andsk..... ég held að "description" línan hafi farið í fokk við síðustu framkvæmdir.....

SJITT hvað ég er góð:)!!!

að vísu er þetta ekki beint myndin sem ég hefði valið ef ég hefði ekki bara verið að prófa þetta en núna kann ég þetta að minnsta kosti held ég:)

myndirnar sem fara inn verða að vera af netinu og með sína eigin "addressu"... þá er bara að finna einhverjar skemmtilegar myndir er það ekki?:)

orðin alltof sein núna og verða að fara:)

ok hvað með ÞETTA!!!

Var að bæta inn linknum fyrir júróvisjón farabloggið.... þeir eru með slatta af myndum á þessari síðu sem er alveg nákvæmlega eins og mín!!!!

hmmmmm.... ekki sniðugt!

I'm definetly missing something here..... ef einhver veit hver galdurinn má endilega láta mig vita:)

Djös snillingur er ég:) alltaf að læra eitthvað nýtt líka... eins og þegar ég er að vesenast með bróður mínum, hann veit alla skapaða hluti um bíla en það fyrsta sem ég sá þegar ég leit ofaní vél á bíl var hvað hún var skítug;) núna þekki ég munin á öllum þessum hlutum - sort of... ég sá vél í 740 BMW um daginn, heilinn kostar 600.000.- kall - pant aldrei eignast solleis:) hann er alltaf að kenna mér eitthvað nýtt þannig að ég er að hugsa um að hjálpa honum að fá sér svona "dotcom dæmi" (e-mail) eins og hann er alltaf að tala um:)

Ég er að fara út í búð til að kaupa dót til að baka úr fyrir diskójúróvisjónpartýið í kvöld:) ég á að baka snákakökuna mína og Íris ætlar að koma með marglitar pönnukökur - Guffi ætlar snemma heim úr vinnunni og baka eitthvað líka;) þetta verður alger snilld - kannski ætti ég að skella mér á sjónvarp líka hjá BT og fá það endurgreitt þegar Birgittan okkar vinnur?

Mæli með því að allir horfi á fréttirnar í kvöld því Guðrún Lind litla frænka mín verður þar að syngja okkar framlag til keppninnar með "skólahópnum" í leikskólanum sínum. Þau æfðu lagið fyrir "útskriftina" í Holtaborg í síðustu viku og ég held meira að segja að sum þeirra dansi eitthvað... kannski er það samt ekki part af prógrammet?:)

Mig hefur dreymt alveg rosalega furðuleg síðustu tvær nætur. Fyrr í vikunni vaknaði ég örþreytt eftir að hafa verið að læra eitthvað tungumál (spænska held ég) með því að halda uppi samræðum af blaði, brálæðislega erfitt og flókið enda kann ég ekki orð í spænsku fyrir utan una cerveze por favor:) Í gær morgun vaknaði ég praktikallí með grindagliðnun eftir að hafa verið ólétt alla nóttina (og það fyrsta sem vinnuveitandinn minn gerði þegar hann mætti var að rétta mér eins árs dóttur sína, stutt meðganga!) og í morgun vaknaði ég með klígju dauðans, á undan vekjaraklukkunni, því það hafði flætt uppúr klósettinu í einhverju húsi sem ég var í með einhverjum manni sem ég veit ekki hver var... gulbrúnt vatn og mannar um allt gólf!!!! Ekki litlir og sætir(???) mannar eða úr plasti eða hundakúkur heldur eitthvað sem stórir menn sem hafa borðað of mikið af þorramat myndu skíta - verulega ógeðslegt en sem betur fer alveg lyktarlaust því þetta var draumur:)

Skítur boðar samt peninga þannig að minns ætlar að kaupa sér lottó fyrir kvöldið - eða veðja stórum pening á keppnina í kvöld:)

What the fuck!!!

HVAÐ kom fyrir??????

Andskotinn.....

Ömurlegt að vera að vinna inni í svona veðri... sérstaklega þegar maður er inni í 11 klukkutíma á dag:/ að vísu er alltaf gott veður í maí og í júlí þegar það er búið að vera rigning í tvær vikur samfellt verð ég himinlifandi yfir því að þurfa ekki að klæða mig í pollagalla á hverjum degi:)

Í morgun þurfti ég að skera 50 kíló af fiski í litla bita til að setja í fiskrétt. Hann var blautur og soldið bleikur eins fiskur er yfirleitt en ég las mannakjötsátsdrauminn hennar Beddu í gærkvöldi. Þegar ég var að fylla fimmtu tunnuna... þetta tekur alveg rosalegan tíma... fór ég að pæla í þessum draum - eins og maður gerir. Ef ég hefði verið að skera mannakjöt í litla bita hefði ég verið búin með heila Jennu eða eitthvað annað módel ... eru þau ekki flest milli 40 og 50 kíló?:)

Ég þoli ekki fólk sem kemur inn eftir lokun! Við lokum klukkan hálfsjö og fólk sem kemur eftir það eru lúðar, ef þú kemur of seint hefðirðu átt að leggja fyrr af stað:) eftir á er samt soldið fyndið hvað fólk segir þegar þau eru að reyna að fá afgreiðslu... ég afgreiði alla auðvitað, annars myndi ég missa vinnunna, en ekki með bros á vör - brosið hverfur þegar vinnutímanum er lokið;)

"Nú eruð þið búin að loka?" - nei, við geymum fiskinn alltaf undir bláu plasti
"Hvað ertu með?" - sést ekki fyrir bláa plastinu sem sagt
"Ég rétt slapp!" - ef þú kallar það sloppið að koma þegar búið er að þvo allt, skúra, ganga frá og pakka öllu inn...
"Nú, lokiði hálfsjö?" - jamms, þá LÆSUM VIÐ HURÐINNI!
"Ég ætla bara að fá eitthvað fjótlegt" - fyrir þig sem sagt, ekkert fljótlegt við það fyrir mig að blanda saman rétt með tilheyrandi subbuskap þegar ég á að vera komin heim til mín
"Áttu ekki eitt flak?" - hmmm, jú, þú ert í fiskbúð.....

hvað er málið með að snigla sér inn eftir lokun... ok, "snigla" gefur til kynna að um sé að ræða hljóðlega inngöngu ekki að banka húsið upp að utan og kalla inn um rifuna á læstri hurðinni: "eruð þið búin að loka??!!!!!"

Var að koma heim eftir að hafa farið að kaupa ís með Írisi og Þóru:) Snilldar veður... en soldið kalt til lengdar svona þegar sólin var að setjast og þannig:)

Þessi síða er mjög merkileg hverjum dettur í hug að kaupa sér svona dót? og hvað er málið með þessa gaura!!!!! Fólk er svo furðulegt:) ég er að stela þessum link frá Ævari til að sýna hvað fólk getur verið GEÐVEIKT!

Þá er það Boston Public og lestur bókar sem er alger snilld... eins og allt eftir Colin Bateman:)... og svo er ég að hugsa um að fara að sofa einhvern tímann fyrir klukkan eitt í nótt:)

Komst að því hvernig hægt er að setja myndir inn á þessa síðu... ég verð að nota annað blogg-fyrirtæki, borga fyrir stærra geymslupláss eða hoppa.... ég verð bara að koma heimasíðunni minni á gagnið eða fá mér svona online-photoalbum eins og ég hef séð að sumir eru með:) ekki í kvöld samt, orðin þreytt og hreinlega nenni ekki að fara að sannfæra fleiri heimsíður um að ég sé ekki djöfladýrkandi og lesa allt smáa letrið þeirra:)

Það kom mjög merkileg fjölskylda í búðina í dag! Mamman kemur reglulega og er alltaf merkileg en þegar hún kemur með börnin sín er það eins og að horfa á bílslys... ekki hægt að líta undan! Hún er alltaf mikið en smekklega máluð, held ég, í rosalega dýrum fötum og röflar mikið. Stelpan hennar leit út eins og hún væri dansari í Christina Aguleira myndbandi í g-streng girtar hærra en buxurnar og Emil í Kattholti húfu. Strákurinn eins og hann væri á leiðinni á ball með samkynhneigðum vampírum:/ Svörtum jakkafötum, niðurklesst hár og meira meikup en Cher á slæmum degi... ég var að reyna að afgreiða annað fólk á meðan þau böbbluðu og hringdu í hina ýmsu einstaklinga sem væru hugsanlega að koma til þeirra í kvöld og hvað þau væru líkleg til að borða... ég gat engan vegin einbeitt mér og viðskiptavinir mínir söguð " ha" aftur og aftur á meðan þau reyndu að slíta augun af þessari íslensku Osbourne fjölskyldu... hvernig ætli pabbinn sé?

Ég var að eignast GOONIES!!! (fyrir sanna aðdáendur) Kolbeinn tölvugúru var að brenna hana fyrir mig og ég get ekki beðið eftir því að horfa á hana á eftir... ég lofaði sjálfri mér að fara snemma að sofa en þar sem ég hef aldrei staðið við það hingað til ætla ég ekki að fara að byrja á því núna:) kannski ætti ég samt að sleppa því ef ske kynni að hún væri ekki eins frábær og mig minnti... samt olli Never Ending Story ekki neinum vonbrigðum þegar ég sá hana um daginn:) - einnig í boði Kolbeins auðvitað:)

Nenni ekki að komast að þessu með myndirnar í kvöld... hugsanlega, mögulega er ég ekki alveg eins spennt og ég var þegar ég byrjaði á þessu á laugardaginn... kannski er ég með athyglisbrest? heitir það ekki athyglisbrestur þegar fólk getur ekki einbeitt sér að einum hlut í einu lengur en tvær sekúndur? alveg örugglega! orðið er aðeins of lýsandi til að geta þýtt eitthvað annað:)

Talandi um orð, hvað er kvenkynsorðið fyrir róna? hvað heita konur sem eru rónar? ef einhver veit það má endilega fræða mig á því:)

Allt í vinnslu... fer að verða komið held ég bara, svona nokkurn veginn, mig langar soldið til að breyta þessum litum og leturgerðum og ég veit ekki enn hvernig ég á að setja inn myndir en ég hef heldur ekki verið að leita að upplýsingum um það:) Ef ég kynni það myndi ég setja inn mynd af bílnum mínum sem ég er að fara að bóna núna... ekki bóna beint heldur "undirbúa" það einhver veginn er mér sagt... ef það er hægt veit ég enn minna um bíla en tölvur:) en það góða við það er að núna er ég alltaf að læra eitthvað nýtt:).... muna að finna mér smileya á netinu einhver staðar.... :) þetta verður ljótt til lengdar:)

fattaði þetta með "online"ið sjálf... held barasta að ég sé að verða ágæt í þessu:) sérstaklega vegna þessa að þetta er fyrsti dagurinn minn og þannig:)

núna er ég að fara að fá mér bjór og spila við Írisi vinkonu mína sem var að koma... við töluðum saman fyrir löngu en ég á eftir að fara í sturtu... rosalega flýgur tíminn hratt þegar maður er á netinu:)

Gestabók komin - ÉG bjó sjálf til link og þurfti ekki að nota "hausinn" sem þeir gáfu mér upp:) samt að velta því fyrir mér að breyta þeim eitthvað....
Teljarinn kominn - skil ekki alveg afhverju þetta skiptist í tvennt þarna "onl" og svo "ine" ef einhver veit það má sá hinn sami alveg láta mig vita hvað er í gangi:)

Mikið rosalega er mikið af smáu letri sem þarf að lesa til að mega fá sér svona dót... var heillengi að scrolla niður, neðar og neðar til að geta samþykkt þetta og sannað að ég væri ekki einhver djöfladýrkandi sem ætlaði að setja inn myndir af dýrum og börnum í annarlegum stellingum og kenna fólki að búa til vetnissprengjur:) ætli ég komist á svartann lista ef ég skrifa "Kokkabók Stjórnleysingjans"? á ensku sem sagt... þessi síða er of ný til að ég þori að storka örlögunum:)

Núna er bara spurning hvernig ég get sett inn myndir og þannig... ætli ég verði ekki að surfa help-dálkinn aftur:)

Djös snillingur er ég!!!!

Ok, núna ætla ég að fá mér teljara og gestabók... ekki veðurfréttakonu samt;) kíkið út um gluggann rassgötin mín;)

þá er að athuga með að inserta Hyperlinka... mér finnst það nefnilega svo flott þegar fólk skrifar texta og "stafirnir" vísa manni eitthvað annað.... ok, tilraun eitt hér er hægt að finna allt...

Sko mig:) núna geta allir kommentað á það sem ég var að segja og þannig... ég er beisikallí að skrifa þetta til að tékka á því hvort ég verði að fara í templaitið eftir hvern póst eða ekki... svo langar mig líka til að tékka aðeins á þessari klukku sem kemur þarna í lokin...

... og hvað gerist?

Ég hélt próflokapartý í gær fyrir deildina mína og spurði gestina hvort þau myndu lesa bloggið mitt ef ég væri með blogg... allir sögðu já þannig að hugsanlega mætir einhver hingað inn... EF ég skifa eitthvað eftir þetta hérna sem sagt:) annars skil ég ekki blogg svona yfirleitt þannig að ég veit ekki alveg afhverju ég er að þessu en ég næ engu sambandi við Símann Internet og þeir hafa hingað til ekki hjálpað NEITT með vefsíðuna mína! ég KEYPTI 10MB hjá þeim sem er ekki ennþá notuð... Heldur ekki eins og ég sé að biðja um mikið, mig langar bara til að fá að vita FTP "heimilsfangið" þeirra en þeir svara ekki e-mailum og ég hef hvorki tíma né þolinmæði til að vera á "bið" og hlusta á muzak þegar Þjónustuverið er opið... Síminn Internet skammist ykkar!!

Mig vantar sem sagt stað þar sem ég get verið með linkana mína og sett allt sem mér finnst fyndið inn... ég er alltaf að finna eitthvað verulega flott sem mig langar til að deila með öðrum en ég vil ekki gera alla vitlausa á stöðugum tölvupósti... ég er ekki "þannig" feministi;) hafið þið PRÓFAÐ að vera áskrifandi að þessum póstlista?!! ég fékk viðvörun frá Símanum um að ég væri að ofnota pósthólfið mitt - þeir hafa samband útaf því!!!!!

Anívei, sjáum hvernig/hvort þetta virkar;)