

föstudagur, september 30, 2005

... og enn af dráttum:)

Á baksíðu 13. tölublaðs Heimskringlu 22. desember 1920:

Mikið af greinum hefir sökum
rúmleysis orðið að bíða upptöku í
blaðinu. Birtast þær eins fljótt og
því verðu við komið. Höfundarn-
ir eru beðnir velvirðingar á drætt-
inum.


Góðar stundir og góða helgi

fimmtudagur, september 29, 2005

... ástæðan fyrir því að ég er ekki með nettengingu heima hjá mér er sú, samkvæmt rhi, að ég hef aldrei verið með net? ég er með lykilorð og notendanafn en ég hef aldrei loggið mig inn á háskólanetið og alls ekki næstum á hverjum degi síðan í vor eins og ég hef verið að gera ... merkilegt? mér finnst það:)

Stelpan ætlar að hringja aftur í mig þegar hún getur aðstoðað mig ... kannski hringir hún ekki aftur? ég mundi amk eftir því að hringja í hana!!:)

Góðar stundir

miðvikudagur, september 28, 2005

Var að fá þetta sent með tölvupóst, hló upphátt:)

Year 1981

1. Prince Charles got married

2. Liverpool crowned soccer Champions of Europe

3. Pope Died.

Year 2005

1. Prince Charles got married (again)

2. Liverpool crowned soccer Champions of Europe

3. Pope Died

In future, if Prince Charles decides to re-marry or Liverpool needs another European crown ... WILL SOMEONE PLEASE WARN THE POPE !!

Lifið heil

þriðjudagur, september 27, 2005

Ég er netlaus heima, búin að vera það síðan síðasta sunnudag ... ok, ekki nema tveir dagar en ég finn fyrir því:) ... ef ég verð netlaus í viku í viðbót verð ég búin að venja mig af því að geta notað netið hvenær sem ég vil en núna sakna ég þess mikið:( það sem gerir þetta verra er að ég gleymi alltaf að hringja í rhi til að athuga hvað er í gangi, afhverju ég er allt í einu orðin netlaus þegar það er allt annað í lagi (tölvan, ráter etc.) ætlaði að gera það í morgun en gat ekki flett númerinu upp á netinu og gat ekki sent póst og er svo mikill auli að ég var búin að gleyma að 118 er til!! Ætlaði að finna númerið í vinnunni en gleymdi því ... aftur ... þannig að ég geri þetta á morgun ... ég man ekkert eftir því að það er ekkert net heima þegar ég er í vinnunni því þar er ég sítengd:)

aníhú, lífið gengur annars sinn vanagang fyrir utan hvað ég er orðin viðbjóðslega leið á einu verkefnanna í vinnunni ... ég er ekki ein um það samt:) ég er með tónlist í eyrunum og geri bara eitt í einu þannig að skyndilega er það búið en þessi vinnuaðferð minnir mig alltaf á brandarann um fílinn, hvernig borðarðu fíl?

... einn bita í einu:)

en vá hvað ég er búin að fá leið á þessum fíl!!

Lifið heil OG góðar stundir

laugardagur, september 24, 2005

Kollsterin var að klukka mig AFTUR! hún klukkaði mig að vísu ekki í fyrsta skiptið þannig að þetta er alveg í lagi :) ... eins og ég átti nú erfitt með fyrstu fimm atriðin, núna þarf ég að finna fimm fleiri en ég það er auðvitað ekkert að því að ver'ann þó það sé erfitt og svo má ég sjálf klukka aðra:) ok, fimm nýjar tilgangslausar staðreyndirnar um sjálfa mig:

1. Ég fíla ekki Lars von Trier og þó að ég sé Íslendingur myndi ég aldrei hlusta á Björk sjálfviljug og nei, mér datt ekki í hug að sjá Dancer In The Dark

2. Það er erfitt að finna grunnhyggnari kvikmyndaáhorfanda en mig. Einu sinni skammaðist ég mín fyrir kvikmyndasmekkinn en í dag gæti mér ekki verið meira sama og neita opinberlega að horfa á myndir "sem eru æðislegar", "frábær leikstjóri", "var valin besta myndin á (einhver kvikmyndahátíð sem ég hef aldrei heyrt um)" ef þær eru einfaldlega leiðinlegar eða fjalla um sorglegt efni, ef fólkið er skítugt, grátandi, kalt, kvalið og óhamingjusamt og mér líður illa á meðan ég horfi og eftir þær.

3. Ég er með réttindi til að keyra allt á hjólum, beltum og teinum, stóru vinnuvélaréttindin og fullt meirapróf ... réttindin gilda ekki fyrir skip og lestir (held ég??:)) og dót með vængi eða spaða en ef tækið er á landi þá má ég keyra það, hreyfa það og nota það:)

4. Ég get verið ótrúlega sterk, eins og þegar kviknaði í þvottavélinni minni dró ég hana undan innréttingunni út á mitt gólf í einum rykk til að taka hana úr sambandi en þegar allt var liðið hjá gat ég ekki bifað henni. Ég kom henni aftur undir í nokkrum, erfiðum, hollum, sentimetra í einu og þegar ég henti henni varð ég að fá tvo fílhrausta unga menn til að fara með hana niður ... og þeir sögðust aldrei ætla að koma í heimsókn aftur:)

5. Ég á það til að lesa of mikið. Ef ég er að lesa góða bók festist ég í henni og les þangað til hún er búin sama hvað ég á að vera að gera, sofa, læra, labba ... ég hef "misst tíma" vegna þess að ég var að lesa svo góða bók að ég leit ekki upp til að gá hvað tímanum leið.

... og núna má ég klukka aðra:) ég klukkaði Þjóðbrækurnar síðast þannig að ég held ég klukki .... Einarinn, Grétu (kominn tími á blogg frá henni), Gumma Sála, Bryndísi, Þóru og Kolbein:) ég ætlaði að klukka Valgerði en hún hefur verið klukkuð:) og svo þegar ég fer að skoða þetta almennilega er eiginlega búið að klukka alla... þessi eltingaleikur er greinilega mjög vinsæll:) ... og ég held að ég hafi verið að klukka of marga? en þá klukkast bara fleiri:)

Góðar stundir

föstudagur, september 23, 2005

Ég er búin að ætla að setja inn tvo linka undanfarið en hef aldrei munað eftir því nema á leið í/úr vinnunni eða þegar það er slökkt á tölvunni eða þegar ég stend röð við kassann í búðinni ... ég man sem sagt alltaf eftir því þegar ég get ekki gert neitt í því nema núna:) núna eru sem sagt komnir linkar hérna hægra megin á Júllu í Ameríkunni:) og Gumma Sála:) ... ég ætla að fara að taka til í þessum linkum bráðum. Hef ég sagt þetta áður?

Lifið heil

miðvikudagur, september 21, 2005

Búið er nú Baugsmálið.
Bomban risastóra
rekin var upp í rassgatið
á ríkislögreglustjóra.


... svona er nú það
Geitungatímabilinu 2005 er lokið. Þó það hafi verið lítið spennandi nema undir það síðasta, vegna þess hvað það voru fáir geitungar sem lifðu af einhverja sveppasýkingu, þá er gott að því er lokið ... ég labbaði eftir gangstétt í gær og undir öllum trjánum lágu lík geitunga í fósturstellingunni ... manna-fósturs-stellingu ... ég hef ekki hugmynd um stellingar geitunga í eggjum? koma þeir ekki örugglega úr eggjum annars?
Ætli þeir hafi frosið eða drukknað eða bara dáið því þeirra tími var kominn? Ég er ekki hrifin af geitungum, alls ekki, en það var frekar sorglegt að sjá þá alla liggja þarna í hnipri innan um laufblöðin, ég er alveg búin að jafna mig samt:)

Við erum að mynda Heimskringlu núna í einu blaðinu frá því í september 1914 er að finna eftirfarandi auglýsingu sem myndi að sjálfsögðu misskiljast ef hún kæmi í blaðinu í dag:

SAMKOMA OG HAPPADRÁTTUR
undir umsjón Únítarasafnaðarins
Fimtudagskveldið, 17 September
í samkomusal kyrkjunnar. Samkoman byrjar kl. 8 e.h. Til skemtana verður eftirfylgjandi prógramme:

... svo kemur prógrammið:) ræður og kórar og klassísk tónverk á fiðlur og píanó og orgel etc.
Auglýsingin endar svo á þessum orðum:

Inngangur 50c og þar með fylgir einn dráttur. Komið sem flestir. Skemtidagskrá samkomunnar er fyllilega 50c virði.

Lifið heil

þriðjudagur, september 20, 2005

Ég á nýjar hillur:) fór með pabba í IKEA í dag og við keyptum hillur í svefnherbergið mitt:) loksins munu allar bækurnar mínar fá "sinn stað":) samkvæmt samlagningunni hans pabba (sem ég dreg ekki í efa um einn einasta sentimetra) á ég núna 13 metra fyrir bækurnar:) svo eignaðist ég borvél um daginn, rosalega flotta, alvöru, pró borvél þannig að ég get fest hillurnar við vegginn ... Ég var að klára eina hilluna rétt í þessu og í fyrsta skipti sem ég set eitthvað IKEA dót saman þarf ég ekki þriðju hendina en samt eru þessar hillur það stærsta sem ég hef keypt hjá þeim ... og ógeðslega þungar ... og flottar:) ég þrufti ekki þriðju hendina en í þetta skiptið gerðu þeir ráð fyrir að ég væri að setja hilluna saman í mun stærra plássi en ég hafði til umráða ... endaði á því að rúmið fór uppá endan og ég neyddist til að opna skápinn til að hafa pláss til að renna bakspjaldinu niður:) ... ég og "rými" erum alls ekki eitt, held að engin sé jafnkrónískt bjartsýn og ég þegar kemur að því að halda að eitt passi í annað ... ef það stendur 10 kg á pokanum er ekki fræðilegt að innihaldið komist fyrir í 7 lítra fötu en ég gefst aldrei upp á að reyna:)

Ég á alltof mikið af bókum og ég geri mér fulla grein fyrir því, magn vs. pláss dæmið? ... en mikið ofsalega er á sátt við allar bækurnar mínar:) annars hef ég mikið verið að lesa á íslensku undanfarið, til að bæta orðaforðan og "læra" íslensku almennilega, góður maður benti mér pent á að það væri hugsanlega mögulega góð hugmynd:) ... ég ætla samt að spara íslenskukunnáttuna í þessu bloggi eins og hingað til;) Ég á ekki sérstaklega mikið af íslenskum bókum þannig að ég hef verið að taka þær (ekki leigja, taka, þó ég sé af vídeó-kynslóðinni:)) á bókasafninu, sniðugt að vinna á bókasafni, var að fatta það:) miklu sniðugra en að vinna í bóka-búð, þar þarf alltaf að kaupa bækurnar:) ég kláraði Híbýli vindanna og Lífsins tré í morgun eftir Böðvar Guðmundsson ... góð saga en ég verð að viðurkenna að mér fannst sögumaðurinn leiðinlegur og textinn tilgerðalegur en eins og ég segi var sagan var mjög skemmtileg:) ég er búin að lesa allar bækurnar sem eru til á Hlöðunni eftir Arnald Indriðason, Mýrin, Röddin, Dauðarósir, Synir duftsins, Napoleons skjölin og Bettý og mikið rosalega er hann skemmtilegur:) skil ekki afhverju ég hef ekki lesið hann fyrr:) ég las líka Reisubók Guðríðar Símonardóttur eftir Steinunni Jóhannesdóttur um daginn og Gæludýrin eftir Braga Ólafsson og eitthvað meira? man það ekki núna enda er klukkan orðin margt og ég ætti að vera sofnuð:)

... ég þori að veðja að einn eða fleiri köttur verði sofandi í nýju bókahillunni þegar ég vakna í fyrramálið því ég er ekki búin að setja neinar bækur í hana ennþá, kettir er ... kettir?:)

Lifið heil

laugardagur, september 17, 2005

Ég málaði annan vegg í dag. Hann var uppáhaldsveggurinn minn (á eftir skýjaveggnum) því hann var heiðgulur og bjartur en þegar það var komið hvítt við hliðina á honum varð hann frekar subbulegur þannig að í dag fékk hann yfirhalningu ... held að hann sé samt ennþá uppáhaldsveggurinn minn því helmingur glugganna í íbúðinni eru á honum og helmingur útganganna líka:)

Á morgun ætla ég að mála gluggana sjálfa, ekki glerið heldur í kringum það, þannig að núna ætla ég að fara að þvo þá og taka eitthvað til ... merkilega erfitt að taka almennilega til þegar hlutirnir eiga ekki "sinn stað" eins og sagt er ...

Lifið heil

föstudagur, september 16, 2005

Ég var að fá senda nokkra brandara frá frænda mínum:

The Captain's Parrot'

A magician worked a cruise ship. The audience was different each
week, so the magician did the same tricks over and over again. One
problem:

The Captain's parrot saw the show each week and began to understand
how the magician did every trick. Once he understood, he started
shouting in the middle of the show.

"Look, it's not the same hat"

"Look, he's hiding the flowers under the table."

"Hey, why are all the cards the ace of spades?"

The magician was furious but could do nothing. It was, after all, the
Captain's parrot.

Then the ship sank in a terrible storm. The magician found himself on
a piece of wood in the middle of the sea with, as fate would have
it,....the parrot. They stared at each other with hatred, but neither
uttered a word. This went on for a day and then another and then
another.

Finally, on the fourth day the parrot could not hold back:

"OK, I give up. Where'd you put the f....... ship?"
....................................................................

Two cannibals were eating a clown.
One says to the other " Does this taste funny to you ?"


Hann spyr hvernær ég ætli að koma í heimsókn? Rosalega langar mig út!! Kannski er spurning um að byrja að safna?

Góðar stundir

fimmtudagur, september 15, 2005

Jújú, ýmislegt fyndnara en kisur í vöskum, þeir eru sumir fyndnir, þeir sem passa ekki í vaskana til dæmis ... húmorinn er ekki orðinn súr og til að sanna það er ég að hugsa um að surfa smá og setja inn nokkra fyndna linka sem tengjast kisum ekki neitt, kannski er ég samt búin að vera of mikið ein með kisunum?:)

ég er með miklu betri húmor en þessi gaur!!:)

Food-fight:) ... það hefur verið eitthvað mikið í gangi fyrst löggan þurfti að nota stun-gun er það ekki?:)

mér finnst þetta svolítið flott:) ég veit að ég er nörd;)

ég veit ekki, ég hreinlega veit ekki ... það hlýtur að vera eitthvað "katsj"?

ótrúlegt hvað er hægt að kaupa í Japan ... bannað börnum:) og maturinn, mun saklausara:)

mér finnst alltaf ótrúlegt að skoða það sem fólk gerir þegar það hefur of mikinn tíma:)

getur verið að það sé hægt að kæra menn fyrir að ljúga að konum??? það gerist á hverjum einasta degi! en hversu heimskar eru þessar konur eiginlega?:)

og að lokum, kannski ekki fyndið? ég veit ekki en horfið á vídeóklippuna hægra megin:)

Lifið heil

þriðjudagur, september 13, 2005

Ella Maja klukkaði mig þannig að nú verð ég að deila fimm handahófskenndum staðreyndum um sjálfa mig með ykkur öllum ... here goes ...:

1. Það er búið að fjarlægja úr mér þrjá endajaxla (af fimm), tvær augntennur (af fjórum) í efri góm, nokkra jaxla vegna plássleysis hér og þar, eina framtönn(af þremur) í efri góm, nefkirtla, hálskirtla, þrjá munnvatnskirtla, botnlanga, hefti (sem voru að vísu aðskotahlutir eftir aðgerð til að laga fæðingargalla þannig að tæknilega séð ekki beint hluti af mér nema í tíu ár), ör, fæðingarbletti og nokkra lítra af blóði... finnst eins og ég sé að gleyma einhverju:)

2. Ég hætti að spila körfubolta því ég var svo lítil að ég var alltaf sett undir körfuna til að ná reboundunum en ég er ekki nægilega aggressív að eðlisfari til að höndla það ... ég er eiginlega ekki nægilega aggressív í neina boltaíþrótt nema Brennó og jafnvel þá fæ ég samviskubitsstingi þegar ég "drep" einhvern ... sem er þó yfirleitt óvart, því ...

3. ... ég er algerlega laus við að burðast með mikið hand-eye-coordination, ég gríp ekkert sem stefnir á mig og í 90% skipta fæ ég hlutinn í ennið ... af einhverjum ástæðum er það alltaf ennið:)

4. Stundum eftir að ég hætti að drekka Pepsi Max þá dreymir mig það

5. Það eru bara nokkur ár síðan að ég hætti að ganga eingöngu í svörtum fötum.

... og ég klukka Þjóðbrækurnar!!:) Bryndísi, Eddu, Helgu, Júllu og Pálínu:)

Lifið heil

mánudagur, september 12, 2005

... og hvað haldiði ég er barasta ekki neitt dauð, hef bara ekkert bloggað, fréttir um andlát mitt eru stórlega ýktar ...

Vissuð þið að það er eiginlega enginn matur til sölu í Europris nema eitthvað skringilegt í lofttæmdum umbúðum eða dósum, jú og nammi og gæludýramatur. Ég fór að versla þar um daginn, gekk ekki. Þegar ég labbaði inn var fullt af dósamat og heill haugur af svona bakarísdóti sem rennur ekki út fyrr en árið sem ég fer á eftirlaun og allt í einu var ég komin í skyrtur og nærbuxur og blautgalla og skurðarbretti sem hættu að lokum í ritföngum og sápu og nammi ... mjög merkileg búð og ég keypti mér sápu sem ilmaði vel eftir að hafa rætt um mismunandi lyktir við eldri konu sem virtist jafnvillt og ég. Við þefuðum af öllum tegundunum og keyptum okkur að lokum eins, Peach & Acacia.

Lifið heil

miðvikudagur, ágúst 17, 2005

Ég er í innréttingarfríi í dag, ég var líka í fríi í gær:) búin að mála eina umferð í svefnherberginu og búin að tæma geymslurnar (allt á Sorpu, eiginlega:)) og mála gólfið í þeim þannig að bráðum get ég fyllt þær aftur ... af kössum kannski?:) núna er planið að fara aðra umferð í svefnherberginu og byrja á stofunni:) mamma er að hjálpa mér, hún er þvílíkur snillingur, var ég búin að minnast á hvað ég ætti yndislega mömmu?:)

góðar stundir

sunnudagur, ágúst 14, 2005

Nokkrar athugasemdir um ... nokkur atriði

sumir eru möppudýr aðrir eru pokadýr en ég var að komast að því að ég er kassadýr, þar sem ég sit í í eldhúsinu get ég talið ellefu kassa ... og það eru fleiri í stofunni og fleiri í svefnherberginu ... og ég held ég þurfi að leita mér aðstoðar því ég keypti mér fjóra nýja kassa í IKEA í dag, fjóra!! hvað hef ég við fjóra nýja kassa að gera? en mikið rosalega eru þeir flottir:) ... ég keypti mér líka stílabók ... ég ætla ekki að segja meira um stílabækurnar en mig grunar að það séu einmitt nokkrir kassar fullir af þeim ... mig vantar BAA (box-aholics-anonymous) eða TBAA (text-book-aholic-anonymous) eða bæði?:)

Seifur er ofsalega yndislegur köttur og fyndinn og með sætt andlit og bleikt nef og vöðva útum allt en ég held að hann sé haldinn athyglisbrest því hann hoppar útum gluggann og stendur og horfir inn um svalahurðina þangað til ég hleypi honum inn svo hoppar hann útum gluggann og stendur fyrir utan svalahurðina þangað til ég hleypi honum inn svo hoppar hann útum gluggann og stendur og horfir inn um svalahurðina þangað til ég hleypi honum inn svo hoppar hann útum gluggann og ég segi honum í gegnum glerið að hann sé hálfviti og að ég ætli ekki að hleypa honum strax inn aftur og þá fer hann inn um gluggann aftur og svo hoppar hann útum gluggann og stendur fyrir utan svalahurðina og horfir inn ... simple minds, simple pleasures? ég eða hann?:)

það á aldrei að hlusta á neinn disk aftur og aftur og aftur á sama tímabilinu því ef þú hlustar á hann aftur og aftur og aftur þá fer þér að finnast hann vera hrein snilld en tengir hann alltaf við tímabilið sem þú hlustaðir á hann aftur og aftur og aftur og það er klikkað erfitt að tengja hann við nýtt tímabil sem hefur ekkert með hin að gera ... eins og þegar þú ferð til dæmis hringinn í kringum landið á tveim vikum með tvo diska þá tengirðu þá alltaf við ferðina, það er ekki annað hægt:) en alltaf þegar þú hlustar á þá ferðu að hugsa um ferðina og tekur ekkert til ... ok, kannski ekki gott dæmi en þið skiljið hvað ég er að fara:) ég ætla hins vegar ekkert að gefast upp því ég á diska sem mér finnst vera æðislegir og mig langar til að halda áfram að hlusta á þá og ég ætla "vensla þá" uppá nýtt:) ... verð samt að fara að flýta mér því eins og ég segi ég hlustaði mikið á þá einu sinni og það er ekki svo mikið "eftir" af þeim - hversu oft er hægt að spila geisladiska áður en þeir "klárast"?

tiltektin gengur alveg ljómandi vel, ég er búin að setja saman kassana sem ég keypti í IKEA, þrír eru í sófanum og bíða frekari fyrirmæla en einn er fullur af geisladiskum ... það komust ekki allir diskarnir fyrir í honum, verð að finna aðra lausn á þessu:) svo er ég búin að taka fram ruslapoka og setja umbúðirnar af kössunum í hann og núna rétt í þessu var ég að lakka á mér táneglurnar ... eins og ég segi þetta rokgengur:)

Lifið heil
Komin heim úr Skorradalnum þar sem ég var á Fjölskylduhátíð björgunarsveitarinnar Ársæls ... langur titill:) búin að þrífa og skila bílnum hans pabba (sem er miklu, miklu, miklu sniðugri svefnstaður en tjald þegar það rignir og blæs og búist við stormi:)), bera allt dótið upp og er alveg að fara í sturtu, gat ekki beðið eftir að fara í almennilega sturtu alla leiðina heim og á meðan ég var að bera upp og þrífa bílinn en núna þegar ég get það loksins spranga ég hérna um íbúðina á boxerum og bol og nenni ekki fyrir mitt litla að þurrka mér eftir sturtuna - mig langar sko ennþá í sturtu en ég nenni ekki að þurrka mér þegar ég er búin í henni þannig að ég er að hugsa um að fresta því aðeins, bara aðeins lengur og gera eitthvað aðeins uppbyggilegra en að nenna ekki að þurrka mér þegar ég er komin í sturtuna og hanga í henni þangað til ég er orðin að rúsínu:) ... ég verð eiginlega að fara að taka til veit bara ekki alveg á hverju ég á að byrja:) kemur í ljós þegar ég byrja er það ekki?:)

ég fór í partý á föstudagskvölið til Ágústu sem var með mér í bekk í hmmmm .... 14 ár!! skemmti mér rosalega vel og tók nokkrar myndir sem ég er að setja inn á myndasíðuna mína, fullt af fólki og svo fórum við í bæinn og kíktum á nokkra staði:) mæli með því að fara í partý með fólki sem þú þekktir í menntaskóla en hefur ekki hitt síðan þá:) smá Twilight Zone fílingur:)

kíkti í IKEA líka á leiðinni heim áðan og hitti á Láru sem er í starfsþjálfun þarna, fyrsta helgin hennar:) tók sig rosalega vel út og að sjálfsögðu tók ég mynd af henni:)

Lookin' good!!

Góðar stundir

miðvikudagur, ágúst 10, 2005

Sumt virkar deffinetlí skemmtilegra en annað:) spurning hvort ég myndi vilja keyra eða vera "ballestan"?:)

ég er nefnilega að skoða hjól á netinu á meðan ég þigg hjálp snillings með að koma gömlu myndunum inná nýju tölvuna:) vitið þið um einhvern sem er til í að skipta á mjög fínum willis-jeppa með hardtop og euroduro hjóli?:) ... bannað að segja pabba frá þessum pælingum en mig langar rosalega í mótorhjól og á ekki pening til að eiga bæði jeppa og hjól:)

haldiði að ég myndi ekki taka mig vel út á einu svona?


jú, ég held það barasta:)

Góðar stundir
og hvað haldiði rúsínurnar mínar??

myndasíðan er barasta orðin nægilega "þétt" til að hleypa fólki inná hana:) ... hún er alls ekki orðin "fullkomin" ennþá og ég er bara búin að skíra/"útskýra" brota-brot af öllum myndunum sem eru á henni þannig að þið megið endilega kommenta eins og vindurinn - endilega!!! ef þið eruð á myndum sem eru óskírðar/"óútskýrðar" eða ef þið þekkið einhvern á þeim eða hvar þær eru teknar ... you get the picture:) megið endilega setja þær upplýsingar inn:) planið er auðvitað að skíra/"útskýra" þær allar en hvað það tekur langan tíma:)

en eins og þið munið sjá þá eru þetta aðallega myndir síðan í maí, síðan stafræna myndavélin komst aftur í gagnið, en fleiri munu bætast við, t.d. frá Grænlandi og Eyjum því ég var með einnota myndavélar þar ... ég setti þær í framköllun og átti að fá þær í dag en þegar ég sótti þær voru þær allar gallaðar (hár á hverri einustu mynd) þannig að ég bað um að þær væru lagaðar (borgaði nógu helvíti mikið fyrir þessa blessuðu framköllun!! mér finnst ég eiga að fá þær innrammaðar fyrir þetta okurverð!!) og fæ þær ekki fyrr en á morgun, vonandi:/ ... svo er haugur af myndum á gömlu tölvunni sem ég þarf að koma yfir á nýju tölvuna ... einhvern veginn:) just give me time:)

en hvað um það ... ég ritskoðaði myndirnar áður en ég setti þær inn en ef einhver er ósáttur er minnsta málið að láta mig vita og ég skal nota delete-takkann hið snarasta!! ... ég er rosalega dugleg við að nota hann:) ... búin að röfla nóg ... held barasta að ég sé stressuð yfir að linka á myndirnar:) ... og svo er auðvitað linkur hérna hægra megin, bæði á myndirnar og á emailið mitt ef einhver er ósáttur:)

kommentið eins og vindurinn!!

Góðar stundir, lifið heil og njótið myndanna:)

mánudagur, ágúst 08, 2005

Jæja krakkar mínir, ég vildi bara minna ykkur á að ég á afmæli í þessum mánuði:)
Litla stelpan þeirra Gunnars og Debbýar heitir Amelía Laufey:) mjög falleg athöfn í gær og hún kippti sér ekkert upp við að presturinn bleytti á henni hárið ... hún meira að segja dottaði þegar á leið:)

ég er að setja inn myndir af þessu öllu saman, ég fékk nefnilega myndasíðu gefins í síðustu viku!!!! núna get ég auðveldlega sett allar myndirnar mínar inn:) ég er sem sagt að setja inn myndir þessa dagana en ég á svo hrikalega mikið af þeim að þetta tekur sinn tíma - þetta eru samt bara myndir síðan í maí þegar myndavélin fór að virka aftur:/ en ég á myndir á gömlu tölvunni minni líka sem ég set inn við tækifæri:)

... svo tekur þetta líka frekar langan tíma vegna þess að ég er frekar tækni-þroskaheft, til dæmis var ég rétt í þessu að delíta öllum myndunum sem ég hef sett inn í morgun því ég var á einhvern óskiljanlegan hátt sannfærð um að þessi myndanöfn hefðu ekkert með myndirnar sjálfar að gera, ég sé myndirnar á myndasíðunni ergó ég þarf ekki að hafa þessi nöfn á servernum!!!! ekki eðlilegur fáviti!!! :) ... ég eyðilagði samt ekki neitt ... nema vinnu;) þangað til getið þið kíkt á myndasíðuna hennar Evu, systir Debbýar, hún tók fullt af myndum í gær og þær fara að koma inn býst ég við:)

... núna ætla ég að fara að laga vitleysuna ... djö!!:)

Lifið heil

föstudagur, ágúst 05, 2005

Ýtið tvisvar sinnum á F11 til að sjá alla síðuna:)

Smá prófasería:)





You Should Try Kite Surfing





Surfing to the extreme!
Catch some air, but don't get carried off!




Your Sexy Brazilian Name Is

Taís Tavares























GUDRUN
G is for Glorious
U is for Unreal
D is for Dramatic
R is for Revolutionary
U is for Unique
N is for Nervy


Your Hawaiian Name is:

Anani Oliana



Cheese Pizza

Traditional and comforting.
You focus on living a quality life.
You're not easily impressed with novelty.
Yet, you easily impress others.













The Keys to Your Heart



You are attracted to those who are unbridled, untrammeled, and free.

In love, you feel the most alive when your lover is creative and never lets you feel bored.

You'd like to your lover to think you are loyal and faithful... that you'll never change.

You would be forced to break up with someone who was insecure and in constant need of reassurance.

Your ideal relationship is lasting. You want a relationship that looks to the future... one you can grow with.

Your risk of cheating is low. Even if you're tempted, you'd try hard not to do it.

You think of marriage as something precious. You'll treasure marriage and treat it as sacred.

In this moment, you think of love as something you thirst for. You'll do anything for love, but you won't fall for it easily.











Your Birthdate: August 27

Your birth on the 27th day of the month (9 energy) adds a tone of selflessness and humanitarianism to your life path.

Certainly, you are one who can work very well with people, but at the same time you need a good bit of time to be by yourself to rest and meditate.

There is a very humanistic and philanthropic approach in most of things that you do.



This birthday helps you be broadminded, tolerant, generous and very cooperative.

You are the type of person who uses persuasion rather than force to achieve your ends.

You tend to be very sensitive to others' needs and feelings, and you able to give much in the way of friendship without expecting a lot in return.




How You Life Your Life

You seem to be straight forward, but you keep a lot inside.

You tend to avoid confrontation and stay away from sticky situations.

Your friends tend to be a as quirky as you are - which is saying a lot!

Some of your past dreams have disappointed you, but you don't let it get you down.


Your Hidden Talent
You have the natural talent of rocking the boat, thwarting the system.
And while this may not seem big, it can be.
It's people like you who serve as the catalysts to major cultural changes.
You're just a bit behind the scenes, so no one really notices.



In a Past Life...

You Were: A Gorgeous Viking.

Where You Lived: Australia.

How You Died: Buried alive.


Your Boobies' Names Are: Mork and Mindy




... og þetta er orðið gott:)

fimmtudagur, ágúst 04, 2005

Ég er að vinna með manni sem leynir ofsalega mikið á sér, hann talar ekki sérstaklega mikið ... amk ekki miðað við okkur hin sem samkjöftum ekki:) en þegar hann lætur heyra í sér eru það ósjaldan gullmolar. Áðan vorum við eins og svo oft áður að tala um Moggann og í þessu tilfelli um Fólk í fréttum síðuna þar sem var stór fyrirsögn "Sveittar stjörnur" og svo myndir af fullt af kvikmyndastjörnum og söngfólki með svitabletti undir höndunum og sveitt á enninu etc. ég spurði hvort þetta væri í alvörunni eitthvað sem ætti skilið að sjást á prenti? þá heyrist í vinnufélaga mínum "já ef það stendur í Mogganum. Í gamla daga var alltaf sagt að ef honum stæði ekki ætti að vefja hann í Moggann því það stendur allt í Mogganum ... ef þú fékkst hann ekki niður áttirðu að vefja honum í Þjóðviljan, það stendur ekkert í Þjóðviljanum".

Glampandi skemmtilegt:)
Ekki sérstaklega langt síðan ég vaknaði en planið er að taka til aðeins á heimilinu í dag, áður en ég fer í vinnuna ... sjáum til hvernig það gengur:) það er að minnsta kosti gott plan og þau eru alltaf góð er það ekki?

hvað um það, ég fór á Gauk á stöng í gærkvöldi á Dragkeppni Íslands:) Tino The Tango Lover vann og að öðrum keppendum ólöstuðum þá bar hann af!! ótrúlega flottur dragkonungur:) ég reyndi að taka myndir en það gekk ekki þannig að þið verðið bara að sjá myndir í blöðunum í dag ... eða í þætti Sylvíu Nótt sem var í dómnefndinni ásamt myndatökumanni sem hafði ekki atkvæðarétt, held ég, en hann tók fullt af myndum:)

um að gera að koma sér að verki er það ekki?

miðvikudagur, ágúst 03, 2005

Fyndið, stysta persónuleikapróf í heimi:)


You are elegant, withdrawn, and brilliant.
Your mind is a weapon, able to solve any puzzle.
You are also great at poking holes in arguments and common beliefs.

For you, comfort and calm are very important.
You tend to thrive on your own and shrug off most affection.
You prefer to protect your emotions and stay strong.

" ... það hlýtur að fara að stytta upp" :)

komin heim eftir hrikalega skemmtilega Þjóðhátíð í Eyjum en frekar blauta:) reyndi að blogga heima í gær en það gekk ekki ... er í vinnunni núna þannig að frekara blogg bíður þess að netið virki heima hjá mér:)

lifið heil

fimmtudagur, júlí 28, 2005

Fékk þetta sent um daginn og sendi áfram á einhverja en ég man ekki hverja ... þannig að ég ætla bara að blogga þetta:)

The European Commission has just announced an agreement whereby English will be the official language of the EU rather than German which was the
other possibility. As part of the negotiations, Her Majesty's Government conceded that English spelling had some room for improvement and has accepted a 5-year phase-in plan that would be known as "Euro-English".

In the first year, "s" will replace the soft "c". Sertainly, this wil make the sivil servants jump with joy. The hard "c" will be dropped in favour of the"k". This should klear up konfusion and keyboards kan have 1 less letter. There will be growing publik enthusiasm in the sekond year, when the troublesome "ph" will be replaced with "f". This will make words like "fotograf" 20% shorter. In the 3rd year, publik akseptanse of the new spelling kan be ekspekted to reach the stage where more komplikated changesare possible. Governments will enkorage the removal of double letters, which have always ben a deterent to akurate speling. Also, al wil agre that the horible mes of the silent "e"'s in the language is disgraseful, and they should go away. By the fourth year, peopl wil be reseptiv to steps such as replasing "th" with "z" and "w" with "v".
During ze fifz year, ze unesesary "o" kan be dropd from vords kontaining "ou" and similar changes vud of kors be aplid to ozer kombinations of leters.
After zis fifz yer, ve vil hav a reli sensibl riten styl. Zer vil be no mor trubl or difikultis and evrivun vil find it ezi to understand ech ozer.

ZE DREM VIL FINALI KUM TRU! And zen ve vil tak over ze vorld!!!!!!!!!

góðar stundir
Klukkan er hálftvö og það er verið að bora einhvers staðar í húsinu eða í næstu íbúðum ... æðislegt!!:) ... hefði að vísu ekki heyrt það ef ég væri sofandi en þar sem ég er það ekki þá get ég að sjálfsögðu fyllst réttlátri reiði yfir tillitsleysi nágranna minna og hnussað yfir hávaðanum:) .... held samt að framkvæmdirnar séu búnar núna ef framkvæmdir mætti kalla, þetta var ábyggilega bara ein skrúfa:)

Eyjar ekki-á-morgun-heldur-hinn og ég er barasta farin að hlakka slatta til:) held það verði rosalega gaman:) ég á að vísu eftir að skrifa heilan haug af ferðasögum og núna er önnur að bætast við þannig að ég er að hugsa um að lofa ekki neinu varðandi ferðasögur ... hverjum langar til að lesa svoleiðis hvort sem er? miklu skemmtilegra að lesa um það að fugl hafi skitið á höfuðið á mér og þannig er það ekki? jújú:)

hælæts eru málið - hælæt dagsins fuglaskíturinn? nei ... þrír latte á þremur kaffihúsum fyrir hádegi kannski frekar? eða graflaxinn sem ég var að fá gefins og get ekki beðið eftir að prófa? eða samræðurnar við gaurinn í gæludýrabúiðinni minni sem sagði mér alls konar sögur af því hvernig "óæðri" kattamatur (sem hann selur EKKI) er búinn til - frekar viss á því að þetta séu þjóðsögur að vísu en skemmtilegar þrátt fyrir það:)? eða það að ég skuli vera að blogga við opnar svaladyr klukkan að verða tvö og mér er ekki baun kalt þó ég sé berfætt? eða maturinn sem ég fékk hjá mömmu í kvöld? eða löggan sem var að hóta mér?:) ... ekkert alvarlegt samt, við erum skyld:) eða allt fólkið sem ég talaði við í dag? ... talaði við óvenjulega marga í dag, í persónu, í síma og á msn ... keypti vindsæng áðan líka og bakpoka á 500 kall sem ég verð ekkert sár ef ég týni um helgina því hann kostaði bara 500 kall - búið að vera fínn dagur almennt séð:)

hvað ætli gerist á morgun?:)

góðar stundir

miðvikudagur, júlí 27, 2005

Ég er heppnasta kona landsins!!!!

í morgun skeit fugl á hausinn á mér í ÞRIÐJA SKIPTIÐ Í SUMAR!!! bara í sumar ... þá er ég ekki að telja með alla "fuglaskíta á hausinn" um ævina, bara síðan 21. apríl síðastliðinn ... það er víst góðs viti að fugl skíti á höfuðið á þér en fyrr má nú fyrr vera:)

annars er ég lúmskt sátt við þetta, ekki skítinn sjálfan heldur það sem hann boðar, því ég verð að viðurkenna þetta sumar er búið að vera hreint æðislegt í alla staði og ég hef sjaldan haft það eins gott:) ég held að fuglaskíturinn og að vera bara í einni vinnu sé alveg að gera sig:) ég er einungis að vinna 8 tíma á dag þannig að mér líður eins og ég sé búin að vera í fríi í allt sumar:)

góðar stundir og þakkið æðri máttarvöldum fyrir að beljur skuli ekki hafa vængi:)

þriðjudagur, júlí 26, 2005

komin heim eftir æðislega helgi á Kirkjubæjarklaustri með Þjóðbrókunum Eddu, Pálínu, Bryndísi og Júlíönu (sem ætlar að fá sér blogg áður en hún fer til Bandaríkjanna, er það ekki?:)) það var klikkað gaman:)!!

er soldið sólbrennd eftir Stjórnarfossa hoppið (sólarvörnin hefur víst öll skolast af í vatninu því ég brann þvílíkt ...) en er að skána núna og verða jafnari, meira brún og minna rauð:) ef þið eruð einhvern tímann á Klaustri þá mæli ég hiklaust með því að þið "stökkvið Stjórn" eins og það er kallað, forðist laganema (mér fannst þeir frekar ... merkilegir:)) og fáið bóndann til að leyfa ykkur að prófa fjórhjólið sitt!!!:)

ofsalega gaman og ég skal skrifa almennilega ferðasögu þegar ég er ekki í vinnunni:) ... þangað til getið þið kíkt á sögurnar hjá stelpunum:)

góðar stundir og allt fyrir þig Ásdís:)

miðvikudagur, júlí 20, 2005

veit einhver hvar ég get keypt hacky-sack? :)
fór í Nauthólsvíkina og í sjóinn í gær með Grétu því veðrið var svo rosalega gott:) svo fór ég í klippingu ... en ég gekk ekki sérlega langt þannig að það sést varla að ég hafi verið í klippingu fyrir utan það að hárið er miklu "snyrtilegra" en það var:) ég er nefnilega að hugsa um að safna hári aftur aðeins ... kannski hætti ég samt við og klippi mig stutt aftur ef veðrið heldur áfram að vera svona gott:) og í gærkvöldi fór ég svo út að borða á Ítalíu:) ekkert smá góður matur ... soldið lengi á leiðinni á vísu vegna mistaka í eldhúsinu en við fengum bara í staðinn eftirrétt og drykki í boði hússins sem var rosalega fínt barasta:) ... að vísu vorum við svo lengi úti að borða að við komumst ekki í bíó en förum bara seinna í staðinn:)



og í morgun fór ég í sund!!!! ég er sko með ofnæmi fyrir klór en ég fór í sund fyrir vestan og fann ekkert fyrir því þannig að ég varð að fara í sund aftur til að tékka á þessu undri og stórmerki ... leg ... heitum (ok, aftur komin í vandræði vegna íslensku-fávisku, er kannski ekki hægt að nota þetta í þágufalli? ... :))

jújú, fór og synti 1000 metra og finn barasta ekki neitt fyrir því!!!!:) mér líður ekki eins og ég "sé í" bolnum ennþá (fannst ég alltaf vera í honum lengi eftir sundið því ég var svo aum eftir öll samskeyti í honum:) ... ég ætla samt bara í Nauthólsvík á morgun ef veðrið er svona gott - ætla ekki að storka örlögunum og þannig:)

... talandi um Nauthólsvík, krakkarnir sem vinna á ylströndinni eru með blogg;)

lifið heil og til hamingju með sumarið sem virðist loksins vera komið ... aftur:)

mánudagur, júlí 18, 2005

Haukur Ingi, Hákon Örn og Halldór Friðrik med grænu armböndin sín i Fjölskyldu- og húsdýragarðinum síðasta fimmtudag

Syneta
Strákarnir á leið í ferð með Coco Puffs lestinni ...

Syneta
Lestin fór "frekar" nálægt trjánum sums staðar og Haukur sýnir stoltur ávinning lestarferðarinnar

Syneta
Stákarnir á flekanum ... þessi "brú" eins og þeir kölluðu hana vakti mikla lukku eins og sjá má

Syneta
get ekki póstað myndum ... þetta er rugl!! ... en ég mun komast að því hvað er að:)
ætla að prófa að pósta inn mynd í vinnunni og athuga hvort það sé tölvan mín sem sé að eipsjitta eða hvort að blogger.photos sé ábyrgur fyrir pikklesinu ...



jújú, haldiði ekki að tölvan mín sé sökudólgurinn!! ... ég veit svo sem alveg hvað er að, 60 GB er rosalega mikið en samt ekki neitt klikkað mikið þegar fólk eins og ég hugsar ekkert um jafnvel 60 GB geti klárast:)

fer heim á eftir, tæmi eitthvað út af tölvunni og pósta myndum:)

góðar stundir
ég held að Haukur litli frændi minn hafi meint það sem hrós í gær þegar við vorum að tala um konur og föt og hann sagði: "þú ert ekki svoleiðis, þú skiptir aldrei um föt" ... næst þegar ég hitti þá ætla ég að vera í eldrauðum bol og skærgulum buxum:)

þeir sjá ekki tilganginn með því "að skipta um föt 365 daga ársins!!"

góðar stundir
komin heim:) ljúft! eigið rúm, tveir kettir og sturta sem ég kann á:)

ferðasagan kemur seinna með myndum, bloggermyndadæmið virkar ekki núna heldur ...

góðar stundir

föstudagur, júlí 15, 2005

Við förum á Drangsnes á eftir ... ætlaði að setja inn myndir frá því í gær en myndadæmið er ekki að virka núna þannig að ég læt það bara bíða þangað til við komum aftur:)

við erum búin að skemmta okkur slatta vel saman og ég held að það verði mjög gaman um helgina:)

lifið heil