þriðjudagur, nóvember 08, 2011

svaf ágætlega í gær en núna þegar það er bara tæpur klukkutími eftir af vaktinni þá er ég farin að rembast aðeins við að halda mér vakandi, þrátt fyrir hávaða í vinnunni ...

þetta lag hjálpar pottþétt ;)




fattaði síðustu nótt að ég er búin að vera lasin núna rúmlega þrjár vikur þannig að ég pantaði tíma hjá lækni áður en ég fór að sofa og fékk strax tíma 9:20 hjá stelpu sem getur varla hafa verið nægilega gömul til að vera læknir - ég er hins vegar farin að hljóma eins og gamla fólkið þannig að það er augljóslega ekkert að marka mig? ég sagði henni hvað væri að hrjá mig og hvernig þetta hefði þróast. hún hlustaði mig og heyrði "berkjuhljóð", skoðaði eyrun og þrýsti á eitlanna ... þetta venjulega og sagði svo að það eina í stöðunni væru sýklalyf.

er það í alvöru ennþá það eina í stöðunni? er ekki hægt að gera neitt nema láta fólk fá sýklalyf? hún vissi ekki hvað var að mér almennilega, viðurkenndi að hún vissi ekki hvað orsakaði ýmis einkenni, til dæmis kláða á iljunum og höndunum, en ætlaði samt að skrifa uppá sýklalyf. þegar ég sagði sem er að þegar ég tek sýklalyf verð ég yfirleitt veikari af þeim en af pestinni sem plagar mig sagði hún að þá gæti hún bara látið mig hafa astmapúst þannig að ég yrði fljótari að jafna mig þegar ég er búin að reyna á mig (verð móð eins og lungnasjúklingur með þessa hálsbólgu) og mig myndi þá líka svima minna þegar ég næ illa andanum ... púst?

veit ekki almennilega til hvers ég ætlaðist? kannski að hún myndi taka blóðprufu og sjá hvort þetta væri bara flensa eða eitthvað annað? ef þetta er bara flensa þá fer hún væntanlega þó það taki tíma? en ef þetta er eitthvað annað sem versnar? kannski mega læknar almennt ekkert vera að eyða peningum í blóðprufur? kannski mega þeir bara ávísa sýklalyfjum/pústi og sterakremi (á kláðan sko) en ekki eitthvað flóknara?

en jú, hún sagði mér að vísu líka að láta mér batna, ég er að spá í að fara eftir þeim læknisráðum


en ég er líka að spá í að gera það pústlaust


lifið heil og hraust

3 ummæli:

Nafnlaus sagði...

Það eru því miður margir læknar bara hreint út slæmir og eru bara við færibandið :/
Ég get mælt með heimilislækninum mínum, honum Jóni Bjarnasyni, http://hglagmuli.com/
Hann er einstaklega óhræddur við að taka sýni úr manni til rannsókna eða að senda mann annað ef hann fattar ekki hvað er að. Hann greindi krabba hjá mömmu þegar hún átti að vera með astma samkvæmt læknum í Hafnarfirði. Mæli með honum.

Nafnlaus sagði...

Þetta var ég...Gummz

Sif sagði...

Úff ég mæli sko með því að þú látir þér batna!! Með eða án lyfja... er þetta ekki bara einhver flensuskítur sem þú hefur pikkað upp í ammríkuhreppnum þegar þú valsaðir þar um ?
Allavega.. láttu þér batna almennilega.. mér sýnist á öllu því sem þú ert að gera að þú hafir ekki tíma í þetta til viðbótar!!
En fyrst og fremst... farðu vel með þig vinona!!