ég er með ömurlegt lag á heilanum, íslensku útgáfuna af Rockin' Robin með Ragga Bjarna:

flottur jakki, tweed, tweed, tweed (tweed jakki)...

eru ennþá til vinsældarlistar, topp tíu lög á útvarpsstöðvum og þannig... var bara að pæla því ég var að vinna lengur í gærkvöldi og var að hlusta á Rás 2 og Ragnheiði Jónsdóttur... ég er að hugsa um að hlusta meira á hana svo ég geti orðið hrikalega góð í Popppunkti:) ég veit slatta um Black Sabbath og Pantera eftir gærkvöldið;)

erfiður dagur, um að gera að taka svona próf:)

You Are 18 Years Old

18 Under 12: You are a kid at heart. You still have an optimistic life view - and you look at the world with awe. 13-19: You are a teenager at heart. You question authority and are still trying to find your place in this world. 20-29: You are a twentysomething at heart. You feel excited about what's to come... love, work, and new experiences. 30-39: You are a thirtysomething at heart. You've had a taste of success and true love, but you want more! 40+: You are a mature adult. You've been through most of the ups and downs of life already. Now you get to sit back and relax.

What Age Do You Act?

góðar stundir

Góðan og blessaðan:)

það eru komnar fullt af myndum úr ferðinni á netið og ég er búin að fá leyfi til að krækja á aðalmyndasíðuna (með linkum á fleiri síður) þannig að ef þið hafið áhuga á að sjá myndir þá eru þær hérna og það eru fleiri myndir á leiðinni:)

er frekar föst í bókum þessa dagana, bókaseríu réttara sagt sem ég hef ekki lesið fyrr en núna og skil ekkert í mér því þær eru æsispennandi og skemmtilegar og ætlaðar unglingum, auðvitað:)

góðar stundir

Missti óvart af skólanum í gær þannig að ég byrja í dag... steingleymdi því að ég þyrfti að byrja aftur og svaf yfir mig, svaf yfir mig í vinnuna líka en ég var líka gersamlega búin á því eftir helgina:)

næsta skipulagða ferð er víst fyrstu helgina í febrúar en hún verður miklu "mannúðlegri" með heitum potti, rennandi vatni, örbylgjuofni og ísskáp samt svipað langt út úr bænum og jökull í næsta nágrenni sem Willisinn minn kemst kannski uppá, ég ætla að minnsta kosti að prófa:)

annars mest lítið að frétta svona almennt séð þannig að ég læt þetta duga þangað til ég er búin að fara í skólann og hitta kennarann minn... mig minnir að hann sé hálfgerður asni en ég vona heitt og innilega að ég hafi rosalega rangt fyrir mér því ég nenni ekki að taka kúrsinn og ef kennarinn er "sérstakur" verður þessi önn mörder:)

góðar stundir

Sjjjjiiiitttt hvað var GAMAN!!!!
mæli með að allir fari í Þórsmörk um vetur:) ég fór einu sinni um vor að vísu (10. bekkjarferðin) en ég man merkilega lítið eftir henni vegna .... jamms, ætla ekki út í það hérna;)

ég varð bara nokkrum sinnum hrædd á leiðinni, sem er stórmerkilegt vegna þess að ég hef þvertekið fyrir það að fara út úr bænum um vetur alla ævi því ég er svo hrædd við þetta allt saman - snjó og myrkur og vind og kulda og skafrenning etc., gersamlega óraunhæfur ótti, I know, en það kallast fóbía - kommon sumir eru með fóbíu fyrir mönnum með skalla, peladophobia, fallegum konum, caligynephobia, og rúmum eða að fara í rúmið, clinophobia, mér finnst ekkert asnalegt að vera með fóbíu fyrir að fara í vetrarferðalög... ég er líka afkomandi Reynistaðabræðra og sjáið hvernig fór fyrir þeim!:)

anívei... skemmti mér hrikalega vel - nema á leið yfir Hellisheiðina, held að ég sé ennþá með nokkra vöðva fasta í bakinu eftir að hafa keyrt yfir heiðina í gærkvöldi á leið í bæinn, þegar ég var loksins komin að Rauðavatni hefði verið hægt að grilla pylsur á eyrunum á mér ... ég hefði líka getað stungið höfðinu á mér ofaní bala fullan af vatni og fengið það til að sjóða:) ... kannski er ég ekki með vetrarferðarfóbíu heldur Hellisheiðafóbíu?:) pæling ...

segi ferðasöguna seinna... þegar ég á ekki að vera að vinna;)

góðar stundir:)

P.S. ég er aftur orðin mjög rétthent, hægri höndin á mér er næstum tvisvar sinnum stærri en sú vinstri - er að reyna að muna hvort ég hafi eitthvað notað vinstri hendina í ferðinni... hlýtur að vera því án hennar hefði ég varla getað reimað skónna mína;)

var að læra soldið nýtt í gær:
Samkvæmt útvarpslögum ber eiganda viðtækis, sem nýta má til móttöku á útsendingum Ríkisútvarpsins, að greiða afnotagjald, útvarpsgjald, af hverju tæki. Þó skal aðeins greiða eitt útvarpsgjald fyrir einkaafnot fjölskyldu á heimili.

... tölvur með nettengingu flokkast undir viðtæki sem nýta má til móttöku á útsendingum Ríkisútvarpsins .... löglegt kannski en mér finnst það siðlaust að rukka fyrir tölvur bara vegna þess að það er hægt að fara inná ruv.is og hlusta á útvarpið ...

það er frábært að eiga jeppa:) fyrir utan hvað er gaman að keyra hann þá er ég að fara í alvöru jeppaferðalag um helgina með alvöru jeppafólki - ég veit að einn jeppinn verður svona drauma-Land Rover sem getur keyrt í kafi... jamms, mig langar í svoleiðis:) en ég er mjög sátt við minn auðvitað:)

ég hef ekki minnstu hugmynd um hvað fólk tekur með sér í svona ferðir þannig að ég hringdi í töffarann bróður minn og spurði hvað ég ætti að taka með mér:
"áttu ekki kraftgalla eða eitthvað?"
"jú"
"farðu í honum og gönguskónum þínum, hvar gistið þið?"
"í einhverjum skála"
"taktu þá hlý föt til að vera í inni og farðu með svefnpokann sem er heima hjá mömmu og pabba, hann þolir -50°C frost"
"heldurðu að það sé nauðsynlegt?"
"það er betra því það getur orðið frekar svalt í janúar. Ég skal lána þér verkfæri, þrýstingsmæli, loftdælu og kaðal og skóflu, þú verður að vera með skóflu og kaðal"
"eitthvað fleira?"
"nei"

... skófla, kaðall og hlý föt er sem sagt það nauðsynlegasta í svona ferð, en mig grunar að bróðir minn sé of mikill töffari... mér dettur samt ekkert meira í hug, nema kannski kakó og aukanærbuxur:)

Gleðilegt ár alle sammen:)

fékk 5, 6, 7 og 8 South Park seríuna um daginn, ógeðslega eru þetta sjúkir þættir - ég fíla þá í ræmur;)

hef ekki mikið að segja annað en að ég er ekki hætt að blogga ... þangað til næst,

góðar stundir

Sælt veri fólkið:)

ég veit þið haldið að ég hef verið að drukkna í verkefnum og skólavinnu undanfarið og hef þar af leiðandi ekki verið að blogga en það er ýmislegt annað að gerast í lífi mínu líka. Eitt hið merkilegasta kom eins og þruma úr heiðskíru lofti og ég er bæði himinlifandi og ósegjanlega hrædd um að ég sé að gera einhverja vitleysu... allt í lagi að vera bæði hrædd og hamingjusöm, það rímar meira að segja næstum því ... gæti verið úr popplagi:)
Málið er nefnilega að ég ætla að gifta mig á Jóladag!! laugardag eftir viku:) fyrst verður bara lítil athöfn með nánum vinum og fjölskyldunni en svo eftir allt mega allir koma í risastóra veislu:) ég vil ekki neina pakka því ég á allt í búið og á nóg af bókum og það sem ég á ekki í búið vil ég ekki ... nema kannski George Foreman grillið, en ef þið komið með pening í brúðkaupsgjöf get ég keypt mér svoleiðis:) þannig að peningur og nærvera ykkar er eina sem mig langar í á brúðkaupsdaginn ... og er einhver getur látið sjá sig fyrir athöfnina með eitt stykki mann sem vill giftast mér yrði ég rosalega þakklát:)

Góðar stundir

Skólinn... nóg að gera:) þannig að færsla dagsins í dag verður úr Morgunblaðinu, 1. maí 1952:

SCHUBERT Í HALDI HJÁ KOMMÚNISTUM!!!

STOKKHÓLMI [það stendur að vísu Stokkmómli en ég leiðrétti hér með villuna] - Svenska Dagbladet flytur eftirfarandi frétt fyrir nokkrum dögum:
Austur-þýzkur tónlistarnemi sat nýlega á bekk í lystigarði Leipzigborgar og gluggaði í nótnablöð úr verkum Schuberts. Rússneskan liðsforingja bar þar framhjá og varð um leið litið á nótnahefið. Skyndilega snerist hann á hæli, vatt sér dólgslega að hinum grandlausa námsmanni og tók hann fastan með þeim ummælum að hann væri grunaður um njósnir. Nótnaheftið tók Rússinn í sínar vörzlur.
Pilturinn var þegar fluttur í bækistöðvar M.V.D. (rússnesku leyniþjónustunnar) og yfirheyrður þar með harðræðum í heila klukkustund. Gat hann að sjálfsögðu engar aðar uplýsingar látið í té en þær, að hann hefði verið að kynna sér verk Schuberts, sem naumast yrðu talin njósnafyrirmæli, Schubert væri tónskáld en ekki undirróðursmaður Vesturveldanna.

Þessum upplýsingum tók hinn spuruli Rússi afarilla og hrópaði að lokum fólvondur: "Þú lýgur! Schubert hefur þegar játað!"

góðar stundir

Komin með hnapp þarna efst í hægra hornið og ég hvet alla til að gefa blóð, núna þurfa þau á blóði að halda þannig að ef þið hafið gefið blóð einhvern tímann skellið ykkur endilega niður á Barónstíg í dag í kaffinu eða eitthvað:)
ef þið hafið aldrei gefið blóð farið þá í næstu viku og farið í svona prufu, ekkert mál og allir rosalega vinalegir og svo eru kökur eftirá:)... nei, ég fer ekki bara útaf kökunum;)

.... þegar ég var að bisa við hnappinn virðist fyrri póstur dagsins í dag strokast út ... tékka á þessu og athuga líka hvort ég geti ekki sett link í hnappinn... að á alveg að vera hægt er það ekki?... nei, annars, ég skal gera það í kvöld ... þegar ég er búin í vinnunni;)

Fékk aukaskammt í mötuneytinu í dag því ég var orðin verulega svöng... súkkuaði-kúmen-klatta-pönnukökurnar bötnuðu ekkert þó þær fengu að standa, kom mér svo sem ekkert á óvart:) mötneytiskonan, hún Halldóra, hló að mér þegar ég sagði henni frá því að ég hafi ætlað að elda fyrir mig sjálfa í gær og sagði að ég ætti bara að biðja um að fá mat sendan heim þegar ég byrjaði í prófunum:) munur þegar fólk í mötuneytum er svona yndislegt:) ... persónulega langar mig til að taka hana heim með mér:)

var að breyta linkum vegna ábendingar um að Kollsterinn væri löngu hætt í pásunni sinni, hlýtur að vera soldið síðan líka:( úpps ... og ég bætti þremur nýjum bloggurum inn, Guðrúnu Hinni, Ellu Maju og Láru - allt yndislegar stelpur sem ég hef kynnst nýlega ... en það fer að koma að því að raði öllum linkunum mínum uppá nýtt, það er eitthvað kaos á þessu hjá mér;)

varðandi jólahlaðborðið, Siggi Hall kemur til greina enda í næsta húsi við mig en ég hef líka verið að heyra góðar sögur af Skíðaskálanum og Rauðará ... ætli það sé hægt að gista í Skíðaskálanum?:) gera þetta enn meira grand ... kannski ekki? ;)

góðar stundir

Ég er að skrifa ritgerð um efni sem mér er alveg nákvæmlega sama um og hef afskaplega takmarkaðan áhuga á... samt áhugavert efni miðað við kúrsinn sem ritgerðin er í, á honum hef ég ekki minnsta áhuga:) og hvað gerði ég í hádeginu? ég eldaði mér hádegismat!! svona eins og ég geri bara þegar ég á að vera að gera verkefni og tek mér frí í vinnunni þar sem er fínt mötuneyti og sér mér yfirleitt fyrir hádegismat á virkum dögum... og hvað eldaði ég kunnið þið að spyrja? hvers konar gormey-snilld framkallaði ég í eldhúsinu mínu? svarið er:
súkkulaði-kúmen-klatta-pönnukökur!!!

vá!! heyri ég ykkur segja, rosalega hljómar þetta vel!!! afhverju hef ég aldrei smakkað súkkulaði-kúmen-klatta-pönnukökur? amma bakaði aldrei svoleiðis, mamma ekki heldur en hún á samt haug af uppskriftarbókum og fylgist með nýjustu straumum og tískum í matargerð og næringu a la Jamie Oliver og Nigella Lawson, pabbi ykkar hefur heldur aldrei eldað súkkulaðið-kúmen-klatta-pönnukökur þó að margt misjafnt hafi hugsanlega litið dagsins ljós með hann við stjórnvölin ... nei, þau hafa líklega aldrei heyrt um súkkulaði-kúmen-klatta-pönnukökur því þau eru væntanlega of skynsöm til að eyða hráefni í þannig vitleysu ...

ég get ekki sagt að þetta hafi verið hreinn viðbjóður því ég borðaði næstum því tvær ... en ég var mjög svöng og ég verð að segja að ég er orðin frekar vön því að borða það sem stendur til boða, samanber það að ég borða í mötuneyti alla daga vikunar ... en þetta var ekki gott, held ég:) ég á næga afganga, kannski eru súkkulaði-kúmen-klatta-pönnukökur betri þegar þær hafa fengið að standa aðeins og ... svitna eða sjattna eða hvað það nú er sem matur gerir þegar hann er látinn standa ... þá er ég auðvitað að ganga út frá því að súkkulaði-kúmen-klatta-pönnukökur geti kallast matur ...

en aftur að Lazarillo de Tormes, nafnlausu persónuninum og ritstíflunni (sem læknaðist um leið og ég loggaði mig inn á blogger.com ... lífið er ekki sanngjarnt)

góðar stundir

Ég er að hugsa um að fara á jólahlaðborð:) afhverju ekki? mér finnst maturinn alltaf rosalega góður og svo er eitthvað svo hátíðar- og jólalegt að fara og borða alvöru mat einhvers staðar í kósí umhverfi og þurfa ekki að vaska upp eftir sjálfa mig - vera soldið grand á því:) undanfarin ár hef ég alltaf farið með vinnunni eða vinum eða fjölskyldunni en ég held að það sé ekkert planað í ár ... ég hef að minnsta kosti ekki fengið að vita neitt um það:) þannig að ég er að hugsa um að plana þetta bara sjálf:) ... kannski eftir prófin en panta borð núna - hlýtur að vera eitthvað laust einhvers staðar? kannski barasta á virkum degi og bæta einum degi við í "upplestrarfrí" í vinnunni;)

skemmti mér vel um helgina en næsta helgi verðum við með "almennilegt íslenskt partý" fyrir Kíþ:) hlakka til og takk fyrir síðast stelpur:)

góðar stundir

hefði ekki giskað á þetta sjálf ...

Take the quiz: "Which American City Are You?"

New York
You're competative, you like to take it straight to the fight. You gotta have it all or die trying.

var að vonast eftir að fá New Orleans vegna þess að mig langar til að fara þangað:) ... væri alveg til að í að fara til New York líka auðvitað en New Orleans er meira spennandi ... í augnablikinu;) þangað til ég kemst þangað og fæ áhuga á nýrri borg sem ég verð að komast til:)

Which Buffy Girl Are You? Find out @ She's Crafty


er þessi karakter skemmtilegur?:) hef ekki séð Buffy í nokkur ár sko....:/

ég var í bakaríinu áðan og það var strákur fyrir aftan mig sem bað um rúnstykki "æi, svona með fuglakorninu" semsagt sesamkubb:) það er svo gaman að búa í Reykjavík núna:) í gær sá ég mann með lítinn sták á háhest, stákurinn hefur verið svona fimm ára og hélt á leikfangakúrekabyssu ... hann hélt henni upp að gagnauga föður síns og þegar ég gekk framhjá þeim var strákurinn einmitt að reyna að fá pabba sinn til að fara hraðar en pabbinn nennti því ekki ... ef það væri einhver á öxlunum mínum og hélt byssu að höfðinu á mér myndi ég hlaupa:)

rosalega gaman í London og Oxford (nærbuxnadjókurinn var bara skot á mig ... við vorum nýkomin úr Safeway þar sem ég þóttist ekki þekkja Hannes þar sem hann gekk um með klósettrúllur á höfðinu og kallaði á mig ... hmmm) ... líka rosalega gaman um síðustu helgi þó að það hafi vantað fleygar setningar eins og:
"förum og málum bæinn rauðan"
"þokkalega!! í alls konar litum!!" ...

í staðinn drukkum við Fight Club kokkteila, ég reyndi að forðast að vera knúsuð af ónefndum rauðklæddum kvenkyns dverg og hætti við að fara á klósettið því röðin var ákvörðuð af því hver vann sjómann... jamms, alltaf gaman að fara á djammið með Írisi:)

góðar stundir,
Rúsínan
(eftir tæpar tvær vikur í sturtu krumpast allt...);)

halló hannes hér..
Guðrún er í sturtu og ég er að blogga, eitthvað sem ég hélt ég myndi aldrei gera.. anyhoo. Guðrún komin með fréttir af eldgosi og verkfallsfríi kennara og ég veit ekki hvað og hvað.. Allt að gerast á íslandi bara.
Guðrún er frábær gestur, maður þarf ekkert fyrir henni að hafa, hún reyndar vakti mig í morgun með orðunum; Hvað segirðu um stóran bolla af sterku kaffi? (já, hugsaði ég með mér og ætlaði að segja henni hvar ég geymi kaffið og bíða svo eftir að fá það í rúmið) - svo bætti hún við að henni leiddist og að við yrðum að fara úr húsi - sem við og gerðum. Nema bara hvað, búin að fá kaffi, egg, beikon, latte, appelsínusafa, vísunda mozzarella.. og ready to rock. erum að fara í bæinn svo guðrún geti keypt nærbuxur. (hún var svo spennt greyið í gær... förum ekkert nánar útí það).
bæbæbæ

... eða næst... eða ekki:) ... það er ástæða fyrir því að hann er ekki með blogg sjálfur... EN ég gladdi heilan hóp af strákum í gær, alveg marga marga - alltaf gaman að geta glatt fólk og leyft því að byrja fríið á brandara og skemmtilegheitum, sérstaklega þegar það er ekki einu sinni kominn dagur.... ég bað nefnilega um sæti vinstra megin í vélinni til að geta séð eldgosið út um gluggan og fékk sæti 4A, en ég var ekki vakandi þegar ég fór inn í vélina þó ég væri löngu komin á fætur... ég sem sagt labbaði inn og hlammaði mér beint í sæti 5F, ekki rétt sætaröð og alveg hinum megin í vélinni:) ok... svo koma einhverjir strákar og hrofa á mig og svo miðann sinn, aftur á mig og ég fatta að kannski er ég ekki alveg á réttum stað og spyr: er ég í vitlausu sæti? er þetta ekki fjórða röðin?
nei, þetta er fimmta, svöruðu þeir þannig að ég ákvað að redda þessu eins hratt og ég gat, henti töskunni minni yfir sætið og kom mér eins fljótt og ég gat í sætið fyrir framan mig - en þeir héldu áfram að horfa á mig....
er þetta ekki rétt hjá mér?
ertu í 4F? spurðu þeir og ég roðnaði.... mikið og færði mig, aftur, þangað sem ég átti að vera EN ég sá eldgosið:)!!!

... það er þráðlaust net alls staðar í London ....

Þá er ég komin til London ... ég er að skrifa íslenska stafi á útlenskt lyklaborð þannig að það er gott að ég veit hvar allir stafirnir eru blindandi því það eru engin merki á tökkunum:) ég er lík að horfa á Finding Nemo, keypti hana í gær og hef aldrei séð hana... við byrjuðum að horfa á hana í gærkvöldi en ég held ég hafi sofnað því ég veit ekki hvort Nemo finnist:) ég er samt nokkuð viss um að hann finnist - blái fiskurinn er hrein snilld:) Ellen Degeneris leikur hana held ég... "wait a minute, I speak whale!!" hehehehe

anívei, ég borðaði vísunda mozzarella í morgun, samloka með vísundamozzarella - hljómar vel er það ekki? rosalega vel, vísunda-ostur!!! mér fannst ég vera geðveikt hugrökk sérstaklega þar sem ég borðaði veruelga góða pizzu í gærkvöldi með hráu kjöti... en það er önnur saga... vísundaosturinn var gersamlega, algerlega, hundrað prósent bragðlaus - ekkert, ekkert bragð .... bara að vara ykkur við:)

ég ætla að fara í snögga sturtu en Hannes ætlar að blogga næstu færslu:)

góðar stundir