Try not. Do, or do not. There is no try. - Yoda

2011-12-21T21:49:00.000Z

Eitt af þessum lögum sem ég get hlustað á aftur og aftur ...

... en núna get ég ekki hlustað almennilega á það því ég er í vinnunni og missti annað heyratólið ofaní kaffibollann :/

Lifið heil :)

2011-11-08T06:26:00.002Z

svaf ágætlega í gær en núna þegar það er bara tæpur klukkutími eftir af vaktinni þá er ég farin að rembast aðeins við að halda mér vakandi, þrátt fyrir hávaða í vinnunni ...

þetta lag hjálpar pottþétt ;)

fattaði síðustu nótt að ég er búin að vera lasin núna rúmlega þrjár vikur þannig að ég pantaði tíma hjá lækni áður en ég fór að sofa og fékk strax tíma 9:20 hjá stelpu sem getur varla hafa verið nægilega gömul til að vera læknir - ég er hins vegar farin að hljóma eins og gamla fólkið þannig að það er augljóslega ekkert að marka mig? ég sagði henni hvað væri að hrjá mig og hvernig þetta hefði þróast. hún hlustaði mig og heyrði "berkjuhljóð", skoðaði eyrun og þrýsti á eitlanna ... þetta venjulega og sagði svo að það eina í stöðunni væru sýklalyf.

er það í alvöru ennþá það eina í stöðunni? er ekki hægt að gera neitt nema láta fólk fá sýklalyf? hún vissi ekki hvað var að mér almennilega, viðurkenndi að hún vissi ekki hvað orsakaði ýmis einkenni, til dæmis kláða á iljunum og höndunum, en ætlaði samt að skrifa uppá sýklalyf. þegar ég sagði sem er að þegar ég tek sýklalyf verð ég yfirleitt veikari af þeim en af pestinni sem plagar mig sagði hún að þá gæti hún bara látið mig hafa astmapúst þannig að ég yrði fljótari að jafna mig þegar ég er búin að reyna á mig (verð móð eins og lungnasjúklingur með þessa hálsbólgu) og mig myndi þá líka svima minna þegar ég næ illa andanum ... púst?

veit ekki almennilega til hvers ég ætlaðist? kannski að hún myndi taka blóðprufu og sjá hvort þetta væri bara flensa eða eitthvað annað? ef þetta er bara flensa þá fer hún væntanlega þó það taki tíma? en ef þetta er eitthvað annað sem versnar? kannski mega læknar almennt ekkert vera að eyða peningum í blóðprufur? kannski mega þeir bara ávísa sýklalyfjum/pústi og sterakremi (á kláðan sko) en ekki eitthvað flóknara?

en jú, hún sagði mér að vísu líka að láta mér batna, ég er að spá í að fara eftir þeim læknisráðum

en ég er líka að spá í að gera það pústlaust

lifið heil og hraust

2011-08-19T18:12:00.000Z

Þessi væri sko velkominn í afmælið mitt! Þvílíkt stuð og gleði :)

Life is supposed to be silly, not so serious!

Horfði á þetta í vinnunni og já, ég dansaði með honum, það er ekki annað hægt ;)

Haldið danspartý og verið glöð!

Ten Sharp - You (High Quality)

2011-07-22T23:03:00.000Z

Talandi um 1992 ...

Lifið heil

Rhythm is a dancer

2011-07-20T17:59:00.000Z

hvernig er hægt að það séu komin mörg ár síðan ég hlustaði á þetta?

áttundi/níundi bekkur ... I'm serious as cancer when I say rhythm is a dancer!

skólaböll í menntaskóla ... Think of me and burn, and let me hold your hand (what???)

... og eftir að hafa séð þetta myndband get ég ekki annað en verið fegin að ekkert okkar hafi átt vídeóupptökuvél þegar þetta lag var vinsælt annars væru til óvéfengjanlegar sannanir fyrir því að við dönsuðum þetta útum allt aftur og aftur og aftur og aftur ...

öss ... ekki góð tónlist en vá hvað þetta virtust vera fín lög á sínum tíma ;)

Góðar stundir

2011-07-04T20:32:00.001Z

mig hefur verið að dreyma alveg rosalega mikið undanfarið, óvenjulega mikið, enda mikið að gerast þessa dagana.

um daginn dreymdi mig að ég væri með fólkinu sem ég umgekkst mest á menntaskólaárunum og það var heilmikið að gerast, bæði þá og í draumnum. við vorum í turni og alltaf endalaust á leiðinni upp og niður og inn og út og sækja þennan og skutla þessum, baka og elda og borða og drekka ... bara eins og við vorum alltaf að gera nema við vorum ekki í turni þá, aðallega heima hjá þeim sem átti foreldra í útlöndum og síðast í íbúð á Seljaveginum ... þetta var afskaplega fínn draumur en þegar síminn klukkan hringdi sex um morguninn (á laugardegi nota bene, ónáttúrulegt í alla staði) var ég verulega djúpt í draumnum ennþá. ég settist upp og ætlaði frammúr þegar vinur minn sagði að ég gæti ekki farið því við ætluðum að nota símann minn til að hringja í þann sem við vorum að sækja því þá gætum við hringt ókeypis innan kerfis því það átti enginn inneign ... það var ekkert okkar með síma á þessum tíma þannig að inneignarvandamál voru ekki okkar vandamál en í draumnum var það sjálfsagt. ég sagðist verða að fara því ég yrði að mæta sjö en þau mættu auðvitað fá símann minn lánaðan þó ég færi.

þegar ég var hálfnuð að bursta tennurnar fattaði ég að það myndi engum hjálpa þó ég skildi símann minn eftir á miðju rúminu mínu, ekki fyrr.

í gær settist ég upp og röflaði um vatn á gluggunum, lokaði þakglugga, röflaði meira, spjallaði og fór svo að hrjóta ... man ekki eftir neinu af þessu því ég var sofandi og mér var sagt að ég hefði gert þetta ... en auðvitað trúi ég ekki orði því ég hrýt ekki

dásamlegt lag ... flutt af manninum með rödd guðs

lifið heil

2011-07-01T08:55:00.002Z

kannski ætti ég bara að hlusta á útvarpið í ferðinni? ég á mp3 spilara sem nær útvarpssendingum ... kannski er það málið til að virkilega upplifa ferðalagið? samasama sig fólkinu og stöðunum? finna fyrir landinu og þjóðinni?

eða auðvitað ekki?

2011-06-22T20:06:00.001Z

Vaya Con Dios hefur verið í uppáhaldi hjá mér í mööööörg ár ... og þetta lag er alveg frábært, settu það í botn og ég mana þig til að sleppa því að dilla þér!

ég er búin að vera að reyna að muna hvar ég var að passa þegar ég heyrði fyrst í þessari hljómsveit ... minnir að það hafi verið einhvers staðar með Kollu Skafta?? kannski var ég ekki að passa? ekki viss :)

annars er ég alveg að verða óþolandi útaf þessari ferð til Bandaríkjanna í haust ... margbúin að pakka í huganum, spá í hverju ég ætla að fara, hvað ég ætla að taka með mér og núna er ég að spá í hvaða tónlist ég á setja í spilarann, hvað ætli ég muni vilja hlusta á þegar ég krúsa í gegnum Illinois eða Missouri, Kansans, Oklahoma, Texas, Nýju Mexikó, Arizóna og Kalíforníu?

það verður eitthvað með Johnny Cash það er alveg víst, nokkur lög en kannski ekki Get Rhythm þó það sé afskaplega gott lag. þegar ég gekk á Hvannadalshnjúk var ég nefnilega ekki með spilara og fékk þetta lag á heilann þegar við gengum í línunni í einhverja 6 klukkutíma ... og þá kunni ég ekki allt lagið ... fékk aaaaaðeins leið á því :)

og ég veit að þetta er Joaquin Phoenix ekki Johnny Cash, Joaquin er bara svo deadsexy og fer svo vel með þetta lag ;)

Góðar stundir

2011-06-19T19:50:00.001Z

ég er viss um að ef það er til Rödd Guðs þá hljómar hún eins og röddin í Eddie Vedder og þessi mynd, Into the Wild ... hún er ein af þessum myndum sem ég hugsa reglulega um en hef bara séð hana einu sinni og orðið svolítið síðan. sumar myndir eru þannig.

mæli með henni ... held ég ;)

Góðar stundir

2011-06-16T02:19:00.006Z

ó hvað ég hló upphátt :)

en afhverju gerir fólk þetta? ég man alltaf eftir símtali í þátt sem var rosalega seint um kvöldið - ég man að það var seint því ég var í herberginu mínu við hliðina á mömmu og pabba og það voru allir farnir að sofa þannig að ég gat ekki hlegið upphátt, sem varð líklega til þess að samtalið var enn fyndnara en það hefði annars verið?

kannski var þetta þátturinn Kvöldsögur ... með Eiríki Jónssyni? en hvað um það.

það hringdi kona inn, auðheyrinlega með sígó í annarri og símann í hinni og glasið væntanlega ekki langt undan, eflaust sterkt blandað miðað við hremmingarnar sem aumingja konan var að lýsa:

þáttastjórnandinn: góða kvöldið

konan: já góða kvöldið *drafandi rödd og aðeins fjarlæg eins og hún er að gera eitthvað annað en að tala í símann* það er eitt sem ég skil ekki

þ: nú?

k: já, ég fór út með köttinn áðan og hann vildi ekki labba

þ: hvað segirðu vildi kötturinn ekki labba?

k: nei, bara harðneitaði og lagðist niður

þ: og var það ekki í lagi?

k: nei auðvitað ekki því ég fór út með hann *langur smókur* ég fór með hann í göngutúr

þ: já einmitt það *heyrist að hann er farinn að brosa*

k: já og ég varð að draga hann

þ: ha? dróstu köttinn? hvernig dróstu hann?

k: nú *sagt á innsoginu* ég var með hann í bandi *þessu fylgdi langur útblástur*

þ: varstu með hann í bandi? *heyrist að þáttastjórnandinn er að rembast við að kæfa flissa*

k: nú auðvitað! ég ætlaði með köttinn í göngutúr *eilítið hneyksluð á skilningsleysinu sem mætir henni* hvernig ferð þú með köttinn í göngutúr?

þ: ég hef aldrei gert það, fara kettir ekki bara sjálfir í göngutúr? þarf að vera með þá í bandi?

k: alls ekki, það er alveg í lagi að setja þá í band *alvön því greinilega að fara með ketti í göngutúra* en það sem ég skil ekki er að hann vildi ekki ganga

þ: nei, ekki það *farið að ískra svolítið í þáttastjórnandanum*

k: *heyrir í gegnum áfengis/lyfjamókið að það er ekki verið að taka hana alvarlega* nei! og ég varð að draga hann alla leið

þ: alla leið? *stundi gaurinn uppúr sér án þess að hlæja upphátt*

k: já, ég varð að gera það, kötturinn neitaði að standa í lappirnar *farin að vera pirruð á að þurfa að endurtaka sig til að fá lausn sinna vandamála*

þ: einmitt *svolítil þögn á meðan þáttastjórnandinn reynir að ná andanum til að hlæja ekki upphátt* og fórstu langt?

k: nú, fram og til baka!! *augljóslega alveg búin að fá nóg af þessum vanvita þáttastjórnanda sem ætlaði greinilega ekki að hjálpa henni neitt*

þ: *sprakk úr hlátri og ég er viss um að það komu tár*

... ég veit ekki hvernig samtalið endaði því ég hló svo mikið að ég heyrði ekki meira en ég man ennþá eftir þessu og ég hef oft séð þessa konu fyrir mér með köttinn í bandinu að draga hann "fram og til baka" ... og hérna er myndbandið

já og sem betur fer svaf ég yfir mig í dag, ég er á enn einni næturvaktinni ... hefði átt að fagna minna í morgun

Góðar stundir

2011-06-15T14:48:00.002Z

klukkan er að verða þrjú og ég var að vakna, eftir næturvakt að vísu þannig að ég er ekki alger slúbbert. ég svaf samt yfir mig. ætlaði að vera vöknuð um hádegið til að slá garðinn og gera alls konar gagnlegt í dag. ég næ að slá garðinn og fara í afmæli og fara á ítölskunámskeiðið mitt. alls konar gagnlegt verður að bíða morgundagsins en ég get auðvitað farið í BYKO þegar ég er búin að fara með grasið á Sorpu til að undirbúa gagnlegheit morgundagsins er það ekki?

en fyrst verð ég að slá garðinn, er ekki örugglega sumarveður? ekki bara gluggaveður? vona að það er ekki of kalt, ég er í kvartbuxum og neita að skipta, það er kominn 15. júní og kvartbuxur geta ekki verið of bjartsýnar :)

Já og:

Innilega til hamingju með afmælið Gréta mín!

Lifið heil

2011-06-11T06:09:00.002Z

ég er á næturvaktinni og sjónvarpið er í gangi, eins og stundum áður en eftir enn þá eina endursýninguna á Stop-Loss kom mynd sem ég hef ekki séð áður sem heitir Grey Gardens. mér fannst hún mjög merkileg og núna langar mig til að sjá upprunalegu heimildamyndina um mæðgurnar.

það er eitthvað við þær sem er ... finn ekki orðið, það er ekki heillandi eða sorglegt eða beint áhugavert því mér finnst það ekki hljóma rétt. það er samt eitthvað við þær ...

en núna ætla ég heim að sofa, lifið heil

2011-06-09T10:31:00.000Z

Þá er ég komin með netið heima hjá mér, núna fer ég ábyggilega að blogga eins og vitlaus aftur í staðinn fyrir að gera allt hitt sem ég þarf að gera. sýni facebook kannski líka meiri áhuga ... ég byrja líklega að twitta - eða nota ég kannski bara twitter?

núna er ég að fara að gefa blóð, þeim vantar blóð þannig að endilega látið sjá ykkur í dag eða sem fyrst.

og nei, ég er ekki orðin húsmóðir ennþá. ég reyndi að borða AB mjólk áðan sem var best fyrir 25. apríl, ég efa það ekki en hún var ekki beysin með seríósi 9. júní.

Lifið heil og hafið sumarið í hjartanu fyrst það er ekki úti

2011-06-06T08:55:00.002Z

Er þetta spurning um að fatasmekkurinn minn sé að breytast? Ég er að bíða eftir að vélin með rauða þvottinum klárist svo ég geti hengt fötin upp og sett aðra vél á bið með ljósbrúnum, bláum og grænum fötum. Þvotturinn fer á bið svo hún fari í gang áður en ég kem heim og bíður mín búin, full af hreinum fötum sem ég get hengt upp án þess að bíða eftir að hún klárist. Þetta kallast skipulag.

En kannski er ég bara að verða fullorðin? Morgunmaturinn var afgangur af lummum sem ég bakaði í morgunmat í gærmorgun ... en það gæti líka verið tilviljun og hreint alls ekkert merki um þroska því mér tókst að eyðileggja tvær lummur með því að hita þær þangað til þær voru nánast orðnar að deigi aftur.

Góðar stundir

2011-06-04T16:30:00.003Z

Ég var að spá hvort ég ætti að kíkja á Friendsþættina? horfa á þá frá upphafi kannski? ég hef ekki séð nema nokkra þeirra en þeir eru frekar fyndnir, var að horfa á þá í sjónvarpinu áðan og hló mikið :)

Þeir byrjuðu 1994, þá voru þessi lög vinsæl - smá blast from the past :)

Lifið heil

2011-06-03T07:29:00.002Z

Góðan og blessaðan og gleðilegt sumar :)

Ég sló garðinn á miðvikudaginn. Þegar ég mætti á vaktina var grenjandi rigning þannig að ég gerði ekki ráð fyrir að geta slegið en svo birti til og sólin fór að skína. Þegar vaktin var búin var allt orðið þurrt svo ég til að slá hraðamet í garðslætti áður en ég átti að mæta á námskeið um kvöldið - ég er að læra ítölsku, frábær kennari sem kennir líka frönsku þannig að ef ykkur langar á námskeið í öðru hvoru málinu, stutt, þægilegt og skemmtilegt námskeið á mjög fínu verði hafið endilega samband og ég læt ykkur fá tölvupóstfang ;)

Ég náði sumsé að setja hraðamet, fara í Sorpu með afraksturinn, fara í sturtu á merkilega stuttum tíma og garðurinn lítur meira að segja ekki út fyrir að hafa slegið sig sjálfur ... það getur gerst.

Annars bara ... ég er að fá netið heim til mínu aftur á næstu dögum þannig að ég verð hugsanlega, mögulega duglegri að blogga bráðum? Sjáum til ;)

Góðar stundir

2011-03-22T16:46:00.002Z

Miður mars og er ekki aðeins of mikið af snjó? eða of mikið af birtu þannig að við sjáum snjóinn of mikið kannski? ég er að minnsta kosti farin að hlakka til vorsins og sumarsins og alls þess sem stendur til að gera á næstunni :)

ég er í vinnunni, aðalvinnunni en ég var neyðarstarfsmaðurinn frá átta til tvö í annarri vinnu áður en ég kom hingað. Orðin alveg rosalega svöng og í matinn er djúpsteikt grísakjöt í drekasósu með köldu núðlusalati og brauði ... ég sagði samstarfsmanni mínum að drekasósa væri búin til úr drekamjólk, held hann hafi trúað mér augnablik :)

annars rakst ég á þetta blogg um það sem ég póstaði síðast og svo er ég alltaf að hugsa um eitt af uppáhaldsljóðum afa Grandads. Það er eftir W. H. Davies og heitir Leisure:

What is this life if, full of care,
We have no time to stand and stare?—

No time to stand beneath the boughs,
And stare as long as sheep and cows:

No time to see, when woods we pass,
Where squirrels hide their nuts in grass:

No time to see, in broad daylight,
Streams full of stars, like skies at night:

No time to turn at Beauty's glance,
And watch her feet, how they can dance:

No time to wait till her mouth can
Enrich that smile her eyes began?

A poor life this if, full of care,
We have no time to stand and stare.

Lifið heil

2011-03-18T07:46:00.001Z

Stal þessu af bloggi hjá ókunnugum manni, mér fannst þetta mjög merkilegt ...

Vona annars að lífið fari eins vel með ykkur og mig þessa dagana ;)

Góðar stundir

2011-01-31T15:08:00.001Z

Nýtt ár og síðasti dagur fyrsta mánaðar þess og ég er er ekkert búin að blogga ... kannski það sé síðbúið áramótaheit að blogga í hverjum mánuði?

Jú, það er gott plan :)

Fór í bústað á Flúðum með Brókunum síðustu helgi, fimm Brækur auk viðhengja og barna, óvissuferð á föstudagskvöldinu, spádómar og innivera í slagviðrinu á laugardeginum, grill og pottur á laugardagskvöldinu og dólað sér heim með viðkomu á gulrótarbóndabæ í gær ... vinna í dag og það var eiginlega hálfsárt að vakna í morgun, nennti því einhvern veginn barasta alls ekki neitt ;)

... en þegar ég er þreytt hugga ég mig við að samkvæmt spádómum helgarinnar stend ég á krossgötum og framtíðin er hrikalega björt sama hvað ég ákveð að taka mér fyrir hendur - og ég hef ákveðið að trúa því ;)

Góðar stundir

2010-12-23T23:34:00.005Z

Gleðileg jól öll sömul og vonandi hafið þið það sem allra, allra best um hátíðarnar! :)

Ég bjó til jólakort á netinu áðan sem ég ætla að deila hérna með ykkur í von um að þið brosið eða jafnvel hlæið því það gleður og lengir lífið ;)

Lifið heil og góðar stundir :)

2010-11-14T03:12:00.002Z

Ég bara á ekki til orð yfir þetta ... fólk sem dansar við kettina sína? Really??

Þið sem hafið verið að benda á mig og hlæja að tendensum sem flokkast undir að vera crazy cat-lady, ég er EKKI svona :D

Merkileg nótt í vinnunni og alveg í takt við fólk sem dansar við kettina sína ... og það er ekki einu sinni fullt tungl?

Lifið heil, andlega og líkamlega

2010-10-23T03:17:00.003Z

Þá er ég byrjuð á nýrri törn og nei, ég fékk ekki að fara beint heim á sunnudagsmorgninum eins og ég vonaði heldur varð að vinna aðeins áfram. Merkilegt hvað það er auðvelt að vinna áfram á dagvöktum og kvöldvöktum en erfitt að halda áfram með næturvakt eftir að það er kominn dagur. Verður auðveldara eftir því sem líður á vaktina finnst mér en það er samt alveg ofsalega erfitt og þreytan sem kemur yfir mig er allt önnur eðlis en þreytan sem ég finn fyrir um kvöld eða eftir miðnætti. Skringilegt :)

Talandi um skringilegt þá dreymdi mig um daginn að ég væri með kameldýr og strút í skottinum á bílnum hans pabba en ég fer einmitt á honum þegar ég fer með Prins Kát og Frú Kolku í göngutúra. Kameldýrið var mjög rólegt og yfirvegað og hljóðlátt en strúturinn var alveg afskaplega erfiður og sprettharður og hávær ... svolítið eins og Frú Kolka og Prins Kátur :) en ég hafði aldrei hugsað um þau sem strút og kameldýr þannig að auðvitað fletti ég þessu upp á draumasíðunni en þar er ekkert minnst á strúta heldur bara fugla og páfugla og svo er bara talað um úlfalda ... en þar sem kameldýr er tegund af úlfalda þá gildir það væntanlega að þung byrði verði sett á mig en að ég muni komast vel undan henni ... jahá!

Og til að halda skringilegheitunum áfram þá er hérna ein drómedarafrétt frá Ástralíu sem er frekar skringileg ... einhvern vegin á ég erfitt með að ímynda mér drómedara eða kameldýr (eða einhvers konar úlfalda af tegundirnar eru fleiri??) að missa sig í ástarbríma. Úlfaldar eru einfaldlega ekkert sérstaklega sexý dýr finnst mér.

Góðar stundir

2010-10-17T05:22:00.002Z

Afhverju ertu að láta yfirmann þinn vera Skeletor í lúgunni?

Jamms, stundum get ég bara ekki svarað spurningum þjónustþega minna. Ekki vegna þess að mig langi ekki til þess heldur hef ég bara ekki hugmynd um hvað fólk er að meina :)

Fimmta næturvaktin og bara rétt rúmur klukkutími eftir, ef ég verð heppin. Gæti dregist eitthvað að komast heim en ég vona vona vona að ég fái að fara þegar vaktin mín klárast og þurfi ekki að vinna "inní" næstu. Kemur í ljós, það eru veikindi ...

Annars var okkur hvolpinum boðið að vera með á björgunarhundaæfingu í dag og við skemmtum okkur alveg konunglega :) Kátur fékk að elta fígúrant (?) og fékk í verðlaun að leika við ókunnuga hundakonu sem gaf honum lifrapylsu og svo fékk hann pylsu hjá öðrum sem var að hvetja hann til að gelta - ekki á hverjum degi sem aumingja kallinum er hrósað fyrir mælsku sína þannig að þetta var alveg frábært í alla staði :)

Við blotnuðum samt ansi mikið þrátt fyrir að hafa ekki verið allan daginn eins og allir hinir því ég leyfði mér nefnilega að sofa aðeins eftir næturvaktina, sem betur fer annars væri ég enn ónýtari núna en ég er. Hvolpurinn varð alveg tvöfaldur af feldbleytu og ég blotnaði í gegn næstum alls staðar þó ég hafi verið mjög vel klædd. Það ringdi hlussudropum, á hlið.

Núna sefur hvolpurinn inní hlýjunni og dreymir lifrapylsu og hundadót en ég er að vinna og hlusta á Skeletor/yfirmanninn semja tónverk á steypuveggina sem umkringja hann ...

Gæti samt auðviað verið verra ;)

2010-10-15T02:38:00.004Z

Og þá hefst fjórða næturvaktin ... og stefnir í færslumet í október :)

Fór að sjá Finnska hestinn í kvöld og mér fannst sýningin alveg frábær :) hló mikið og oft og mæli barasta hiklaust með sýningunni ... sérstaklega fyrir þá sem eru ekki sannfærðir um að allt muni batna og verða gott með inngöngu Íslands í Evrópusambandi. Ódýrara að fara á leikrit en að heimsækja sjávarþorp eða sveitir landa sem verða hlýta öllum tilmælum frá Brussel, sama hve fáránlega þau eru, í enn meiri mæli en við þurfum nú þegar að gera ... en ég ætla ekki að ræða það hér hvað mér er illa við þessa sameinuðu Evrópu, ég verð bara pirruð :D

Ætla ekki að vera pirruð í nótt því þá get ég kannski ekki sofnað á morgun og ég verð að geta sofnað því dagurinn stefnir í að vera rosalega skemmtilegur og þá er ekkert gaman að vera þreytt og úrill ;)

Og til að gleðja mig var ég að rifja upp Madeira :) vorum að ræða vegakerfi hérna í vinnunni og ég mundi eftir jeppaferð sem við fórum í þegar við vorum úti og ég er ekki viss um að mágur minn sé ennþá alveg búin að jafna sig. Hann tók ábyggilega nokkur þúsund myndir þegar við vorum úti en ekki eina einustu í jeppaferðinni því hann sat frosinn frammí og hugsaði líklega um það eitt að lifa af bíltúrinn ekki einhverjar myndatökur ;) Hérna er mótorhjólablogg sem ég fann með myndum af vegunum á eyjunni, ekki eins slæmum og sumum sem við fórum þannig kannski skiljanlegt að Ási var fremur taugaóstyrkur á köflum?

Annars mæli ég með því að skoða bloggið hjá Orson ef þið hafið áhuga á mótorhjólaferðalögum eða ferðalögum alemnnt, hann tekur rosalega flottar myndir ;) Ég er aðeins búin að skoða bloggið (ok, aðallega myndirnar) en ég held að þetta sé bara einn gaur þó hann tali um sig sem Team Orson? Það er alltaf bara mynd af einu hjóli, einum matardisk og engu fólki ... hmmmm ... og bloggarinn virðist eiga fullt af peningum til að ferðast um og leigja mótorhjól útum allan heim.

Já, ég get vel hugsað mér að vera svoleiðis gaur ;)

En áfram til að gleðja þá mæli ég hiklaust með því að þið farið í sleðaferðalag niður brekkurnar í Funchal ef þið komist til Madeira - hérna eru nokkur myndbönd á YouTube af sleðaferðum :)

Lifið heil

2010-10-14T02:16:00.005Z

Búin að vera að endurraða aðeins hérna á blogginu mínu, mér þykir of vænt um það til að leyfa því að grotna niður og verða "ónýtt" - kominn tími á viðhald sumsé ;)

Held líka að ég taki bloggið framyfir Facebook því þeir sem koma hingað og lesa hafa væntanlega áhuga á að koma hingað og lesa, þá er ég ekki að ausa persónulegum upplýsingum um mig yfir sakleysingja sem hafa kannski barasta engan áhuga á að vita hvað ég er að gera dagsdaglega ... EÐA hafa mikinn áhuga á því sem ég er að gera dagsdaglega??! Spurning :)

Er á annarri næturvaktinni, hálfu rólegri en síðasta nótt, sem er gott því ég meiddi mig í hnéinu í dag og er alveg draghölt. Finnst ég vera svolítið eins og Daniel Larusso í lokabardaganum þegar hann getur ekki stigið í fótinn þannig að hann gerir það eina í stöðunni, fer í trönustöðuna og vinnur bardagann!
En ekki hvað?! ... ég er að vísu að drepast í hægri fætinum en talandi um trönusparkið þá rakst ég á þessa færslu um hvort sparkið myndi virka í alvörunni eða ekki. Svona fyrir þau ykkar sem hafið áhuga. Ég ætla ekki að nota það í nótt. Sparkið sem sagt.

Annars dreymdi mig alveg rosalega furðulega í dag þegar ég náði loksins að sofna. Ég var í lest eða rosalega löngu húsi að leita að einhverju með manni sem ég þekki ekki en ég var greinilega afskaplega skotin í honum, í draumnum ... veit samt ekki alveg hvað heillaði því ég skildi hann ekki, ekki eitt einasta orð. Hann talaði ungversku eða tyrknesku eða eitthvað og var svona 15 árum yngri en ég og svona lítill og mjór og brothættur. En við vorum sumsé að leita að einhverju og þessi kærasti minn í draumnum átti að vera að hjálpa mér en hann hafði þann leiða ávana að stífla öll klósettin sem við komumst í tæri við þannig að ég varð alltaf að losa stífluna áður en við gátum haldið áfram. Þetta var samt ekkert ógeðslegur draumur því klósettin voru öll afskaplega hrein og fín og það var bara hreinn klósettpappír sem stíflaði þau, ekkert subb nema vatnið sem sullaðist um allt.

Þegar ég vakanði var draumurinn enn að væflast fyrir mér, var svo raunverulegur að ég var ekki viss hvort ég hefði kannski verið að leita að einhverju með manni sem ég skildi ekki þannig að ég gerði það sem ég geri yfirleitt þegar ég man draumana svona vel, ég kíkti á draumasíðuna en það er ekkert skráð undir að leita eða lest eða Ungverji EN það er til lukku að tala við útlending (stendur ekkert að hann þurfi að skilja þig eða þú hann) og ef við vorum í útlöndum (sem mér fannst eiginlega því allt umhverfið svo skringilegt, samanber að mér fannst ég vera í lest), þá verð ég að fara að taka ákvarðanir því ég er í ójafnvægi ... veit samt ekki hvort það gildir þar sem ég var bara í útlöndum en ekki í ferð? En svo að lokum er færsla um salerni:

Að dreyma salerni er fyrir andlegri hreinsun. Salernir [sic] sem flæðir upp úr er merki um að eitthvað sé að angra þig og að þú þurfir að líta í eigin barm og skoða hvað veldur. Sértu að þrífa salerni er merki um að þú þurfir að passa upp á skapið á næstunni.

og þetta getur barasta alveg passað, er þetta ekki nákvæmlega það sem ég var að blogga um síðustu nótt? ég er sumsé ekki berdreymin heldur dreymir mig það sem ég veit nú þegar bara í dularbúningi!

Áhugavert ;)

2010-10-13T03:55:00.002Z

Ég er á fyrstu næturvakt af sex í nótt og mig langar ekki sérlega til að vera hérna.

Það er bankamaður í einum klefanum, fullorðinn gaur sem er að drepast úr frekju en kannast bara ekkert við það að hafa nokkurn tímann verið frekur, aldrei barasta. Jájá, ég myndi halda að það flokkaðist undir frekju að gala og berja og heimta og hóta í fleiri klukkutíma en auðvitað gæti ég haft rangt fyrir mér ;)

Svo gæti líka verið að ég sé pirruð á honum vegna þess að ég er svolítið pirruð í nótt? Hann eyminginn getur ekkert gert að því að hann sé óþolandi gerpi sem hagar sér eins og leikskólabarn, það er auðvitað áfengið í honum sem er að tala ... en hann ætti auðvitað að vita betur en að innbyrða það. En þar sem hann hefur ekki vit á því þá á ég að hafa vit á því að leiða hann hjá mér frekar en að pirrast. Get það bara ekki því ég er pirruð.

Ég þoli ekki þegar ég er alveg sannfærð um eitthvað sem er bull, ég þoli ekki þegar ég eigna öðrum tilfinningar án þess að spyrja viðkomandi að því hvort ég sé að eigna honum réttar tilfinningar og verð svo öll pirruð þegar ég (auðvitað!!) hef rangt fyrir mér og ég er leiðrétt, ég þoli ekki þegar ég gríp eitthvað á lofti en fatta svo að því var kastað en hefur ekki vængi (ok, þessi samlíking er ábyggilega aðeins of djúp til að meika sens en ég er að meina þegar einhver segir eitthvað og ég tek því á ákveðin hátt en það var ekki meint þannig, það var ekki "meint" yfir höfuð heldur bara sagt, í rælni, afþvíbara ... og ekkert á bakvið það), hættið að segja hluti sem þið meinið ekki!
Og fyrst ég er byrjuð á tuðinu þá ég þoli ekki að þurfa að bíða, mig langar ekki til að bíða eftir hlutunum, bara alls ekki neitt. Ég er fröken óþolinmóð þó ég láti ekki mikið á því bera alla jafnan. En ég veit líka að það væri ekkert gaman að neinu ef það gerðist allt strax, þá væri heldur ekki hægt að líta yfir farinn veg og dást að því hvað vinna og þrautseigja hefur skilað ef fólk þarf ekki að vinna og sýna þrautseigju til að fá hlutina ...

En ég ætla bara að anda með nefninu áfram og klára vaktina og fara svo heim til Fídels að sofa og vakna örugglega minna pirruð ... verð að minnsta kosti ekki mikið pirraðri ;)

Góðar stundir og spyrjið áður en þið ætlið öðrum ... spyrjið jafnvel ykkur sjálf ef þið eruð ekki viss :)

2010-10-03T10:13:00.003Z

Ég á við smá vandamál að stríða. Sumir myndu segja, bara eitt? eða bara smá? en ég er bara að tala um eitt tiltekið vandamál í þetta sinn:)
Og það er smá, að minnsta kosti miðað við hvað gengur og gerist ... þó er ég kannski ekki með besta viðmiðið miðað við vandamálin sem ég sé 18 daga í mánuði ... en já, þetta vandamál er ekkert mikið eða merkilegt eða óyfirstíganlegt.

Það tengist þessum 18 dögum í mánuði sem ég er að vinna. Hefur ekkert með vinnuna að gera miklu frekar dauðu stundirnar á milli þess sem ég sinni vinnunni og sit við tölvuna. Þá er ég logguð inn á Facebook og fletti henni stundum svona hingað og þangað, opna einn prófíl og sé að við eigum sameiginlega vini og opna annan prófíl og skoða hitt og þetta og svo er fólk að setja inn myndir og statusa og ... já, ég er svona laumu-stalker fjölda fólks án þess að ætla mér það.

Þetta væri kannski í lagi ef ég væri að kommenta á myndir sem ég skoða hjá fólki en ég geri það afskaplega sjaldan, en ég set oftar "like" á hitt og þetta ... en oftast statusa þannig að ég er hrædd um að fólk líti á mig sem einhvers konar Facebook-fíkil? sem ég er ekki því Facebook er bara ögn skemmtilegri afþreying en að leggja kapal og ég sakna þessi ekki baun á frívöktunum mínum ...

... og ekki að ég haldi að einhver sé í alvöru að eyða tíma í að spá hverjir séu fíklar og hverjir ekki en ætli það séu ekki allir að spá eitthvað í hverjir skoði efnið þeirra? og svo fær fólk eitt "like" frá mér á alls konar statusa sem eru um hitt og þetta. Síðan hitti ég fólk sem ég hef ekki talað við í lengri, lengri tíma og veit eitthvað fáránlega skringilegt um þeirra líf, að einhver hafi klárað að prjóna eitthvað eða skipt um dekk eða lent í einhverju sem ég slysaðist til að sjá því ég var á rólegri vakt daginn sem það gerðist en ég hef ekki hugmynd hvort viðkomandi eigi tvö eða þrjú börn eða hvað þau heita ... ;)

Bara að spá, því það sem ég ætlaði alltaf að blogga um voru hlutir sem ég hefði hugsanlega sett í status á Facebook ef mér hefði ekki þótt það of persónulegt og skrítið að auglýsa svona "opinberlega" en auðvitað er blogg ekkert minna opinbert. Mér bara finnst það ekki eins opinbert því færri lesa bloggið en laumast um á Facebook í skjóli nætur og myndu vita skringilega hluti um mig :)

Góðar stundir

2010-09-25T20:01:00.004Z

Jæja :)

Sumarið var gott :) eins og þau eru yfirleitt er það ekki? sól og hiti og alltaf eitthvað að gerast og til einhvers að hlakka ... en það er líka þannig um vetur, bara ekki eins hlýtt.

Er búin að hugsa um að blogga í fleiri, fleiri daga, jafnvel vikur en núna þegar ég er búin að skrá mig inn man ég ekki eftir neinu? Það kemur alltaf reglulega að ég hugsa "hahaha, ætla að blogga um þetta" eða "einmitt, ég verð að blogga um þetta" en núna ... ekkert. Eins og Kathleen Kelly sem gat aldrei sagt neitt þegar hún lenti í fólki sem móðgaði hana, gat aldrei svarað fyrir sig heldur varð alveg blankó.

Ég er amk á lífi og það er gott. Veturinn virðist ætla að vera mjög spennandi líka, fullt af námskeiðum og verkefnum og meira að segja utanlandsferð. Jújú, ég er aftur að fara til Ungverjalands í nóvember sem forráðamaður lítillar frænku. Geri fastlega ráð fyrir að það verði eins gaman og síðast en hugsanlega eilítið meira taugatrekkjandi því núna er GLÁ ekki bara að fara að æfa heldur að keppa á risastóru alþjóðlegu móti sem þær fimleikastelpurnar horfðu á síðast þegar við fórum. Keppnin verður laugardaginn 27. nóvember og byrjar klukkan 14:00 og þær eru þrjár íslenskar sem verða með. Jamms, spennan er orðin mikil nú þegar :)

... og ég ætla að muna eftir að taka nesti því það er ekkert hægt að kaupa þarna á mótsvæðinu nema skringilegt alls konar sem litlar stelpur borða ekki ... já, stórar stelpur litu sumt hornauga líka en þannig er það stundum ;)

Jújú, hafið það endilega sem allra best.

P.P.Arnold - Angel Of The Morning

2010-07-15T01:37:00.000Z

Þetta lag er eitt af mínum allra, allra uppáhaldslögum ... búin að hlusta á það margoft í gegnum tíðina og er alltaf til í að hlusta á það aftur.

Sumarið er búið að vera afskaplega gott og það er bara rétt hálfnað, geri fastlega ráð fyrir að það haldi áfram að vera frábært. Vona að fleiri hafi það gott en ég :)

Lifið heil

2010-05-26T19:35:00.003Z

Fjórar vaktir eftir svo sumarfrí. Ég tel þessa vakt sem ég er að vinna ekki með því ég er meira en hálfnuð með hana. Ég ætla ekki að vinna annars staðar í þessu sumarfríi og ég fer til útlanda og ætla í útilegur, þetta verður bara snilld :)

Lillibó skipti um olíusíu og olíu á hjólinu mínu í gær ... ég vildi að ég gæti sagt að ég hafi gert eitthvað sjálf en ég aðallega fylgdist bara með og hélt uppi samræðum. Ok, ég talaði og hann hlustaði, held ég ;) kannski hlustaði hann ekki neitt en ég talaði heilan helling og fylgdist með auðvitað þannig að ég geti gert eitthvað af þessu sjálf á næsta ári ... eða vitað betur hvað hann er að gera þegar hann gerir þetta á næsta ári, aftur :)

Annars er ekki sérlega gott að vera bara notandi á öllum sviðum. Ég nota rafmagn en hef ekki hundsvit á því hvernig það virkar, sama með pípulagnir, ég vil bara að vatnið komi og fari eins og mér hentar og fari þangað sem það á að fara. Hugsa að flestir séu þannig að vísu, við göngum bara að rafmagni og vatni sem gefnu í okkar samfélagi. Ég keyri bílinn minn og mótorhjólið og veit nokkurn vegin hvað er í gangi en samt ekki ... ekki ef ég ætti að útskýra það í einhverjum smáatriðum eða gera við eitthvað sem er ekki nánast algerlega idjótprúff (kælivatn, olía, rúðupiss til dæmis).

Tölvan ... dæs.

Ég þarf kannski að kaupa mér nýja svoleiðis því mín er alltaf að "blue screena" - physical memory dump eitthvað etc. Mér finnst ekkert gaman að vera tölvulaus en mér finnst tölvuvesen enn leiðinlegra. Tölvuvesen er í mínum huga eins og tannvesen og skattaskýrslan. Sem betur fer gerir skásystir mín alltaf skattaskýrsluna mína þannig að ég get sleppt því að hugsa um hana, takk Sara ;) og tannlæknirinn minn er frændi minn og sérfræðingur í barnatannlækningum, hann er svo ljúfur að pabbi sofnaði einu sinni í rótarfyllingu hjá honum - það versta við að fara til hans er að hlusta á það sem er að gerast ;) en tölvur ... dæs.

Og það sem ég kann ekki eða vil ekki lendir alltaf neðst á to-do listanum hjá mér, ég verð að fara að gera eitthvað í þessu. Vildi samt óska að það væri hægt að kaupa tölvur sem bara virkuðu, endalaust. Það væri hægt að fara á netið, sama hvað þú ert mikill illi þá er netið bara í tölvunni og þú þarf bara að ýta á OK eða Yes og tölvan er tengd. Það væri hægt að vera í ritvinnslu og skrifa skjöl sem hægt væri að senda og skoða í öðrum tölvum, hægt að horfa á DVD myndir og skoða ljósmyndir án þess að sækja sér kaffibolla í hvert sinn sem tölvan opnar nýja mynd ... vinnsluhraði? innra minni? hvað sem það heitir, bara að það virki :)

Afhverju er ekki bara búin til tölva sem getur orðið "klassísk", með öllu sem venjulegur notandi þarf á að halda, ekkert fansí, ekkert brothætt eða flókin, ekki uppfærð eða tjúnuð eða með aukahlutum sem 95% notenda notar hvort sem er ekki neitt. Eins og Ural mótorhjólin, þau eru klassísk, þau virka, komast frá A til B og það er hægt að gera við þau með kúbeini, WD40 og teipi.

Mig langar í Ural tölvu.

Góðar stundir

2010-05-07T09:30:00.005Z

Ég fór í leikhús í gærkvöldi og það var alger snilld, ég hló eiginlega allan tímann og ég get ekki annað en mælt með sýningunni. Ef þið komið því við ættuð þið endilega að kíkja á Gerplu í Þjóðleikhúsinu :)

Sýningin var ekki bara fyndin heldur líka rosalega "gáfuleg" ... búningarnir voru einfaldir en voru um leið fjölbreyttir, allir eins í grunninn þannig að allir gátu verið allt bara með því að setja á sig belti eða vesti eða grímu eða sjal. Búningarnir voru sumsé aukahlutirnir ekki alklæðnaður. Sviðsmyndin var einföld en notuð í allt ... strönd Noregs, ó hvað ég hló :) Já, ef þið komist, farið að sjá Gerplu :)

Næst er það Íslandsklukkan á laugardaginn - Halldór Laxness vika hjá okkur :D

og svo auðvitað Amadou og Mariam næsta miðvikudag, sem minnir mig á það að ég er með einn auka miða á tónleikana ef einhver vill kaupa hann af mér? Ég er handviss um að tónleikarnir verði alveg frábærir og eftir 10 ár verður kominn hópur á Facebook "Ég sá Amadou og Mariam á Listahátíð 2010" ;) ef þið hafið áhuga á að kíkja til Afríku eina kvöldstund verið endilega í bandi!

Góðar stundir

2010-05-05T11:34:00.003Z

Jæja, þá er komið að mánaðarlegu færslunni minni ... nah, ég blogga ekki svo sjaldan? næstum jú, en ekki alveg ;)

Mótorhjólið er komið á götuna og ég er afskaplega ánægð með það, fór í ferð með vinkonu minni í gærmorgun í glampandi sólskini og bongóblíðu. Krýsuvíkurleiðina framhjá Kleifarvatni, Suðurstrandarveginn að Strandakirkju (þar sem við sáum seli!!), á leiðinni til Þorlákshafnar var frábært útsýni yfir á eldgosið. Útsýnið þaðan var líklega betra en nær gosinu því við sáum það rísa uppúr skýjabakka ... ótrúlega flott ;)

Svo var auðvitað komið við í Litlu kaffistofunni á leiðinni heim eftir einn hring um Þorlákshöfn (rosalega eru margar lyktir í þeim bæ!) ;)

Eftir þrjár vikur fer ég í sumarfrí og ég er ekki að fara að vinna annars staðar. Ég verð í fríi í heilan mánuð, verð úti í tvær vikur af þeim tíma og tvær vikur að dóla mér innanlands ... þegar ég kem heim á ég einmitt viku eftir af fríinu og ég er að hugsa um að leggjast út, bókstaflega :)

Sjáum til og kannski set ég inn myndir á eftir af ferðinni í gær, ef þær heppnuðust ...

Lifið heil

2010-04-07T14:56:00.002Z

Gleðilega páska gott fólk :) ég vona að þið hafið haft það jafngott um helgina og ég?
Ég var óvænt í fríi aaalllllaaaa páskana og kunni það eiginlega ekki ;) alls ekki vön þessu og kann það eiginlega ekki lengur að vera í fríi á sama tíma og allir aðrir :)

... en ég vona að þetta páskahret fari að klárast ... eða taki þetta almennilega út, erfitt að klæða mig rétt þegar ég verð að skafa nokkra sentimetra af snjó af bílnum fyrir sjö á morgnanna og labba út í vor klukkan þrjú á daginn :)

Vona að þið hafið það sem allra, allra best og lifið heil

2010-03-30T20:23:00.004Z

Naaaa ... ég hef ekki ennþá farið að sjá gosið af óviðráðanlegum orsökum en þar sem það er í tísku verð ég að eiga mynd af mér með gosinu er það ekki? Jafnvel að hugsa um að setja myndina sem prófíl mynd á Facebook en það mun væntanlega kosta það að ég þurfi að viðurkenna að ég hafi ekki farið að sjá gosið og að ef vel er að gáð er ég á stuttermabol á myndinni. Þá mun kannski einhver halda að ég sé einn af vitleysingunum sem varð að láta ná í sig vegna vanbúnaðar eða einhverjir sem trúa myndinni mun líða illa yfir að láta Windows Paint plata sig ... sjáum til :)

En ég mun fara að sjá gosið og sjóða mér egg á hrauninu ... kannski spagettí líka? ekki eins grand og Hótel Holt en sniðugt samt að borða heitt nesti á gosstaðnum er það ekki? ;)

Góðar stundir

2010-03-26T19:43:00.003Z

Heimasíminn er fundinn! :)

Ég er svo þakklát fyrir þetta blessaða eldgos og þegar ég fann símann varð ég enn þakklátari því annars hefði hann ekki fundist fyrr en ... ja, maí?

Síðan eldgosið hófst hef ég ekki heyrt orðið Icesave og þó að umfjöllun um gosið hafi verið fyrsta atriði allra frétta alla vikuna verður það seint þreytt því gosið er alltaf að breytast, færast, aukast, springa og spreyja - allt afskaplega spennandi :)

við vorum að tala um að kíkja á það í byrjun næstu viku, þegar helgarumferðin er búin og áður en næsta helgi byrjar og þegar veðrið er víst betra en það á að vera um helgina? þannig að ég fór að finna til dót og getiði hvað var á milli legghlífanna minna og göngusokkanna? Jú mikið rétt, heimasíminn! :)

Og ég man líka afhverju hann endaði þar :) ég var að tala í símann og það var ógeðslega kalt þannig að ég byrjaði að hita vatn í te og ætlaði að finna mér hlýja sokka til að hafa það kósí. Í því sem ég opnaði skúffuna með hlýju fötunum endaði símatalið og ég skipti símanum út fyrir þykka ullarsokka sem hafa samt ratað aftur í skúffuna án þess að ég hafi orðið símans vör - skemmtilegt ;)

En núna eru komnar reglur varðandi frágang símans og ætlast ég til þess að allir fylgi þeim eftir - sérstaklega Fídel sem er alltaf að blaðra í símann þegar ég er ekki heima ...

Góðar stundir og gleðilegt gos :)

2010-03-03T12:05:00.003Z

Það þýðir ekkert fyrir ykkur að ætla að hringja í heimasímann minn, ég er búin að týna honum. Aftur.

Ég man ekki fyrir mitt litla hvenær ég notaði hann síðast en hef grun um að það hafi verið á síðustu dagvaktartörn sem bakup-vekjaraklukka en hvað hefur orðið af honum eftir það vita himnarnir einir. Þetta hefur komið fyrir áður. Oftar en ég kæri mig um að upplýsa því ég bý ekki í stórri íbúð. Af einhverjum ástæðum legg ég þennan blessaða síma alltaf frá mér nákvæmlega þar sem samtalinu lýkur en fer ekki með hann þangað sem "hann á heima". Núna er hann sumsé batteríslaus og svarar ekki innkalli.

Hann gæti verið hvar sem er. Ég hef fundið hann frammá palli, í vasanum á sloppnum mínum (sem ég nota tvisvar á ári), inní frysti (honum varð ekki meint af ótrúlegt en satt), í sokkaskúffunni, í bókaskápnum, fataskápnum, eldhússkápnum, bakvið rúmið (sem gæti að vísu verið eftir að hafa notað hann sem vekjaraklukku), ofaní föndurkassa og hingað og þangað sem hann á ekkert erindi.

Ef hann finnst (ef ég hef ekki óvart hent honum sumsé) þá verða settar reglur um frágang símans á þessu heimili. Þangað til verðið þið að hringja í gemmsann eða sleppa því auðvitað :)

Lifið heil

2010-03-01T16:40:00.003Z

Þorrablótið heppnaðist barasta alveg ágætlega :) ég skemmti mér mjög vel og allir sem mættu og ég hef talað við síðan sömuleiðis ... en ef ég tengist þessum undirbúningi aftur á næsta ári á einhvern hátt þá ætla ég að sleppa súrmatnum (öllu nema pungunum, þeir kláruðust) og vera bara með "venjulegan" þorramat. Þessi súrmatur er fáránlega dýr og ég sá ekki að hann hefði vakið mikla lukku á þorrablótinu ... ég borða hann ekki þannig að ég bjó til súpu fyrir mig og þá sem vildu smakka (ég er ekki að kalla annað fólk gikki, bara mig). Það virtust flestir vera mjög hrifnir af þessari súpu og það fór miklu meira af henni en súrmatnum þannig að næst verður súpa og harðfiskur, rúgbrauð, flatkökur, hangikjöt og súrir pungar þannig að það megi kalla þetta þorrablót ;)

annars er það að frétta af mér að ég er orðin hálfopinber bloggari! Ég var nefnilega beðin um að vera með á Eyjubloggi um bíómyndir :) ég fæ að skrifa um rómantískar gamanmyndir því ... já, ég þjáist satt að segja af smávegis skvísuræmnablæti ... en það er ekkert að því þegar einhver er tilbúinn að borga í bíó fyrir mig ;)

ég ætla sumsé í bíó í vikunni en núna er ég að hnoða saman grein um Waitress - hún er ein af nýju uppáhaldsmyndunum mínum. Keri Russel sem ég þoldi ekki sem Felicity brillerar sem kúguð eiginkona sem dreymir um að strjúka að heiman. Hún fattar svo að hún er ólétt (eftir að eiginmannsfíflið hennar fyllti hana eitt kvöldið) og fellur fyrir kvensjúkdómalækninum sínum ... og bakar guðdómlega góðar bökur sem flytja þá sem borða þær á æðra plan og nefnir þær eftir atburðum í lífi sínu, samanber Bad Baby Pie AKA I Don't Want Earl's Baby Pie - þær breyttu nafninu í Bad Baby því það gekk ekki að skrifa hitt nafnið á matseðil dagsins ;)

... og núna er ég búin að skrifa slatta um myndina á tveim mínútum en er búin að vera að rembast við álíka langan texta miklu, miklu lengur á hinum staðnum ... fæ ekki skilið afhverju höfuðið á mér er svona feimið við Eyjuna en frjálst á Blogspot - þetta er nákvæmlega jafnopinberir miðlar!! fyrsta færslan á Bíóeyjunni var um The Proposal og það er varla að ég þekki stílinn hjá sjálfri mér því ég ritskoðaði allt sem ég sagði aftur og aftur og aftur ...

en hvað um það, þið getið fylgst með þessu hérna og ég held að þetta eigi eftir að vera mjög skemmtilegur vefur :)

Góðar stundir

P.S. skvísuræma er sumsé það sama og skvísuskrudda bara um bíómyndir ekki bækur, skvísuskrudda er íslenska orðið fyrir chicklit þannig að skvísuræman er þá íslenska orðið fyrir chickflick??? ég er ábyggilega ekki að búa þetta til en ég hef samt ekki séð þetta ræmu-orð neins staðar? skvísuskruddu-orðið fann ég hins vegar á blogginu hennar Sólrúnar og hún er massaklár þannig að það orð er pottþétt alvöru :)

2010-02-17T02:19:00.002Z

Ég er búin að finna sal eða láta sannfæra mig um að einn ákveðinn salur sé akkúrat réttur fyrir okkur án þess að hafa séð hann sjálf. Ég er búin að panta þorramatinn en þjónustufulltrúinn er ekki búin að hafa samband við mig til að ganga frá greiðslu og afhendingartilhögun. Ég er að setja fólk í að koma með tónlist og græjur og hvetja fólk með tölvupósti til að hafa samband og láta vita af eða á. Ég er búin að finna rétta húsið á tölvutæku korti og gera hring utanum það og setja rautt "X" yfir húsið sem já punktur is segir að sé húsið. Ég sendi slóð á kort með fyrsta tölvupóstinum en var ekki búin að fara í vettvangskönnun og sjá ruglið á Jáinu. Húsið sem þeir merktu við stendur við allt aðra götu og er númer 17 ekki 5 ... það er í sama hverfi en ekki finnst mér það alveg nægilega nákvæmt ;)

Ég er búin að gera innkaupalista og fá lánaðann pott til að sjóða súpuna í. Ég er búin að lausáætla gos og snakkneyslu á haus en ég veit ekki hversu margir hausarnir verða þannig að ennþá er ég ekki búin að versla neitt.

... finnst skyndilega eins og aðeins of margir endar séu lausir til að ég geti bara farið að hlakka til. Ekki auðvelt að vera ferðköntuð meyja stundum en ég hlakka samt til, svona inní mér ;)

kannski væri ég ekkert að hafa áhyggjur af þessu ef ég væri ekki á næturvöktum? of mikill tími til að hugsa og ekki réttur tími til að gera nokkurn skapaðan hlut í neinu nema skrifa lista :)

en gaman hins vegar að vera á næturvöktum þegar það eru ólympíuleikar hinum megin á hnettin, viðstöðulaus útsending frameftir allri nóttinni og skemmtileg tilbreyting frá endursýndum kóreskum bardagamyndum og kínverskum hrollvekjum á stöð 2. Ofsalega fyndist mér blóðugt að borga áskrift af stöð 2, endalausar endursýningar og endalausar auglýsingar inná milli - ef þú borgar fyrir sjónvarpsstöð áttu þá ekki að sleppa við að horfa á auglýsingar í miðjum þáttum? ég skildi það alltaf með Skjá einn því þeir voru með opna ókeypis dagskrá en stöð 2 er bara gráðug, þú borgar 10 þúsund kall á mánuði til að horfa á uppáhalds þættina þína en alltaf þegar þeir eru að komast á flug er gert hlé til að auglýsa það hvernig þú getir borgað fyrir að spara. Ég myndi segja upp áskriftinni ef ég hefði hana, það er frábær leið til að spara hugsa ég ;)

Lifið heil

2010-01-19T05:12:00.001Z

Ég er að skipuleggja þorrablót ... vitið þið um sal sem er leigður út til þess arna?

... mig vantar þannig :) fyrir laugardagskvöldið 20. febrúar næstkomandi þannig að ef þið vitið um stað, verið í bandi ;)

Góðar stundir

2010-01-16T04:58:00.004Z

Alveg er það merkilegt hvað vatnsmelónur eru góðar í alvörunni en vondar sem nammibragð. Afhverju eru framleiðendur yfir höfuð að búa til nammi með vatnsmelónubragði þar sem bragðið er eiginlega ekki til sem bragð heldur áferð? Ég smakkaði vatnsmelónutyggjó um árið og ojbarasta! Og núna var ég að smakka vatnsmelónumentos úr svona rainbowmentospakka og kunni alls ekki að meta það:/

Ég sá regnbogamentosið við kassann í búðinni áðan og þar sem ég er búin að sofa alltof lítið miðað við vakaðan tíma undanfarið og átti heilan vinnu"dag" framundan þá átti ég hann skilið, ég átti hann svo mikið skilið að ég hefði getað keypt tvo :) sem hefði ekki verið sérlega sniðugt því hugmyndin er betri en raunin ... pakkinn er miklu betri vinstra megin þannig byrjið endilega á þeim enda þegar þið kaupið ykkur óvænt regnbogamentos ;)

Alltaf merkilegt hvað gerist þegar heilinn er í hægagangi, ekki í gír sumsé heldur malar í rólegheitunum og ekkert sérstakt er að gerast sem krefst einbeitingar, eins og þegar ég stóð í röðinni við kassann áðan. Það kom einmitt eitt afskaplega skemmtilegt fyrir um daginn þegar heilinn var ekki sérlega virkur. Ég fór með Frekjunni á Ölstofuna í síðustu viku, klukkan var rétt um tíu og það var setið á flestum borðum en ekki öllum. Við vorum að spjalla um hitt og þetta, eins og fólk gerir og útundan mér var ég að fylgjast með hóp af mönnum sem voru að safnast saman nánast við hliðina á borðinu okkar. Þeir voru greinilega samstarfsmenn af einhvers konar tegund og of margir til að rúmast á einu borði allir saman. Þeir stóðu því í hnapp með bjórglösin sín og spjölluðu um einhvers konar torkennilega hluti eins og gröf og mælieiningar og burðarþol ... þeirra málsnið var svo allt, allt annað en mitt að ég hlustaði bara ómeðvitað en heyrði ekki það sem þeir voru að segja, skildi þá sumsé ekki þannig að orðin flæddu bara umhverfis okkur Frekjuna og við héldum spjallinu okkar áfram.

Svo allt í einu sé ég útundan mér þar sem einn maðurinn lyftir upp hægri hendinni og mér finnst hann benda með henni á mig og segja: "sjáið þessa kúrfu hérna" og ég móðgaðist þetta þvílíkt! Ég hvítnaði af hneykslun! Hvernig vogaði hann sér að kalla mig þetta!! Hann þekkir mig ekki neitt og veit ekkert hver ég er! Ég er líka viðskiptavinur á þessum stað og það hefur enginn rétt til að kalla mig ljótum nöfnum!! Hver heldur hann eiginlega að hann sé?!

Svo fattaði ég að ég væri líklega bara búin að vera of mikið í vinnunni undanfarið.

Í vinnunni minni heyri ég nefnilega oft orðið kúrfa nema það er skrifað kurva og sagt á útlensku, það er eina orðið sem ég skil í annars torkennilegum orðaflaumi en ég veit að orðið kurva er niðrandi og ljótt orð og er ósjaldan notað um konur og oft beint sérstaklega til mín ;)

Rosalega fannst mér þetta fyndið þegar ég hafði jafnað mig á hneyksluninni ... og eftir að ég hafði sagt Frekjunni frá misskilninginum (hún sá auðvitað á svipnum að mér var skyndilega ekki skemmt) flissuðum við báðar eins og smástelpur í hvert sinn sem mennirnir notuðu orðið kúrfa :)

Gaman að þessu, en kannski hefðuð þið þurft að vera þarna? ;)

Góðar stundir

2010-01-07T17:47:00.001Z

Þá er nýja árið byrjað almennilega :)

... og hérna kemur einn góður til að gleðja ykkur - sem finnst svona fyndið ;)

During a recent password audit at a company, it was found that one staff member was using the following password:

"MickeyMinniePlutoHueyLouieDeweyDonaldGoofySacramento"

When asked why the password was so long the reply was that it had to be at least 8 characters long and include at least one capital.

Lifið heil

2010-01-01T00:45:00.002Z

Hérna væri viðeigandi að skrifa áramótafærslu, reifa atburði ársins, afrek og vonbrigði, gleðiefni og hryggðarefni, þakka þeim sem eiga þakkir skyldar og hunsa jafnframt þá sem eiga það skilið en ég er ekki týpan í það ... þannig að ég ætla ekki að láta verða af því á þessum mjög svo opinbera vettvangi.

Ég ætla hins vegar að óska ykkur öllum gleðilegs nýs árs með von um að nýja árið færi allt það í skauti sér sem þið hafið lofað ykkur sjálfum :)

Gleðilegt ár :)

2009-12-29T17:42:00.003Z

Gleðilega hátíð allir saman :)

Það er ekki mikil virkni á þessari bloggsíðu, alls ekki - en ég neita að láta hana eftir því þrátt fyrir vanræksluna þá þykir mér afskaplega væntum allar færslurnar sem eru hérna ... ja, misvænt auðvitað eins og gengur og gerist. Ég er afskaplega mistækur bloggari en sumar eru fínar - minnir mig? :)

Ég er of mikið á Facebook býst ég við. Yfirleitt er ég samt bara á Facebook þá daga sem ég er að vinna, óboj, ætti kannski ekki að vera að játa þetta því fólk hefur komst í vandræði vegna Facebooknotkunar í vinnunni ... en það er svosem ekki neitt leyndarmál heldur. Eigum við ekki bara að segja að ég læt Facebook ekki bitna á vinnunni heldur hjálpar hún við að halda kompássnum réttum, þjónustuþegarnir eru afskaplega misjafnir og það er fínt að núllstilla sig með því að taka upp uppskeru í FarmVille eða gefa fiskunum í FishVille ... sem mér tekst að vísu yfirleitt að drepa ;) en þetta Facebook hættir kannski að vera spennandi bráðum og þá vil ég ekki hafa hætt að blogga - hvernig getur fólk þá fylgst með mér? ;)

sjáum hvort ég verði duglegri að blogga á nýju ári? ætla ekki að setja nein áramótaheit en ég veit að það er sumt sem mig langar til að breyta þannig að kannski læt ég verða af því á nýju ári ... það verður að vera á nýju ári úr þessu, það eru bara tveir dagar eftir af þessu :)

Lifið heil og ef þið kaupið flugelda styrkið björguanrsveitirnar og ef þið kaupið flugelda af björgunarsveitunum notið þá hlífðargleraugu og farið varlega þegar þið eruð að sprengja :)

´

Gáfur eru ekki alltaf það sama og gáfur - góðar stundir!

2009-10-12T09:57:00.003Z

Þá er kominn október. Kannski er ein færsla í mánuði það sem koma skal, það er þó væntanlega betra en engin og bloggið lifir :)

Haustið virðist oft vera tími breytinga hjá mér og í ár er ég að breyta eldhúsinu ... setti upp hillur í elhúsinu með aðstoð góðs fólks og úr því að þær voru komnar upp varð ég að setja eitthvað á þær og eins og allir vita þá er algerlega nauðsynlegt að endurraða öllum eldhússkápunum, skúffunum og hillunum þegar eitthvað eitt breytist ;)

mér hefur tekist listivel að nota alla frídagana mína undanfarið í eitthvað annað en að ákveða hvernig ég vilji hafa eldhúsið þannig að þetta miðast illa áfram :) ég fer að klára, bráðum, enda fer að koma tími á piparkökur og smákökur ... ég stefni auðvitað á jólabakstur í ár sem endranær hvort af verði veit ég samt ekki ;)

það sem er helst í fréttum er þó auðvitað að ég sé fullkomlega :)

ég fór í leyseraðgerð fyrir að verða þrem vikum og hún heppnaðist "betur en hægt er að vona" að sögn læknisins og ég sé bókstaflega ALLT :) ég sé bílnúmer á bílum sem ég mæti, ég get lesið skilti í fjarlægð og lesið fyrir svefninn án þess að þurfa að leita að gleraugunum í rúminu morguninn eftir því ég sofnaði með þau (og finna þau krambúleruð upp við vegginn - titaníumumgjarðir margborguðu sig) svo er ég alltaf reglulega að muna að ég þarf ekki að setja í mig linsurnar eða taka þær úr mér og alltaf fæ ég risavaxið sólheimaglott á andlitið - það er helsta aukaverkunin, harðsperrur í kinnarnar ;)

lifið heil og sjáumst bráðum :)

2009-09-12T08:12:00.003Z

Sá Jethro Tull í gær :)

Ójá :)

Fór heim og hlustaði á meira Jethro Tull eins og fólk gerir. Ég keypti bolinn á tónleikunum. Ég geri það alltaf, ég er í þessum 10% sem þeir prenta boli fyrir. Svarta, stærð L. En ég fór ekki í hann til að hlusta á Jethro Tull þegar ég kom heim. Þurfti þess ekki til að muna eftir tónleikunum enda nýkomin heim.

Ég leitaði líka að myndbrotum á youtube með gítarleikaranum Florian Ophale, ég er barasta hálfskotin í honum eftir gærkvöldið. Ótrúlega flottur gítarleikari, eins og Sleipnir en bara með átta fingur, rosalega hraðskreiðir puttar. Nokkuð viss um að Florian hafi samt bara verið með fimm putta, bara búinn að æfa sig mikið.

Annars hef ég komist að því að ég er hálfgerð grúppía svona inní mér. Alveg merkilegt hvað ég kætist öll og gleðst þegar ég sé einstakling sem mér finnst flottur, skemmtilegur, frumlegur, fallegur, gáfaður, hæfileikaríkur ... bæði karlmenn og konur, einstaklingur er bara karlkynsorð.

Sá einmitt David Sedaris á miðvikudaginn síðasta og það gladdi mig afskaplega mikið. Bara að sjá hann. Og meira þegar hann byrjaði að lesa ritgerðina sína. En eins og ég hef komið inná áður hérna á blogginu þá myndi ég ekki fyrir mitt litla vilja hitta eitthvað af þessu fólki í eigin persónu. Ég myndi roðna, stama eitthvað óskiljanlegt eða segja eitthvað afskaplega kjánalegt hátt og skýrt þannig að ég gæti ekki einu sinni logið mig útúr því, kannski slefa smá eða skyrpa, tala of lengi eða tala of lítið, afsaka mig eins og bjáni og flýja af hólmi ... ójá, ég vil alls ekki hitta fólk eins og aðrar grúppíur. Auk þess er ég ekki í hóp, það er bara ég sem kætist, inní mér, ekki útum allt og upphátt, yfirleitt, þannig að það er kannski eitthvað annað orð yfir fólk eins og mig? Aðdáandi sem vill alls ekki hitta hið dáða ...

Ég hitti einu sinni Horst Tapper, manninn sem lék Derrick, í Flugstöð Leifs Eiríkssonar, við anddyrið á gömlu fríhafnarbúðinni sem var sirka þar sem gleraugnabúðin er núna, ranamegin við innganginn ekki rúllustigamegin. Þá var flugstöðin teppalögð og ekki eins björt í minningunni og hún er núna en ég man afskaplega skýrt hvað Horst var ljós, í ljósum fötum með ljósa húð og ljóst hár og með rosalega útstæð augu. Ekki bara smá útstæð heldur eins glær fiskaaugu ... hafði aldrei séð svoleiðis þá og ekki viss um að ég hafi séð svoleiðis síðan?

Systir mín var að læra þýsku á þessum tíma og var búin að kenna mér að segja "ég heiti" og að ég væri ellefu ára gömul og ætti tvær systur og einn bróður. Lillabó var svo ýtt fram sem sönnun fyrir tilvist bróðursins og fékk að taka í höndina á Derrik líka. Systurnar voru ekki með okkur en ég held að Derrick hafi séð að ég var ekki að ljúga. Hann sagði eitthvað við mig á þýsku en ég var búin að segja allt sem ég kunni, tvisvar, þannig að þegar hann var búinn að klappa mér á kollinn og hlæja góðlátlega fór ég aftur til mömmu.

Kannski þolir fólk betur að gera sig að fífli þegar þau eru krakkar? eða hugsar ekki um það?

Blessuð sé minning hans, þið hin: lifið heil

2009-07-29T20:56:00.005Z

Ég er í vinnunni og það var gaur að bíða á ljósunum Snorrabraut-Hverfisgata með Modern Talking í botni ... án gríns :) hendin útum gluggann, sló taktinn og allur pakkinn!

minnir mig á tryggingaauglýsinguna sem ég fæ ekki leið á :)

Góðar stundir

2009-07-26T01:56:00.002Z

Ég fór í afmæli til Öddu í kvöld, rosalega flott afmæli og alger synd að þurfa að yfirgefa það til að fara í vinnuna :/ fullt ísker af drykkjum, stórglæsilegar veitingar og skemmtilegt fólk - enda ekki við öðru að búast en skemmtilegu partýi miðað við hvað boðskortið var flott ;)

Ég var að heyra alveg frábæran brandara. Glæpabrandara, enda lögga sem sagði mér hann - löggur segja auðvitað bara brandara um glæpi :)

Það var skjaldbaka sem fór í frí til New York og lenti í árás.
Sniglagengi réðst á hana og rændi hana öllum verðmætum.

Löggan kom á staðinn, tók skýrslu af sjokkaðri skjaldbökunni og spurði hvort hún gæti lýst lýst árásaraðilunum?

Skjaldbakan hugsaði lengi, lengi áður en hún svaraði.

Loks sagði hún:

"Vitiði strákar, ég veit ekki hvernig þeir litu út. Þetta gerðist allt svo hratt"

Ójá, ég hló svo það komu tár ;)

Lifið heil

2009-07-23T04:07:00.003Z

Geri ekki ráð fyrir að nokkur lesi þetta blogg lengur en ætla samt að spyrja, ætlar einhver á Jethro Tull í september?

Ég missti af fyrstu miðasölunni en var að sjá að það verða aukatónleikar 12. september þannig að það er séns að komast ... veit samt ekki hvort ég þekki nokkurn sem fílar hljómsveitina nóg til að fara nema þeir sem fíla hana svo mikið að þeir hafi pottþétt keypt miða á fyrri tónleikana ;)

tékka á þessu ... :)

Annars er "remba" afskaplega sérkennilegt fyrirbæri og hrjáir marga sem gera sér ekki grein fyrir því. En það er eflaust ein lýsing rembu, þú gerir þér ekki grein fyrir að þú sért haldin henni frekar en þú gerir þér grein fyrir fordómum þínum ... nema þessum meðvituðu auðvitað. Þú hefur ákveðna lífssýn og skoðun á hlutunum og það er enginn að fara að segja þér að hún sé röng. Ef þú ert sannfærður um eitthvað er það bara þannig, Volkswagen eru lélegir bílar, Benz eru góðir bílar, konur eru hálfvitar ... þið vitið hvað ég er að fara.

Einu sinni var mér sagt að ég væri svo hrokafull að það væri erfitt ef ekki ómögulegt að tala við mig. Mér þótti það merkilegt því ég hafði ekki gert mér grein fyrir því sjálf. Eflaust er ég hrokafull en ég vissi ekki að það væri erfitt að tala við mig af þeim sökum. Alltaf gott að læra eitthvað nýtt, sérstaklega um sjálfan sig. Þá er hægt að vera meðvitaðari um persónuleikabresti sína og gera eitthvað í þeim.

Ég hef gert það sem ég get til að hætta að vera hrokafull eftir að mér var sagt að ég væri það. Ég vona að það hafi tekist en ég get ekki verið alveg viss því ég tala ekki við sjálfa mig þannig. Viðskiptavinir mínir hins vegar taka ábendingum um mismunandi lífsspeki ólíkra einstaklinga afskaplega illa. Í vinnunni minni kynnist ég fjölmörgum rembum af öllum stærðum og gerðum sem eru sannfærðir um allt milli himins og jarðar - meðal annars vegna misgóðrar þjónustu geðheilbrigðiskerfisins geta þessar sannfæringar verið alls konar og afskaplega skrautlegar. En karlremba er afskaplega algeng og margir eiga erfitt með að sætta sig við að þeim sé "haldið föngnum" af konu ... og ekki "in a good way".

Það er svipað áhrifamikið að sparka í froðu í þeim tilgangi að skora mark með henni og að pirra sig á rembum viðskiptavinanna þannig að ég hef lært að anda með nefinu (þegar lyktin leyfir) og sætta mig við fjölbreytileika mannlífsins. Afhverju er ég þá að skrifa þetta? Þrátt fyrir að vera nokkuð sjóuð í mannlegum samskiptum, svona miðað við upplag, aldur og fyrri störf, þá er ég sífellt að átta mig á fleiri flötum mannlífsins. Karlremba kvenmanna er sérlega áhugaverður flötur sem ég hef ekki spáð nægilega mikið í. Konur geta verið rosalegar karlrembur. En hvað kallast konur sem eru karlrembur? Þær koma eins fram við konur og karlkyns karlrembur en eru samt konur ... er til orð yfir þær?

Bara pæling.

Lifið heil og heilsteypt

2009-07-22T01:14:00.003Z

Langt síðan síðast :)

Ég kenni Facebook um, ekki því að ég hafi verið löt að skrifa undanfarið, auðvitað ekki. Mun auðveldara og skynsamara að skella skuldinni á eitthvað annað, sérstaklega þegar þetta "annað" getur ekki svarað fyrir sig og það vita allir að Facebook er tímaþjófur - hefur ekkert með mína leti að gera ... neibbs :)

svo er líka sumar, ég hugsa að ég hafi aldrei verið sérlega dugleg að blogga á sumrin þó ég hafi ekki athugað það til að styðja mál mitt - þetta er bara önnur afsökun. Þær eru fleiri auðvitað en ég hugsa að ég láti staðar numið núna og segi eitthvað af viti. Eins langt og það nær að minnsta kosti :)

Talandi um Facebook þá virðast sú tíska vera ríkjandi að fólk auglýsi frammistöðu sína í statusnum sínum. Ekkert að því auðvitað því fólk er beðið um að skrifa "það sem það er að gera núna", en það er ekki laust við að ég finni stundum fyrir minnimáttarkennd þegar það virðist sem annar hvor notandi sé uppá Esjunni í hverri viku, hlaupi fleiri fleiri kílómetra daglega og þrífi íverustaði sína oftar en sjúkrahúsin þrífa gangana ... ég kýs fremur að miðla af visku minni í formi ráðlegginga um áhyggjulausara líf en að auglýsa frammistöðu mína. Þrátt fyrir að skara frammúr á hinum ýmsu sviðum auðvitað ;)

Það hafa allir af einhverju að státa og frammistaða fólks í íþróttum og útivist er mun skárri en önnur frammistaða þeirra líkamlega. Við getum öll verið fegin að A-týpurnar sem hlaupa á fjöllin og ryksuga með gusto auglýsi þá frammistöðu frekar en til dæmis bólfimi, klósettferðir - stærð afraksturins, lögun og lykt - tilfinningar (andlega og líkamlega) eða hnyttni af þeirri gerð sem aðeins skilst ef þú varst sjálfur á staðnum. "Það sem þú ert að gera núna" er nefnilega afskaplega loðið og teygjanlegt og fólk skilur það á mismunandi hátt ...

en til að auglýsa eigin frammistöðu þá hef ég raunar gert ýmislegt undanfarið ... fór til dæmis á Esjuna síðasta fimmtudag, í bústað síðustu helgi og sá brúðuleikhús á Hólmavík - mæli hiklaust með því, hló upphátt og það komu meira að segja tár ;) - og gekk upp að Glym í fyrsta sinn í dag í frábæru veðri en greinilega ekki hættulausu. Við vorum líka að segja það þegar við vorum að klöngrast í klettunum efst í Esjunni að það væri eiginlega merkilegt að fleiri slösuðust ekki þarna uppi miðað við umferðina og viti menn Esjan er alls ekki hættulaus, daginn eftir varð óhapp og líka í dag :/

farið varlega en djarflega og njótið sumarsins ;)

2009-05-01T19:30:00.002Z

Æ ég veit að ég er ekki sérlega dugleg að blogga en þessari mynd varð ég að deila með ykkur :)

Gleðilegt sumar og lifið heil

2009-04-02T20:08:00.001Z

Lillibó var hérna í gær, 350 metra löng kaðal og vírbrú sem liggur yfir regnskóginum í allt að 30 metra hæð ... hann er í fríi í Ghana en býr í Líberíu í augnablikinu, svona fyrir þau ykkar sem ekki vitið það :)

annars er svo langt síðan að ég bloggaði að ég er eiginlega búin að gleyma hvernig það er gert ;)

ég er búin að vera að þjálfa hundinn undanfarið í að gera það sem ég segi honum þegar ég segi honum það ekki þegar hann er búinn að elta köttinn eða hentar honum ... ekki að ég hafi áhyggjur af kettinum. Eymingjans hundurinn er ekki mikið rándýr þó hann sé úlfur aftur í ættir - hann hefur verið að elta rjúpur uppí Heiðmörk í rúm þrjú ár og hann hefur aldrei komist nær en sirka 50 metra og rjúpur eru ekki beint þekktar fyrir viðbragðsflýti og fagran limaburð kattanna sem Zorró telur sig í alvöru eiga séns í ;)

ég er líka farin að plana sumarið - fyrsta planið er bústaður helgina eftir páska :) svo eru það Vestfirðirnir aftur og Suðurlandið - kannski alla leið á Kongó og kannski allan hringinn ... fer eftir því hvað ég fæ langt frí í sumar? annars er ég í fríi helgina sem Bræðslan er ... mig langar til að fara, jafnvel þó að Egill Ólafsson verði þar í sumar, ég kann ekki alveg að meta þann mann - það er bara mitt mat, ég kann heldur ekki að meta Björk og Hörð Torfa, þau eru bara ekki mér að skapi ;)

gabbaði engan í gær en trúði heldur engum, jafnvel þegar verið var að segja mér satt sem var kannski alveg eins sniðugt en leiðréttist allt að lokum ;)

eruð þið byrjuð að plana sumarið ykkar?

Góðar stundir

2009-03-18T09:52:00.002Z

Mætt á aukavakt, var í fríi í gær og náði upp smá svefni með því að sofa næstum til hádegis :) afskaplega ljúfur dagur, svaf lengi, fór út með hundinn, fór í kaffi, skrifaði bréf og fór svo með hundinn í hundaleikskólann þar sem hann var eins og engill í sjéfferbúningi - annað en í síðustu viku þegar hann bara nennti þessu alls ekki og vildi miklu frekar leika við hina hundana en að spá eitthvað í að læra að leita ;)

Síðasta törn var biluð, hvað er fólk að vesenast þessa vitleysu um miðjan mars? svo fór ég líka seint að sofa nánast á hverju kvöldi þannig að ég var líka þreytt á hverjum einasta morgni ... en það var alltaf þess virði :) fór til dæmis á gagnfræðaskóla reunion og hitti fullt af fólki sem ég hef ekki hitt lengi, lengi og næst ætla ég að ákveða mun fyrr að ég ætli að fara og jafnvel redda mér fríi daginn eftir svo ég þurfi ekki að fara heim jafnsnemma ;)

... og nei, þetta er ekki ellimerki að fara heim að sofa í staðinn fyrir að mæta ósofin daginn eftir í vinnuna, það er af mannúðarástæðum sem ég mæti ekki ósofin í þessa vinnu ;)

Lifið heil

2009-03-11T10:12:00.003Z

Þá er mánudagur hjá mér :) ekki alvöru mánudagur heldur var ný vaktatörn að byrja, morgunvaktir næstu sex daga og í dag er ég þreytt ... afskaplega sybbin og búin að lofa mér að fara að sofa klukkan níu í kvöld til að vera ögn ferskari í fyrramálið ;)

... hvort það gengur eftir kemur í ljós en stefnan er huggun í bili :)

Svo eru brandarar líka góð hugmynd við syfju:

Siggi, pabbi vinar míns, sá sumarbústað auglýstan til sölu og sá sem veitti upplýsingar í síma sagði að þetta væri ágætis bústaður. Málið vandaðist hins vegar þegar Siggi spurði hvort það væri verönd við bústaðinn.
-Verönd, hvað er það?
Það er svona pallur þar sem maður getur setið úti og borðað.
-Nei, það er ekkert svoleiðis.
En salernisaðstaða?
-Það er fínasti kamar rétt hjá.
En ekkert klósett inni?
-Nei.
Þá heyrðist húsfreyjan spyrja í bakgrunni hver væri í símanum.
-Æ, þetta er einhver kall að sunnan sem vill éta úti en kúka inni.

Góðar stundir

2009-03-09T19:10:00.002Z

Eitt af því besta við að eiga hund er að þú fattar að veðrið er aldrei eins slæmt þegar þú ert lögð af stað og það virðist vera áður en þú ferð út :) þegar þú VERÐUR ekki að fara út að ganga í klukkutíma sama hvernig viðrar gefurðu veðri alltof lítinn séns, finnst mér - eða kannski er það bara ég? kuldaskræfan og innipúkinn? :)

annars er ég eiginlega hætt að vera kuldaskræfa og innipúki ... og eftir síðasta sumar þá er mér nokk sama um rigningu líka, þó mér finnist hún ekki beint góð, alltaf, þá er ekkert að henni ;) samt var frekar mikið rok áðan, mér var ekkert kalt nema bara á þeim hlutum andlitsins sem ég varð að hafa útúr til að komast leiðar minnar ... var einmitt að velta því fyrir mér þegar ég var úti við Gróttu og gekk eins og ég væri að ýta bíl til að komast áfram í rokinu hvort fólk myndi ekki skilja mig ef ég færi í göngutúra í +10 metrum á sekúndu með hjálm? Hjálmur myndi fullkomna kósí cocoon-fílinginn en það myndu kannski ekki allir skilja það? svo gæti líka verið að hjálmur taki á sig meiri vind en húfan þannig að hálsinn þarf að hafa meira fyrir að halda höfðinu uppi? kannski kaupi ég mér bara skíðagleraugu? :)

ég sló ekki vinnumet í síðustu viku, metið er 93 tímar minnir mig (þá mínus skólavinna), ég náði 84 tímum en afþakkaði eina aukanæturvakt og skellti mér í tvö partý í staðinn á laugardagskvöldinu, byrjaði hjá HAG félaginu og endaði í konudagspartý hjá fyrrum Júgóslövum - fékk að heyra það nokkrum sinnum um kvöldið að núna væri ég útlendingurinn ;) ég skemmti mér afskaplega vel, dansaði við lifandi ethnótónlist í nokkra klukkutíma, hlustaði á júgóslavnesku heilt kvöld og fékk pakka og rós því ég er kona ;) fyndið að fara til annars lands eina og eina kvöldstund án þess að fara til útlanda, mig langar aftur :)

Ég byrjaði á að segja hvað það er gott að eiga hund en það er líka afskaplega ljúft að eiga kött og þegar loðkúturinn fer að mala þá skiptir mig engu máli hvernig veðrið er, mig langar ekkert út ;)

Góðar stundir

2009-03-05T19:26:00.004Z

Ég slæ kannski vinnumet þessa vikuna, fimmtudagur og þegar ég fer heim í kvöld verð ég búin að vinna 64 klukkutíma í þessari viku ... og hún er ekki búin :)

En í morgun var ég að hlusta á FM 95.7 í bílnum ... fyrir einhvern misskilning en það reyndist hin besta skemmtun. Ég hló og hló og hló og hló :)

Það var einhver spurningarkeppni í gangi, með einföldum spurningum sem "geta þó snúist fyrir sumum" samkvæmt spyrlinum.

Spurning eitt:
Hvert er eftirnafn sænsku tennishetjunnar Björn sem vann Wimbeldon fimm sinnum?
Þetta gat þriðji keppandinn loksins en gisk hinna voru skemmtileg, Blomkvist og Larson og stelpan lýsti hetjunni sem manni "sem var alltaf með sídd í hárinu" :)

Næsta spurning:
Hvaða stóra eyja er útifyrir austurströnd Afríku og hefur meðal annars verið gerðar teiknimyndir um hana?
Gaurinn sem gat Björn Borg fékk að svara aftur og það varð að segja honum fyrsta stafinn í nafninu og að teiknimyndin hefði verið um dýralíf en þá gat hann auðvitað Madagaskar með þeim orðum að hann hefði verið rosalega tæpur þarna - ehhh, já, útvarpsstrákurinn var búinn að segja "mmmmaaaa" og "mmmmaaaaddddd" nokkrum sinnum ;)

Þriðja spurningin var langbest, útskýringin á henni alla vegana:°
Hvað var viðkvæmasti líkamshluti Akkilesar?
Innhringjandinn svaraði "táin á honum" en spyrillinn leiðrétti hann með því að segja hællinn og stákurinn breytti svarinu strax. Útvarpsmaðurinn sem var ekki að spyrja hló því sá sem spurði hafði sagt honum svarið og þá spyr stelpan í útvarpinu hvort þeir vissu söguna á bakvið hælinn? Jújú, þeir héldu það nú!

Það er sko alltaf talað um að ef þú ert veikur í einhverju þá er það þinn Akkilesarhæll. Spyrillinn mundi ekki hvaða skrímsli það var sem Akkiles var að berjast við en það brotnaði á honum ökklinn í átökunum og það varð hans bani ... jahá! Svo bætti þessi mannvitsbrekka því við að Herkúles hefði ekki haft neinn Akkilesarhæl og að hann hefði komið á eftir Akkiles :)

En þetta var ekki búið þó ég hafi verið fegin því að vera komin á áfangastað til að geta stoppað bílinn ég hló svo mikið. Það voru tvær spurningar í viðbót en ég held að þessi Akkilesarumræða hafi verið eitt það fyndnasta sem ég hef heyrt í útvarpi lengi :)

... kannski var þetta bara svefngalsi? en hrikalega fannst mér þetta fyndið og varð að deila því með ykkur :)

Lifið heil og hlæið á hverjum degi ;)

2009-02-26T02:27:00.002Z

Oh! þetta finnst mér fyndið! :)

An Aussie refuse collector is going along a street picking up the wheelie bins and emptying them into his dustcart.

He goes to one house where the bin hasn't been left out, so he has a quick look for it, goes round the back of the house, but still can't see it.

So, against the rules but in the spirit of kindness, he knocks on the door.

There's no answer.

Being a kindly and conscientious bloke, he knocks again - much harder.

Eventually a Japanese bloke comes to the door. 'Harro!' says the Japanese chappie.

'G'day, mate! Where's ya bin?' asks the collector

'I bin on toiret' explains the Japanese bloke, a bit perplexed.

Realizing the little foreign fellow had misunderstood him, the bin man smiles and tries again. 'No mate, where's your dust bin?'.

'I dust been to toiret, I toll you!'' says the Japanese man - still perplexed.

'Listen,' says the collector. 'You're misunderstanding me. Where's your wheelie bin?'

'Ok. Ok ' replies the Japanese man with a sheepish grin. ' I wheelie bin havin sex wirra wife's sister'

Stundum held ég að ég verði að fara að skipta um húmor, punchlinein eru löngu hætt að vera PC og trúið mér að flestir brandarar sem ég hlæ að þessa dagana eru þannig að þeir eru óbirtingahæfir eða of mikilir nördabrandarar til að fólk fatti þá, svona almennt - kannski vegna þess að það er febrúar? kannski verð ég bara að umgangast fólk meira? :)

Til að vega upp á móti síðasta myndbandi kemur hérna eitt mun snyrtilegra :)

Lifið heil

2009-02-22T05:38:00.002Z

Gleðilegan konudag :)

Hérna er dulítið myndband í tilefni dagsins og eins og í öllum góðum kántrýlögum þá er það textinn sem skiptir máli ... ef þið heyrið ekki textann getið þið lesið hann hérna :)

Þið hafið ef til vill engan húmor fyrir þessu en ég hló - hefði kannski ekki átt að gera það því heimsfriður er ekkert aðhlátursefni auðvitað ... en kannski er þetta heldur ekkert fyndið nema að verða sex á sunnudagsmorgni í Borg óttans?

Lifið heil og ég óska ykkur öllum friðar og hamingju :)

2009-02-21T06:59:00.002Z

Stundum til að fá vinnu er best fyrir einstaklinga að mæta á staðinn til að sýna sig og sanna að það sé eitthvað í sig spunnið, frambærilegt fólk og þannig.

Það á ekki við í minni vinnu. Ef þú kemur í vinnuna til mín undir morgun eftir einum of marga verður atvinnuumsókn þín ekki tekin sérstaklega alvarlega ... og nei, þú mátt ekki fá blað og penna til að skrifa ferilskrá.

Fólk kemur mér sem betur fer ennþá á óvart :)

Annars er það að frétta að ég er laus við kvefið! Ég rétt náði að klára vaktina síðasta föstudag, kom mér heim og í sturtu og lá svo uppí rúmi þangað til um miðja vikuna með hita, kvef, háls- og eyrnabólgu, beinverki og almenna vanlíðan :/ en eins og ég segi þá er ég miklu skárri núna og hlakka til að hafa það gott á konudaginn fyrst ég missti af Valentínusardeginum - hint, hint, nudge, nugde ;)

... og þið sem hneykslist á Valentínusardeginum og segið hann bandarískt skrípi, ykkur spyr ég: hvernig dettur ykkur í hug að hafna hátíðsdegi í febrúar sem snýst um að vera elskulegur, góður við sína og borða súkkulaði? er það ekki einmitt það sem læknar mæla með í dimmasta skammdeginu? :)

Ég mæli með því :) ég mæli líka með nægum svefni þannig að ég ætla heim um leið og vaktinni lýkur og sofa langt, langt frameftir degi ;)

Góðar stundir

2009-02-13T08:24:00.003Z

Góður boðskapur :)

Vonandi hafið þið það öll sem allra best?

Búin að fá hellings hugmyndir um blogg en hef gleymt þeim jafnharðan, höfuðið er búið að vera fullt af kvefi undanfarið og ég get ekki beðið eftir vaktafríinu mínu til að sofa bara og sofa á milli þess sem ég knúsa köttinn og fer í göngutúra með hundinn ;)

Lifið heil

2009-02-05T22:53:00.001Z

Rosalega er ég fegin að það eru allir búnir að gleyma þessu aldamótarugli – ekki bara hræðslan við Y2K (kom það einhvern tímann fram?) heldur líka allt talið um hvenær aldamótin væru nákvæmlega, áramótin 1999/2000 eða 2000/2001 ... aldamótin mín voru 1999/2000 af þeirri einföldu ástæðu að fólk fæðist ekki eins árs, nuff said ...

voruð þið búin að sjá þetta?

The Colbert ReportMon - Thurs 11:30pm / 10:30c

It Could Be Worse - Iceland

Colbert Report Full Episodes
Paul McCartney Appearance

Funny Political Videos
More Funny Videos

annars gengur lífið sinn vanagang mín megin þrátt fyrir umbyltingar í samfélaginu, þarf að mæta í vinnuna (og líka smá í aukavinnu líka), fara út með hundinn, knúsa köttinn, sofa nóg svo ég verði ekki lasin og þannig ... svo var ég að heyra í hljómsveit sem heitir Disturbed, mér finnst hún góð :)

Góðar stundir

2009-02-01T20:36:00.003Z

Þá er komin ný ríkisstjórn - ekki komin nein reynsla á hana og ég þekki fólkið ekkert sérlega vel en ég er viss um að Jóhanna eigi eftir að halda þeim á tánum. Miðað við sögur af henni er ég sannfærð um að þessi ríkisstjórn verði ekki verklaus og það eru þau sem tala, verkin sumsé og blómin líka en það er annað mál :)

Ég hef komist að því að frostmyndir eru ofmetnar. Ég er búin að taka ansi margar myndir af veðrinu og því sem fylgir undanfarna daga. Mér finnst fallegt að sjá bleikan og hvítan og bláan Reykjanesskagan og fjólubláa Esjuna og hvíta Skarðsheiðina og spegilsléttan Faxaflóann, trjágreinar þykkar af snjó og trjáboli snjóhvíta ámegin og nokkrum sentimetrum breiðari útaf snjónum sem hefur fokið á þá og frosið. Himinninn er líka alltaf svo fallegur í frosti og sólsetrin sömuleiðis en ekkert af þessu næst almennilega á mynd ... ekki á þær myndir sem myndavélin mín getur tekið að minnsta kosti ;)

Þær eru samt margar fínar þó þær séu ekki eins og það sem ég var að taka mynd af en kannski er það sem vantar er "loftið"? ef ég skoða þær úti í kuldanum verða þær kannski fallegri? fegin samt að það er digitalöld, veit ekki hvort ég hefði tímt að taka þessar myndir á filmur - ég hefði að minnsta kosti ekki gert tilraunir held ég ;) ef þið eruð heppin set ég kannski einhvern daginn einhverjar myndir inn ... það gæti alveg gerst ;)

Góðar stundir

2009-01-28T20:30:00.002Z

Dóni ég - gleðilegt ár öllsömul :)

ég vildi bæta einu við, ég hef sagt ykkur frá litlu frænkum mínum sem eru fimleikasnillingar? sú eldri var einmitt að rúlla upp móti síðustu helgi, vann á einu áhaldi og varð í öðru á ÖLLUM hinum og!! það kom viðtal við hana í fréttunum á sunnudagskvöldið ;)

Hérna er það, aftarlega í fréttinni - hún er rangfeðruð að vísu en hún heitir afskaplega fallegu skírnarnafni og er hrikalega sæt þannig að þið þekkið hana alveg ;)

Sko, Ásdís bara tvö á einu kvöldi!! Takk fyrir kommentið ;)

Góðar stundir

2009-01-28T19:30:00.002Z

Ég var rétt í þessu að leiðrétta rosalegan misskilning.

Heimasíminn hringir örsjaldan, bara nokkrum sinnum í viku. Gallup og mamma hringja en mamma hringir yfirleitt í gemsann ;)

Stundum þegar ég athuga símann eru missed call á skjánum. Ég hef alltaf gert ráð fyrir að ókunnu númerin tilheyrðu Gallup - þá ályktun byggði ég á því að hafa hringt tilbaka og fengið símsvara, nokkrum sinnum því ég var forvitin, en ég man að sjálfsögðu ekki í hvaða númer ég hringdi né hvaða númer voru að hringja í mig ;)

Í kvöld hringdi síminn, ég tók hann upp og kannaðist eitthvað við númerið ... svaraði og það var spurt um Möggu.

Ok, ég þekkti númerið sem sagt ekki sem númer hjá einhverjum sem ég þekkti heldur númer sem er yfirleitt alltaf í missed call listanum ;)

Þegar ég sagði að ég væri ekki Magga spurði konan hvort hún væri kannski ekki heima? Ég sagðist ekki vita það því Magga byggi ekki hérna. Þetta kom viðmælanda mínum mikið á óvart því hún var viss um að hún hefði hringt í hana áður í þetta númer ... þegar við bárum númerin saman munaði bara einum staf, síminn hjá mér byrjar á 552 en síminn hjá Möggu á 553 þannig að Magga hefur verið að missa af símatali svona einu sinni, tvisvar í viku í laaaangan tíma!

Gott að þetta skuli vera komið á hreint, það þurfa allir að geta verið í sambandi við vini sína á þessum síðustu og verstu ;)

Lifið heil

2008-12-01T09:57:00.003Z

Gleðilegan mánudag :)

A man who just died is delivered to a local mortuary wearing an expensive, expertly tailored black suit.

The female blonde mortician asks the deceased's wife how she would like the body dressed. She points out that the man does look good in the black suit he is already wearing.

The widow, however, says that she always thought her husband looked his best in blue, and that she wants him in a blue suit. She gives the blonde mortician a blank check and says, 'I don't care what it costs, but please have my husband in a blue suit for the viewing.'

The woman returns the next day for the wake. To her delight, she finds her husband dressed in a gorgeous blue suit with a subtle chalk stripe; the suit fits him perfectly ...

She says to the mortician, 'Whatever this cost, I'm very satisfied. You did an excellent job and I'm very grateful. How much did you spend?' To her astonishment, the blonde mortician presents her with the blank check.

'There's no charge,' she says.

'No, really, I must compensate you for the cost of that exquisite blue suit!' she says.

'Honestly, ma'am,' the blonde says, 'it cost nothing. You see, a deceased gentleman of about your husband's size was brought in shortly after you left yesterday, and he was wearing an attractive blue suit. I asked his wife if she minded him going to his grave wearing a black suit instead, and she said it made no difference as long as he looked nice.'

'So I just switched the heads.'

Takk fyrir þennan Anton ;)

2008-11-27T06:36:00.000Z

Ferð að líða að jólaprófum og ég er að lesa fyrir þau ... ég þoli ekki próf. Hef ég ekki einhvern tímann minnst á það hérna? eins og til dæmis í gær eða fyrradag? :)

ég bakaði köku fyrir vinnufélagana í nótt, auðvitað af einskærri, óeigingjarnri, hreinni og klárri góðmennsku en mig langaði líka í skúffuköku þannig að það var kjörið að slá þessu tvennu saman ;) það er nefnilega galli að þegar ég bý eitthvað til bý ég alltaf til nægilega mikið magn fyrir hungraðan heim líka og þó það sé hægt að frysta alls konar í hentugum pakkninum þá virkar ekki að frysta skúffukökur ;)

... annars er klukkan hálfsjö um morgun og ég er farin að glósa glósur - spurning um að segja þetta gott í nótt? ;)

Lifið heil

2008-11-26T09:18:00.002Z

To my friends who enjoy a glass of wine....and those who don't.

As Ben Franklin said: 'In wine there is wisdom, in beer there is freedom, in water there is bacteria.'

In a number of carefully controlled trials, scientists have demonstrated that if we drink 1 liter of water each day, at the end of the year we would have absorbed more than 1 kilo of Escherichia coli, (E. coli) - bacteria found in feces.

In other words, we are consuming 1 kilo of poo.

However, we do NOT run that risk when drinking wine & beer (or tequila, rum, whiskey or other liquor) because alcohol has to go through a purification process of boiling, filtering and/or fermenting.

Remember:

Water = Poo

Wine = Health

Therefore, it's better to drink wine and talk stupid, than to drink water and be full of shit.

There is no need to thank me for this valuable information: I'm doing it as a public service.

Happy thoughts

2008-11-25T02:01:00.001Z

Hvernig er ekki hægt að fíla Denny Crane? :)

Denny Crane & Guns from Alex Hall on Vimeo.

Lifið heil

2008-11-25T00:30:00.002Z

Blitzblogg af næturvaktinni :)

ég er að velta jólunum fyrir mér, hvað ég eigi að gera varðandi jólagjafir og svoleiðis - allir krakkarnir í fjölskyldunni fá keypta pakka frá mér en ég hugsa að rest fái bara heimatilbúið? Einhver mótmæli? ég skal búa til eitthvað hrikalega fínt :)

hvað ætlið þið að gera? kannski ég sendi jólakort í fyrsta sinn síðan í barnaskóla? voru póstkassar í skólastofunni ykkar þegar þið voruð lítil? minn var rautt hús með bómul á þakinu fyrir snjó og að mig minnir fánastöng fyrir utan en fánastöngin var aðeins brotin því systur mínar áttu húsið á undan mér og svona papppadót lifir ekki allt af. Til að komast í jólakortin var hægt að lyfta þakinu og ég fékk alltaf fleiri kort en ég sendi ... mig minnir að þeir sem voru í seinni hluta stafrófsins hafi aldrei fengið kort frá mér því ég var svo lengi að búa til kortin að mér vannst aldrei tími til að klára allan nafnalistann sem Brynhildur kennari lét okkur fá til að halda utan um hverjum við vorum búin að senda og áttum eftir :)

jújú, kannski sendi ég ekki jólakort sem fullorðin vegna þess að ég skammst mín fyrir að allir sem heita nafni sem byrja á staf í seinni hluta stafrófsins fengu yfirleitt ekki jólakort þegar ég var lítil? já eða kannski er ég bara ekki týpan sem sendi jólakort og það kom strax í ljós þegar ég var lítil? :)

en áður en það koma jól þá verð ég að klára jólaprófin og ég kvíði þeim afskaplega mikið. Ég þoli ekki próf og vildi óska að það væri hægt að klára allt nám án þess að taka próf ... og það er eflaust hægt einhvers staðar?

vantar einhvern mótorhjólagalla og hjálm? glænýtt og bara notað einu sinni? stelpan sem á hann er um 170 sm á hæð og nett, með venjulega stóran haus þannig að ef þú ert svipuð og vantar galla vertu í bandi - líka ef þú átt netta kærustu með venjulega stóran haus og vilt gefa henni galla í jólagjöf kannski? koma henni á bragðið? gæti verið besta jólagjöf ársins :)

Góðar stundir

2008-11-14T12:43:00.002Z

Ég er í vinnu sem er yfirleitt ekki sérlega hættuleg ... en í dag bjargaði ég mannslífi!

Já, það var bara venjulegur morgun fram að hádegi. Ágætlega margir í geymslunni en það sváfu flestir út og við gátum leyft stórum hluta að fara fyrir hádegi þannig að það voru bara þrír í hádegismat. Ég fór upp og borðaði, ýsu með rækju og blaðlaukssósu og kartöflur, barasta mjög gott. Svo náði ég í þrjá matarbakka og litla mjólkurfernu með hverjum þeirra. Ég fann til plasthnífapör og fór að dreifa matnum til viðeigandi manna.

Ég var nýbúin að láta síðasta manninn fá bakkann sinn þegar hann hringdi bjöllunni. Ég hugsaði með mér að hann gæti ekki hafa haft tíma til að gera nokkuð annað en að skoða matinn og var nokkuð viss um að hann myndi biðja um að fá að reykja þar sem hann væri "búinn að fá matinn" ... stundum þarf að passa afskaplega vel uppá hvert einasta orð því sumir eru sleipari en álar í að endurtaka nákvæmlega það sem ég sagði en skilja ekki það sem ég meinti - fín æfing í að tala skýrt að vísu :)

Ég fer sem sagt aftur að klefanum og opna lúguna, þá stendur eymingjans maðurinn með peysuna fyrir munninum og tárin í augunum, hann var með bráðaofnæmi fyrir rækjum og sósan var yfir allt saman!! :/

Ég opnaði auðvitað um leið, tók af honum bakkann og bjargaði honum þar með frá bráðum bana!

Svo náði ég í samloku handa honum með kalkún ... núna ætla ég að fara að spyrja hvort menn séu með ofnæmi líka, ég spyr nú þegar hvort þeir séu grænmetisætur - merkilega algengt þó þið trúið því ekki :)

Stórhættuleg kvikindi!

Góðar stundir

2008-11-11T19:32:00.004Z

Blitzblogg í tilefni kreppunnar og skammdegisins :)

hversu víðtæk þarf kreppan að vera til að teljast til heimskreppu? er heimurinn Vesturlönd í þessu sambandi líka eins og sumu öðru? var bara að spá ... annars er ég ekki svo mikið að hugsa um kreppuna þessa dagana, alveg hætt því nema að því leyti að ég er ennþá að safna kreppupósti ef þið eigið svoleiðis í fórum ykkar ;) og talandi um það þá fékk ég hlekk á þessa færslu senda áðan, takk Edda :)

bara nokkrir dagar eftir af skólanum og það er skerí stöff framundan ... langt skriflegt próf (ein spurning, en val um tvær) og munnlegt próf (ein spurning, en val um tvær) og hvað ... fimm þúsund blaðsíður? ... kannski ekki svo mikið en efnið er á við nokkrar símaskrár bara ekki eins þunnur pappír :)

svo er ég líka alltaf að vinna bara og vinna en internetið virkar ekkert sérstaklega vel í vinnunni þannig að ég nenni eiginlega ekki að nota það þar ... ég er sem sagt heima núna og er að baka - jú, ég geri það orðið reglulega því ég er að hætta að borða brauð, ekkert fanatískt hætt bara að hætta svona hægt og rólega ... eins og maður gerir, ekkert cold turkey bara hætt að kaupa það og þannig :)

jújú, Bjarni bara búinn að segja af sér - synd og skömm, hann var alvöru ... og þess vegna sagði hann auðvitað af sér, heiðursmannaafsögn. Afhverju axla menn eiginlega aldrei ábyrgð? hvað varð um fyrirmyndirnar? hverjar eru fyrirmyndir komandi kynslóða? til hverra geta börn litið upp til í dag? ... ekki beysið úrval að mínu mati - hvaða opinberu aðilar teljið þið að séu þess verð að flokkast sem fyrirmyndir ungu kynslóðarinnar??

kommentið endilega og verið góð við hvert annað

2008-10-28T19:10:00.004Z

Hvernig gengur lífið hjá ykkur?

Voruð þið búin að heyra þennan?

5 vísbendingar um það að Ísland sé að sigla aftur inn í áttunda áratug 20. aldar

1. Óðaverðbólga
2. Gjaldeyrisskömmtun
3. Stríð við breta
4. Vinsælasta tónlistin er ABBA og Vilhjálmur Vilhjálmsson
5. Forsætisráðherrann heitir Geir og er sjálfstæðismaður

... já, ég er ennþá að safna kreppupósti, myndum, bröndurum, sögum og öllum sem þið heyrið, sjáið, lesið, segið um kreppuna ;)

Lifið heil og verið í bandi :)

2008-10-23T01:00:00.003Z

Jæja, ég er ekki horfin ... ekki alveg að minnsta kosti :)

voruð þið búin að fá póstinn með skilgreiningum á ólíkum hagkerfum heimsins? ef ekki ætla ég að leyfa ykkur að njóta þeirra, ég hló stundum upphátt:

SÓSÍALISMI
Þú átt 2 kýr.
Þú gefur nágranna þínum aðra þeirra.

KOMMÚNISMI
Þú átt 2 kýr.
Ríkið tekur þær báðar og gefur þér mjólk.

FASISMI
Þú átt 2 kýr.
Ríkið tekur þær báðar og selur þér mjólk.

NASISMI
Þú átt 2 kýr.
Ríkið tekur þær báðar...og skýtur þig svo.

SKRIFRÆÐI
Þú átt 2 kýr.
Ríkið tekur þær báðar, skýtur aðra þeirra, mjólkar hina og hellir svo allri mjólkinni.

HEFÐBUNDINN KAPITALISMI
Þú átt 2 kýr.
Þú selur aðra þeirra og kaupir naut. Þú stofnar kúabú og hagnast vel. Þú hagnast vel, selur kúabúið og sest í helgan stein

SÚRREALISMI
Þú átt 2 gíraffa.
Ríkið krefst þess að þú farir í harmonikkunám.

BANDARÍSKA FYRIRTÆKI
Þú átt 2 kýr.
Þú selur aðra þeirra og þvingar hina til að gefa af sér mjólk á við fjórar kýr. Þú ræður svo sérfræðing til að komast að því hvers vegna hún datt niður dauð.

ÁHÆTTUFJÁRFESTINGAR
Þú átt 2 kýr.
Þú selur 3 þeirra til fyrirtækis á opnum markaði með veði í gervifyrirtæki mágs þíns, gengur svo frá yfirtöku með vísan í skráningu á markaði þannig að þú færð allar 4 kýrnar tilbaka og skattaívilnanir vegna einnar til viðbótar. Afurðarétturinn af kúnum 6 er færður yfir á fyrirtæki í Karíbahafinu, en leynilegur meirihlutaeigandi þess selur þér aftur réttinn að öllum 7 kúnum. Samkvæmt ársskýrslu á fyrirtækið nú 8 kýr, með eigendarétti að einni til viðbótar. Þú selur eina kú til þess að þóknast ónefndum stjórnmálamanni og átt þá níu kýr. Rétturinn að nautinu er seldur almenningi í hlutafjárútboði.

FRANSKT FYRIRTÆKI
Þú átt 2 kýr.
Þú ferð í verkfall, skipuleggur mótmæli og tefur umferð...vegna þess að þú vilt eiga þrjár kýr.

JAPANSKT FYRIRTÆKI
Þú átt 2 kýr.
Þú endurhannar þær þannig að þær verða tíu sinnum minni, en framleiða tuttugu sinnum meiri mjólk. Þú markaðssetur svo nýja teiknimyndahetju,"Kúmann", sem nær miklum vinsældum um allan heim.

ÞÝSKT FYRIRTÆKI
Þú átt 2 kýr.
Þú endurhannar þær þannig að þær lifa í 100 ár, éta einu sinni í mánuði og mjólka sig sjálfar.

ÍTALSKT FYRIRTÆKI
Þú átt 2 kýr.
Þú veist ekki hvar þær eru niðurkomnar. Þú ákveður að fá þér að borða.

RÚSSNESKT FYRIRTÆKI
Þú átt 2 kýr.
Þú telur þær og kemst að því að þú átt 5 kýr.
Þú telur þær aftur og kemst að því að þú átt 42 kýr.
Þú telur þær enn og aftur og kemst að því að þú átt 2 kýr.
Þú hættir að telja og opnar aðra vodkaflösku.

SVISSNESKT FYRIRTÆKI
Þú átt 5000 kýr. Engin þeirra tilheyrir þér í raun.
Þú rukkar eigendurna fyrir geymsluna.

KÍNVERSKT FYRIRTÆKI
Þú átt 2 kýr.
Þú ræður 300 manns til að mjólka þær. Þú segir atvinnuleysi í lágmarki og blómstrandi landbúnað. Þú handtekur fréttmanninn sem sagði frá stöðunni eins og hún er í raun og veru.

INDVERSKT FYRIRTÆKI
Þú átt tvær kýr.
Þú tilbiður þær.

BRESKT FYRIRTÆKI
Þú átt tvær kýr.
Báðar eru með gin-og klaufaveiki

ÍRASKT FYRIRTÆKI
Allir virðast eiga fjölda kúa.
Þú segir öllum að þú eigir enga. Enginn trúir þér svo þeir sprengja þig í tætlur og ráðast inn í landið. Þú átt enn engar kýr, en þú býrð þó amk í lýðræðisríki núna...

ÁSTRALSKT FYRIRTÆKI
Þú átt 2 kýr.
Bissnessinn gengur vel. Þú lokar skrifstofunni og færð þér nokkra kalda til að halda upp á það.

NÝ-SJÁLENSKT FYRIRTÆKI
Þú átt tvær kýr.
Sú til vinstri er asskoti löguleg.

Verið góð við hvert annað og lifið heil

2008-10-09T11:52:00.003Z

Skelfilegt ástandi í þjóðfélaginu og á jafnvel eftir að versna ... ég gref mig bara í skólabækurnar og kíki inná Facebook í staðinn fyrir mbl því þar er lífið fallegt - þar fær forsetinn ekki hjartaáfall og menn vilja ekki láta reka annað fólk og þar missa gamalmenni ekki aleiguna og hundruðir þurfa að byrja uppá nýtt, fólk sem er jafnvel í útlöndum með alla búslóðina og unga fjölskyldu en fær ekki laun í lok mánaðarins því bankinn sem það vann hjá er farinn á hausinn ... kannski er svona fjarstýring eins og í Click málið fyrir sumar fjölskyldur núna? :)

en ég fékk mynd senda í pósti áðan og hló upphátt, þess vegna langar mig að deila henni með ykkur - fá ykkur til að brosa;)

Lifið heil og andið með nefninu

2008-09-25T00:43:00.004Z

Tvífarar næturinnar:

Wallace úr Wallace og Gromit:

og

Matt Lucas úr Little Britain:

Ótrúlegur svipur með þeim:)

í öðrum fréttum var ég að vinna 2000 króna afslátt af andlitslyftingu í Núinu ... nú spyr sú sem ekkert veit, er 2000 króna afsláttur af svoleiðis aðgerð ekki bara dropi í hafið? eru þær nægilega algengar aðgerðir til að Núið-fólkið geti réttlætt þær sem "vinninga" þar sem þú getur líka unnið 2fyrir1 á vídeóleigum? ... hvað sem því líður, ég mun að öllum líkindum ekki nýta mér þennan afslátt þannig að ef eitthvert ykkar er að spá í svona aðgerð þá megið þið endilega fá hjá mér afsláttarmiðann:)

Góðar stundir

2008-09-22T12:18:00.003Z

Heilræði dagsins:

Handle every stressful situation like a dog.

If you can't eat it or play with it,

Just pee on it and walk away.

og brandari í tilefni mánudagsins:

A male patient is lying in bed in the hospital, wearing an oxygen mask over his mouth and nose, still heavily sedated from a difficult four hour, surgical procedure.

A young student nurse appears to give him a partial sponge bath.

Nurse", he mumbles, from behind the mask "Are my testicles black?"

Embarrassed, the young nurse replies, "I don't know Sir, I'm only here to wash your upper body and feet."

He struggles to ask again, "Nurse, are my testicles black?"

Concerned that he may elevate his vitals from worry about his testicles, she overcomes her embarrassment and sheepishly pulls back the covers. She raises his gown, holds his penis in one and and his testicles in the other, lifting and moving them around. Then, she takes a close look and says,

"There's nothing wrong with them, Sir !!"

The man pulls off his oxygen mask, smiles at her and says very slowly,
"Thank you very much. That was wonderful, but listen very, very closely.....

"A r e - m y - t e s t - r e s u l t s - b a c k ? "

Þessi bloggfærsla var í boði Ásdísar :)

Lifið heil

2008-09-21T09:41:00.002Z

Mótorhjólaferðinni var svo aflýst vegna veðurs þannig að ég var ekki að missa af neinu:) samt hefur mér ekki tekist að vera alveg eins dugleg um helgina og til stóð, alveg ágætlega duglega en bara ekki alveg eins og ég var búin að "sjá fyrir mér" :)

en talandi um mótorhjólaferðir þá var Edelweiss bæklingurinn að koma í hús í síðust viku ... ef ég ynni milljón í happadrætti væri mjög erfitt fyrir mig að ákveða hvort ég færi í leyseraðgerð á augunum eða í mótorhjólferð til Nýja Sjálands eða Kína eða Suður Ameríku eða ..., þetta er bæði alveg jafnmikilvægt:) þannig að það er kannski eins gott að ég vinni yfirleitt ekki neitt í svona happadrættum ... happadráttum?

haldiði að leyseraðgerðir séu ekki orðnar skrambi öruggar þessa dagana? það væri náttúrulega ekki nægilega gott ef ég færi í aðgerð sem klúðraðist algerlega ... vitiði hverjar líkurnar eru á klúðri? ætti ég að fara að safna eða bíða kannski fimm eða tíu ár í viðbót eftir enn meiri tækni? :)

Góðar stundir

2008-09-19T08:35:00.002Z

Það er ekkert smá sem ætlar að blása þetta haustið - cocoondagurinn um daginn var síðasti dagurinn sem ég var á hjólinu því persónulega finnst mér ekkert gaman að vera á mótorhjóli í hávaðaroki, ég er ekki svo mikill andrenalínjunkie;) ... satt að segja held ég að ég sé mjög lítill adrenalínjunkie svona almennt séð, ég er meira fyrir að lenda í flugvélum heldur en að hoppa úr þeim til dæmis þó ég væri alveg til í að prófa fallhlífarstökk svona einhvern daginn við tækifæri:) en bara prófa, ekki gera það að lífsstíl og sækjast eftir því í frítímanum að vera í frjálsu falli ... þó ætla ég ekki að segja til um það fyrr en eftir að ég prófa það;)

ég er líka hætt við að fara í mótorhjólaferð upp að Landmannnalaugum í kvöld, getur líka verið að henni verði aflýst? en ég er hætt við vegna þess að ég er skynsöm, ekki vegna veðurs:) ég þarf að vera skynsöm því tíminn er afskaplega dýrmætur þessa dagana:) ég þarf að skila ritgerð á hverjum mánudegi í vetur, bara stutt ritgerð, þrjár til fimm síður, en hún er ekki heimildaritgerð heldur "hugleiðing" um efni vikunnar, ekki gagnrýni eða endursögn heldur eigum við að takast á við efnið og ræða það:)

allt í lagi þá:)

þetta hefur gengið hjá mér hingað til en ég þarf að vera hrikalega fersk og vakandi á meðan ég les því það er skelfilegt að vera búin að lesa í einhvern tíma og hafa svo ekki hugmynd um hvað stóð á blaðsíðunum á undan en ætla mér samt að "takast á við" hugmyndirnar sem komu fram skriflega:)

svo þarf ég líka að skila verkefnum á hverjum fimmtudegi í vetur:) þetta er samt alveg hrikalega, hrikalega skemmtilegt:)

Fídel biður að heilsa og lifið heil

2008-09-16T09:15:00.004Z

Ég hef ekki verið afkastamikil hérna á blogginu undanfarið en fyrir því eru margar ástæður ... sem ég var byrjuð að fara útí í rosalega stórum smáatriðum en er hætt við:)
Þetta var ekki skemmtileg upptalning fyrir nokkurn mann nema mig þannig að ég hlífi ykkur við henni:)

En ég áttaði mig á svolitlu í morgun sem mig langar til að deila með ykkur. Ég er ekki lengur neitt sérstaklega mikið á móti rigningunni:) ég hef aldrei verið mikið fyrir rigningu og það hefur stundum kostað mikla andlega áreynslu að láta hana framhjá mér fara en í morgun þegar ég var á leiðinni í vinnuna fannst mér hún alveg frábær:)

það var alveg ofsalega notalegt að fara frammúr í myrkrinu, klæða mig í mótorhjólagallann og hjálminn og fara svo út í hellidembuna með eins konar hlífðarskikkju yfir mér, ég fann ekki fyrir neinum kulda eða bleytu bara hlýju og kósíheitum nánast eins og ég væri ennþá uppí rúmi, cocoon inní gallanum:)
þetta var náttúrulega stutt leið sem ég varð að fara þannig að gallinn hélt rigningunni og það er líklega það sem gerði morguninn svona góðann, ég hef lent svo oft í að vera blaut uppá bak á hjólinu í sumar að þessir skottúrar innanbæjar í cocooninu eru alveg yndislegir þrátt fyrir hitabeltisrigningu;)

Lifið heil

2008-08-27T01:18:00.003Z

Ég á afmæli í dag:)
Mér finnst afskaplega gaman að eiga afmæli:)

Þakka þér kærlega fyrir afmæliskveðjuna -hvaff, þér er boðið í afmælið mitt þegar það verður þó að þú sért ósammála því að halda uppá annað en tugafmæli - þér er líka boðið Heimir Há:)

Ég var að frétta að þeir ætla að halda aðra sing-along-sýningu á Mamma Mia á fimmtudag/föstudag ... hver er maður? :)

Lifið heil

2008-08-19T13:01:00.003Z

Oh, ég sá Wall-E í gær .... awwwww :)

Mér fannst hún æðisleg og henni verður bætt við safnið um leið og hún kemur á DVD, ég er ennþá brosandi;)

Ég fór líka og sótti litla bróður minn á flugvöllinn seint, seint í gærkvöldi. Hann var að koma frá Króatíu þar sem hann var búinn að vera í um viku með kærustunni sinni og dóttur. Hann fór til Afganistan í júní en var kallaður fyrr heim en stóð til því núna vilja þeir senda hann til Líberíu. Líbería er í Afríku, vestan við Fílabeinsströndina ef þið eruð ekki viss á því hvar þetta land er ... ég varð að fletta því upp:) sumsé, hann er kominn heim en stoppar stutt því hann fer líklega út aftur á fimmtudagsmorguninn, geðveikt spennandi allt saman:)

Í kvöld er ég að fara í félagi við fullt af skemmtilegum stelpum í innflutningspizzupartý og ég hlakka barasta hellings til! :)

Góðar stundir

2008-08-18T10:14:00.002Z

Ég var að lesa síðustu færslu og gat rétt stautaði mig frammúr henni ... ég er ekki að segja að ég geti unnið verðlaun fyrir samfelldan texta ef ég einbeiti mér, ég geri mér grein fyrir að ég tala og skrifa frekar lélega íslensku en maður lifandi, ég verð að hætta að blogga í vinnunni!!

Þegar ég er að vinna skrifa ég eina og eina setningu á milli þess sem ég athuga hvort menn andi, á afskaplega misgáfulegar samræður við fólk í alls konar ástandi, annarlegu og öðruvísi, og fylgist með því sem er að gerast allt í kringum mig - það er greinilega of mikið að gerast í hérna á sunnudagsmorgunum til að ég geti komið frá mér vitrænum texta.

Ég þekkti sumsé strákana vel í sundur, það var miklu meiri stærðarmunur á þeim en á hestunum, Grímur er að verða níu ára og Elvar Örn að verða sjö og bræðurnir eru með mismunandi háralit, ekki hestarnir. Svo gleymdi ég að minnast á smurða nestið í ferðinni sem Hrafnhildur kona Einars kom með fyrir okkur og vöfflurnar sem hún var að baka þegar við komum heim:)

Annað hvort verð ég að hætta að skrifa í vinnunni eða skrifa í stuttum setningum. Sem segja frá öllu sem er sagnavert. Njálustíll. Eða bara listar, upptalningar og staðreyndir eins og tímasetningar, dagar, félagar, fjarlægðir eknar og gengnar? En eru þannig blogg ekki skelfilega leiðinleg aflestrar?

Blitzblogg er eflaust málið. Engar málalengingar eða smáatriði, nema auðvitað að blitzbloggið sé um eitthvert smáatriðið, en þau eru yfirleitt svo smávægileg að þau eiga sér engin smáatriði sjálf, nema hjá sumu fólki. Við sjáum lífið ekki öll eins, sem betur fer kannski?

Lifið heil

2008-08-16T11:33:00.002Z

Vika í Menningarnótt og svo á ég afmæli :) Síðasti frídagur mánaðarins var síðasta þriðjudag (næsti frídagur er líklega ekki fyrr en 8. september) en ég notaði hann ofsalega vel:) ég sló grasið (ég er hætt að tala um gras"flötina" og tala héðan í frá bara um grasið, það er ekki mikið flatt nefnilega, aðallega upp og niður) og svo fór ég á hestbak með Maju uppí Borgarfirði:) við vorum tvo, þrjá tíma á leið úr Norðurárdalnum yfir í Þverársíðuna og við skemmtum okkur konunglega - ferðalagið endaði að vísu ekki sérstaklega vel hjá Maju en við vissum það ekki þarna um kvöldið þannig að þá var þetta alveg afskaplega gaman:)

Ég fékk hest sem heitir Mósi (því hann er mósóttur eða móálóttur) og við vorum mjög ólíkir persónuleikar. Hann vildi alltaf vera fremstur en ekki ég (aðallega því ég vissi ekki hvert ég var að fara) og svo var hann alltaf að prumpa, nema einu sinni þegar það kom með'í beint fyrir framan Maju og Yl ... jamms, við vorum mjög ólík við Mósi en þetta gekk alveg bærilega hjá okkur :) Það voru fimm hestar ferðinni, Mósi, Þytur, Helmingur (heitir Darri en er svo lítill að hann er kallaður Helmingur, ekki sérlega fallegt en fyndið, soldið eins og að hlæja að öryrkjabrandara), Ylur og Flicka og við vorum þrjú fullorðin (Einar bóndinn sem á hestana, Maja og ég sjálf) og tveir litlir strákar (synir Einars) sem skiptust á að vera á Þyt/Helming - þekkti þá tvo ekki í sundur því þeir eru alveg eins á litinn en ég hef ekki hugmynd hvað sá litur heitir því ekki getur verið að þeir séu bara dökkbrúnir?:)

Þegar við vorum hálfnuð tilbaka fékk ég hest til að teyma líka, hún hét Flicka og er rauðblesótt, sokkótt og glófext - minnir mig, dýralitir hafa aldrei verið mín sterkasta hlið ;) ég teymdi hana alveg upp fjall og hálfa leið niður gil hinum megin, alveg þangað til við komum að á, pínkulítil spræna, við vorum margbúin að fara yfir Norðuránna - eða svona "afleggjara" af henni - og þá var ekkert vesen, sýndist mér á Maju sem hélt í hana þá, þannig að ég bjóst ekki við neinu ... Við Mósi fórum yfir ánna en Flicka snarstoppaði á árbakkanum þannig að ég kipptist næstum afturábak af hnakknum og ég missti takið á taumnum. Einar reddaði þessu, hann var á Þyt með Helming í taumi, hann rétti mér tauminn og fór yfir ánna til að ná í Flicku og saman komust þau yfir í svona annarri, þriðju tilraun:)

Eftir ánna fórum við meira niður gilið og á einum stað var svo bratt að ég varð að halla mér aftur, niður brattann, stóð í ístöðunum, með hest í taumi og allt í einu kom svona "vúhúúúú" útum munninn á mér (já, lúði af guðs náð elskurnar mínar) þegar Maja og Einar litu við til að sjá hvort það væri ekki í lagi með mig fann ég mig knúna til að útskýra kallið með því að hrópa, alltof hátt:

Mér líður alveg eins og kúreka!!

Ójá. Sem betur fer var farið að skyggja og það sá mig enginn roðna:)

Og ef einhver er að spá í hvernig minn húmor er þá fór ég að flissa eins og fáviti (og ætlaði ekki að geta hætt, það komu tár) þegar við vorum komin tilbaka því ég fattaði að ég hefði verið með hest, misst hann og fengið Helming tilbaka;)

Góðar stundir

2008-08-07T16:54:00.002Z

Gjörgæslan drap blómið mitt endanlega ... ég setti það inní eldhús eftir vinnu á mánudagskvöldið en þegar ég kom heim úr vinnunni á þriðjudagskvöldið leit það út eins og blár aukaleikari í The Mummy:/ greinilega of heitt inni fyrir blómið sem gefur til kynna að það sé í raun útiblóm en hafi bara drepist því það var svo heitt úti á svölunum mínum, ótrúlegt en satt:)

ég er samt ekki búin að henda því, ég setti það aftur útá svalir í kuldan og rigninguna og svo kemur í ljós hvort það lifni nú kannski barasta við þar sem veðrið er ekki alveg eins gott og undanfarið;)

Og -hvaff, það kemur ekki til greina að ég hætti að halda uppá afmælið mitt! Ekki séns:) ef fólk vill ekki koma því ég á ekki tugafmæli þá þarf það ekkert að koma, ég mun halda uppá það samt og ég er klár á því að fullt af fólki mætir því ég er svo hrikalega skemmtileg og baka svo fína súkkulaðiköku að um hana ganga sögur til næsta bæjar;) ... svo er ég svo léleg í að gera eitthvað skipulagt og skemmtilegt þannig að afmælið er kjörin afsökun fyrir veislu/partý/skemmtiferð;)

Vantar einhverjum svefnsófa? Hann er soldið kominn til ára sinna en er víst í alveg þolanlegu ásigkomulagi, fæst gefins á gott heimili:)

Góðar stundir

2008-08-04T21:15:00.001Z

Kom heim frá Húsafelli í gær:) fór þangað á fimmtudaginn síðasta í góðum hóp og hafði það sérlega gott í mikilli sól og blíðu, kannski aðeins of mikilli sól á köflum því á laugardaginn vorum við farin að leita uppi skugga til að kæla okkur í;)

Alltaf gaman að fara í útilegur og ég er ákveðin í að þessi verði ekki sú síðasta þetta sumarið - ef veður leyfir:) annars var ég að spá í það að halda uppá afmælið mitt með því að afþakka alla pakka og safna liði með mér í Adrenalíngarðinn - hvernig líst fólki á það? endilega bjallið ef þið viljið koma með eða kommentið eða sendið póst ... verið í bandi ef ykkur langar með:)

Annars held ég að ég hafi verið plötuð, aftur.

Ég held að útiblómið mitt sé ekkert útiblóm. Ég held að sölukonan hafi verið að ruglast á blómum, ekki séð blómið sem ég var að kaupa og verið að meina blómið við hliðina. Það var líka blátt, held ég.
Ég held að útiblóm geti ekki óskað sér betra útiveðurs en hefur verið undanfarna viku. Sól og hlýtt á daginn og svo rigning líka í hæfilegum skömmtum - blautum já, en hæfilegum held ég, ef þú ert blóm? Inniblóm hefðu meira að segja verið nokkuð sátt og eflaust lifað af að vera úti yfir nótt og vera úti í rigningunni. Veðrið hefur verið milt og blómvænt í Reykjavíkinni. Fídel hefur meira að segja látið það í friði. Kannski hefði ég átt að taka eftir því betur, Fídel hefur kannski verið að forðast nályktina?

Blómið er sumsé ekki neitt að dafna, það er að blómstra en laufblöðin eru öll að krymplast og deyja:( það á ekki að vera svoleiðis þannig að það er komið inn í gjörgæslu - sjáum hvort blessað blómið hafi það ekki af þegar það fær að standa inni í sólinni, læt ykkur vita:)

Lifið heil

2008-07-28T06:23:00.002Z

Jújú, eðli vinnunar samkvæmt þá er ég ekki sérlega vinsæl meðal kúnnanna. Viðskiptavinirnir telja mig almennt fremur harðbrjósta og kalda þegar ég sé ekki aumur á þeim og leyfi keðjureykingar ... utandyra ... og eftirlitslaust :)

En ég er alls ekki harðbrjósta, bara hreint ekki neitt þó ég segi sjálf frá. Ég er meira að segja allt, allt of lin og það er fáránlega stutt húsmóðurina í Vesturbænum stundum. Sko, fyrstu viðbrögð við fréttum og atburðum eru einum of oft viðbrögð þessarar tegundar húsmóður en þau vara yfirleitt aðeins jafnlengi og kollurinn er að taka við sér og taka stjórnina. Sem betur fer. Þegar ísbjarnynjan (? er þetta orð íslenskugúrúarnir ykkar ?) lagðist á beit í æðarvarpinu fyrr í sumar fékk ég alveg sting í mig þegar ég hugsaði um alla litlu saklausu, loðnu ungana og ósjálfbjarga ungamömmurnar sem ... þið vitið hvað ég er að fara?

Hvert er Syneta eiginlega að fara? Um hvað er hún að tala?

Jú, þannig er nefnilega mál með vexti að ég er búin að vera í hálfgerðu rusli í alla nótt því ég gleymdi nýja blóminu mínu útá svölum í gærkvöldi. Þetta er að vísu útiblóm og það er ekki alveg rétt að hafi "gleymt" því úti, ég tók ákvörðun um að skilja nýja blómið mitt eftir úti þegar ég fór í vinnuna því veðrið var svo gott, spáð þurrki og það verður að leyfa útiblómum að vera úti er það ekki? Það má ekki ræna plöntur eðlinu bara vegna þess að þær geta ekki gert sig skiljanlegar. Það væri rangt og hvað sem kaldlyndinu og miskunnarleysinu kann að líða þá er ég ekki óréttlát ...

Stuttu eftir að ég var mætt í vinnuna byrjaði hins vegar að rigna og svo fór að hellidemba og það hefur ringt nálega í alla nótt. Ég vökvaði blómið í gær þannig að núna er það kannski drukknað? Eða öll bláu blómin rignd í tætlur?

Það kemur í ljós eftir nokkrar mínútur,

lifið heil

2008-07-26T04:38:00.002Z

Jæja, now that I've got your attention :)

geri ekki ráð fyrir að þetta verði sérlega langt blogg því milli fimm og sjö á morgnanna þjáist ég gjarnan af athyglisbrest og hérna í geymslunni aðfaranótt laugardags er ég ekki ein um að þjást af einhvers konar röskun :)

síðan ég bloggaði síðast hef ég:

farið á mótorhjóli um Vestfirðina
farið á tvær bæjarhátíðir á jafnmörgum dögum
hitt frábært fólk
séð Mamma Mia
séð Batman The Dark Knight
horft á fjölda Golden Girls þátta
lamið hendinni svo fast í girðingu að ég hélt ég væri brotin og fór á slysó - reyndist sem betur fer bara illa marin :)
sótt fjölskylduvin á flugvöllinn
keyrt á Jökulsárlón og tilbaka
skoðað nýju hverina í Hveragerði, borðaði í Rauða húsinu á Eyrabakka og fór á Draugasafnið á Stokkseyri
næstum því farið í daglegar gönguferðir með hundinn - og stundum með börn líka
farið í fjöruferðir og farið í fótabað í sjónum, einu sinni með hundinn með mér - næst ætlum við að synda (ég er ekki búin að segja honum frá því ennþá)
ég fékk gefins útiblóm sem stendur í svalahurðinni minni - fer inn og út eftir veðri, eins og kötturinn, nema ég stjórna blóminu ... man því miður ekki hvaða tegund blessaða plantan er en blómin eru blá :)
farið í ísbíltúr
farið í lautarferð
farið í verslunarferð í Kringluna!
farið í matarboð
farið í afmælisveislur

... hmmm, held þetta sé það sem ég hef haft fyrir stafni undanfarið? og líka auðvitað mætt í vinnuna, ég er þar til dæmis núna og var að fá skammir fyrir að vera "klikkað ópersónuleg" - ég tók það ekki inná mig;)

sko mig, mánuðurinn ekki liðinn en ég búin að blogga - sjáum til hvort mér takist að blogga aftur áður en hann er alveg úti;)

Lifið heil og verið góð við hvert annað

2008-07-06T20:10:00.002Z

Ég held það sé kókaín í Eðal toppum.

Lifið heil

2008-07-05T21:36:00.002Z

Það er ekki hægt að saka mig um að hafa verið dugleg að blogga undanfarið en mér til varnar þá er sumarið of stutt til að eyða frítímanum fyrir framan tölvuna ... ekki að ég hafi átt ofgnógt frítíma undanfarið en núna er ég komin í vinnuna aftur og ætti að geta hripað niður eins og svona einu bloggi á 13 tíma vakt:)

... það eru að vísu fimm tímar búnir af vaktinni nú þegar (er ekki örugglega laugardagseftirmiðdagur??) og ég er ekki búin að afkasta sérlega miklu, nema vinnu auðvitað:) ég er farin að hallast að því að eina fólkið eftir í Reykjavík þessa helgi sé annað hvort fólk sem fékk ekki frí og verður að vinna (eins og ég og vinnufélagarnir) eða snarvitlausir rugludallar sem fara allir á stjá í hópum og gera allt vitlaust:)

Þessi hitabylgja sem var spáð núna um helgina er sóllaus en mikið rosalega er heitt? kannski finnst mér bara svona heitt því það er afskaplega erfitt að stilla hitastigið í vinnunni (það var til dæmis skelfilega kalt hérna í allan vetur) og svo þegar ég fer út klæði ég mig upp eins og ég sé á leiðinni á fjöll um vetur - ætli ég myndi sleppa öllum þessum mótorhjólahlífðarbúnaði ef ég byggi í Aþenu? þar var fólk á mótorhjólum í stuttbuxum einum fata ... jú, og með hjálm en sumir létu sér nægja að halda á honum, kannski segja lögin að fólk verði að bera hjálm við akstur en ekki að hafa hann á höfðinu?

... og kannski virkar þessi orðaleikur ekki á grísku? :)

Við fórum í morgunmat niður í bæ í morgun, á Tíu dropa:) ég fer yfirleitt þangað þegar ég fer á kaffihús því það er svo góður staður og hefur ekkert með það að gera að ég þekki eigendurna, nema bara til að byrja með - þá er ég að meina að vinátta og kunnugleiki við eigendur staðarins kom mér á bragðið og nú er ég húkkt:) en Gunni Palli kokkur (sem ég hef ekki hugmynd um hver er) er alveg sammála mér með að Tíu dropar er heimsóknarinnar virði:) Kíkið endilega sjálf - ég mæli með öllu sem ég hef smakkað þar hingað til;)

Annars fer ég ekki nógu oft á kaffihús þessa dagana ... ég held ég hafi farið síðast á kaffihús í apríl, á Tíu dropa einmitt ... kannski ég fari að stunda þau meira þegar líður að hausti og í vetur?:)

Jú, ég held ég geri það barasta - eruði ekki memm?:)

Lifið heil og ekki vera rugludallar

2008-06-26T04:49:00.001Z

Ég er að horfa á So I Married an Axe Murderer og mér finnst afskaplega erfitt að venjast þeirri tilfinningu að Shrek sé að "tala fyrir" Mike Myers:)

... kannski er það vísbending um að ég hafi horft of oft á Shrek myndirnar?:)

nah, ekki möguleiki að horfa of oft á svona háklassa bíómyndir, er það nokkuð?;)

ég er í vinnunni núna og klukkan er að slefa í fimm, tíminn milli fimm og sjö líður stundum afturábak hérna í geymslunni - þá er ég yfirleitt orðin þreytt, allt dottið í dúnalogn, fólk sofnað og lítið að gerast - síðustu nótt var hins vegar mikið stuð á viðskiptavinunum og allt annað en rólegt nema bara rétt undir klukkan sjö. Það var einn kúnninn sem kunni sérlega illa við innilokunina (það kann að sjálfsögðu enginn vel við hana en fólk bregst afskaplega mismunandi við orðnum hlut, vægast sagt).

Þessi barði hurðina stöðugt og án hlés í nokkra klukkutíma. Hurðin er úr stáli og höggin eiga það til að síast inn í undirmeðvitundina mína og líkamann þannig að ég spennist öll upp án þess að vita almennilega af því. Það er yfirleitt ekki fyrr en ég er komin heim sem ég fatta að ég er öll stíf í öxlunum og þreytt í bakinu eftir hávaðann. Ekkert sem heit sturta fyrir svefinn lagar ekki, en það var ekki svo auðvelt í morgun. Í gærdag voru nefnilega settir upp pallar beggja vegna við húsið við hliðina á mér. Tilgangur pallanna er allsherjar yfirhalning á húsinu, steypuviðgerðir, málun og að mér sýnist glugga- og þakskipting. Þessum framkvæmdum fylgja högg og ég var nýsofnuð þegar mennirnir byrjuðu að vinna og berja húsið að utan ... til að gera langa sögu stutta þá svaf ég afskaplega laust í allan dag því mig dreymdi í sífellu að ég væri í vinnunni (því höggin voru sambærileg við hávaðann sem einkenndi síðustu nótt) og ekki að sinna henni heldur lægi sofandi á vaktinni, hálfgerð martröð í allan dag - ég er greinilega samviskusöm í svefni líka:)

Góðar stundir

2008-06-17T09:17:00.003Z

Gleðilega þjóðhátíð rúsínurnar mínar!!

Skjaldarmerkið er fengið af síðu forsetans, textinn undir myndinni er merkilega óskiljanlegur, ég varð lesa hann tvisvar (rólega í seinna skiptið) til að skilja hver var hvað, samt vissi ég það - kannski ætti einhver að gera forsetavefinn aðeins skiljanlegri? og þá er ég ekki að tala um að breyta stílnum, þessi stíll er að sjálfsögðu viðeigandi á vef forsetans en myndatextinn er bara rugl;)

og talandi um texta, ætli þessi frétt á mbl.is sé þýdd?:
Manson fékk fjögur úr fjölskyldunni, Atkins, sem var 22 ára, Charles „Tex" Watson, sem var 25 ára, Patriciu Krenwinkel, 22 ára og and Lindu Kasabian, 20 ára, til að myrða Tate og vini hennar.
[feitletrun mín]

Hvað um það:)

Pálína og Hákon eru að fara að gifta sig í dag:)
ég fer í brúðkaupið beint eftir vinnu og það er ekki laust við að ég hlakki til, ef ég er spennt (og stend algerlega utan við þetta allt saman nema sem venjulegur gestur) get ég ekki ímyndað mér hvernig sjálfum brúðhjónunum líður:) og ég held að sé ekki hægt að panta betra brúðkaupsveður;)

Jamms, ég er farin að hallast að því að 17. júní sé bara allt í lagi dagur - þrátt fyrir vangaveltur fyrri ára eru margir góðir 17. júníar þarna í fortíðinni og mér finnst einhvern vegin eins og það hafi alltaf verið sól þennan dag?

... og núna er ég farin út í hana:)

Lifið heil og skemmtið ykkur vel í dag

2008-06-14T14:14:00.002Z

Jæja, haldiði að ég hafi ekki verið að vinna 1500 króna afslátt af brazilísku vaxi! Gaman að því en held að ég eigi ekki eftir að nota það þannig að ég er að hugsa um að bjóða það í skiptum - ég má sko gefa alla vinningana sem ég fæ á Núinu ef ég held að ég muni ekki nota þá sjálf:)

Nú stendur afsláttur af brazilísku vaxi til boða fyrir hvern þann sem getur hjálpað mér að finna gott "öryggisafrit" af heimildarþáttaseríunum The Long Way Down og The Long Way Round!!? Ég á líka 2 fyrir 1 bæði á James bönd og Grensásvídeói ef viðkomandi vill það heldur? Fyrir utan vaxið og vídeóspólurnar mun ég vera mjög þakklát og hver vill ekki að ég skuldi þeim greiða?

Önnur öryggiseintök væru einnig vel þegin, bíómyndir/þættir sem þið hafið gaman af og haldið að ég myndi fíla ... og allt matsjó auðvitað, bróðir minn er nefnilega að fara til Afganistans eftir nokkra daga og ég á bara ekki neitt (aldrei þessu vant) til að senda með honum:/

Hugsið málið og skoðið hörðu diskana ykkar, eigiði eitthvað handa mér rúsínurnar mínar?

Lifið heil, góðar stundir og verið í bandi!

2008-06-10T18:51:00.003Z

Ég man ekki hvenær ég skipti síðast um ljósaperu, ég hef óljósar minningar um að standa á stiga inná baði og skrúfa krónuna úr til að skipta um peru en ég man ekki fyrir mitt litla hvenær það var ... og það er svo langt síðan að ég keypti ljósaperu að ég veit ekki einu sinni hvar þær fást? er hægt að kaupa venjulegar perur í stórmörkuðum?

ég var einmitt í stórmarkaði áðan, þar hitti ég Deezu og hjásvæfuna, gaman að hitta þau, aldrei hitt hann og hef ekki hitt hana lengi, lengi ... samt er styttra síðan ég hitti hana en síðan ég skipti um peru ... eða finnst mér það kannski bara vegna þess að ég les blogg og er meðlimur á Facebook?

skapa blogg og Facebook gervinánd? kannski finnst mér ég bara lifa fínu félagslífi vegna þess að ég á svo marga vini á Facebook og fylgist með svo mörgum bloggum? kannski? nei, varla, það að ég man ekki hvenær ég skipti síðast um peru hlýtur að sýna hvað ég er lítið heima er það ekki? alltaf útá lífinu krakkar, endalaust;)

jamms, eða heima í myrkri? ;)

Lifið heil

ofnhanski

2008-06-07T05:30:00.002Z

Hurðu, svo bara komst ég ekkert í að blogga:)

Ég var að vinna sko, mjög skiljanlegt að ég skuli ekki hafa haft tíma til að sitja og sinna einkaerindum í tölvunni og allt það:) en svolítið skeflilegt kom fyrir á leiðinni heim!

Ég var að keyra í mesta sakleysi - ég var á bílnum, ekki hjólinu því allt draslið sem fylgir hjólinu var í þurrki eftir svaðilfarir fimmtudagskvöldsins ... sem ég mun segja frá við betra tækifæri - þegar ég á ekki að vera að fara að sofa til dæmis:)

Hvað um það, er að keyra heim og vitiði hvaða lag kom í útvarpinu???!!

Dansi, dansi dúkkan mín!!

Reynið að sofna við það á rípít í höfðinu:D

Góðar stundir

2008-06-06T11:18:00.002Z

Ég ætla að blogga á eftir en ekki fyrr en á eftir, núna ætla ég að herma eftir Frekjunni, hún er alltaf með afskaplega skemmtileg föstudagsmyndbönd, hérna er mitt:

Góðar stundir

2008-06-03T00:59:00.004Z

Hurðu, ég fór ekki í leikhús á laugardaginn - kvöldið endaði á pizzu, poppi, kúr og Karate Kid:) afskaplega ljúft og Karate Kid svíkur aldrei, ég keypti allar fjórar myndirnar úti og ég er afskaplega ánægð með þau kaup:)... ég veit, ég á að vera vaxin uppúr svona en, en ... þetta er svona box-sett, allar fjórar (I, II, II og Next Karated Kid með Hillary Swank) og var á tilboði ... Die Hard I-IV voru líka á tilboði;)

ég keypti nokkrar DVD úti;)

vissuð þið að það er fyrirtæki í Reykjavík sem er með afskaplega líkt lógó og það sem frú Miyagi saumaði út og var lógóið hans Daniel LaRusso á mótinu fræga?
Fyrirtækið heitir Sólgarðar og lógóið þeirra er tré fyrir framan gula sól:

Karate Kid merkið er merkilega svipað, bara ekki alveg eins, tréið er minna en sólin og bonsailegra ... ég fann ekki mynd á netinu þannig að ykkur verður að nægja þessi paint mynd sem ég gerð sjálf (enda mikill listamaður) þangað til þið horfið sjálf á myndina aftur;)

þið getið jafnvel haft samband og beðið afskaplega fallega og það er aldrei að vita;)

fríið er annars ekki alveg eins og ég ætlaði mér en samt afskaplega ljúft, ég keypti dekk undir hjólið í dag, T63 dekk frá Michellin þannig að núna eru mér bókstaflega allir vegir færir;)

út að borða og svo fundur í Grindavík annað kvöld, never a dull moment;)

Lifið heil

2008-05-31T03:58:00.003Z

Þá er síðasta vaktin í törninni langt komin - og ég er að hugsa um að fara í leikhús í kvöld, laugardagskvöld ... mig langar til að sjá Dauðasyndirnar því ég þekki aðstoðarleikstjórann, mig langar líka til að sjá Mr Skallagrímsson og Brák og þessi sagnakeppni þeirra er rosalega spennandi:) ætla að sjá til hvernig ég vakna hvað ég geri, er einhver maður í leikhús?

ég þarf líka að taka til heima ... hef eiginlega ekkert verið heima síðan ég kom til landsins og er ekki einu sinni búin að ganga frá ferðatöskunni ennþá:) en Fídeli er sama eins lengi og ég eyði þeim litla tíma sem ég er heima með honum;)

gallinn við næturvaktir er að vaktafríið er svo stutt (samt lengra en helgarfrí þannig að ég er alls ekki neitt að kvarta, alls ekki neitt) en á milli dagvakta og næturvakta eru næstum því alveg fimm dagar:) ég hef verið að hugsa um það undanfarið hvort ég hafi gert vitleysu með að hafna klikkháum launum fyrir að vera á ekki-svo-háum launum og meira í fríi - ég er nokkuð viss um að ég hafi valið rétt en ég verð sannfærð um það ef mér tekst að nota þessi vaktafríi í sumar:) ef ég geri það ekki vel ég launin næst þegar ég spái í vinnu;)

Lifið heil

2008-05-30T05:28:00.002Z

Jarðskjálftinn maður!

Ég vaknaði við hann og vissi ekki alveg hvað gekk á, nógu ringluð er ég yfirleitt þegar ég vakna svona um miðjan dag eftir næturvaktir til að ekki bætist við að vera vakin við jarðskjálfta. Rúmið lék á reiðiskjálfi, ég lyfti höfðinu frá koddanum og horfði beint í augun á Fídel sem virtist vera alveg jafnruglaður á þessari truflun og ég. Eiga dýr ekki að vera hrædd við jarðskjálfta? Hann geispaði og teygði úr sér þannig að ég lagðist bara aftur á koddann og ætlaði að sofa aðeins lengur þegar meðvitundin fattaði að þetta hlyti að hafa verið jarðskjálfti ... þannig að ég gerði það eina í stöðunni, stóð upp og kíkti útum gluggan, jú, hjólið stóð ennþá þannig að ég fór bara aftur uppí rúm:) gat að vísu ekki sofnað aftur því ég var víst alveg búin að sofa í að verða átta tíma þannig að ég fór á fætur og maður lifandi hvað ég var með miklar harðsperrur!

ég fór nefnilega á hestbak með Frekjunni á miðvikudagskvöldið og skemmti mér konunglega:) það eru komin nokkur ár síðan ég fór á bak síðast en ég er að hugsa um að láta ekki eins langan tíma líða áður en ég fer næst ... og ekki bara útaf harðsperrunum;) en mér skilst að "seasonið" sé að verða búið sem er synd því ég hefði haldið að það væri skemmtilegast að stunda hestasportið á sumrin? vera að moka skít og frjósa í hel allan veturinn og senda svo alla hestana í sveit um leið og veðrið fer að vera gott:) skringilegt sport, en ábyggilega rosalega gefandi;)

en eitt sem böggar mig alltaf reglulega, rakvélar! Hvað er málið með að vera alltaf að breyta rakvélum sem virka bara fínt, takk fyrir, og setja nýjar og nýjar rakvélar á markaðinn og hætta að selja rakblöðin í þessar gömlu?? Ég var mjög sátt við mína rakvél en svo hættu þeir að selja þær og loks var ekki hægt að fá blöð í hana lengur - ég komst þó upp með að nota hana lengur en flestar býst ég við því það var enn verið að selja blöðin í hana í Ungverjalandi þannig að ég keypti tvo pakka:)
þó kom að því að ég kláraði blöðin og varð að kaupa mér nýja vél um daginn og ég er ekki sátt! Þetta er glæný vél en rakvélablöðin eru handónýt (jafnvel þegar þau eru splunkunýkomin úr umbúðunum) þannig að ég geri ekki ráð fyrir að þessi vél verði lengi á markaðinum - hún virkar bara alls ekki - sem þýðir að ég verð að kaupa mér nýja vél aftur ... kannski er ódýrara að kaupa bara einnota? hvað gerið þið?

Lifið heil

2008-05-29T02:33:00.003Z

Afskaplega er Facebook skemmtilegt:) ef ekki væri vegna þess myndi ég eflaust ekki vita af því að vinir mínir hafa ... voted on your strengths and weaknesses:

STRENGTHS:
best companion on a desert island
most artistic
merriest

WEAKNESSES:
best dancer
most organized

ekki slæmt að fólk vilji fara með mér á eyðieyju, ég er meira að segja fremur upp með mér en kommon!! þið getið ekki sagt að ég sé slæmur dansari, óskipulögð já, kannski er það rétt, en þið sem eruð að kjósa um danshæfileika mína getið ekki hafa séð mig dansa! ég er "on fire" þegar ég kemst í návígi við dansgólf! ég er að segja ykkur það:)

jamms, klukkan er að verða þrjú um nótt og ég er að skipuleggja sumarið - er á leiðinni í Húsafell eftir nokkra daga, stefni á að kíkja á Akureyri seinna í sumar til að hitta nokkrar stelpur og hvolp, fer væntanlega hringinn með tveim heiðurskonum og ... :)

sem minnir mig á það, hefur þig alltaf langað til að læra á línuskauta? ert þú línuskautari "inní" þér en vantar að læra að tjá það? keyptirðu línuskauta fyrir löngu en notarðu þá aldrei? ertu laus 5. júní klukkan 18:00? vertu í bandi, það er verið að safna liði til að fá námskeiðið ódýrar og auðvitað, the more the merrier:)

Góðar stundir

2008-05-28T04:49:00.003Z

Jújú, það hefur sést til mín í Reykjavík undanfarna viku - suma hef ég meira að segja farið að hitta viljandi þannig að ég get víst ekki lengur farið huldu höfði og haldið út þessa bloggþögn mikið lengur:)

Ferðin var afskaplega góð, bæði Miðjarðarhafið og tíminn sem ég var í London. Ég lærði margt og gerði fleira og veit ekki alveg á hverju ég á að byrja ...

- Titanic brandarar eru ekki sérstaklega vinsælir um borð í skemmtiferðaskipum
- aldrei spyrja Tyrkja hvort eitthvað matarkyns sé sterkt eða ekki
- mamma og pabbi eru ofsalega skemmtilegt og gott fólk sem á fullt af skemmtilegum og góðum vinum (þetta vissi ég þó en fékk enn og aftur staðfest í ferðinni)
- ég man ennþá danssporin við Macarena og Saturday Night og kann ennþá textann við Black and White með Michael Jackson, rappið líka:)
- ég dansaði við lög sem ég fílaði fyrir fimmtán árum og skemmti mér konunglega í marga, marga klukkutíma
- úr Strombolini eldfjallinu koma víst einhvers konar "volcanic bombs" samkvæmt skipstjóranum okkar
- Norðmenn geta líka verið fyndnir, skipstjórinn okkar var Norðmaður og endaði stundum skipstjóraávörpin sín með brandara á borð við: A man walked into the doctors office with a carrot in one ear and a banana in the other. He said: Doctor, I think I'm loosing my hearing. The doctor said: my dear Sir, your problem is not your hearing it's that you are not eating properly! Geri aðrir betur:)
- Góa er alvöru borg á Indlandi ekki bara nammitegund
- það er hægt að búa til smjör-líkan af öllu, ég tók myndir
- það er til ódýr búð við Oxford Street
- stórstjörnur ganga um Londonborg, ég mætti Antony Hopkins á Piccadilly:)

... og svo framvegis:)

núna er ég komin aftur í vinnuna, á næturvaktir og farin að eiga afskaplega misgáfulegar samræður við viðskiptavinina:

"nei, þú færð ekki að reykja núna, það er mið nótt og þú ert í opinberri byggingu"
"samkvæmt Mannréttindasáttmálanum á ég að fá að reykja á klukkutíma fresti eftir tvo tíma" (held það þýði að hann eigi að fá að reykja á klukkutíma fresti þegar hann er búinn að sitja inni í tvo tíma? ekki að það skipti máli, það eru engin ákvæði í Mannréttindasáttmálanum um reykingar manna í skammtímavistun, já, ég er 100% viss)
"nei, það er ekki rétt"
"heyrðu, veistu hver ég er? ég heiti Gísli Eiríkur Helgason (hann sagði nafnið sitt en ég ætla að sjálfsögðu ekki að hafa það eftir) og er Nóbelsverðlaunahafi, ertu eitthvað rugluð??!!"

hverju er hægt að svara svona spurningu?:)

Annars er ég komin aftur og mun væntanlega blogga fljótlega:)

Lifið heil

2008-05-15T17:26:00.002Z

Sæl verið þið öll og blessuð:)

ég er enn á lífi þó ég sé ekki enn komin til landsins - bara í netsamband hérna í Londoninni þar sem ég verð þangað til í næstu viku:)

siglingin var skínandi snilld og ég mæli hiklaust með svona ferðum fyrir alla sem hafa áhuga á lúxus, ég er að vísu svolítið skemmd eftir þetta allt saman - fer ekki vel með fólk að gista á fimm stjörnu hóteli í tvær vikur og koma svo aftur í raunheiminn eftir að hafa vanist því;) enginn til að draga út stólinn þegar ég ætla að setjast/standa upp, enginn sem hellir í glasið mitt, býr um rúmið á morgnanna og gerir það tilbúið á kvöldin, tæmir ruslið (ÞRISVAR á dag!) etc. etc.:)

ég fékk samt smá dempara á lúxusinn þannig að ég er ekki eins ónýt og ég væri ef ég hefði getað notið allra þægindanna allan tímann, ég fékk nefnilega kvef eins og mér er einni lagið og eyddi nokkrum dögum í rúminu áður en ég fór á fúkkalyf til að redda því sem eftir var af siglingunni;)

núna er ég hins vegar á leiðinni á pöbb quiz sem ég stefni að sjálfsögðu á að vinna:)

Lifið heil